გერმანიის ეკონომიკური გაერთიანების (DWV) წევრი, საქართველოს ბანკი FTSE 100-ში შევიდა და გახდა პირველი კომპანია საქართველოში, როგორც Lion Finance Group-ში შემავალი ფინანსური ინსტიტუტი, რომელმაც ლონდონის საფონდო ბირჟის 100 წამყვან კომპანიას შორის დაიკავა ადგილი.
FTSE 100-ში საქართველოს ბანკი ისეთი გლობალური კომპანიების გვერდით არის, როგორებიცაა: HSBC, BP, Unilever, ROLLS-ROYCE, SHELL, BARCLAYS და სხვა.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების წევრმა კომპანიამ დიომ, საქართველოს სამშენებლო სექტორში ენერგოეფექტური ტექნოლოგიების დანერგვა და კვალიფიციური კადრების მომზადება პრიორიტეტად დაისახა. ამ მიზნით, დიომ, ენერგოეფექტურობის ცენტრსა და კოლეჯ „ბლექსს“ შორის ურთიერთთანამშრომლობის მემორანდუმი გააფორმა.
პარტნიორობის ფარგლებში შეიქმნა ახალი პროფესიული პროგრამა „თანამედროვე კარ-ფანჯრებისა და გამჭვირვალე ზედაპირების დამზადება-მონტაჟი“, რომელიც შრომის ბაზრის მოთხოვნებსა და ეკოლოგიურ გამოწვევებს პასუხობს. პროექტი მიზნად ისახავს განათლებისა და წარმოების სექტორების დაახლოებას, რაც სტუდენტების უნარების გაძლიერებასა და ენერგოეფექტური მშენებლობის პრაქტიკის დანერგვას მოიცავს.
მემორანდუმი გაფორმდა ევროკავშირისა და ავსტრიის განვითარების სააგენტოს მიერ დაფინანსებული პროექტის „მდგრადი და მწვანე ბიზნეს პრაქტიკების განვითარება საქართველოში“ ფარგლებში. მისი იმპლემენტაცია ენერგოეფექტურობის ცენტრი საქართველოს, World Vision საქართველოსა და საქართველოს ფერმერთა ასოციაციის მიერ ხორციელდება.
დიო ამ ნაბიჯით განათლებასა და წარმოებას შორის მჭიდრო კავშირის მნიშვნელობას უსვამს ხაზს, რაც ქვეყნის მდგრადი განვითარების საფუძველია.
DWV-ს წევრებობის შესახებ უფრო მეტი აქ.
ხილისა და ბოსტნეულის უდიდესი გამოფენა FRUIT LOGISTICA ბერლინში 2026 წლის 4-6 თებერვალს გაიმართა, სადაც ერთ სივრცეში შეიკრიბნენ მწარმოებლები, დარგის სპეციალისტები და ამ სფეროთი დაინტერესბულ პირები მსოფლიოს ყველა კუთხიდან.
გერმანიის ეკონომიკურმა გაერთიანებამ (DWV), როგორც FRUIT LOGISTICA-ს ოფიციალურმა წარმომადგენელმა საქართველოში, სოფლის განვითარების სააგენტოთან მჭიდრო თანამშრომლობით, ბერლინში 11 ქართული კომპანიის მონაწილეობა უზრუნველყო. გასული წლების მსგავსად, საქართველო წელსაც გამოფენაზე საზიარო სტენდით იყო წარმოდგენელი. საქართველოს პავილიონში წარმოდგენილი იყო ლურჯი მოცვის, მშრალი ხილისა და სანელებლების მწარმოებელი კომპანიები, რაც კიდევ ერთხელ უსვამს ხაზს ქართული აგროპროდუქციის პოტენციალს.
წლევანდელ Fruit Logistica-ზე საქართველოს წარმოადგენდნენ შემდეგი კომპანიები:
GeoAgro Estate LLC – მოცვის წარმოება
AGROLANE LLC – მოცვის წარმოება
Blue Bird Berries LLC – მოცვის წარმოება
Kolkhuri Kenkra LLC – მოცვის წარმოება
Agritouch LLC – მოცვის წარმოება
Khoni Plantations LLC – მოცვის წარმოება
Geo Organics LLC – მოცვის წარმოება
Alpine Spices LLC – სანელებლების წარმოება
Gentry Investments LLC – მოცვის წარმოება
Caucasus Organic Fruits LLC – ჩირის წარმოება
Georgian Agrarian Union LLC – მოცვის წარმოება
გამოფენამ შესანიშნავი პირობები შექმნა საერთაშორისო მყიდველებთან, იმპორტიორებთან და სავაჭრო პარტნიორებთან პირდაპირი კონტაქტების დასამყარებლად. გარდა უკვე არსებული სეგმენტებისა, როგორიცაა ახალი პროდუქცია, ტექნიკა და ტექნოლოგია, ლოგისტიკა, ყურადღება გამახვილდა მდგრადი წარმოების, ციფრულიზაციის და თანამედროვე აგრარული ტექნოლოგიების ინოვაციურ განვითარებაზე.
FRUIT LOGISTICA ევროპის მასშტაბით ერთ-ერთ უმნიშვნელოვანეს საერთაშორისო ღონისძიებად ითვლება, რომელიც აერთიანებს ხილისა და ბოსტნეულის სფეროში მოქმედ კომპანიებსა და მწარმოებლებს მსოფლიოს სხვადასხვა ქვეყნიდან.
