Business & Finance Consulting
Business & Finance Consulting (BFC)-ი არის შვეიცარიული კომპანია, რომელიც ხელს უწყობს საბანკო საქმის განვითარებას, განვითარებად ბაზრებზე – როგორც მენეჯმენტის კონსულტაციით, ასევე ანალიზისა და კვლევის მეშვეობით. BFC-მ წარმატებით განახორციელა 170-ზე მეტი პროექტი 69-ზე მეტ ქვეყანაში – ევროპაში, აზიასა და აფრიკაში. BFC ფლობს ფილიალებს სამ ქვეყანაში, მათ შორის საქართველოშიც. საქართველოში ყველა წამყვან ფინანსურ და მიკროსაფინანსო ინსტიტუტთან 10 წლიანი მუშაობის გამოცდილების შედეგად, BFC-ს კარგად ესმის ქართულ საბანკო სექტორში არსებული გამოწვევები, ძლიერი მხარეები, ბიზნეს კულტურა, გადაწყვეტილებების მიღების უნარი და შესაძლებლობები. BFC-მ საქართველოში წარმატებით განახორციელა პროექტები ბიზნესის ისეთ სფეროებში, როგორიც არის: Start-up – მცირე და საშუალო საწარმოების დაფინანსება; BFC-მ ასევე თავის თავზე აიღო სხვადასხვა ინსტიტუციონალურ დონეზე მზრუნველობის ვალდებულება და მოახდინა ეკონომიკური სექტორის ღრმა ანალიზი ისეთი მომხმარებლებისთვის, როგორებიც არიან KfW, EBRD, მსოფლიო ბანკი, ავსტრიისა და აზიის განვითარების ბანკები. BFC ამჟამად სამ წამყვან ქართულ ფინანსურ ინტიტუტთან ერთად საქართველოში ახორციელებს KfW-ს სოფლის მეურნეობის ფინანსური მხარდაჭერის გრძელვადიან პროექტს, რათა შესაძლებელი გახადოს აგრარული სექტორის დაფინანსება. გარდა ამისა BFC აქვეყნებს ყოველთვიურ აგრარულ და ფინანსურ ბიულეტენს.
კომპანიის მომსახურებათა სიაში შედის:
- მცირე და საშუალო საწარმოებისთვის სესხის გაცემა – რითაც ის ხელს უწყობს ეკოლოგიური სოფლის მეურნეობის და კონკურენტუნარიანობის გაძლიერებას
- სტრატეგიების შემუშავება
- სასოფლო-სამეურნეო სესხების გაცემა
- რისკის მენეჯმენტი
- პროდუქციის დახვეწა და დიზაინი
- პორტფოლიოს გადამოწმება
- შიდა რევიზია
- ყოვლისმომცველი პასუხისმგებლობის აღება
- საწარმოს შესაძლებლობების გაფართოება
- ფინანსური კვლევებით ხელშეწყობა
- საინვესტიციო შესაძლებლობების შეფასება
მიხაელ კორტენბუში
Max Högger Str. 6
8048 Zürich
+41 4478 42222
kortenbusch@bfconsulting.com
www.bfconsulting.com
Bridge to Germany
Bridge to Germany არის საკონსულტაციო კომპანია, რომლის სათაო ოფისი მდებარეობს მიუნხენში. კომპანიამ აღმოსავლეთ და დასავლეთ ევროპას შორის პარტნიორული ურთიერთობის ჩამოყალიბებაში დიდი წვლილი შეიტანა. Bridge to Germany ორი მიმართულებით საქმიანობს, რომელიც საწარმოთა კონსულტაციას და სამედიცინო მენეჯმენტს მოიცავს. კომპანია ევროპულ კერძო ფირმებსა და სახელმწიფო დაწესებულებებს უწყობს ხელს კონტაქტების დამყარებასა და თანამშრომლობაში აღმოსავლეთ ევროპულ და გერმანულ კომპანიებთან, სამინისტროებსა და საგანმანათლებლო დაწესებულებებთან. Bridge to Germany თავის მომხმარებელს პარტნიორული ხელშეკრულებების დადების, პროექტის მენეჯმენტის, შესყიდვის და ლოგისტიკის კუთხით უწევს პარტნიორობასა და კონსულტაციას. კომპანია პაციენტებისთვის ხელმისაწვდომს ხდის უმაღლესი დონის სამედიცინო მომსახურებასა და დაზღვევას. Bridge to Germany მომხმარებელთათვის ხელმისაწვდომს ხდის პირველი კლასის სამედიცინო მომსახურებასა და სამედიცინო დაზღვევას მსოფლიო მასშტაბით, რომელიც მსოფლიოს ნებისმიერ ქვეყანაში მკურნალობის საშუალებას იძლევა, მათ შორის საქართველოშიც. გერმანიაში მომსახურების გაწევა ხორციელდება მომხმარებელთა მშობლიურ ენაზე. Bridge to Germany გთავაზობთ გამჭვირვალე ფასებს და გერმანულ ხარისხს.
