LEARNTEC ევროპაში ციფრული განათლების მიმართულებით ყველაზე დიდი ღონისძიებაა, რომელიც გაიმართება 2025 წლის 6-8 მაისს, ქალაქ კარლსრუში.

გამოფენა განკუთვნილია საგანმანათლებლო დაწესებულებებისთვის, IT სპეციალისტებისთვის, კომპანიებისთვის ციფრული განათლების სფეროდან და ყველა იმ დაინტერესებული პირისთვის, ვისაც სურს გაეცნოს განათლების სფეროში არსებულ უახლეს ტექნოლოგიებსა და მეთოდებს.

LEARNTEC არის ინოვაციური პროდუქტებისა და სერვისების პლატფორმა, რომელიც ხელს უწყობს განათლების სფეროს დიგიტალიზაციას.

გამოფენაზე წარმოდგენილი იქნება 400-ზე მეტი ექსპონენტი და 600-ზე მეტი მომხსენებელი, რომლებიც სამი დღის განმავლობაში გაგიზიარებენ თავიანთ ცოდნასა და გამოცდილებას გამოფენების, ვორქშოფებისა და მრავალფეროვანი კონგრესის პროგრამის ფარგლებში. ამ გზით თქვენ შეძლებთ, გაეცნოთ კლასიკური E-Learning-ის თანამედროვე ინსტრუმენტებსა და სამომავლო ტენდენციებს.

რატომ LEARNTEC?

LEARNTEC თავისი მიმზიდველი მდებარეობით ევროპის შუაგულიდან, გთავაზობთ იდეალურ პლატფორმას ევროპულ ბაზარზე შესასვლელად, საქმიანი ურთიერთობების დასამყარებლად და E-Learning-ის სფეროში არსებული სიახლეებისა და პროდუქტების გასაცნობად.

რა დაგხვდებათ გამოფენაზე?

LEARNTEC 2025-ზე ასევე გაიმართება დელინას ყოველწლიური დაჯილდოება ციფრული განათლების განვითარებაში შეტანილი წვლილისთვის, რომელიც გაიცემა ოთხ კატეგორიაში:

1. განათლება ადრეულ ასაკში და სკოლა
2. უნივერსიტეტი
3. განათლება და გადამზადება
4. საზოგადოება და უწყვეტი სწავლა

დაჯილდოვდებიან ის კონცეფციები და პროექტები, რომლებიც ინოვაციურ ტექნოლოგიებსა და მედიას ყოველდღიურ სწავლების პროცესთან აკავშირებენ. დელინა 2025-ზე განაცხადის მიღება დაიწყება 2024 წლის სექტემბრის ბოლოდან (ზუსტი თარიღი უახლოეს მომავალში გახდება ცნობილი). დამატებითი ინფორმაცია და განაცხადის ფორმები გამოქვეყნდება ოფიციალურ ვებგვერდზე.

სტენდის რეგისტრაციისთვის ეწვიეთ ამ ბმულს.  სტენდის სასურველი ფართობის ხარჯების გამოსათვლელად ეწვიეთ LEARNTEC-ის ვებგვერდს.

LEARNTEC 2025-ზე დასწრების მსურველთათვის  დამატებითი ინფორმაცია  ბილეთების შეძენასთან დაკავშირებით, გამოქვეყნდება 2025 წლის დასაწყისში.

დამატებითი ინფორმაციის მისაღებად გთხოვთ, დაუკავშირდეთ ქ-ნ სალომე მუმლაძეს შემდეგ ელ. ფოსტაზე:  salome.mumladze@dwv.ge