დამატებითი ინფორმაციისთვის დაუკავშირდით მარიამ თუშიშვილს მეილზე: mariam.tushishvili@dwv.ge
2026 წლის 5 თებერვალს, ინვესტორთა საბჭოში (IC) გაიმართა შეხვედრა თემაზე: საქართველოს შრომითი მიგრაციის საკანონმდებლო ჩარჩო. შეხვედრას ესწრებოდნენ იურიდიული ექსპერტები და ინვესტორთა საბჭოს წევრი ორგანიზაციები, მათ შორის გერმანიის ეკონომიკური გაერთიანების (DWV) აღმასრულებელი დირექტორი, ბ-ნი მაგ. თომას კიმესვენგერი.
შეხვედრაზე განიხილეს პროექტის მთავარი გამოწვევები, მისი პრაქტიკული გავლენა ბიზნესზე, მოთხოვნილი პროცედურები და დოკუმენტაცია, ასევე წესების გამოყენება საზღვარგარეთულ დისტანციურ საქმიანობებზე.
შეხვედრის მიზანს წარმოადგენდა შრომითი მიგრაციის საკანონმდებლო ჩარჩოს გაუმჯობესება, რაც ხელს შეუწყობს ბიზნეს გარემოს გაუმჯობესებას და საერთაშორისო თანამშრომლობის გაღრმავებას. გერმანიის ეკონომიკური გაერთიანება (DWV) აგრძელებს აქტიურ მონაწილეობას ამ პროცესში, რათა უზრუნველყოს ბიზნესის ინტერესების დაცვა და ხელი შეუწყოს ინოვაციური და მდგრადი გადაწყვეტილებების მიღებას.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრი თიბისი ბანკი მუდმივად ზრუნავს ახალგაზრდების განათლებაზე. თიბისის მხარდაჭერითა და საქართველოს ხელოვნური ინტელექტის ასოციაციის (GAIA) ორგანიზებით, AI ლიგის პირველი ტური ჩატარდა, რომელიც მოსწავლეებს AI ოლიმპიადებისთვის ამზადებს.
ლიგა კურსის პრაქტიკულ კომპონენტს წარმოადგენს და მონაწილეებს შესაძლებლობას აძლევს, ყოველი მოდულის დასრულების შემდეგ ოლიმპიადის ფორმატში გამოცადონ საკუთარი ცოდნა. AI ლიგის პირველ ტურში მონაწილეობა 50-ამდე მოსწავლემ მიიღო და ღონისძიებას ბიზნესისა და ტექნოლოგიების უნივერსიტეტმა უმასპინძლა.
AI-ს საოლიმპიადო კურსი უკვე მეორედ ტარდება და 2026 წლის ეროვნული და საერთაშორისო AI ოლიმპიადებისთვის ემზადება. თიბისისთვის AI განათლება პრიორიტეტული მიმართულებაა და მიზნად ისახავს ახალი თაობის პროფესიონალების ჩამოყალიბებასა და საქართველოს გლობალურ ტექნოლოგიურ ეკოსისტემაში პოზიციონირებას.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრმა კომპანიამ Gvinadze & Partners იმოქმედა კრედიტორის ქართული სამართლის მრჩევლის როლში 150 მილიონი აშშ დოლარის ოდენობის სასესხო დაფინანსების ფარგლებში, რომელიც TAV Georgia-სთვის (Groupe ADP-ის წევრი კომპანია) გაიცა. აღნიშნული დაფინანსება ემსახურება თბილისის საერთაშორისო აეროპორტის განვითარების მომდევნო ეტაპს და მოიცავს მასშტაბურ გაფართოების პროგრამას, რომლის შედეგად აეროპორტის წლიური გამტარუნარიანობა 10 მილიონ მგზავრამდე გაიზრდება. ტრანზაქცია ასევე ითვალისწინებს TAV Georgia-ს კონცესიის ვადის გახანგრძლივებას 2031 წლამდე.
აღნიშნული დაფინანსება წარმოადგენს საქართველოს ინფრასტრუქტურული განვითარების მნიშვნელოვან ეტაპს და ხელს უწყობს თბილისის პოზიციის გაძლიერებას, როგორც რეგიონული ავიაციური ჰაბის.
ტრანზაქციაზე მომუშავე გუნდს ხელმძღვანელობდა პარტნიორი სოფი ფანჯიკიძე, გუნდში ასევე მონაწილეობდნენ უფროსი იურისტი ნინო გობეჯიშვილი და იურისტები თეკლა მეგრელი და ნინო კარალაშვილი. კომპანია აფასებს ყველა ჩართული მხარისა და მათი სამართლებრივი მრჩევლების ეფექტურ თანამშრომლობას ამ ტრანზაქციის ფარგლებში.