თეა კობახიძე
Schellingstr. 108a
80798 München
+49 176 225 133 52
info@bridge-to-germany.de
www.bridge-to-germany.de
საქართველოს ლოგისტიკის ასოციაცია
საქართველოს ლოგისტიკის ასოციაცია (GLA) წარმოადგენს სამხრეთ კავკასიაში წამყვან არაკომერციულ, კვლევით-საგანმანათლებლო ორგანიზაციას მიწოდების ჯაჭვისა და ლოგისტიკის დარგში. GLA-ს მისიას წარმოადგენს საქართველოში ნეიტრალური პლატფორმის ჩამოყალიბება, რომელიც ხელს შეუწყობს ადგილობრივი მიწოდების ჯაჭვისა და ლოგისტიკის სექტორის განვითარებას განათლების, ახალი ტექნოლოგიების დანერგვისა და საერთაშორისო პრაქტიკის გაზიარების გზით. GLA ხელს უწყობს კომპანიებს შედარებით შეფასებასა და საქმიანობის შედეგების გაუმჯობესებაში, როგორც შესყიდვების სფეროში, ისე წარმოებასა და დისტრიბუციაში საბოლოო მომხმარებლამდე. მომსახურება მოიცავს მომარაგების და წარმოების სრულ ჯაჭვს. GLA ავითარებს ბიზნეს პროცესების და ლოგისტიკური ფუნქციების ოპტიმიზაციის სტრატეგიებს წარმოების, ვაჭრობის, გადაზიდვის/ლოგისტიკის სფეროს კომპანიებისთვის. GLA ამუშავებს გადაწყვეტილებებს მიწოდების სრული ჯაჭვისათვის და მხარს უჭერს მომხმარებლებს რეალიზაციის პროცესში. 2013 წლიდან GLA აქტიურად ახორციელებს მსოფლიოში წამყვანი მიწოდების ჯაჭვის სარეფერენციო მოდელის (SCOR) დანერგვას ქართულ კომპანიებში. 2016 წლიდან GLA წარმოადგენს აშშ-ს წამყვანი ორგანიზაციის- Global Cold Chain Alliance პარტნიორს საქართველოში. ბოლო 5 წლის მანძილზე GLA-ს წარმატებულად განხორციელებული აქვს 30-ზე მეტი პროექტი და 10-ზე მეტი ბაზრის კვლევა მიწოდების ჯაჭვის მენეჯმენტის, ლოგისტიკის, წარმოებისა და ვაჭრობის სექტორებში.
პროფ. დოქტ. გიორგი დობორჯგინიძე
ათონელის ქ. 11/23
0105, თბილისი
+995 32 210 27 01
gdoborjginidze@gla.ge
www.gla.ge
ჯეპრა
კომპანია ჯეპრა 2002 წლიდან აქტიურად საქმიანობს საზოგადოებასთან ურთიერთობის კონსულტაციო მომსახურების სფეროში. კომპანიის მიზანია, მომხმარებელსა და საზოგადოებას შორის კოოპერაციული ურთიერთობების გაუმჯობესება. ჯეპრას აქვს საკმაოდ დიდი საერთაშორისო პრაქტიკა, იყენებს თანამედროვე ტექნოლოგიებსა და საკუთარი ექსპერტების გამოცდილებას. მაღალკვალიფიციური და პროფესიონალი თანამშრომლები სპეციალიზდებიან საზოგადოებასთან ურთიერთობის, ბრენდინგის, კრიზისების მართვის, ღონისძიების მენეჯმენტის და მედიასთან ურთიერთობის კუთხით. კომპანია სოციალური პასუხისმგებლობის გადანაწილებას დიდ ყურადღებას უთმობს და საყოველთაოდ აღიარებულ სტანდარტებს ინარჩუნებს. 2007 წლიდან კომპანია QMS ISO 9001:2000-ის სტანდარტის შესაბამისად მოქმედებს და ცენტრალურ-აღმოსავლეთ ევროპაში დამოუკიდებელ საზოგადოებასთან ურთიერთობის სააგენტოების პროფესიული გაერთიანების წევრთა სიაში შედის.
ნინო სუბელიანი
ალექსიძის ქ. 3
0193 თბილისი
+995 32 247 00 42
n.subeliani@gepra.ge
www.gepra.ge
Johann Bär & Partner – Consulting
Johann Bär & Partner – საკონსულტაციო კომპანია სთავაზობს მომხმარებლებს სემინარებს, ქოუჩინგსა და ვორქ შოფებს თემაზე კულტურათაშორისი კომპეტენციები ბიზნესის კონტექსტში. მსოფლიო გლობალიზაციის პირობებში არსებული გამოწვევების საპასუხოდ საჭიროა არა მხოლოდ კარგი მენეჯმენტი, არამედ კვალიფიცირებული სამუშაო ძალა, რომელიც კულტურათაშორის კონტექსტში შეძლებს წარმატებულად მუშაობას. სწორედ ამიტომ კომპანია გთავაზობთ მომსახურებას, რომელიც მორგებული იქნება ინდივიდუალურ მოთხოვნებსა და სურვილებზე.
მათი მიმართულებები:
- სისტემური ანალიზი და თქვენი კომპანიის არსებული მდგომარეობის შეფასება კულტურათაშორის კონტექსტში, ბიზნესის ოპტიმიზაცია
- კულტურათაშორისი კომუნიკაციების გაუმჯობესება
- „გერმანული“ ბიზნესის კულტურული მახასიათებლების ანალიზი და კონსულტაცია
ისინი გთავაზობენ:
- კონსულტაცია კულტურათაშორის კომუნიკაციაში გერმანელ ბიზნეს პარტნიორებთან
- ბიზნეს ვიზიტების ორგანიზება და განხორციელება (გერმანია / საქართველო)
- ქოუჩინგი ბიზნეს ვიზიტამდე და მის განმავლობაში ინდივიდუალური თანხლების შესახებ
- დახმარება იურიდიულ საკითხებთან დაკავშირებით
ისინი გაგიწევენ მხარდაჭერას, როცა:
- თქვენ გეგმავთ ბიზნეს საქმიანობას გერმანიაში, ახალი ბიზნეს შესაძლებლობების შემუშავების კუთხით
- თქვენ ახორციელებთ არსებული ბიზნესის ოპტიმიზაციას გერმანელ პარტნიორებთან ერთად.
