fbpx
Startseite » წევრობა » წევრთა ჯგუფები » სამართალი & აუდიტი

სამართალი & აუდიტი

by Nico Scherer

BLC Law Office

იურიდიული ფირმა BLC დაარსდა 2000 წელს. „ბიელსი“-ში დასაქმებულნი არიან უმაღლესი კვალიფიკაციის მქონე სპეციალისტები, რომლებმაც განათლება მიიღეს საქართველოში და აშშ-ში. დაარსების დღიდან კომპანია მომსახურებას უწევს ინვესტორებს, მულტინაციონალურ ფირმებს, საერთაშორისო ორგანიზაციებს, საფინანსო ინსტიტუტებს, საელჩოებს, არასამთავრობო და სხვა ქართულ ორგანიზაციებს. 

იურიდიული ფირმა „ბიელსი“-ს საქმიანობის ძირითადი მიმართულებებია: საბანკო, საფინანსო, საგადასახადო, უძრავი ქონების, ენერგიასთან დაკავშირებული და სამოქალაქო კანონმდებლობა, ასევე კორპორაციული ტრანზაქციები და სტრუქტურები. დასავლელმა პარტნიორებმა განაპირობეს იურიდიული კომპანიის ეთიკური სტანდარტებისა და მომხმარებლის ინტერესების ინტენსიური დაცვის, მოტივაციის მაღალი ხარისხი. 2003 წლიდან დღემდე „ბიელსი“ აღიარებულია საქართველოში მოქმედ წამყვან იურიდიულ ფირმად ყველაზე მსხვილი კვლევაზე დაფუძნებული საერთაშორისო სამართლებრივი ჟურნალების (Legal 500, Chambers Global, IFRL) მიერ. „ბიელსი“ არის ერთადერთი ქართული იურიდიული ფირმა საერთაშორისო პრაქტიკით, რომელსაც აქვს მოქმედი ფილიალი ბათუმში (აჭარის ავტონომიური რესპუბლიკა) და მთელი რიგი პარტნიორი კომპანიებისა მეზობელ აზერბაიჯანში, სომხეთში, რუსეთსა და უკრაინაში.


გიორგი ბათლიძე
(DWV-ს მმართველი საბჭოს წევრი)
დავით აღმაშენებლის გამზირი 129ა
0102 თბილისი
+995 32 292 00 86
gbatlidze@blc.ge
www.blc.ge

გრანთ თორნთონ საქართველო

გრანთ თორნთონ (საქართველო), გრანთ თორნთონ ინთერნეიშენალის წევრი, წარმოადგენს ბუღალტერთა და აუდიტორთა, ფინანსურ მრჩეველთა, ბიზნესისა და მართვის დარგის კონსულტანტთა, საგადასახადო და იურიდიულ მრჩეველთა და ასევე სახელმწიფო შესყიდვების ექსპერტთა მრავალპროფესიონალურ გუნდს. გრანთ თორნთონის თანამშრომელთა გუნდი შედგება მხოლოდ და მხოლოდ უმაღლესი განათლების მქონე წევრებისგან, რომლებიც მაღალ დონეზე ფლობენ ინგლისურ და ქართულ ენებს. ყოველ მათგანს აქვს თავისი კლიენტებისადმი მაღალი ხარისხის მომსახურების დროულად მიწოდების გამოცდილება და ასევე ყოველი მათგანი ფლობს მრავალპროფილურ გუნდში მუშაობის სპეციალურ გამოცდილებას, რომლის დროსაც მაღალ დონეზე ხორციელდება საერთაშორისო პროექტების კოორდინაცია და მართვა. ფირმა მუდმივად უზრუნველყოფს პროექტებში დიდი პროფესიონალური შესაძლებლობების მქონე ადგილობრივი და საერთაშორისო ექსპერტების აქტიურ ჩართულობას. ეს შესაძლებლობას იძლევა უსწრაფესად მოხდეს სხვადასხვა ტიპის ექსპერტული რჩევის მოთხოვნაზე რეაგირება პროექტის მიმდინარეობისას, პრიორიტეტებიდან გამომდინარე.