Gvinadze & Partners წარმოადგენს ერთ-ერთ წამყვან ბიზნესიურიდიულ ფირმას საქართველოში, რომელსაც აქვს 30 წელზე მეტი გამოცდილება ბიზნესისა და ინვესტიციების სამართლებრივ მხარდაჭერაში. ფირმა ფართოდ არის აღიარებული მაღალი ხარისხის იურიდიული მომსახურებით ყველა ძირითად პრაქტიკულ მიმართულებაში, განსაკუთრებით საბანკო და საფინანსო სამართალში.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრმა კომპანიამ დიომ 30 წლის იუბილე კორპორატიული საღამოთი აღნიშნა, რომელიც კომპანიის ისტორიაში მნიშვნელოვანი ეტაპია. ღონისძიებაზე, რომელზეც თანამშრომლები და პარტნიორები იყვნენ მიწვეული, სპეციალური დაჯილდოებები და გათამაშებები გაიმართა,
„დიო“ უკვე 30 წელია წარმატებით ოპერირებს ქართულ ბაზარზე. იგი ამ პერიოდში ჩამოყალიბდა, როგორც ერთ-ერთი წამყვანი კომპანია სამშენებლო ინდუსტრიაში. მისი მიზანია ევროპული სტანდარტებისა და ინოვაციური მიდგომების გავრცელება, რაც ხელს უწყობს ბაზრის განვითარებასა და სტანდარტების გაუმჯობესებას.
კომპანია მუდმივად ორიენტირებულია ხარისხის, განვითარების და პროფესიონალიზმის გაუმჯობესებაზე, რაც მას საშუალებას აძლევს, იყოს ლიდერი თავის სფეროში. „დიო“-ს 30 წლის იუბილე კიდევ ერთხელ ადასტურებს მისი წარმატების ისტორიას და ხაზს უსვამს იმ ადამიანების როლს, რომლებიც ამ წარმატებას ქმნიან.
ვულოცავთ დიოს ამ მნიშვნელოვან იუბილეს და მომავალში ბევრ წარმატებულ პროექტს ვუსურვებთ.
DWV-ს წევრებობის შესახებ უფრო მეტი აქ.
საქსტატის წინასწარ მონაცემებზე დაყრდნობით, 2025 წელს საქართველოდან ევროკავშირში განხორციელებულმა საქონლის ექსპორტმა $876.84 მილიონი შეადგინა, რაც 2024 წელთან შედარებით 53%-მდე ზრდას ნიშნავს.
ევროკავშირის ქვეყნებზე საქართველოს ექსპორტის ($7.29 მილიარდი) 12% მოდის (ნაცვლად 8.7%-სა 2024 წელს).
ევროკავშირიდან იმპორტმა კი 2025 წელს $4.7 მილიარდი შეადგინა, ზრდა – 2.5%.
ევროკავშირზე მოდის საქართველოს იმპორტის ($18.53 მილიარდი) 25.4% მოდის (ნაცვლად 27.2%-სა 2024 წელს).
საქართველოს ყველა ევროკავშირის ქვეყანასთან (მალტის გარდა) აქვს უარყოფითი სავაჭრო სალდო. ევროკავშირიდან განხორციელებულ იმპორტში ყველაზე დიდი წილი 32%-მდე, ანუ $1.22 მილიარდი, გერმანიაზე მოდის. ამ ქვეყანაში ქართული ექსპორტი კი მხოლოდ $71.63 მილიონია.
საქართველოს აუდიტორული და საკონსულტაციო მომსახურების ბაზარი აქტიურ ზრდას განაგრძობს, რაც ძირითადად ბიზნეს საკონსულტაციო სერვისებზე მზარდი მოთხოვნით არის განპირობებული. 2024 წლის შედეგები, რომელიც აუდიტორული ფირმების მთლიან შემოსავლებს ასახავს, ტოპ კომპანიების პოზიციებში მნიშვნელოვან ცვლილებებს აჩვენებს.
რეიტინგი ეფუძნება ბუღალტრული აღრიცხვის, ანგარიშგებისა და აუდიტის ზედამხედველობის სამსახურის (SARAS) პორტალზე საჯაროდ გამოქვეყნებულ ოფიციალურ ფინანსურ მონაცემებს. წარმოდგენილი მონაცემები ასახავს სდპ სტატუსის მქონე საერთაშორისო აუდიტორული კომპანიების შედეგებს 2024 წლისთვის.
აღსაღნიშნავია ის ფაქტი, რომ საქართველოს უმსხვილესი საერთაშორისო აუდიტორული კომპანიების ათეულის რეიტინგში, გერმანიის ეკონომიკური გაერთიანების (DWV) წევრი კომპანიები: ნექსია საქართველო და გრანთ თორნთონ წამყვან ადგილებს იკავებენ.
2024 წლის ათეული (შემოსავლების მიხედვით):
„ნექსია საქართველოს“ მყარი პოზიცია ხუთეულში
მე-5 ადგილზე მოხვდა „ნექსია საქართველო“, რომელმაც გაიმყარა თავისი პოზიცია რეიტინგში. შთამბეჭდავი 19.21%-იანი შემოსავლების ზრდა, რაც 14,546,637 ლარს შეადგენს (2023 წლის 12,202,942 ლართან შედარებით), ხაზს უსვამს „ნექსიას“ მდგრადობას. „ნექსია საქართველოს“ მიერ ხუთეულში ადგილის გამყარება მის სტრატეგიულ სიძლიერესა და ბაზარზე ეფექტურ ოპერირებაზე მეტყველებს.