- თქვენ გსურთ რესურსების ეფექტური მართვა კულტურათაშორის ასპარეზზე წარმატების მიღწევის მიზნით.
- თქვენ ეწევით ბიზნეს საქმიანობას გერმანელ პარტნიორებთან ერთად და უპრობლემო ბიზნეს ურთიერთობისათვის გსურთ თავი აარიდოთ მოლაპარაკებებისა და საქმის წარმოების პროცესში კულტურათაშორისი საკითხების განხილვას
იოჰან ბერი
Bornheimer Str. 33b
53111 Bonn
+49 228 62 96 609
info@culture-coach-baer.de
www.culture-coach-baer.de
Silk Road Services GmbH
Silk Road Service-ის ძირითად საქმიანობას წარმოადგენს ბიზნეს გეგმების შემუშავება, შეფასება, დაფინანსება და წარმატებით განხორციელება. კომპანია მომხმარებელს ეხმარება პროექტის ნებისმიერ ფაზაში, ასევე გრძელვადიანი პროექტების განხორციელებაში, როგორიც არის სასტუმროებისა და ენერგიის სფეროებთან დაკავშირებული პროექტები. მომხმარებლის ფართო სპექტრი მოიცავს Start-up, ფინანსურ და უძრავი ქონების კომპანიებს. SILK ROAD Service ემსახურება მომხმარებელს ევროპასა და ისტორიული აბრეშუმის გზამდე, ცენტრალური აზიისა და ჩინეთის ჩათვლით.
დავიდ ბორგერი
Jakob-Klar-Str. 4
80796 München
+49 8982 080813
david.borger@silkroadservices.de
www.silkroadservices.de
Swiss Institute for Training and Consulting (SITC)
[…] სრულწლოვანია ის, ვინც საუბრობს საკუთარ თავთან, რადგან მან თავად გაიაზრა ყველაფერი დაუბრალოდ არ გაიმეორა. (შედარება: ადორნო)
ის, ვისაც შეუძლია საკუთარი აზრის სათანადოდ, ნათლად და გასაგებად გამოხატვა, გადარწმუნების დამანიპულირების მცდელობების ამოცნობა, შეძლებს თავად განსაზღვროს საკუთარი ცხოვრება. SITC იწყებს იქიდან, საიდანაც არისტოტელემ ჩამოაყალიბა თავისი რიტორიკა “არ გადაარწმუნო, არამედ ერთობლივადეძიე ჭეშმარიტება და გულწრფელობა” და ამ გზით აპირებს თქვენს დაინტერესებას.
SITC-ის ტრენერები და ქოუჩები მჭიდროდ არიან დაკავშირებული „დახვეწილი კომუნიკაციის“ ქ. რეგენსბურგის რიტორიკის ტრადიციებთან (ქ. რეგენსბურგის უნივერსიტეტი, ენისა და კომუნიკაციისცენტრი). ჩვენ ყოველთვის ვმუშაობთ მონაწილეების რესურსების გათვალისწინებით: SITC ითვალისწინებს ადამიანების ძლიერ მხარეებს და ხელს უწყობს მათ მიზანმიმართულ განვითარებას.
SITC: სწავლება, ვარჯიში და ტრენინგი:
ზეპირი კომუნიკაციის საფუძვლები
- კომუნიკაციის მოდელები და მათი პრაქტიკული გამოყენება
- ხმა და მეტყველების ტექნიკა
- სხეულის ენა
- ეფექტი
მეტყველების რიტორიკა – აუდიტორიის წინაშე გამოსვლის უნარი
- საუბრით დარწმუნების ტექნიკა
- ინფორმაციული საუბარი/მოხსენება
- საჯარო გამოსვლა
საუბრის რიტორიკა
- კულტურათშორისი კომუნიკაცია – მრავალფეროვნებათა გათვალისწინებით
- კრიტიკა და კონფლიქტური საუბრები
- გუნდური პროცესების მართვა და კონტროლი
- კომუნიკაცია მენეჯერებისთვის
SITC-4-ეტაპიანი მეთოდი: ზრდასრულთა განათლება სემინარის სახით
- საუკეთესო პრაქტიკა: გამოცდილების გაზიარება
- ცოდნა: სწავლება საუბრის მეთოდით
- გამოყენება: “დემონსტრირება – იმიტაცია – უკუკავშირი” | ტრენერის ტექნიკა
- თვითანალიზი: დაფიქრება – გადამოწმება – საკუთარი გამოყენება
მიხეილ ბერნდონერი
თამუნა დოლიძის ქ. 21
თბილისი
+995 599 894 200
michael.berndonner@swissinstitute.academy
www.swissinstitute.academy
BPN Georgia Foundation
BPN Georgia არის ბიზნესის განვითარებაზე ორიენტირებული შვეიცარიული ფონდის წარმომადგენლობა საქართველოში.
