2024 წლის 30 ოქტომბერს, სასტუმრო Mercure Hotel Philharmonic-ში, გერმანიის ეკონომიკურმა გაერთიანებამ (DWV), ექსკლუზიურად DWV წევრებისთვის, Germany Trade & Invest (GTAI)-თან ერთად, ჩაატარა Expert Talk თემაზე:  ცენტრალური აზიის ეკონომიკური განვითარება და ბიზნეს შესაძლებლობები. ფოკუსი – ყაზახეთსა და უზბეკეთზე. “

შეხვედრაზე, დოქ. უვე შტრობახმა, GTAI-ის ცენტრალური აზიისა და სამხრეთ კავკასიის რეგიონულმა მენეჯერმა, მიმოიხილა რეგიონის ეკონომიკური განვითარება, აქტუალური ბიზნეს პოტენციალი და გამოწვევები, რომლებიც დაკავშირებულია ამ ბაზრის ათვისებასთან.  მან ხაზი გაუსვა  ყაზახეთისა და უზბეკეთის მზარდ მნიშვნელობას, რომლებიც საერთაშორისო კომპანიების ყურადღების ცენტრში ექცევიან მიზანმიმართული ეკონომიკური სტრატეგიების მეშვეობით.

ღონისძიების ბოლოს, მომხსენებელსა და სტუმრებს შორის საინტერესო დისკუსია გაიმართა. აუდიტორიის მხრიდან ბევრი საინტერესო კითხვა დაისვა. ბოლოს, მონაწილეებს ლანჩზე ვუმასპინძლეთ, რა დროსაც მათ კვლავ ჰქონდათ იდეების გაცვლისა და ნეთვორქინგის საშუალება.