„გრანთ თორნთონის“ წინსვლა და მდგრადი განვითარება
აუდიტორული ფირმების ათეულში „გრანთ თორნთონი“ წინა წელთან შედარებით დაწინაურდა და მე-7 ადგილზე გადაინაცვლა. კომპანიის შემოსავლების 11.85%-იანი ზრდა, რომელიც 2023 წლის 4,912,316 ლარიდან 2024 წელს 5,494,493 ლარამდე გაიზარდა, ნათლად მეტყველებს მის სტაბილურ და პროგრესულ განვითარებაზე ბაზარზე. ეს წინსვლა ადასტურებს „გრანთ თორნთონის“ უნარს, გააუმჯობესოს თავისი პოზიცია ტოპ-10-ში, მიუხედავად მაღალი კონკურენციისა. კომპანიის მდგრადი ზრდა მისი ეფექტური მართვისა და კლიენტების მხრიდან ნდობის მაჩვენებელია.
2025 წლის სრული მონაცემები ხელმისაწვდომი 2026 წელს გახდება.
2026 წლის 1 იანვრიდან საქართველოში ძალაში შევიდა რეგულაცია, რომლის თანახმადაც ქვეყანაში შემომსვლელი უცხოეთის მოქალაქეებისა და ვიზიტორებისთვის სავალდებულო გახდა ტურისტული დაზღვევა საქართველოში ყოფნის სრული პერიოდის განმავლობაში, რომელიც საჭირობის შემთვევაში გადაუდებელ სამედიცინო სერვისებზე მყისიერ წვდომას გულისხმობს. არდიში აცხადებენ, რომ ახალი მოთხოვნების ამოქმედებამ მნიშვნელოვნად გაზარდა ტურისტების მომართვიანობა არდის მრავალწლიანი გამოცდილების პროდუქტზე — Welcomer – Travel in Georgia Insurance, რომელიც უკვე 10 წელზე მეტია უცხოელ ვიზიტორებს უზრუნველყოფს სრული გადაუდებელი სამედიცინო მომსახურებით.
პოლისი Welcomer, ჯამური (აგრეგირებული) პოლისის ლიმიტით – 30,000 ლარი სრულად შეესაბამება კანონმდებლობით განსაზღვრულ მოთხოვნებს და გათვლილია ყველა ტიპის ვიზიტორზე — ტურისტებიდან სტუდენტებამდე, საქმიანი ვიზიტორებიდან 1 წლამდე ვადით ჩამოსულ ექსპატრიანტებამდე. არდის მრავალწლიანი გამოცდილება, ყველაზე ფართო პროვაიდერების ქსელი და ოპერატიული მომსახურების სისტემა კომპანიას საშუალებას აძლევს ეფექტურად მოემსახუროს საქართველოში ნებისმიერი მიზნით და ვადით ჩამოსულ უცხო ქვეყნის მოქალაქეს.
პოლისი Welcomer მფლობელებისთვის სერვისის მიღების პროცედურაც მაქსიმალურად მარტივია. საკმარისია მხოლოდ ერთი ზარი არდის 24/7 საკონტაქტო ცენტრში ნომერზე 0322101010 და კომპანია უმოკლეს ვადაში უზრუნველყოფს სრული გადაუდებელი სამედიცინო მომსახურების ორგანიზებას მთელი საქართველოს მასშტაბით, მათ შორისაა: გადაუდებელი ჰოსპიტალიზაცია, ამბულატორიული მომსახურება, გადაუდებელი სტომატოლოგია და ოფთალმოლოგია, სამედიცინო ევაკუაცია, რეპატრიაცია. დამატებითი დაფარვების სახით არდი უცხო ქვეყნის ვიზიტორებს უნიკალურ სერვისებსაც სთავაზობს, როგორიცაა:
იმ შემთხვევაში, თუ უცხო ქვეყნის მოქალაქე საქართველოში საქმიანობის ან ცხოვრების მიზნით 1 წლით და მეტი ვადით, არდის რეკომენდაციაა ასეთ შემთხვევაში შეიძინონ სრულფასოვანი სამედიცინო დაზღვევის პაკეტი 1 წლის ვადით. არდის ინდივიდუალური სამედიცინო დაზღვევის პროგრამა – „ვიტამინები“ 2015 წლიდან მოქმედებს და დღეს წარმოადგენს ყველაზე სრულყოფილი ინდივიდუალური დაზღვევის პაკეტს საქართველოს ბაზარზე, რომელიც გადაუდებელ სერვისებთან ერთად ყველა ტიპის გეგმიურ მომსახურებასაც მოიცავს – მედიკამენტების, სამედიცინო ჩექაფის და გეგმიური სტომატოლოგიის ჩათვლით.
არდის უცხო ქვეყნის ვიზიტორების დაზღვევის პოლისის შეძენა შესაძლებელია რამდენიმე არხით:
„ჩვენი მიზანია, საზღვრის გადმოლახვის მომენტიდანვე შევქმნათ უცხო ქვეყნის ვიზიტორებისთვის უსაფრთხო და მარტივი გარემო. პოლისის შეძენის და მომსახურების მრავალარხიანი სისტემა ვიზიტორებს საშუალებას აძლევთ რამდენიმე წუთში მიიღონ სრულფასოვანი მომსახურება, სადაც არ უნდა იმყოფებოდნენ. ამ გამოცდილებას არდი ამკვიდრებს უკვე მრავალი წელია. სავალდებულო დაზღვევის გააქტიურება კი ვფიქრობთ მხოლოდ გაამყარებს არდის სანდო და სტაბილურ პოზიციას ახალ რეგულაციებთან სრულ შესაბამისობაში, რითიც ჩვენს წვლილს შევიტანთ პასუხისმგებლიანი და სტაბილური ტურიზმის განვითარების სფეროში საქართველოში” – აცხადებენ არდიში.