ორგანიზაციის საქმიანობის სფეროა ბიზნესის მხარდაჭერა სტრატეგიული და მდგრადი განვითარების პროცესში, რაც გულისხმობს დახმარებას წარმატების მიღწევაში, სწორი ხედვის და ბიზნეს იდეების ჩამოყალიბებაში, მიზნების დასახვასა და რეალიზებაში, სწორი ბიზნეს და ფინანსური გეგმისა და სტრატეგიების შემუშავებაში, მმართველობითი, მარკეტინგული, ფინანსური და საკადრო საკითხების მოგვარებაში, სხვა ბიზნესებთან სასარგებლო კონტაქტების დამყარებასა და ურთიერთთანამშრომლობის პოტენციალის გამოვლენაში.
ქართველ – შვეიცარიელი ექსპერტების ჯგუფი საერთაშორისო და ადგილობრივ გამოცდილებაზე დაყრდნობით ადგილობრივი ბიზნესის წარმომადგენლებს უზიარებს ბიზნესის მართვის უმთავრეს პრინციპებს ბიზნესისთვის რელევანტურ სხვადასხვა სემინარებსა თუ ინდივიდუალურ ქოუჩინგ სესიებში.
სემინარების კომპაქტური, პრაქტიკული სავარჯიშოებით გაჯერებული შინაარსი და ინდივიდუალური მაგალითების განხილვის შესაძლებლობა, ქოუჩინგ სესიების ფარგლებში კი ბიზნესებთან ვიზიტი და საწარმოო პროცესების ადგილზე შესწავლა, უნიკალურს ხდის ფონდის საქმიანობას.
დანიელ მათერი
აფაქიძის ქ. N 5, 0171 თბილისი
ტიფლის ბიზნეს ცენტრი, სართ. 4
+995 32 2 92 20 26
info@bpngeorgia.ge
https://bpngeorgia.ge/
პრემიუმ კონტაქტ სოლუშენს
პრემიუმ კონტაქტ სოლუშენს ორიენტირებულია უმაღლესი ხარისხის სერვისების მიწოდებაზე და გერმანულენოვან მსხვილ და მცირე კომპანიებს, ასევე სტარტაპებს, სატელეფონო ცენტრის სერვისებს სთავაზობს. პრემიუმ კონტაქტ სოლუშენის გამოცდილი და მაღალი კვალიფიკაციის მქონე გუნდი, მაღალ დონეზე ფლობს გერმანულ ენასა და წარმატებით ასრულებს კომპანიის მიერ დასახულ მიზნებს, კლიენტთა მომსახურების სფეროსა თუ ონლაინ-გაყიდვებში.
კომპანია ახლო მომავალში ასევე გეგმავს ფრანგულ- და ინგლისურენოვანი სერვისების დამატებას.
პრემიუმ კონტაქტ სოლუშენის დამფუძლებლები: ბ-ნი გაგა ცირეკიძე და ქ-ნი მედეა გლოველი ფლობენ მრავალწლიან გამოცდილებას, როგორც გერმანულენოვან სატელეფონო ცენტრებში, ასევე სხვადასხვა სფეროებში, პერსონალის მართვისა და მენეჯმენტის განხრით. გაგა ცირეკიძე ასევე არის Kaukasus Personal-ის ერთ-ერთი დამფუძნებელი პარტნიორი.
LSG Solutions
LSG Solutions გთავაზობთ სამშენებლო მენეჯმენტს, დიზაინსა და საკონსულტაციო მომსახურებას ისეთ სფეროებში, როგორებიცაა: უძრავი ქონება, სამედიცინო, სამრეწველო ინდუსტრია და ინფრასტრუქტურა. დიზაინისა და მშენებლობის პროცესების ყოვლისმომცველი ცოდნის წყალობით, კომპანიას შეუძლია ლამაზი, საიმედო და მდგრადი ინფრასტრუქტურული პროექტების განხორციელება შეზღუდული ბიუჯეტისა და დროის პირობებში.
კომპანიის მიზანია სამშენებლო სექტორში საერთაშორისო სტანდარტების დანერგვა, ეფექტური და ხარისხზე ორიენტირებული პროექტების მენეჯმენტით, აშენებული ინფრასტრუქტურის ხარისხისა და ენერგოეფექტურობის გაუმჯობესებით და გარემოზე უარყოფითი ზემოქმედების მინიმუმამდე შემცირებით.
გოგა გუჯეჯიანი
მიხეილ ასათიანის ქ. 10, თბილისი
+995 599 02 20 00
ggujejiani@lsg.solutions
www.lsg.solutions
HMG Software LLC
HMG Software LLC (Hucke Media) დაარსდა 2004 წელს და სწრაფად ჩამოყალიბდა წარმატებულ და ინდუსტრიაში წამყვან ელექტრონული კომერციის და ERP სპეციალისტად.
როგორც ელ.კომერციის სააგენტო, Hucke Media 15 წელზე მეტია მხარს უჭერს დიგიტალიზაციაში ყველა ინდუსტრიაში მოღვაწე კომპანიებს.
Hucke Media-ს ძირითადი ბიზნეს სფეროები მოიცავს:
- ERP/საწყობის მართვის სისტემების დანერგვა და ადაპტაცია;
- კომპანიების სტრატეგიული რჩევები ციფრულ ცვლილებაში;
- ონლაინ მაღაზიების რეალიზაცია ERP სისტემის ინტერფეისების ჩათვლით;
- Google Ads-ის კამპანიების კონცეფცია და განხორციელება.
