ქართული კომპანიების და ორგანიზაციებისთვის უკვე კარგად ნაცნობი პროგრამის “Bayern – Fit for Partnership” ფარგლებში, დაგეგმილია დელეგაციის ვიზიტი ბავარიაში, რომლის მიზანს წარმოადგენს კვების მრეწველობის დარგში ინოვაციური ტექნოლოგიებისა და ტენდენციების გაცნობა. 2022 წლის პროექტის თემა არის „დანადგარები და ტექნოლოგიური სიახლეები სურსათის და სასმელების წარმოებასა და შეფუთვისთვის “. შესაბამისად, მიზნობრივ ჯგუფს წარმოადგენს საკვები პროდუქტების და სასმელების მწარმოებელი კომპანიები, რომლებიც დაინტერესებულნი არიან თანამედროვე საწარმოო მანქანა-დანადგარებით და შესაფუთი ტექნოლოგიებით.

გერმანიის ეკონომიკური გაერთიანება (DWV), როგორც პროექტის ადგილობრივი პარტნიორი, კვლავ გიწვევთ მონაწილეობის მისაღებად აღნიშნულ პროგრამაში. დელეგაციის ვიზიტი დაგეგმილია 2022 წლის 12–დან 16 სექტემბრის ჩათვლით, ბავარიაში (გერმანია).

პროექტი ხორციელდება გერმანიის ავტონომიური ოლქის, ბავარიის ეკონომიკის, ენერგეტიკის და ტექნოლოგიის სამინისტროსთან თანამშრომლობით. პროგრამის ორგანიზატორები არიან გერმანიის ეკონომიკური გაერთიანება, Herbertz Dairy Food Service და Bayern International.

პროექტში მონაწილეობისთვის სავალდებულოა რეგისტრაცია 3 ივლისამდე. დაინტერესების შემთხვევაში დაგვიკავშირდით შემდეგ ელ. ფოსტაზე: maria.bregadze@dwv.ge.

რეგისტრაციის დასრულებიდან დაახლოებით ორ კვირაში მოხდება შერჩეულ კომპანიებთან/ორგანიზაციებთან დაკავშირება.