13 ნოემბერს, გერმანიის ეკონომიკური გაერთიანებისა (DWV) და სამეცნიერო კიბერ უსაფრთხოების ასოციაციის (SCSA) ორგანიზებით ჩატარდა ტრენინგი თემაზე: „შესავალი პრაქტიკულ კიბერ უსაფრთხოებაში“.

ტრენინგს უძღვებოდნენ სამეცნიერო კიბერ უსაფრთხოების ასოციაციის (SCSA) პრეზიდენტი, კავკასიის უნივერსიტეტის კიბერ უსაფრთხოების მიმართულების ხელმძღვანელი, პროფესორი მაქსიმ იავიჩი და SCSA-ს პროექტების მენეჯერი, კავკასიის უნივერსიტეტის მოწვეული ლექტორი და კიბერ უსაფრთხოების ექსპერტი, ბატონი გიორგი იაშვილი.

ტრენინგის მიზანი იყო მონაწილეებს გაეცნოთ პრაქტიკული კიბერ უსაფრთხოების ძირითადი ასპექტები, გააანალიზებულიყო არსებული საფრთხეები და თავდასხმები კიბერ სამყაროში, მსმენელებსს შეესწავლათ მომხმარებლის უსაფრთხოების საკვანძო საკითხები და დაენახათ კიბერ უსაფრთხოების აქტუალურობა რეალური მაგალითების საფუძველზე.

ტრენინგს ესწრებოდნენ DWV-ს წევრი და არაწევრი კომპანიები, მათ შორის: მწვანე ალტერნატივა, ეფ1 აკადემია, ტიფლის პალასი, ავერსი-ფარმა, კნაუფ გიპს თბილისი, ეგზოტური, ფრიდრიხ ნაუმანის ფონდი თავისუფლებისათვის, 1 სოფტი და სხვები.

ტრენინგის დასრულების შემდეგ გაიცა სერთიფიკატები.