ბავარიის ეკონომიკის სამინისტროს პროექტის “Bayern – Fit for Partnership” ფარგლებში, ბავარიამ კვლავ უმასპინძლა ქართულ კომპანიებს, რომლებსაც შესაძლებლობა ჰქონდათ გაცნობოდნენ ადგილობრივ მწარმოებლებს. ამჯერად, მთავარ თემას წარმოადგენდა წყალმომარაგება და წყალარინება.

ზემოთაღნიშნული პროექტი Bayern International-ის ორგანიზებით ჩატარდა და როგორც გასულ წლებში, ისე ახლაც, პროფესიონალური მასპინძლობა გაეწია ქართული კომპანიების წარმომადგენლებს.

მონაწილეებს შესაძლებლობა მიეცათ გაცნობოდნენ, როგორც სახელმწიფოს როლს წყლის მართვის მიმართულებით, ისე წყალმომარაგების და წყალარინების სფეროში მოღვაწე ბავარიულ კერძო კომპანიებს. პროგრამით გათვალისწინებული იყო აგრეთვე, ორი წყალგამწმენდი ნაგებობის დათვალიერება. ქართული და ბავარიული კომპანიების წარმომადგენლებმა უშუალოდ გაიცნეს ერთმანეთი და ისაუბრეს სამომავლო თანამშრომლობის შესაძლებლობების შესახებ.

დელეგაციის ვიზიტის დასასრულს, ბავარიის ეკონომიკის სამინისტროში გაიმართა ოფიციალური მიღება, რომელსაც დაესწრო გერმანიაში საქართველოს საპატიო კონსული, ბატონი დოქ. კლაუს ჰიპი.

მონაწილეების მხრიდან ძალიან პოზიტიული შეფასება დაიმსახურა აგრეთვე, ზემო ბავარიისა და ქ. მიუნხენის სავაჭრო პალატის აკადემიამ, რომელმაც უშუალოდ განახორციელა პროექტი ბავარიაში. DWV მჭიდროდ თანამშრომლობს Bayern International-თან და მომავალშიც ჩაერთვება ქართული კომპანიებისთვის მსგავსი ტიპის დელეგაციების ვიზიტების ორგანიზებაში.