2026 წლის 1 იანვრიდან, საქართველოს ტურიზმის შესახებ კანონის თანახმად, უცხოელი ვიზიტორებისთვის სავალდებულო ხდება ჯანმრთელობისა და უბედური შემთხვევის დაზღვევა. გერმანიის ეკონომიკური გაერთიანების (DWV) წევრმა, იმედი L-მა, რომელიც 30 წელია ოპერირებს სადაზღვევო ბაზარზე, შექმნა სპეციალური სადაზღვევო პროდუქტი – ვიზიტორების დაზღვევა, რომელიც სრულად აკმაყოფილებს კანონით დადგენილ მოთხოვნებს.
პოლისში მითითებულია: დაზღვევის მხარეები, დაფარული ტერიტორია, დაზღვევის საგანი, სადაზღვევო პერიოდი, სადაზღვევო რისკები, სადაზღვევო ლიმიტები, სადაზღვევო პრემია, მისი გადახდის ადგილი და ვადა. პოლისის მოქმედების ვადა უნდა მოიცავდეს საქართველოში შემოსვლიდან მისი დაყოვნების სრულ პერიოდს. ეს უზრუნველყოფს, რომ ვიზიტორები სრულად დაზღვეულნი იქნებიან მთელი თავიანთი ვიზიტის განმავლობაში.
იმედი L სთავაზობს პოლისების სწრაფ და მარტივ ონლაინ გამოწერას რამდენიმე წუთში, რაც მომხმარებლებს საშუალებას აძლევს სწრაფად და მარტივად მიიღონ საჭირო დაცვა. კომპანია ასევე უზრუნველყოფს კონკურენტულ ფასებს, მოქნილ საკომისიო მოდელს და საიმედო მხარდაჭერას სადაზღვევო შემთხვევების დროს.
კომპანია ემსახურება 200,000-ზე მეტ დაზღვეულ პირს და ამაყობს თავისი გამოცდილებითა და სანდოობით. იმედი L თავაზობს ინდივიდუალუად მორგებულ თანამშრომლობის პირობებს.
დამატებითი ინფორმაციის მისაღებად დაუკავშირდით ქ-ნ ირინა გორაშვილს შემდეგ ელ. ფოსტაზე: igorashvili@imedil.ge
გერმანიის ეკონომიკური გაერთიანების (DWV) წევრებმა მნიშვნელოვანი წარმატებები მოიპოვეს Welcome to Georgia! – ტურიზმის ეროვნულ საიუბილეო დაჯილდოებაზე, რომელიც „პროკრედიტ ბანკის“ პარტნიორობით გაიმართა. ღონისძიებამ 35 კატეგორიაში გამოავლინა სექტორის საუკეთესო პრაქტიკები და 500-მდე პროფესიონალს უმასპინძლა.
დაჯილდოებაზე რამდენიმე გაერთიანების წევრი კომპანია წარმატებით გამოვიდა. Pullman Tbilisi Axis Towers Hotel დაჯილდოვდა როგორც – საუკეთესო MICE სივრცისა და საუკეთესო Mixology & Cocktail Bar-ის (Weather Report Sky Bar) მფლობელი. Swissôtel Tbilisi კი აღიარებულ იქნა როგორც საუკეთესო Upscale Accommodation.
გრანთ თორნთონმა მნიშვნელოვანი როლი ითამაშა დაჯილდოების პროცესში –კომპანიამ უზრუნველყო შეფასების სრული გამჭვირვალობა, დამოუკიდებლობა და პროფესიონალიზმი, ხოლო „პროკრედიტ ბანკმა“ დააწესა სპეციალური კატეგორია – ქალები ტურიზმში, რომლის გამარჯვებულსაც სპეციალური პრიზი გადაეცა. გარდა ამისა, „გრანთ თორნთონი“ და „პროკრედიტ ბანკი“ ჟიურის წევრებადაც მონაწილეობდნენ, რაც შეფასების პროცესის ობიექტურობასა და სანდოობას უზრუნველყოფდა.
Welcome to Georgia! – ტურიზმის ეროვნული დაჯილდოება 2015 წლიდან ტარდება და მიზნად ისახავს ტურიზმისა და სტუმარმასპინძლობის სექტორში ხარისხის, ინოვაციების და წარმატების აღიარებას. საიუბილეო დაჯილდოებამ კიდევ ერთხელ წარმოაჩინა მისი მნიშვნელობა, როგორც ერთ–ერთი ყველაზე პრესტიჟული ინდუსტრიული პრიზისა საქართველოში.
გარდა ამისა, Pullman Tbilisi Axis Towers Hotel-ის Weather Report Sky Bar, რომელიც წელს საუკეთესო Mixology & Cocktail Bar-ის კატეგორიაში გამარჯვებული გახდა, 15 ოქტომბერს უმასპინძლებს გერმანიის ეკონომიკური გაერთიანების ტრადიციულ ნეთვორქინგ ღონისძიებას – Get Together-ს. ეს შეხვედრა ბიზნესის წარმომადგენლებისთვის ღიაა და ქმნის უნიკალურ შესაძლებლობას, ახალი საქმიანი კონტაქტების დასამყარებლად, გამოცდილების გასაზიარებლად და თანამშრომლობის პერსპექტივების განსახილველად ინოვაციურ და წარმატებულ გარემოში.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრი, საქართველოს ბანკი, ცნობილია მისი საგანმანათლებლო პროექტებითა და ინოვაციური მიდგომებით ახალგაზრდების მხარდაჭერის მიმართულებით. ბანკის ერთ-ერთი ბოლო ინიციატივა, რომელიც განსაკუთრებულ ყურადღებას იმსახურებს, არის კომაროვის STEM სკოლის ერთწლიანი ონლაინ კურსი VII-XI კლასის მოსწავლეებისთვის. პროექტი უკვე 40-ზე მეტ საგანმანათლებლო ინიციატივას შორისაა და 500 000-ზე მეტ ახალგაზრდას აძლევს განათლების მიღების შესაძლებლობას.
