2025 წლის 6 ივნისს სასტუმრო Biltmore Tbilisi-ში გერმანიის ეკონომიკური გაერთიანების (DWV) და BLC Law Office-ის ერთობლივი ღონისძიება გაიმართა თემაზე: სამართლებრივი სტრატეგიები ეკონომიკური კრიზისის პირობებში: რა უნდა იცოდეს კომპანიამ?

მომხსენებელი გახლდათ ბ-ნი გიორგი ბათლიძე – BLC-ის პარტნიორი, გერმანიის ეკონომიკური გაერთიანების (DWV) და საქართველოს არბიტრთა ასოციაციის (GAA) მმართველი საბჭოს წევრი.

ღონისძიების მიზანი იყო კრიზისული სიტუაციების სამართლებრივი მართვის პრაქტიკული გზების განხილვა. განვიხილეთ: კრიზისის მართვა ადრეულ ეტაპზე და მენეჯმენტის სამართლებრივი ვალდებულებები, გადახდისუუნარობის საპროცესო და სასამართლოს გარეშე რესტრუქტურიზაციის ინსტრუმენტები, კრედიტორთა დაცვის მექანიზმები და სტრატეგიები და სხვა.

ღონისძიების ბოლოს სტუმრებს ვუმასპინძლეთ ლანჩზე, რა დროსაც მათ ნეთვორქინგის საშუალება ჰქონდათ.

მადლობას ვუხდით ყველა სტუმარს გამოჩენილი ინტერესისა და აქტიური ჩართულობისთვის.