ვახტანგ ცაბაძე
ქეთევან წამებულის ქ. 54
0144 თბილისი
+995 32 260 44 06
vakhtang.tsabadze@ge.gt.com
info@ge.gt.com
www.grantthornton.ge

Jorbenadze & Gatserelia Counselors

Jorbenadze & Gatserelia Counselors ქართული საადვოკატო ბიუროა, რომელიც თანამედროვე იურიდიულ პრაქტიკას, მეცნიერულ ცოდნასა და საერთაშორისო ურთიერთობებს აერთიანებს. კომპანიის მიზანია, იურიდიულ ბაზარზე მაღალი კონკურენციული გარემოს შექმნა და უმაღლესი დონის სამართლებრივი მომსახურების გაწევა როგორც ფიზიკური, ისე იურიდიული პირებისთვის. კომპანია აერთიანებს რამდენიმე ათეულ კვალიფიციურ თანამშრომელს, რომლებიც მაქსიმალურად ორიენტირებულები არიან თითოეულ კლიენტსა და მათ ინტერესებზე. Jorbenadze & Gatserelia Counselors-ის საქმიანობა მოიცავს იურიდიული მომსახურების გაწევას მრავალი მიმართულებით: წარმომადგენლობა საერთო სასამართლოებში, წარმომადგენლობა საკონსტიტუციო სასამართლოში, წარმომადგენლობა მხარესთან ურთიერთობისას, სამართლებრივი დოკუმენტაციის შედგენა, იურიდიული კონსულტაცია, ე.წ. Outsourcing და სხვ.


ასოც. პროფ. დოქტ. სერგი ჯორბენაძე
ირაკლი აბაშიძის ქ. 34/36, 0179 თბილისი
+995 32 290 41 39
jorbenadze@jgc.ge
www.jgc.ge

Nexia TA Georgia

Nexia International საერთაშორისო აუდიტორული და საკონსულტაციო კომპანიების ათეულში შემავალი ბრენდია, რომელიც ფოკუსირებულია სხვადასხვა ქვეყანაში მხარი დაუჭიროს ადგილობრი ბიზნესის ზრდასა და განვითარებას და ამას ეფექტურად აკეთებს დაგროვილი ექსპერტიზითა და საერთაშორისო ბაზრებზე არსებული უნიკალური გამოცდილებით. ის მსოფლიოს 122 ქვეყანაში ოპერირებს და 2014 წლიდან წარმატებულად მუშაობს უკვე საქართველოშიც.

Nexia TA საქართველო Nexia International-ის წევრ ქვეყნებს 2014 წლის მაისში შეუერთდა და ოფიციალური წარმომადგენლის სტატუსი მიენიჭა. დღეს მისი კლიენტები წარმოდგენილები არიან ისეთ სფეროებში, როგორებიცაა მშენებლობა, წარმოება, ფინანსები, ვაჭრობა, საბანკო, უძრავი ქონება, ტურიზმი, არასამთავრობო/საბიუჯეტო, სასტუმროები და რესტორნები.

ის მათ სთავაზობს შემდეგ სერვისებს:

      • აუდიტი და მარწმუნებელი მომსახურება;
      • საგადასახადო აუდიტი, დაგეგმვა, კონსულტაციები, სატრანსფერო ფასწარმოქმნა (Transfer Pricing)
      • ბუღალტრული აღრიცხვა;
      •  კონსალტინგი
      • იურიდიული მომსახურება

Nexia TA -ს ბაზაზე დაფუძნებულია Nexia TA აკადემია და Nexia TA სოლუშენსი. Nexia TA აკადემია ორგანიზებას უწევს ტრენინგებს, სემინარებს, კონფერენციებს, როგორც ადგილობრივი, ასევე საერთაშორისო მასშტაბით. Nexia TA სოლუშენსი კი წარმოადგენს მაღალხარისხიანი სისტემების პროვაიდერ კომპანიას საქართველოს ბაზარზე, რომელიც ხელს უწყობს ბიზნეს პროცესების სისტემატიზირებული მართვის განვითარებას საქართველოში. 2017 წელს კომპანიამ Nexia International -ის ყოველწლიურ სამიტზე, მსოფლიოს 115-ზე მეტი ქვეყნის 650-ზე მეტ ოფისს შორის მიიღო ტიტული – „წლის კომპანია“. Nexia TA გახდა საქართველოდან ერთადერთი კომპანია აუდიტორულ სფეროში, რომელმაც #1 საბუღალტრო გამოცემის, IAB-ის ჯილდო მოიპოვა ნომინაციაში – Accounting Capacity Building Champion 2018. Nexia TA გახდა 2019 წელს საქართველოს პასუხისმგებელი ბიზნესის კონკურსის Meliora 2019-ის გამარჯვებული კატეგორიაში „პასუხისმგებელი დამსაქმებელი“. მომხმარებლებს კომპანია სთავაზობს ინდივიდუალურ მიდგომას, მაღალკვალიფიკაციურ მომსახურებას საერთაშორისო და ადგილობრივი გამოცდილების სინთეზის მეშვეობით.