რუსთაველის გამზირი 24 , თბილისი
+995 595 595 511 870
inquiries@hmg.software
https://hmg.software/
მეიჯერელი-ტელეპერფორმანსი
მეიჯერელი მსოფლიოს 45 ქვეყანაში 82 000-ზე მეტ თანამშრომელს აერთიანებს და 500-ზე მეტ კლიენტს სანდო პარტნიორობას უწევს. ტელეპერფორმანსისა და მეიჯერელის კომბინაცია შექმნის ციფრული ბიზნეს სერვისების ლიდერს, რომელიც დომინანტი იქნება მსოფლიოს ეკონომიკის ყველა ძირითად სფეროში. ამ ორი მსხვილი კომპანიის გაერთიანება შექმნის შესაძლებლობებს რამდენიმე გეოგრაფიულ ლოკაციაზე და კლიენტთა მრავალფეროვანი პორტფოლიოთი ცოდნის გაღრმავებას ისეთ ინდუსტრიებში შეუწყობს ხელს, როგორებიცაა: ტექნოლოგია, საბანკო და საფინანსო მომსახურება, დაზღვევა, მოგზაურობა, ენერგია და კომუნალური მომსახურება, საცალო ვაჭრობა, საავტომობილო ინდუსტრია.
კომპანიების ძალების გაერთიანება დაინტერესებულ მხარეებს უამრავ ახალ შესაძლებლობას შეუქმნის. მეიჯერელი და ტელეპერფორმანსი საერთო ღირებულებებს იზიარებენ და მთავარ პრიორიტეტად, თანამშრომლების კეთილდღეობაზე ზრუნვასთან ერთად, კომპანიაში ოპერირების პასუხისმგებლობიანი პრაქტიკის არსებობას გამოყოფენ. სერვისებისა და გამოცდილების უნიკალური მრავალფეროვნება შექმნის ინდუსტრიის გლობალურ ლიდერს, რომელიც მომხმარებელთა მზარდი მოთხოვნილებების დაკმაყოფილებას თავს წარმატებით გაართმევს. შესყიდვის შედეგად, იქმნება ციფრული ბიზნეს სერვისების ორგანიზაცია, რომელსაც მსოფლიო ეკონომიკაზე ძლიერი გავლენა ექნება, ამასთან კი, 95 ქვეყანაში გუნდის 500 000-მდე წევრს გააერთიანებს.
Mytalent.io
Mytalent.io 2017 წლიდან DACH-ის რეგიონის მომხმარებლებისთვის სხვადასხვა ონლაინ სამუშაოზე საქართველოდან გერმანულენოვანი პერსონალის მოძიებას უზრუნველყოფს. იგი არის შპს Modi Modi Modi-ს სერვისი.
ომისა და ეკონომიკური კრიზისის მიუხედავად, Mytalent განაგრძობდა ზრდას და ის კვლავაც წარმატების გზაზე დგას. კომპანია ასაქმებს კანდიდატებს, რომლებსაც ძალიან კარგად ფლობენ გერმანულ და ინგლისურ ენებს და აქვთ გამოცდილება მომხმარებელთა მომსახურების სფეროში, ან არიან გრაფიკული და ვებ დიზაინერები, პროგრამისტები და სოციალური მედიის ექსპერტები.
Mytalent არის თბილისში გერმანულენოვანი საზოგადოების მნიშვნელოვანი ნაწილი.
ლაშა წოწორია
გერმ.: +49-40-22859351
საქ.: +995(32)2054796
ცუცხვათის 27, 0144 თბილისი, საქართველო
hello@mytalent.io
www.mytalent.io
აპტოსი
კომპანია აპტოსი 1996 წლიდან აწარმოებს ინოვაციურ ძაფებს, რომლებიც ესთეტიკურ მედიცინაში სახისა და სხეულის ლიფტინგისთვის, კონტურირებისა და გაახალგაზრდავებისთვის გამოიყენება. აპტოსის ძაფის და მეთოდების ავტორია პროფესორი მარლენ სულამანიძე, რომელმაც ამ გამოგონებით საფუძველი ჩაუყარა ესთეტიკური მედიცინის ახალ მიმართულებას – ძაფებით ლიფტინგს. აპტოსსვე ეკუთვნის კოსმეტიკურ ძაფზე პირველი საერთაშორისო პატენტი და სერიული წარმოების ლიცენზია.
კომპანიის სათაო ოფისი და ძირითადი საწარმო მდებარეობს საქართველოში, ხოლო წარმომადგენლობითი ოფისები – გერმანიაში, ჩეხეთში, არაბეთის გაერთიანებულ საამიროებში, ლატვიაში, რუსეთსა და ჩინეთში. მსოფლიოს მასშტაბით აპტოსის თანამშრომელთა რაოდენობა 300-ს აღემატება, ხოლო საქართველოს ოფისში 150-ზე მეტი ადამიანია დასაქმებული.
2023 წელი კომპანიისთვის განსაკუთრებულად წარმატებული იყო მრავალი მიმართულებით, მათგან აღსანიშნავია:
ახალი პროდუქტი – 2023 წელს კომპანიამ ინოვაციური და საავტორო ტექნოლოგიით შემუშავებული ახალი პროდუქტი გამოუშვა. უნიკალური NAMICA ტექნოლოგიით დამზადებული აპტოსის ძაფი მომხმარებლისთვის გახანგრძლივებულ გამაახალგაზრდავებელ ეფექტს უზრუნველყოფს.
