3 ივნისს, სასტუმრო Pullman Axis Towers-ში, გაიმართა Expert Talk  თემაზე ხელოვნური ინტელექტი / Artificial Intelligence (AI).

ღონისძიების მთავარი აქცენტი იყო AI-ის სფეროში მიმდინარე განვითარებები, პრაქტიკული გამოყენების შესაძლებლობები და ის საკითხი, თუ როგორ შეუძლია ხელოვნურ ინტელექტს კომპანიების, სამუშაო პროცესებისა და მომავალი ბიზნესმოდელების შეცვლა.

ღონისძიება გაიხსნა ჩვენი წევრებისა და სპონსორების, Orient Logic-ისა და Concentrix-ის შესავალი სიტყვით, რის შემდეგაც გაიმართა Michael Dorn-ის, SAP-ის ყოფილი წარმომადგენლისა და PBD – Experts-ის თანადამფუძნებლის, მთავარი მოხსენება. მან ისაუბრა, თუ როგორ ცვლის SAP და AI სამუშაო პოზიციებს, უნარებსა და კომპანიებს და რატომ არის AI-ის საფუძვლიანი გააზრება გადამწყვეტი ეფექტიანობისა და მარჟების მდგრადად გასაუმჯობესებლად.

მთავარი მომხსენებლის რანგში Jean Sebastien Gourdet-მა, OLMAIT LLC-ის კვლევისა და განვითარების ვიცე-პრეზიდენტმა, თემის ფართო მიმოხილვა წარმოადგინა და კონკრეტული პრაქტიკული მაგალითების საფუძველზე აჩვენა, რა იყო AI-ის დახმარებით უკვე შესაძლებელი, რომელ სფეროებში შეეძლოთ კომპანიებს მნიშვნელოვნად უფრო ეფექტიანად მუშაობა და რა მიმართულებით შეიძლებოდა განვითარებულიყო ეს ტექნოლოგია მომავალში.

ღონისძიება ინგლისურ ენაზე ჩატარდა და სინქრონულად ითარგმნა ქართულად. დასასრულს მონაწილეებს საშუალება ჰქონდათ, კულინარიული ნეთვორქინგის ფარგლებში გაეგრძელებინათ ურთიერთგაცვლა.

მადლობას ვუხდით ყველა მონაწილეს დიდი ინტერესისთვის, ასევე ჩვენს წევრებს Orient Logic-სა და Concentrix-ს ამ ღონისძიების  ფინანსური მხარდაჭერისთვის.