კურსის მთავარი უპირატესობაა მისი სრული ონლაინ ფორმატი, რაც საქართველოს 11 რეგიონის ნებისმიერ სკოლაში მცხოვრებ მოსწავლეს აძლევს შანსს, ჩაერთოს სწავლების პროცესში და მიიღოს ხარისხიანი განათლება სახლიდან გაუსვლელად. ყოველწლიურად, საქართველოს ბანკი საუკეთესო შედეგების მქონე 60 მოსწავლეს სრულად, ხოლო 30 მოსწავლეს ნაწილობრივ უფინანსებს სწავლას.
რეგისტრაცია და დეტალური ინფორმაცია ხელმისაწვდომია ვებგვერდზე ganatleba.bog.ge, სადაც მოსწავლეები მარტივად შეძლებენ კურსზე დარეგისტრირებას.
გარდა ამისა, ბანკმა უკვე გახსნა ინოვაციური ბიბლიოთეკები – იდეათეკები საქართველოს 11 რეგიონის 25 სკოლაში, სადაც მოსწავლეებს 2 000-მდე წიგნი და თანამედროვე ტექნოლოგიები ელოდებათ. STEM ოლიმპიადაში გამარჯვებულ გუნდს ბანკი 10 000 ლარით აჯილდოვებს, ხოლო „ევერესტის“ ოლიმპიადის ოქროს ტურის 2 გამარჯვებული მოსწავლე 5 000-ლარიან სტიპენდიას იღებს.
DWV-ს წევრებობის შესახებ უფრო მეტი აქ.
IDS ბორჯომი საქართველომ, პირველი ქართული მინერალური წყლის „ბორჯომის“ წარმოების 135-ე წელს, თანამედროვე ტექნოლოგიებით აღჭურვილ ახალი ქარხანა გახსნა, რომლის დაგეგმასა და განხორციელებაში გერმანიის ეკონომიკური გაერთიანების (DWV) წევრებმა – LSG Solutions-მა და Element Construction-მა – მნიშვნელოვანი როლი შეასრულლეს. ქარხანა, რომელიც აშენდა საქართველოს უძველესი და უმსხვილესი მინერალური წყლის მწარმოებლის მიერ, აღჭურვილია უახლესი ტექნოლოგიებით და 48 000 მ² ფართობით ქვეყნის მასშტაბით ყველაზე დიდ საწარმოო ობიექტს წარმოადგენს. ინვესტიციის მოცულობა შეადგენს 120 მილიონ აშშ დოლარს.
LSG Solutions-მა განახორციელა პროექტის მშენებლობის მენეჯმენტი – წარმოების ხაზების სწორი განლაგება, ინჟინრული გადაწყვეტილებების ინტეგრაცია, ხარისხის და უსაფრთხოების კონტროლი.
Element Construction-მა ააშენა ახალი ქარხანა, მშენებლობისას განსაკუთრებული ყურადღება დაეთმო ენერგოეფექტური მასალებისა და მანქანების გამოყენებას, რათა გარემოზე ნეგატიური ზემოქმედება მინიმუმამდე შემცირებულიყო.
ეს პროექტი კიდევ ერთხელ უსვამს ხაზს, გერმანიის ეკონომიკური გაერთიანების წევრი კომპანიების კომპეტენციასა და მნიშვნელოვან როლს საქართველოს ინდუსტრიის განვითარებაში.
DWV-ს წევრებობის შესახებ უფრო მეტი აქ.
პროგრამა “Bayern – Fit for Partnership”-ის ფარგლებში, 2025 წლის 6-11 ივლისს, გერმანიის ეკონომიკურმა გაერთიანებამ (DWV) ბავარიაში საქართველოს 22-კაციანი დელეგაცია წარადგინა. ვიზიტის მიზანი იყო რძისა და სურსათის გადამუშავების ინოვაციური ტექნოლოგიების გაცნობა და ბავარიულ კომპანიებთან ახალი თანამშრომლობის შესაძლებლობების განხილვა.
ვიზიტის ფარგლებში დელეგაცია ეწვია კომპანიებს GERNEP და Krones, სადაც წევრებს მიეცათ საშუალება დეტალურად გაცნობოდნენ თანამედროვე ჩამოსხმის, ეტიკეტირების, შეფუთვისა და ტექნოლოგიურ პროცესებს, რომლებიც გამოიყენება რძის პროდუქტებისა და ყველის წარმოებაში.
