გერმანიის ეკონომიკურმა გაერთიანებამ (DWV) 11 სექტემბერს წევრები Germany Trade and Invest (GTAI)-თან ერთად გამართულ „ექსპერტთან დისკუსიის“ ფორმატის ღონისძიებაზე მიიწვია.

GTAI-ს რეგიონალუმაი მენეჯერმა და ცენტრალურ აზიასა და სამხრეთ კავკასიაზე პასუხისმგებელმა დოქტ. უვე შტრობახმა, „ექსპერტთან დისკუსიის“ ფარგლებში წაიკითხა მოხსენება თემაზე „ცენტრალური აზიის ბაზრის გამოწვევები და რისკები“.

რეგიონზე მოკლე მიმოხილვის შემდეგ, დოქტ. შტრობახმა ცენტრალური აზიის ხუთი ქვეყნის ბაზარი ინდივიდუალურად წარადგინა. ამასთანავე, მან ამომწურავად ისაუბრა აქტუალურ და სამომავლო შანსებსა და გამოწვევებზე, განსაკუთრებით ახლად განვითარებად უზბეკურ ბაზართან დაკავშირებით.

ასევე, ქვეყნების შედარებაზე ეკონომიკური განვითარებისა და შესაძლო გლობალური თანამშრომლობის ტენდენციების კუთხით საინტერესო დისკუსია გაიმართა. გარდა ამისა, მონაწილეებს საშუალება მიეცათ ღონისძიების შემდეგ ფურშეტზე პირადად გასაუბრებოდნენ სპიკერს.

პრეზენტაცია შეგიძლიათ იხილოთ აქ.