2024 წლის 10 ივლისს, ექსკლუზიურად DWV-ს წევრებისთვის, Rooms Hotel Tbilisi-ში, გაიმართა გერმანიის ეკონომიკური გაერთიანებისა(DWV) და გერმანიის საერთაშორისო თანამშრომლობის (GIZ) ერთობლივი სემინარი თემაზე: „თანამშრომელთა ჩართულობისა და შენარჩუნების ხელოვნება“, რომელსაც უძღვებოდნენ ტრენერები ანა სიჭინავა და დეა ჩხაიძე.

სემინარი იყო ინტერაქტიული და მოიცავდა როგორც თანამედროვე კვლევების განხილვებს, ასევე პრაქტიკულ სავარჯიშოებსა და კითხვა-პასუხის სესიებს.

სემინარზე განვიხილეთ ადამიანური კაპიტალის დაგეგმვაში არსებული გამოწვევები და შესაძლებლობები, ასევე მონაწილეები გაეცნენ კვალიფიციურო კადრების შექმნისა და მათი გრძელვადიანი შენარჩუნების ტექნიკებს. გამოიკვეთა ახალი სამსახურებრივი ტიპების შექმნის აუცილებლობაც. ჯგუფური სავარჯიშოების ფარგლებში ჩატარდა ემპირიული კვლევაც.

მადლობას ვუხდით ტრენერებსა და ყველა მონაწილეს, სემინარში აქტიური ჩართულობისა და მხარდაჭერისათვის.