2025 წლის 28 იანვარს გიწვევთ გერმანიის ეკონომიკური გაერთიანებისა (DWV) და BDO Academy-ს ერთობლივ  სემინარზე:

მოგების გადასახადი, მისი თავისებურებები და მართვის გზები – თეორიიდან პრაქტიკამდე

საგადასახადო კოდექსი საქართველოს კონსტიტუციის შესაბამისად განსაზღვრავს საქართველოს საგადასახადო სისტემის ფორმირებისა და ფუნქციონირების ზოგად პრინციპებს. საგადასახადო კანონმდებლობის უმნიშვნელოვანეს ნაწილს წარმოადგენს იურიდიული პირების მოგების გადასახადით დაბეგვრა. 2017 წლიდან საქართველოში მოქმედი იურიდიული პირების უდიდეს ნაწილს ეხება მოგების ყოველთვიური გადასახადის ფორმა ე.წ. ესტონური მოდული.

ვისთვის არის სემინარი?

• ბუღალტრებისთვის
• საგადასახადო ანგარიშგებაზე პასუხისმგებელი სპეციალისტებისთვის
• საგადასახადო დაბეგვრით დაინტერესებული პირებისთვის
• ფინანსური ანალიტიკოსებისთვის

რა თემები განიხილება სემინარზე?

• მოგების გადასახადის ცნება, სახეები და განაკვეთები
• გადასახადის გადამხდელი
• ყოველთვიური მოგების გადასახადის დაბეგვრის ობიექტები
• მოგების განაწილება
• მოგების გადასახადის ჩათვლა
• ფასთა შორის სხვაობის დაბეგვრა
• არაეკონომიკური ხარჯის სახეები, დაბეგვრის თავისებურებები (მაგალითად, მიკრო ბიზნესისგან შეძენაზე გადახდა, ფიქსირებული გადასახადის გადამხდელისგან შეძენაზე გადახდა, საქართველოს ფინანსთა მინისტრის მიერ დადგენილი წლიური პროცენტის ფარგლების ზემოთ (წლიური 24%) კრედიტისათვის (სესხისათვის) გადახდილი პროცენტი და სხვა)
• ე.წ. დროებითი დაბეგვრები, როგორიცაა, უცხოურ კაპიტალში ინვესტიცია, სესხის გაცემა, შეღავათიანი დაბეგვრის მქონე ქვეყანაში რეგისტრირებულ პირებთან გადახდილი ავანსი, მათ წინაშე არსებული მოთხოვნის შეძენა და სხვა
• უსასყიდლო მიწოდება (სახელმწიფოსთვის, საქველმოქმედო ორგანიზაციისთვის, დანაკლისის გამოვლენა და სხვა)
• დადგენილ ლიმიტს ზემოთ გაწეული ხარჯი
•  პრაქტიკული ნაწილი

რა ფორმით ჩატარდება სემინარი?

სემინარი ინტერაქტიულია და შეიცავს ინდივიდუალურ და გუნდურ სავარჯიშოებს, თეორიულ ნაწილსა და კითხვა-პასუხის რეჟიმს.

ტრენერი: თეონა პაპიაშვილი, BDO Georgia-ს საგადასახადო განყოფილების ჯგუფის ხელმძღვანელი და ილიას სახელმწიფო უნივერსიტეტის ბიზნესის ადმინისტრირების მაგისტრი, მუშაობის 11 წლიანი გამოცდილებით.

სემინარი ჩატარდება  ქართულ ენაზე. სემინარის ბოლოს გაიცემა მონაწილეობის დამადასტურებელი სერთიფიკატები.

სრული პროგრამა იხილეთ თანდართულ ფაილში.

თარიღი: 28 იანვარი, 2025, 10:00-17:00სთ.
ხანგრძლივობა: 7 საათი
სემინარის საფასური: DWV-ს წევრებისთვის – 250GEL;  არაწევრებისთვის – 300GEL
მისამართი: Radisson Blu Iveria Hotel, რესპუბლიკის მოედანი 1,თბილისი
გათვალისწინებულია ყავისა და ლანჩის შესვენება.

სემინარზე დასწრების მსურველებს გთხოვთ, 2025 წლის 26 იანვრამდე  შეავსოთ  სარეგისტრაციო ფორმა.

დამატებითი კითხვების არსებობის შემთხვევაში, გთხოვთ, დაუკავშირდით ნინო ჭეიშვილს შემდეგ ელ. ფოსტაზე: nino.tcheishvili@dwv.ge