2023 წლის 22 ივნისს გერმანიის ეკონომიკური გაერთიანება თავის წევრ „ტიფლისტექს“-ს ეწვია.

TIFLITEX არის ქართული წინდების პირველი მწარმოებელი ქარხანა საქართველოში. ქარხანა აღჭურვილია უახლესი იტალიური ტექნოლოგიის დანადგარებით, რაც ევროპული სტანდარტების შესაბამისი უმაღლესი ხარისხის წინდების დამზადების საშუალებას იძლევა.

დასაწყისში სტუმრები ქარხნის ეზოში მიგვიღეს და მისასალმებელი სასმელით გაგვიმასპინძლდნენ. „ტიფლიტექსის“ გენერალურმა დირექტორმა, გიორგი გაჩეჩილაძემ, ქარხანა დაგთვალიერებინა და ცალკეული დანადგარების მუშაობის თავისებურებები აგვიხსნა. ვესტუმრეთ, ასევე, Graphics-ის სტამბას, რომელიც იმავე ტერიტორიაზე მდებარეობს. აქ იბეჭდება ჩვენი ყოველწლიური ბეჭდური გამოცემები.

ტურის შემდეგ სტამბის შიდა ეზოში გადავინაცვლეთ, სადაც ბარბექიუ და სასიამოვნო მუსიკა დაგვხვდა. წვიმის მიუხედავად, ღია კარვების ქვეშ დრო მხიარულად და სასიამოვნოდ გავატარეთ.

მადლობას ვუხდით ტიფლისტექსს ამ შესანიშნავი დღისთვის და ვუსურვებთ წარმატებებს!