August 2020

Global Finance-მა თიბისის კორპორატიული ციფრული ბანკი აღმოსავლეთ და ცენტრალურ ევროპაში ყველაზე ინოვაციურად, საქართველოში კი – საუკეთესოდ აღიარა

საერთაშორისო ფინანსურმა ჟურნალმა, Global Finance თიბისის სამომხმარებლო და კორპორატიული ციფრული ბანკი საუკეთესოდ დაასახელა რამდენიმე კატეგორიაში.

ავტორიტეტულმა გამოცემამ, თიბისის კორპორატიული ციფრული ბანკი  2020 წლის ყველაზე ინოვაციურ ციფრულ ბანკად აღიარა ცენტრალურ და აღმოსავლეთ ევროპაში,  საქართველოში კი – საუკეთესოდ.

გარდა ამისა, თიბისის  ციფრული ბანკი აღმოსავლეთ და ცენტრალურ ევროპაში საუკეთესოდ დაასახელდა  ციფრული მარკეტინგისა და სერვისის მიმართულებით, როგორც ფიზიკური, ისე იურიდიული პირებისთვის.

გამარჯვებული ფინანსური ინსტიტუტები სპეციალურმა ჟიურიმ შეარჩია, რომლის წევრები საერთაშორისოდ აღიარებული ექსპერტები არიან ტექნოლოგიების, საკონსულტაციო და სხვა სფეროების მიმართულებით. საუკეთესო ციფრული ბანკები შემდეგი კრიტერიუმებით შეირჩნენ: გამორჩეული სტრატეგია; მომხმარებლისთვის შეთავაზებული ინოვაციური და მრავალფეროვანი ციფრული სერვისები და პროდუქტები; მომხმარებლების რაოდენობის ზრდა; ციფრული ბანკის დიზაინი და ფუნქციონალი და სხვა.

ავტორიტეტული საერთაშორისო გამოცემა Global Finance უკვე 20 წელზე მეტია ასახელებს მსოფლიოს საუკეთესო ბანკებს სხვადასხვა ნომინაციაში. ჯილდოები საზოგადოებისთვის შეფასების სანდო სტანდარტად არის აღიარებული.

წლების განმავლობაში, თიბისის ინტერნეტ და მობაილბანკს Global Finance-ისგან არაერთი ჯილდო აქვს მიღებული სხვადასხვა კატეგორიაში. 2019 წელს  Global Finance-მა თიბისის მობაილბანკი სამომხმარებლო ციფრულ ბანკებს შორის მსოფლიოში საუკეთესოდ აღიარა.

პროკრედიტ ჯგუფის 2019 წლის ზემოქმედების ანგარიში წარმოადგენს ყოვლისმომცველ დოკუმენტს, რომელშიც ეკონომიკურ, სოციალურ და ეკოლოგიურ მდგრადობასთან დაკავშირებით ორგანიზაციის მიერ გასულ წელს გატარებული ღონისძიებებია აღწერილი. კვარტლურ ანგარიშში მოცემულია პროკრედიტ ჯგუფის მიერ რესურსების შიდა მოხმარების ოპტიმიზაციით განპირობებული CO2-ის გამოყოფის შემცირების ტენდენციებიც. დოკუმენტშივე წარმოდგენილია პროკრედიტ ბანკი საქართველოს მიერ მწვანე ეკონომიკის განვითარებისთვის კუთხით განხორციელებული ინიციატივები და შესრულებული სამუშაოები. ამავე ანგარიშში ნათქვამია, რომ პროკრედიტ ჯგუფმა, მნიშვნელოვანი დრო დაუთმო 2019 წლის განმავლობაში თანამშრომლებისთვის სოციალურ-ეკოლოგიურ საკითხებზე ტრენინგებს ჩატარებას.

აღსანიშნავია, რომ პროკრედიტ ჯგუფის ზემოქმედების ანგარიში გლობალური ანგარიშგების ინიციატივის (GRI) სტანდარტების შესაბამისად არის შემუშავებული. ანგარიშში გაერთიანებული ერების ორგანიზაციის მდგრადი განვითარების 8 მიზანთან შესაბამისობა განხილულია, როგორც ფინანსური დაწესებულების მისიის/პასუხისმგებლობის ნაწილი, რაც ორგანიზაციის საქმიანობის ქვეყნებში სტაბილური და მდგრადი ეკონომიკური ზრდის ხელშეწყობას ისახავს მიზნად.

აჭარა ჯგუფსა და Visa-ს შორის შედგა თანამშრომლობა, რომლის ფარგლებშიც შიდა ტურიზმის წამახალისებელი არაერთი აქტივობა იგეგმება. ერთობლივი კამპანიის „ასეთი დრო“ პრეზენტაცია გაიმართა Stamba Hotel-ში. ღონისძიებას აჭარა ჯგუფისა და Visa-ს პარტნიორი კომპანიების, მედიისა და საერთაშორისო ორგანიზაციების წარმომადგენლები დაესწრნენ.