„კოლხიდა“-ს 17 წლიანი წარმატება – კომპანია აპტოსი პლასტიკური ქირურგიისა და დერმატოლოგიის კავკასიის საერთაშორისო კონგრესის „კოლხიდა“-ს დამაარსებელი და ორგანიზატორია. 2023 წელს აპტოსმა თბილისში უმასპინძლა რიგით მე-17 და კონგრესის ისტორიაში ყველაზე მასშტაბურ ღონისძიებას – „კოლხიდა“-ს დაესწრო 1000-ზე მეტი ექიმი, 70-ზე მეტი ქვეყნიდან.
წარმომადგენლობა აღმოსავლეთ აზიაში – აპტოსმა საკუთარი წარმომადგენლობა გახსნა კიდევ ერთ სტრატეგიულ ბაზარზე აღმოსავლეთ აზიაში, კერძოდ, ჰონგ-კონგში. საკუთარი ოფისით ოპერირება კომპანიას საშუალებას მისცემს, რეგიონში პროდუქტზე და პროდუქტის გამოყენების მეთოდების სწავლებაზე ხელმისაწვდომობა გაზარდოს, რაც რეგიონში ბრენდის პოზიციას მნიშვნელოვნად გაამყარებს.
საერთაშორისო პარტნიორები – 2023 წელს აპტოსმა 16 ახალ სადისტრიბუციო კომპანიასთან გააფორმა ხელშეკრულება, მათ შორის იყო როგორც პარტნიორთა ცვლილება ესთეტიკური მედიცინის მსხვილ ბაზრებზე, როგორებიცაა: საუდის არაბეთი, ეგვიპტე, იტალია, ინდოეთი, ისე ახალ საექსპორტო ბაზრებზე შესვლა – აღსანიშნავია: სამხრეთ კორეა, იაპონია, ტაივანი, ვენესუელა, პერუ. გარდა ამისა, 2023 წელს აპტოსის პროდუქტი წარმატებით დარეგისტრირდა ბრაზილიის, კოლუმბიის და ტაილანდის ბაზრებზე, რაც კომპანიის მნიშვნელოვანი ზრდის გარანტია.
გიორგი გოჩიაშვილი
+995 32 292 03 71
https://aptos.global/
QWERTY
QWERTY არის ციფრული ტრანსფორმაციის საკონსულტაციო და პროგრამული უზრუნველყოფის დამუშავების კომპანია. უახლესი ტექნიკური გადაწყვეტილებებით, Qwerty მხარს უჭერს კომპანიებსა და საწარმოს მომხმარებლებს კომპლექსური პრობლემების მოგვარებაში, რომლებიც ციფრული განვითარების გზაზე წარმოიქმნება.
ინდუსტრიის საუკეთესო პრაქტიკის მიწოდების სურვილი, ახალ პრაქტიკულ და საიმედო ტექნოლოგიურ გადაწყვეტი-ლებებთან ერთად, Qwerty-ს ციფრულ სივრცეში სანდო პარტნიორად აქცევს.
სპეციალიზებული გუნდი მოიცავს პროდუქტის განვითარების, დიზაინისა და პროგრამული უზრუნველყოფის შემუშა-ვების ყველა ასპექტს და აქვს დიდი გამოცდილება სხვადასხვა ციფრულ პროდუქტში, მათ შორის: ჯანდაცვის, საბანკო და სხვა სფეროებში.
Qwerty-ში სჯერათ ციფრული პროდუქტის განვითარების თანამშრომლობითი, გამჭ-ვირვალე და განმეორებითი მიდგომის, რაც ინდუსტრიის საუკეთესო პრაქტიკაზე და კლიენტების ხედვებისადმი კომპანიის ერთგულებაზე არის დაფუძნებული.
BOLD and EPIC Craft LLC
BOLD & EPIC – ახალი სამუშაო ქსელი სამუშაო სამყაროს სტატუს კვოს კითხვის ნიშნის ქვეშ აყენებს. კომპანიის ხედვაა, სამუშაო სამყარო თანამედროვე გზით ხელახლა განსაზღვროს – ინოვაციური ბიზნესისა და თანამშრომლობის მოდელებით.
BOLD & EPIC Craft ქართველი IT სპეციალისტებს ასაქმებს და მათ გერმანულ პროექტებში რთავს.
“ჩვენ გვჯერა ჩვენი კოლეგების და იმის, რომ მხოლოდ ბედნიერი ადამიანები ასრულებენ საქმეს კარგად. როდის და სად, ამას არ აქვს ჩვენთვის მნიშვნელობა. ჩვენ გვინდა შევქმნათ ადგილი, სადაც ყველას სიამოვნებს კრეატიულობა”.
PEM Consult GmbH
PEM Consult GmbH, რომელიც დაარსდა 1977 წელს დიუსელდორფში, გერმანიაში, არის დამოუკიდებელი კერძო საკონსულტაციო კომპანია, რომელიც უზრუნველყოფს საკონსულტაციო მომსახურებას და ტექნიკურ დახმარებას საჯარო დაწესებულებებისთვის, ინდივიდუალური საწარმოებისთვისა და კერძო სექტორის ასოციაციებისთვის. ძირითადი სერვისები მიმართულია “3 E”-ის ირგვლივ (Entrepreneurship, Education, Environment): მეწარმეობა, განათლება და გარემო.