გელა მღებრიშვილი
მერაბ ალექსიძის ქ. 12
King David-ის ბიზნეს ცენტრი, მე-6 სართული
0171 თბილისი
+995 32 256 06 25
gela.mghebrishvili@nexia.ge
www.nexia.ge

Rödl & Partner

კომპანია Rödl & Partner საერთაშორისო კომპანიების კონსულტაციაზე ამახვილებს ყურადღებას. იურიდიული კომპანიის კომპეტენციაში შედის ზუსტი, მულტიდის ციპლინარული და მომხმარებლის მოთხოვნებზე მორგებული საკონსულტაციო მომსახურება. Rödl & Partner -ის ადვოკატები, საგადასახადო მრჩეველები, ბუღალტრები, აუდიტორები და ბიზნეს-კონსულტანტები ბიზნეს საქმიანობის ყველა ფაზაში ინდივიდუალურ, ინტერდისციპლინარულ და საერთაშორისო კონსულტაციას უწევენ მომხმარებელს – ეხება ეს კომპანიის დაარსებას, შესყიდვებს, მომხმარებლის მოზიდვას, საერთაშორისო გაფართოებას, თუ სამომავლო დაგეგმვას. კომპანიის შეთავაზებები მოიცავს შემდეგ სფეროებს: აუდიტი, საგადასახადო, საბანკო, საფინანსო და სამოქალაქო კანონმდებლობა, ბიზნეს პროცესების აუთსორსინგი, ასევე ბიზნეს-კონსულტაცია და მთარგმნელობითი სერვისი.

            


კლაუს კესლერი
რუსთაველის გამზირი 24
0108 თბილისი
+380 (44) 5 86-23 03
klaus.kessler@roedl.pro

კახაბერ ღრუბელაშვილი
+995 32 2 995 905
kakhaber.grubelashvili@roedl.pro
www.roedl.com

თორაძე და პარტნიორები

საადვოკატო ფირმა თორაძე და პარტნიორები წარმოადგენს იურიდული მხარდაჭერის, საადვოკატო საქმიანობისა და სამართლებრივი კონსულტაციების მომსახურების გამწევ კომპანიას. მათი მიზანია კლიენტისათვის პრობლემური საკითხის კორექტული, სწრაფი, ეფექტური, ხარისხიანი და რაციონალური გადაწვეტა. მათი საქმიანობის ესენციალური პრიორიტეტებია: სამართლიანობა, კლიენტის ინტერესი, სწრაფი შედეგი. გუნდის წევრების მიერ სამართლის სხვადასხვა დარგში მოპოვებული მრავალწლიანი გამოცდილების გაზიარება ეხმარება თორაძე და პარტნიორების კლიენტებს წარმოშობილი სამართლებრივი საკითხების სწორ და რაციონალურ დაგეგმვაში, მათ წინაშე არსებული პრობლემების ზუსტ იდენტიფიცირებასა და საჭიროების შემთხვევაში დამდგარი პრობლემის კვალიფიციურ გადაჭრაში. კომპანიის სამუშაო ენა არის ქართული, გერმანული, ინგლისური და რუსული. გუნდის წევრები გამოირჩევიან როგორც ქართული სამართლის, ასევე უცხო ქვეყნის კანონმდებლობის სრულფასოვანი ცოდნითა და გამოცდილებით. კომპანიის მთავარ ღირებულებას წარმოადგენს კლიენტის კმაყოფილება. მისი სტრატეგიის მიზანია მომსახურებების მუდმივად გაუმჯობესება და პროფესიონალური მომსახურების ხელმისაწვდომ ფასად შეთავაზება. გარდა ამისა, შპს თორაძე და პარტნიორები, როგორც საჯარო რეესტრის ავტორიზებული სუბიექტი, მომხმარებელს სთავაზობს სამუშაო ადგილზე/ოფისში, ან/და სხვა შეთანხმებულ ადგილზე, როგორც საჯარო რეესტრში, ასევე სამეწარმეო რეესტრში სარეგისტრაციო ყველა გარიგების მიმღების მომსახურებას: მეწარმე სუბიექტის რეგისტრაცია, წესდების ცვლილება, უძრავი ქონების ნასყიდობა, იჯარა, და სხვა. კომპანია კლიენტებს აძლევს შესაძლებლობას სამუშაო ადგილიდან/ოფისიდან გაუსვლელად სამუშაო/არასამუშაო დღეებში სარეგისტრაციოდ ჩაუშვან საჯარო რეესტრის დოკუმენტაცია და ამისათვის მათ არ დასჭირდებათ სანოტარო მომსახურება. კომპანიის გუნდი პოლიტიკურად ნეიტრალურია. არ არის ჩართული პოლიტიკურ აქტივობებში.