კიდევ ერთი მნიშვნელოვანი თემა იყო ბავარიული რძის მრეწველობის სრული ღირებულებათა ჯაჭვის გაცნობა. კემპტენსა და ალგოიში დელეგაცია დაესწრო ბავარიის აგრარული კვლევის ინსტიტუტის პროფესიულ გამოფენას და მოინახულა რძის მრეწველობის სასწავლო, კვლევითი და სპეციალიზებული ცენტრები.
ვიზიტი DWV-ისა და Bayern International-ის თანამშრომლობით ჩატარდა და ბავარიის ეკონომიკის, რეგიონული განვითარებისა და ენერგეტიკის სამინისტროს მხარდაჭერით განხორციელდა. ეს წარმოადგენს მიზნობრივ პროგრამას, რომელიც საქართველოს რძის სექტორის გაძლიერებას ემსახურება პროფესიული გადამზადებისა და ექსპორტის ხელშეწყობის გზით.
გერმანიის ეკონომიკური გაერთიანების (DWV) წევრმა კომპანიამ Qwerty-მ, ინოვაციური ქართული პროექტი წარადგინა, რომელიც ადგილობრივ ბაზარზე სარესტორნო გამოცდილების გაუმჯობესებას ემსახურება.
„რეზტოს“ იდეა 2 მტკივნეული გამოცდილებით დაიწყო: მეგობრები საქართველოს ნაკრების თამაშზე წავედით, პაბში ერთი თვით ადრე გვქონდა მაგიდა დაჯავშნილი, ადგილზე მისულებს გვითხრეს, რომ თამაშის ყურებას ვერ შევძლებდით, რადგან ვიღაცას ფურცელზე მიწერილი ჩვენი ჯავშანი გადაუგდია… იმ საღამოს, სახლში მარტომ ვუყურე ისტორიულ მატჩს. მეორე მხრივ, ყველაზე მძიმე გამოცდილება ჩვენთვის რესტორანში საჭმლისთვის ლოდინია, რადგან როცა მშიერი ხარ, დრო უსასრულოდ იწელება– იხსენებენ Qwerty-ში.
ამ ცუდი სარესტორნო გამოცდილების შეცვლა Qwerty-მ rezto.ge -ის დაფუძნებით შესაძლებელი გახადა, რაც ნიშნავს იმას, რომ დღეიდან საჭმლისთვის ლოდინი აღარ გიწევთ. rezto.ge-ზე სტუმარს შეუძლია დაჯავშნოს რესტორანი და ასევე, შეუკვეთოს კერძი, რომელსაც რესტორანი ადგილზე მისვლისას გამზადებულს დაგახვედრებთ. მეტი კომფორტისთვის, მომხმარებლებს რესტორნების პირდაპირ Facebook-იდან, Instagram-იდან, Google-დან და Google Maps-იდან შეუძლიათ გააკეთონ ჯავშნები.
პლატფორმაზე ეტაპობრივად ემატება სხვადასხვა რესტორანი სრულიად საქართველოს მასშტაბით. პირველ თვეში, პლატფორმაზე უკვე 4.000-მდე ჯავშანი განხორციელდა, რომელთა დაახლოებით 60% უცხოელი მომხმარებელი იყო. პროექტში ჩართულია 50-მდე პარტნიორი რესტორანი თბილისში, რომლებსაც განსაკუთრებული გამოცდილების შექმნა სურთ მომხმარებლებისთვის. მათ შორისაა შეფების საავტორო რესტორნები:
ლევან კობიაშვილის რესტორანი “ვოვიემი” , კონსტანტინეთედელურის რესტორანი “კონსანტინეს სახლი”, გიორგი ხვისტანი – რესტორანი „რამეკაი“, “Accor Group”, რომელიც მსოფლიო მასშტაბით 5,600-მდე სასტუმროსა და 10,000-ზე მეტ ბარ-რესტორანს ფლობს. მაისში პროექტს შეუერთდნენ Mercury-ის და Ibis-ის რესტორნები, ხოლო 20 მაისს „რეზტოს“ სისტემის საშუალებით, გერმანიის ეკონომიკური გაერთიანების წევრების სატესტო ვახშამი გაიმართა.
ამ ინოვაციურ წამოწყებას მხარს უჭერს საქართველოს ბანკი – რომელიც „რეზტოს“ პროექტში თანამედროვე გადახდების კუთხით ჩაერთო, რაც კიდევ უფრო გაამარტივებს და უსაფრთხოს გახდის „რეზტოს“ გადახდების პროცესს. საქართველოს ბანკი რეზტოს ასევე ეხმარება საქართველოში ახალი გამოცდილების – #მზადდაგხვდება-ს დანერგვაში.
„ინექს გრუპი“ – რეზტოს სრულიად უსასყიდლოდ დაეხმარა სხვადასხვა ტექნიკური მხარის გამართვაში, სტუმრების გამოცდილების გასაუმჯობესებლად; აქციის პერიოდში კი რეზტოს პარტნიორ რესტორნებს პროფესიულ სატელეფონო სერვისს უფასოდ სთავაზობს.
