2023 წლის 2 მარტს სასტუმრო პულმან თბილისი აქსის თაუერსში გაიმართა გერმანიის ეკონომიკური გაერთიანებისა (DWV) და აუდიტორული და ბიზნეს-საკონსულტაციო კომპანია Grant Thornton-ის ერთობლივი ტრენინგი თემაზე: „მოგების გადასახადის პრაქტიკული კურსი“.

ტრენინგის ფარგლებში, მონაწილეებმა მიიღეს თეორიული ცოდნა და პრაქტიკული გამოცდილება შემდეგი მიმართულებებით:

• მოგების გადასახადის ე.წ. „ესტონური“ მოდელის დეტალური განხილვა;

• მოგების გადასახადით დასაბეგრი ბაზის სწორად განსაზღვრა;
• სიტუაციური სახელმძღვანელოების და ქეისების გაცნობა;

• მოგების გადასახადის ყოველთვიური დეკლარაციის სწორად შედგენა.

სამიზნე აუდიტორია: ბუღალტრები, აუდიტორები, ფინანსური მენეჯერები და, დაინტერესების შემთხვევაში, სხვა სპეციალისტები.

ტრენინგის პროგრამა:

• მოგების გადასახადის გადამხდელის განსაზღვრა (ვის ეხება მოგების გადასახადის არსებული მოდელი და ვისთვის არ შეცვლილა დაბეგვრის ძველი რეჟიმი);

• მოგების გადასახადით დაბეგვრის ობიექტი;

• საანგარიშო პერიოდი, დასაბეგრი თანხა და გადასახადის განაკვეთი;

• განაწილებული მოგება;

• გაწეული ხარჯი ან სხვა გადახდა, რომელიც ეკონომიკურ საქმიანობასთან დაკავშირებული არ არის;

• უსასყიდლოდ საქონლის მიწოდება/მომსახურების გაწევა ან/და ფულადი სახსრების გადაცემა;

• წარმომადგენლობითი ხარჯების დაბეგვრა;

• გადასახადისაგან გათავისუფლება;

• მოგების გადასახადის ჩათვლა;

• პრაქტიკული მაგალითები – ქეისები/ მანუალები;

• პრაქტიკული ამოცანის განხილვა დეკლარაციის შევსებით.

მომხსენებლები: ნათია ჩაგანავა, Grant Thornton-ის საგადასახადო განყოფილების მენეჯერი; ქეთევან ღამბაშიძე, Grant Thornton-ის საგადასახადო განყოფილების ხელმძღვანელი.

ტრენინგს ესწრებოდნენ გერმანიის ეკონომიკური გაერთიანების წევრი და არაწევრი კომპანიის წარმომადგენლები, მათ შორის: კს ვიორვაგ ფარმა ჯი ემ ბი ეიჩ და კო.კგ-ს წარმომადგენლობა საქართველოში, შპს ნუტრიმაქსი, შპს მეიჯერელ საქართველო და სხვა.