დავით თორაძე
უ. ჩხეიძის ქ. N 23
0102 თბილისი
+995 591 777 177
david@TPA.ge
www.TPA.ge

ღვინაძე და პარტნიორები

ღვინაძე და პარტნიორები არის წამყვანი ქართული ბიზნეს იურიდიული ფირმა, რომელიც 2010 წელს ახლად დაარსდა ყოფილი DLA Piper Gvinadze & Partners-სგან გამოყოფის შემდეგ. მისი წინამორბედი იურიდიული ფირმებით – Georgian Consulting Group (GCG Law Office), Ernst & Young Legal (EY Law Georgia), Gvinadze & Partners LP და ბოლოს DLA Piper Gvinadze & Partners LP, ფირმას აქვს მომსახურებისა და საქართველოში უცხოური ინვესტიციების ხელშეწყობის ხანგრძლივი და წარმატებული ისტორია და აღიარებულია, როგორც ლიდერი საქართველოს იურიდიული მომსახურების ბაზარზე. მისი გამოცდილება თანაბრად მრავალფეროვანი და ყოვლისმომცველია, დაწყებული მრავალი საინვესტიციო საშუალების ფორმირების შესახებ რჩევებით და დამთავრებული რეგიონის ზოგიერთ ყველაზე თვალსაჩინო და რთულ პროექტზე წარმომადგენლობით ბოლო ორი ათწლეულის განმავლობაში. კომპანია ასევე ცნობილია თავისი გამოცდილებით დავების გადაწყვეტაში, მოქმედებდა რა ზოგიერთ ყველაზე გახმაურებულ დავაში როგორც საქართველოს სასამართლოებში, ასევე საერთაშორისო არბიტრაჟებში. 

მისი წინამორბედი საადვოკატო ბიურო GCG-ს დაარსებიდან დღემდე, იურიდიული ფირმა ცნობილია, როგორც უმაღლესი ხარისხის იურიდიული მომსახურების მიმწოდებელი საქართველოში. ეს დამსახურებული რეპუტაცია ეფუძნება, პირველ რიგში, სიზუსტეს დეტალებში, ყოვლისმომცველ მომსახურებას, გამორჩეულ გამოცდილებას ბიზნეს სამართლის პრაქტიკულად ყველა სფეროში. ფირმა გამოირჩევა ასევე პრაგმატული რჩევებითა და ადეკვატური გადაწყვეტილებებით, რაც კლიენტების ყოველდღიურ ცხოვრებაში საგრძნობ განსხვავებას ქმნის.

ნიკა ღვინაძე მმართველი პარტნიორი

მელიქიშვილის ქ. N10 
0179 თბილისი

+995 322 438 970

http://www.gvinadzeandpartners.ge/
info@gvinadzeandpartners.ge

BDO საქართველო

BDO, ერთ-ერთი უმსხვილესი აუდიტორული და ბიზნეს საკონსულტაციო კომპანია საქართველოში, წარმოადგენს BDO-ს დამოუკიდებელი აუდიტორული ფირმების საერთაშორისო ქსელის წევრს. BDO-ს ქსელი 164 ქვეყანასა და ტერიტორიაზეა წარმოდგენილი.

BDO საქართველო 1999 წელს დაფუძნდა და დღეს 300-მდე თანამშრომელს აერთიანებს.

კომპანიის მომსახურების ძირითადი მიმართულებებია: აუდიტი და მარწმუნებელი მომსახურება, საგადასახადო მომსახურება, ბიზნეს სერვისები და აუთსორსინგი, კორპორაციული ფინანსები, ადამიანური კაპიტალის მართვა, მდგრადობის სერვისები, ბაზრის კვლევა და ანალიზი, შეფასება და ბიზნეს კონსულტაციების სპექტის სხვა სერვისები, იურიდიული მომსახურება, ბიზნეს ტრენინგები, მონაცემთა ანალიტიკა და მენეჯმენტი, Ai და მანქანური სწავლება, კიბერ და ინფორმაციული უსაფრთხოება, RPA რობოტული პროცესების ავტომატიზაცია, Lean/Agile ტრანსფორმაცია, თანამედროვე სამუშაო სივრცე Office 365, BI სისტემები, ERP სისტემები.

კომპანია ფლობს ინფორმაციული უსაფრთხოების სისტემის მართვის სერტიფიკატს ISO/IEC 27001.

BDO საქართველო არის გაეროს გლობალური შეთანხმების (UN Global Compact) წევრი, შესაბამისად, ის იღებს პასუხისმგებლობას, იმოქმედოს გლობალური შეთანხმების 10 პრინციპის შესაბამისად ადამიანის უფლებების, შრომის უფლებების, გარემოს დაცვის და კორუფციასთან ბრძოლის არეებში და გადადგას კონკრეტული ნაბიჯები გაეროს მდგრადი განვითარების მიზნების მიმართულებით.

მაია ხაჩიძე

ივანე თარხნიშვილის 2

თბილისი

ვერე ბიზნეს ცენტრი

+995 32 2545845

bdo@bdo.ge

www.bdo.ge

Diese Website verwendet Cookies. Wenn Sie auf dieser Website surfen, stimmen Sie der Verwendung von Cookies zu. Akzeptieren Weitere Informationen erhalten Sie hier.

X