კომპანია მიზნად ისახავს, საკუთარი წვლილი შეიტანოს გლობალურ მდგრად განვითარებაში, რაც აისახება ეკონომიკურ ეფექტურობაში, სოციალურ სამართლიანობასა და ეკოლოგიურ პასუხისმგებლობაში. რეგიონალური მიმართულებით PEM-ის საქმიანობა ფოკუსირებულია გარდამავალი ეკონომიკის ქვეყნებზე კავკასიაში, ცენტრალურ და აღმოსავლეთ ევროპაში, ცენტრალურ და სამხრეთ-აღმოსავლეთ აზიასა და აფრიკაში.
საქართველოში PEM 2014 წლიდან მუშაობს პროფესიულ განათლებაზე, საგანმანათლებლო ინფრასტრუქტურის მოწყობასა და გაუმჯობესებაზე, ორგანიზაციულ განვითარებაზე და გერმანიის მთავრობის, ევროკომისიის და აშშ-ის ათასწლეულის გამოწვევის კორპორაციის მიერ დაფინანსებულ სხვა პროექტებზე. ამჟამად PEM -ის გუნდი აქტიურად მუშაობს, თბილისში პროფესიული განათლების ცენტრის შექმნასა და ოპერირებაზე, რომელიც იქნება ქვეყნის მასშტაბით სერვისების წამყვანი მიმწოდებელი სამშენებლო და ლოგისტიკის სექტორის კომპანიებისთვის.
ქეთევან ნატრიაშვილი
ი. ჭავჭავაძის გამზ. 10, ვაკე , თბილისი
Ketevan.Natriashvili@pem-consult.de
BMS
BMS არის სადისტრიბუციო კომპანია, რომელიც 22 წელზე მეტია ქართულ ბაზარზე ოპერირებს, 300-მდე თანამშრომელი ჰყავს მთელი ქვეყნის მასშტაბით და საქართველოში შემოაქვს საყოფაცხოვრებო და საკვები პროდუქტები, გერმანიიდან, იტალიიდან და სხვა ევროპული ქვეყნებიდან. კომპანია მუშაობს ისეთ დიდ საერთაშორისო ბრენდებთან, როგორებიცაა: Frosch, Vileda, Reggia და Basso. BMS პროდუქცია წარმოდგენილია საქართველოს ყველა დიდ მაღაზიაში, მათ შორის ისეთ ჰიპერმარკეტებსა და ქსელებში, როგორიცაა: Carrefour, Goodwill, Agrohub და Fresco.
BMS-ის მიზანი არ არის მხოლოდ პროდუქტების A წერტილიდან B-მდე ტრანსპორტირება, არამედ მათი მთავარი ამოცანაა, ხარისხიანი პროდუქტების შემოტანა ბაზარზე, რათა ქართველი მომხმარებლებისთვის გლობალური მასშტაბის ბრენდების პროდუქცია მაქსიმალურად ხელმისაწვდომი გახდეს. სწორედ ამ მიზეზით, კომპანიის მთავარი ფოკუსი საყოფაცხოვრებო და საკვები პროდუქტებია, რადგან ისინი სჭირდება ყველას და ყოველდღიურად.
GEC Consulting
GEC არის საერთაშორისო ბიზნეს და მენეჯმენტ საკონსულტაციო კომპანია, რომელიც უზრუნველყოფს სისტემურ ბიზნეს გადაწყვეტილებებს დიდ და საშუალო ზომის ორგანიზაციებისთვის და სტარტაპებისთვის, რომლებსაც სჭირდებათ ეფექტური ბიზნეს რჩევები ცვლილებების განხორციელებისთვის და ზრდისთვის. კომპანია მუშაობს როგორც კერძო, ასევე საჯარო სექტორის დაწესებულებებთან.
GEC-მა 2010 წლიდან დღემდე წარმატებით განახორციელა 150-ზე მეტი პროექტი, გახდა საქმიანობის გაუმჯობესების საერთაშორისო საზოგადოების (ISPI) წევრი, IFS -ის (საწარმოს პროგრამული უზრუნველყოფის -ERP-ს, წამყვანი საერთაშორისო მომწოდებელი) წარმომადგენლები საქართველოში, სომხეთსა და აზერბაიჯანში; შევიდა ახალ ბაზარზე და გახსნა წარმომადგენლობა ყირგიზეთში – ბიშკეკში და ყაზახეთში – ალმა-ატში.
Leavingstone
Leavingstone ამარტივებს მარკეტინგულ გამოწვევებს ქართულ ბაზარზე და სთავაზობს მდგრად და კონკურენტულ გადაწყვეტილებებს პარტნიორი მომხმარებლების ბიზნესის ზრდისთვის კრეატიული აზროვნებისა და ტექნოლოგიური ინოვაციების კომბინაციით. კომპანია გთავაზობთ სრულ სერვისს სოციალური მედიის ყველა ინსტრუმენტით, როგორიცაა გვერდის მართვა, ონლაინ მარკეტინგული კამპანიების შექმნა და FB აპლიკაციები.
გარდა ამისა, 100+ სხვადასხვა სფეროში დასაქმებული თანამშრომელი ყოველდღიურად მუშაობს საკუთარი პროდუქტის გასაუმჯობესებლად და ამ სფეროსთვის დამახასიათებელი, მუდმივი განვითარების, ფეხის ასაწყობად.
საოფისე ტექნოლოგიები
კომპანია “საოფისე ტექნოლოგიები” გახლავთ საოფისე ავეჯის მომწოდებელი წამყვანი ორგანიზაცია და ავეჯის მწარმოებელი ყველაზე დიდი ფრანგულ-ამერიკული ბრენდის – “სთილქეისის” ავტორიზებული დილერი საქართველოში.
