ჰანოვერის სავაჭრო და სამრეწველო პალატამ 5 ნოემბერს გამართა ღონისძიება თემაზე – „საქართველო და სომხეთი – ევროკავშირის აღმოსავლეთ პარტნიორობის წევრები“.

მომხსენებლებს წარმოადგენდნენ იოსებ ჩხიკვიშვილი (საქართველოს საელჩო ბერლინში), თომას კიმესვენგერი (გერმანიის ეკონომიკური გაერთიანების დირექტორი საქართველოში), პროფ. დოქტ. ფოლკერ რომერმანი (Römermann Rechtsanwälte AG), დიტმარ კარლ შტილი (გერმანიის ეკონომიკური გაერთიანების დირექტორი სომხეთში) და ანა ურუმიანი (ქვემო საქსონიის წარმომადგენლობა რუსეთში).

მოხსენებების შემდეგ მონაწილეებს ქვეყნების ტიპური სამზარეულოსა და ქართული ღვინის დაგემოვნების საშუალება მიეცათ.