„ასეთი დრო“ გლობალური სტუმარმასპინძლობის ინდუსტრიაში 2020 წელს განვითარებულ მოვლენებს ეხმიანება და საქართველოში შიდა ტურიზმის წამახალისებელ, შემოქმედებით კამპანიას წარმოადგენს. ეს ერთგვარი მოპატიჟებაა საკუთარი ქვეყნის თავიდან გასაცნობად და აღმოსაჩენად.

კამპანიის ფარგლებში, Visa ბარათის მომხმარებლები Rooms Hotels Kazbegi-სა და Rooms Hotel Kokhta-ში ერთი ღამით დარჩენის შემთხვევაში შეძლებენ მეორე ღამით უფასოდ ისარგებლონ. ამასთან ერთად, Cafe Stamba-ში, Rooms Garden Bar-სა და Lolita-ში კოქტეილის Visa ბარათით შეძენის შემთხვევაში, სტუმრებს მეორე კოქტეილზე აჭარა ჯგუფი და Visa დაპატიჟებს.

კიდევ ერთი აქტივობა გამორჩეული ხელწერის ქართველი ფოტოგრაფების ქვეყნის ოთხ წერტილში მოგზაურობას გულისხმობს. ისინი არსებული უნიკალური სივრცეებისა და ისტორიის წარმოსაჩენად მხატვრულ რეპორტაჟებზე იმუშავებენ.

საქართველოს ბანკის ფინანსური რესურსითა და შპს Food Alliance-ის თანამშრომლობით ნატახტარში გაყინული საკონდიტრო ნაწარმის საწარმო აშენდა. პროექტის მთლიანი ღირებულება 10 მილიონი ლარია, საიდანაც ბანკის თანამონაწილეობა 6.7 მილიონ შეადგენს.

10,197 კვ.მ მიწის ფართობზე განლაგებული საწარმოს მშენებლობა 2019 წლის მეორე ნახევარში დაიწყო და ერთ წელიწადში დასრულდა.

Food Alliance პროდუქციის რეალიზაციას ძირითადად ორი მიმართულებით გეგმავს: სასტუმროები და საცალო მარკეტები.

Schuchmann Group თბილისის ბალნეოლოგიურ კურორტთან თანამშრომლობით მომხმარებელს სიახლეს სთავაზობს. სპა პროცედურები, რომლებსაც კომპანია სტუმრებს აქამდე მხოლოდ კახეთში, Schuchmann Wine Spa-ში სთავაზობდა, უკვე თბილისშიც ხელმისაწვდომი ხდება.

როგორც კომპანიის გენერალური დირექტორი, ნუცა აბრამიშვილი აცხადებს, პანდემიის გამო 3 თვიანი წყვეტის შემდეგ, Schuchmann სტუმრებს უკვე იღებს კახეთში და მათ სპეციალურ პირობებს სთავაზობს. ზაფხულის განმავლობაში მოქმედებს აქციები და ფასდაკლებები, რაც შიდა ტურიზმისთვის განსაკუთრებით მნიშვნელოვანია.

საქართველოს ბანკი ნუშის ან ზეთისხილის ბაღის გაშენებისთვის ფერმერებს ახალ აგროპროექტს სთავაზობს, იუწყება ფორბსი.

აგროსესხი ბაღის გაშენება/მოვლისთვის საჭირო ძირითადი და საბრუნავი საშუალებების შეძენის დაფინანსებას ითვალისწინებს.

პროექტში ჩართვის შემთხვევაში შეთავაზებაზე ვრცელდება „დანერგე მომავალისა“ და „იაფი აგროკრედიტის“ საშეღავათო და საგრანტო პირობები.

აგროპროექტი Bar Lev Group-თან პარტნიორობით ხორციელდება, რომელიც წარმოადგენს ესპანურ სანერგე კომპანია Agromillora-სა და ესპანურ ბაღების მენეჯმენტის კომპანია Todovilo-ს, ასევე ებრაული სარწყავი სისტემების მწარმოებელ კომპანია Netafim-ს

კომპანია “ელემენტ კონსტრაქშენმა” “მაკდონალდსის” ახალი ობიექტი ააშენა. სამშენებლო-სარემონტო სამუშაოები უმოკლეს ვადაში – 4 თვეში დაასრულა. აქედან ერთი თვე სამშენებლო პროცესი პანდემიისგან გამოწვეული სავალდებულო შეზღუდვების გამო იყო გაჩერებული.

,,ელემენტ კონსტრაქშენის“ პორტფოლიოში ეს ,,მაკდონალდსის“ უკვე მესამე ობიექტია. აქამდე კომპანიამ „მაკდონალდსის“ ობიექტები საბურთალოზე და ქუთაისში ააშენა.

,,ელემენტ კონსტრაქშენი“ დარწმუნებულია, რომ თანამშრომლობა სწრაფი კვების რესტორნების უმსხვილეს ქსელთან მომავალშიც აქტიურად გაგრძელდება.