კომპანია ლიდერია ოფისის დიზაინის, პროექტების მენეჯმენტის და ერგონომიული საოფისე ავეჯის მიწოდების დარგში და ორიენტირებულია მუდმივ განვითარებასა და მომსახურების სპექტრის გაფართოვებაზე. 2005 წლიდან საოფისე ტექნოლოგიები გახდა მრავალი საერთაშორისო და ადგილობრივი კომპანიის სანდო პარტნიორი.
კომპანიის მისიაა, დაეხმაროს ორგანიზაციებს, გაზარდონ შრომისუნარიანობის დონე სტანდარტული ოფისის ეფექტურ საოფისე გარემოდ გარდაქმნის და კომფორტული ატმოსფეროს შექმნის საშუალებით. საოფისე ტექნოლოგიების გუნდი ზრუნავს იმაზე, რომ სამუშაო სივრცე იქცეს ისეთ გარემოდ, სადაც ხალხი მუშაობს დიდი სიამოვნებით და ენთუზიაზმით.
ნანა ბერიაშვილი
თავისუფლების მოედანი, 4 ა, 0105 საქართველო, თბილისი
+995 322 999 980
020-EPOS
020-EPOS უფრო მეტია, ვიდრე ქოლ ცენტრი, რომელიც დაარსდა 2002 წელს. კომპანიამ ოპერირება სულ რაღაც 19 თანამშრომლით დაიწყო და დღეს (2024 წლის მდგომარეობით) უკვე მათი რიცხვი 900-მდე გაიზარდა 4 ლოკაციაზე.
020-EPOS-მა დაამტკიცა თავისი კომპეტენცია მის სფეროში და სარგებლობს შესანიშნავი რეპუტაციით თავის მომხმარებლებში. იგი ითვლება საიმედო, მოქნილ, ინოვაციურ და წარმატებაზე ორიენტირებულ კომპანიად. 020-EPOS-ის მიერ შემოთავაზებული სერვისების სპექტრი მოიცავს მომხმარებელთა მომსახურებას, გაყიდვების სფეროსა და (B2C & B2B) კონტაქტების მოძიებას.
საქართველოდან 020-EPOS თანამშრომლობს სატელეკომუნიკაციო ინდუსტრიის წამყვან კომპანიებთან, რომლებიც თავის მხრივ, დიდი ხნის პარტნიორები არიან გერმანიაშიც.
თეა ფაცაცია
ჟიული შარტავას ქ. 31, 0160 თბილისი
(+)995 555 525 599
Data and Operational Excellence Hub
Data and Operational Excellence Hub დაარსდა 2016 წელს და ბაზარზე არის ერთ-ერთი ლიდერი კომპანია, რომელიც თავის მომსახურებას სთავაზობს გერმანიის ელექტრონული კომერციის პლატფორმის ერთ-ერთ წამყვან ქსელს.
კომპანიამ განვითარება და გაფართოება უმოკლეს დროში მოახერხა, სადაც დღესდღეისობით დასაქმებულია 60-ზე მეტი ახალგაზრდა, პროფესიონალი და დინამიური თანამშრომელი. ოფისი მდებარეობს თბილისის ცენტრალურ უბანში. Data and Operational Excellence Hub თავის თანამშრომლებს სთავაზობს თანამედროვე, კომფორტულ და სასიამოვნო სამუშაო გარემოს. იგი დიდ მნიშვნელობას ანიჭებს თანამშრომლების კეთილდღეობას, განვითარებას და იდეებს.
შპს ,,ვაინორ ბოს”
შპს ,,ვაინორ ბოსი‘‘ არის ერთ-ერთი პირველი კომპანია, რომელიც აუთსორსინგის პროგრამის ფარგლებში გაიხსნა თბილისში. ის 14 წელზე მეტია წარმტებით თანამშომლობს გერმანულ კომპანიასთან weinor GmbH & Co. KG, რომლის სათაო ოფისი და წარმოება მდებარეობს გერმანიაში.
უკანასკნელ წლებში კომპანია კლასიკური მომსახურების ცენტრიდან ჩამოყალიბდა კომპეტენციის ცენტრად და 40- ზე მეტი თანამშრომლისგან შემდგარი გუნდით ეხმარება ,,ვაინორს‘‘ ციფრული ფორმატის საშუალებით, შეკვეთების დამუშავებაში ტერასული გადახურვების, ზამთრის ბაღებისა და მზის მაჩრდილობლების სექტორში.
,,ვაინორ ბოსი‘‘-ს კომპეტენტური გუნდი ელექტრონული კომუნიკაციითა და აქტიური სატელეფონო მომსახურეობით, უზრუნველყოფს ცენტრალური ოფისისა და მომხმარებლის მხარდაჭერას.
კომპანიის საქმიანობის მნიშვნელოვან სფეროებს წარმოადგენს: ძირითადი შეკვეთებისა და შეთავაზებების დამუშავება და კლიენტთა მხარდაჭერა რეკლამაციის მიმართულებით. ამას გარდა, კომპანია დიდ მნიშვნელობას ანიჭებს ხარისხის უზრუნველყოფას და მუდმივად ზრუნავს მის გაუმჯობესებაზე.
ნინო შენგელია
შპს ვაინორ-ბოს
ხორნაბუჯის ქ.80 , 0192, თბილისი
(0) 32 2 61 34 46
info@bos-georgia.ge
https://www.bos-georgia.ge/