July 2024

საერთაშორისო გამოცემა Euromoney-მ, Awards for Excellence-ის ფარგლებში, გერმანიის ეკონომიკური გაერთიანების (DWV) წევრები, საქართველოს ბანკი და TBC ბანკი რამდენიმე მნიშვნელოვან კატეგორიაში დააჯილდოვა.

საქართველოს ბანკი 2024 წლის საუკეთესო ბანკად დაასახელა საქართველოში. ბანკმა ძლიერი შიდა მოთხოვნის, ტურიზმისა და ექსპორტის კაპიტალის შემოდინების საფუძველზე, შთამბეჭდავი ზრდა დააფიქსირა.  გარდა ამისა, საქართველოს ბანკი დაჯილდოვდა განათლების სფეროში გამორჩეული სოციალური პასუხისმგებლობის გამო, რომლის ფარგლებშიც  მან 40-ზე მეტი პროექტი დააფინანსა, მათ შორის- ონლაინ სამეცნიერო სკოლა და რეგიონებში მრავალფუნქციური საგანმანათლებლო სივრცეების შექმნა.

თიბისი ბანკი დაჯილდოვდა ორ კატეგორიაში: საუკეთესო ციფრული ბანკი და საუკეთესო ბანკი ბიზნეს სერვისებისთვის. ბანკმა შეძლო ციფრული მომხმარებლის რაოდენობის 6,2%-ით, ჯამში კი -1,9 მილიონით გაზრდა.  გარდა ამისა, თიბისი ბანკმა დანერგა ელექტრონული ხელმოწერები ტრანზაქციული საბანკო მომსახურეობისთვის, რამაც მნიშვნელოვნად გაზარდა ეფექტურობა. თიბისი ბანკმა მნიშვნელოვანი როლი ითამაშა ასევე, თბილისის საზოგადოებრივი ტრანსპორტის ინფრასტრუქტურის მოდერნიზაციასა და განვითარებაში.

30 წელზე მეტია Awards for Excellence ყოველწლიურად იმართება მსოფლიოს 100-ზე მეტ ქვეყანაში, რომლის ფარგლებშიც საფინანსო და საბანკო სექტორის წარმომადგენლები, გამორჩეული ინიციატივების, პროდუქტებისა და სერვისების მქონე ბანკები სახელდებიან.

გერმანიის ეკონომიკური გაერთიანების (DWV) წევრი CENN, ცნობილია გარემოს დაცვის, მდგრადი  განვითარებისა და საზოგადოებაში ცნობიერების ამაღლებისათვის,  მისი პასუხისმგებლიანი მიდგომებითა და “მწვანე ღონისძიებების” აქტიური ხელშეწყობით. მან მნიშვნელოვანი წვლილი შეიტანა   ეზო ფესტივალი 2024-ის ეკოლოგიურად ჩატარებაში.

ფესტივალის ინიციატივას, გახდეს პირველი მდგრადი ფესტივალი საქართველოში და ხმარებიდან ამოიღოს პლასტმასის ბოთლები, საწრუპები და დაახარისხოს შუშა ხელმეორედ გამოყენებისათვის, CENN-მა სრული მხარდაჭერა გამოუცხადა და ფესტივალის სივრცეში, პლასტმასის ბოთლებისა და ჩხირების გადასაყრელად და ასევე მინის  გადასამუშავებლად 40  დასახარისხებელი კუთხე მოაწყო, დახარისხების პუნქტების მოწყობა, დაფინანსებულია გაეროს განვითარების პროგრამისა (UNDP) და ნორვეგიის მხარდაჭერით,  (LEAD)  „ლიდერობა, თანასწორობა, ადვოკატირება და დემოკრატია“ (LEAD) პროექტის ინიციატივის „შეაჩერე პლასტმასით დაბინძურება საქართველოში“ ფარგლებში.

განხორციელებული პროექტი, მაგალითია სხვა ღონისძიებებისთვის და ხელს შეუწყობს, რესურსების პასუხისმგებლიანი გამოყენების პოპულარიზაციას საქართველოში.

DWV-ს წევრებობის შესახებ უფრო მეტი აქ.

გერმანიის ეკონომიკური გაერთიანების (DWV) წევრი გრანთ თორნთონი, ოფიციალურად შეუერთდა HRPA Georgia-ს.

