2025 წლის 1 ოქტომბერს გერმანიის ეკონომიკურმა გაერთიანებამ (DWV) საქართველოს არბიტრთა ასოციაციასთან (GAA) და BLC LAW Office-თან ერთად ჩაატარა ექსპერტთა შეხვედრა თემაზე: ბიზნეს დავების გადაწყვეტა სწრაფად და ეფექტურად: ილუზია თუ რეალური შესაძლებლობა?

მომხსენებლებმა ბ-მა გიორგი ბათლიძემ და ბ-მა დავით ტაბატაძემ ისაუბრეს საარბიტრაჟო პროცესების მზარდ მნიშვნელობაზე საქართველოში. განხილული იყო საარბიტრაჟო პროცესების უპირატესობები და შესაძლებლობები, მათი ეფექტიანობა სასამართლო პროცესებთან შედარებით, არბიტრების ეთიკური სტანდარტები და არსებული სასამართლო პრაქტიკა.

შეხვედრის დასრულების შემდეგ მონაწილეებს ჰქონდათ შესაძლებლობა, ჩართულიყვნენ ღია დისკუსიაში და გაეზიარებინათ მოსაზრებები ექსპერტებთან.