2025 წლის 19 ივნისს სასტუმრო Pullman Tbilisi Axis Towers-ში, გერმანიის ეკონომიკური გაერთიანების მორიგი ბიზნეს ფორუმი თემაზე: საქართველოს ეკონომიკური მდგომარეობის მაკროეკონომიკური ანალიზი და პოლიტიკური ცვლილებების ზეგავლენა ეკონომიკურ პროცესებზე “ გაიმართა.

მოწვეულ სტუმრებს შორის იყვნენ გერმანიის ფედერაციული რესპუბლიკის ელჩი საქართველოში ბ–ნი ერნსტ პეტერ ფიშერი, თიბისი ჯგუფის მთავარი ეკონომისტი ბ–ნი ოთარ ნადარია და ვიცე პრეზიდენტი, თიბისი კაპიტალის კვლევების სამსახურის უფროსი ქ–ნი ირინა კვახაძე.
ღონისძიება გახსნა და წარმართა გერმანიის ეკონომიკური გაერთიანების მმართველი საბჭოს თავმჯდომარემ, ბ–მა დოქ. საშა ტერნესმა.

გერმანიის ფედერაციული რესპუბლიკის ელჩმა, ბმა ერნსტ პეტერ ფიშერმა, საქართველოში არსებულ პოლიტიკურ ვითარებაზე ისაუბრა და უპასუხა სტუმრების მიერ დასმულ შეკითხვებს.
ბ–მა ოთარ ნადარიამ და ქ–მა ირინა კვახაძემ კი გააკეთეს საქართველოს ეკონომიკური მდგომარეობის მაკროეკონომიკური ანალიზი. ექსპერტებმა, ფაქტებსა და მონაცემებზე დაყრდნობით  განიხილეს, თუ როგორ აისახება პოლიტიკური გადაწყვეტილებები მიმდინარე და სამომავლო ეკონომიკურ მდგომარეობაზე საქართველოში.

მოხსენების შემდეგ მონაწილეებმა დასვეს შეკითხვები და მიიღეს დამატებითი ინფორმაცია მათთვის მნიშვნელოვან საკითხებზე. ფორუმის დასასრულს კი სტუმრებმა ერთმანეთთან კომუნიკაცია არაფორმალურ გარემოშიც შეძლეს.