გრანთ თორნთონი წარმოადგენს მსოფლიოს დამოუკიდებელი აუდიტორული, საგადასახადო და საკონსულტაციო ფირმების ერთ-ერთ წამყვან ქსელს. კომპანიის 73,000-ზე მეტი თანამშრომელი, 150 ქვეყანაში ცდილობს იყოს გამორჩეული კლიენტებისათვის და შექმნას შესაბამისი გარემო კოლეგებისთვის, რომელშიც მათ უხდებათ ცხოვრება და მუშაობა.

HRPA ასოციაცია არის განვითარების პლატფორმა, რომელიც ორიენტირებულია ადამიანურ რესურსებზე და ორგანიზაციულ განვითარებაზე.

აღნიშნული პარტნიორობა მიზნად ისახავს, ორგანიზაციის თანამშრომლების პროფესიული განვითარების ხელშეწყობასა და ადამიანური რესურსების პრაქტიკის გაძლიერებას.

DWV-ს წევრებობის შესახებ უფრო მეტი აქ.

28-დან 30 ივნისს თბილისში, გერმანიის ეკონომიკური გაერთიანების წევრის, TBC სტარტაპერის მხარდაჭერით, Axel-მა, ეკოსისტემის საერთაშორისო კონფერენცია ჩაატარა. ამ პლატფორმის საშუალებით სტარტაპებს მიეცათ უნიკალური შესაძლებლობა, პირდაპირი კონტაქტი დაემყარებინათ გამოცდილ ბიზნეს-წარმომადგენებთან, რაც აუცილებელი წინაპირობაა დამწყები ბიზნესების განვითარებისთვის.  მათ, ღონისძიების ფარგლებში მიიღეს ქართველი ანგელოზი ინვესტორების, ვენჩურული ფონდების წარმომადგენლებისა და ანტერპრენერებისგან  მათთვის საჭირო საკითხებთან დაკავშირებული რჩევა-დარიგებებიც.

კონფერენციამ, კიდევ ერთხელ გამოკვეთა პირდაპირი კომუნიკაციის  მნიშვნელობა და აუცილებლობა დამწყები სტარტაპების ხელშეწყობის საქმეში.

DWV-ს წევრებობის შესახებ უფრო მეტი აქ.

გერმანიის ეკონომიკური გაერთიანების (DWV) წევრების პროკრედიტ ბანკისა და გრანთ თორნთონის და ასევე, ევროპის ბიზნეს ასოციაციის და გაეროს გლობალური შეთანხმების ქსელი საქართველოს თანამშრომლობით, გაიმართა ღონისძიება “ESG და მდგრადი ფინანსები – შესაძლებლობები და გამოწვევები“. ღონისძიების ფარგლებში მხარეებმა განიხილეს კორპორატიული მდგრადობის პოლიტიკის განვითარების ტენდენციები, გაეროს მდგრადი განვითარების გეგმებისა და ESG-ის კუთხით მოსალოდნელი შედეგები ბიზნესისთვის და ფინანსური შესაძლებლობები მდგრადი განვითარების მიმართულებით.

პროკრედიტ ბანკის წარმომადგენლებმა დეტალურად მიმოიხილეს საქართველოში მწვანე ინვესტიციებისა და მდგრადი დაფინანსებების შესაძლებლობები და ბანკის მიერ განხორციელებული ინოვაციური პრაქტიკები.

DWV-ს წევრებობის შესახებ უფრო მეტი აქ.

გერმანიის ეკონომიკური გაერთიანების (DWV) წევრი კომპანია საქართველოს ბანკი, აქტიურად იცავს გარემოს და მხარს უჭერს განახლებადი ენერგიების განვითარებას საქართველოში. ბანკის ხელშეწყობით „აისბერგ თბილისი“-ში მზის პანელები დამონტაჟდება. „აისბერგ თბილისი“ არის სამაცივრე მეურნეობა, რომლის წლიური ხარჯების დიდი ნაწილი ენერგიის მოხმარებაზე მოდის.

პროექტის საერთო ღირებულება 220 ათას ევროს შადგენს, რომელსაც საქართველოს ბანკი, ა(ა)იპ “სოფლის განვითარების სააგენტოსთან” ერთად ახორციელებს.

პროექტის ფარგლებში, 760 ერთეული მზის პანელი დამონტაჟდება, რომლებიც ყოველწლიურად დაახლოებით 740 000 კვტ/სთ ენერგიას გამოიმუშავებს, რაც კომპანიას საერთო ჯამში,  დაახლოებით 200 000 ლარის დაზოგვის საშუალებას მისცემს.

DWV-ს წევრებობის შესახებ უფრო მეტი აქ.