ქართული ინოვაციური სტარტაპით ერთ-ერთი ყველაზე ცნობილი საერთაშორისო ბრენდიც დაინტერესდა. 20 ივნისს, ფინანსური ტექნოლოგიების გლობალურმა ლიდერმა Mastercard-მა ქართულ სტარტაპთან სტრატეგიული პარტნიორობის ხელშეკრულება გააფორმა, რომლის ფარგლებშიც, „რეზტოს“ პლატფორმას საქართველოში შემოსული ტურისტებიც გამოიყენებენ, არ მოუწევთ რეზერვაციის ქაოსში გარევა და ისარგებლებენ #მზადდახვდება-ს ახალი გამოცდილებით, დამატებით, ფასდაკლებასაც კი მიიღებენ „რეზტოზე“ Mastercard ბარათით გადახდის შემთხვევაში. Mastercard-ი გეგმავს მასშტაბური მარკეტინგული კამპანიის ფარგლებში, 300 მილიონზე მეტ Mastercard-ის ბარათის მფლობელს, მსოფლიოს მასშტაბით, შესთავაზოს რეზტოს ახალი სარესტორნო გამოცდილება საქართველოში ვიზიტისას.
დღეიდან, ქართველ მომხმარებელს საშუალება ექნება გამოცადოს სერვისი #მზადდაგხვდება და მარტივი ჯავშნები rezto.ge-ზე. პროექტი მუდმივად დახვეწის პროცესშია და ყველას აქვს საშუალება პლატფორმაზე თავისი წვლილი შეიტანოს ქართული პროდუქტის განვითარებაში, რომელსაც საერთაშორისო ბაზარზე პირველები სექტემბრის ბოლოდან იტალიელი მომხმარებლები იხილავენ.
პარტნიორობის ან რესტორნების დამატების სურვილის შემთხვევაში დარეკეთ ტელ. ნომერზე: (0322) 888 222.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრი სადაზღვევო კომპანია „არდი“ ცნობილია ინოვაციების სიყვარულითა და საზოგადოებაზე ორიენტირებული გადაწყვეტილებებით.
2025 წელი არდისთვის ციფრული ტრანსფორმაციისა და ბრენდის განახლების ეტაპია. 15-წლიანი გამოცდილების მქონე კომპანია განაგრძობს მომხმარებელზე მორგებული სერვისების განვითარებას, რაც 2024 წლიდან ძლიერ ინსტიტუციურ პარტნიორზე – Georgia Capital PLC-ზე დაყრდნობით ახალ მასშტაბს იძენს.
არდის ახალი სტრატეგია ადამიანს აყენებს ცენტრში – კომპანია აზღვევს ყველაფერს, რაც მომხმარებლის მშვიდ ცხოვრებას განსაზღვრავს: ჯანმრთელობას, ქონებას, მოგზაურობას თუ გამოცდილებებს.
„ეს არის არდის ახალი ცხოვრების დასაწყისი. ჩვენ ვცვლით არა მხოლოდ ვიზუალს, არამედ დამოკიდებულებას დაზღვევის მიმართ – ვთავაზობთ ადამიანზე მორგებულ გადაწყვეტებს, რომლებიც უზრუნველყოფს უშფოთველ აწმყოსა და ჰარმონიულ მომავალს,“ – აცხადებს მიხეილ ჯაფარიძე, არდის გენერალური დირექტორი.
განახლებული აპლიკაცია უახლოეს პერიოდში მომხმარებელს სრულყოფილ სერვისებზე წვდომას, 24-საათიან მხარდაჭერასა და პერსონალიზებულ გამოცდილებას შესთავაზებს. ის ბრენდის ციფრული განსახიერებაა, რომელიც ამარტივებს პროცესებს და აკავშირებს ადამიანს თანამედროვე, მოქნილ და კომფორტულ მომსახურებასთან.
ბრენდის ახალი იდენტობა შემუშავდა კრეატიულ სააგენტო „სუპერმარკეტთან“ თანამშრომლობით და მოიცავს როგორც სტრატეგიის, ასევე ვიზუალური და კომუნიკაციის სტილის სრულ განახლებას.
ახალი სლოგანი – „ცხოვრების ჯერია“ – არდის განახლებული ხედვის სიმბოლოა: დაზღვევა, რომელიც ადამიანს დროისა და სიმშვიდის დაბრუნებაში ეხმარება.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრ საქართველოს ბანკსა და პროკრედიტ ბანკს შორის მემორანდუმი გაფორმდა, რომელიც მომენტალური გადარიცხვების ახალი სისტემის დანერგვას ითვალისწინებს. ინიციატივა საქართველოს ბანკს ეკუთვნის და მასში ასევე მონაწილეობენ ბაზის ბანკი და კრედო ბანკი. სიახლე მომხმარებლებისთვის უახლოეს მომავალში გახდება ხელმისაწვდომი.
მომენტალური გადარიცხვების სისტემა მომხმარებლებს საშუალებას მისცემს, მხოლოდ მობილურის ნომრის გამოყენებით, დღე-ღამის ნებისმიერ დროს, თანხა სწრაფად და მარტივად გადარიცხონ როგორც ეროვნულ, ისე უცხოურ ვალუტაში. ეს მომსახურება მნიშვნელოვნად გაამარტივებს საბანკო ოპერაციებს და გაზრდის სერვისების ხელმისაწვდომობას. ეროვნულ ვალუტაში ერთჯერადი გადარიცხვის ლიმიტი 10 000 ლარს შეადგენს, ხოლო გადარიცხვების სიხშირე შეზღუდული არ იქნება.
საბანკო სექტორის ეს ინოვაციური ნაბიჯი კიდევ უფრო ამაღლებს მომხმარებლების ციფრულ გამოცდილებას და მნიშვნელოვნად უწყობს ხელს ფინანსური ინფრასტრუქტურის განვითარებას ქვეყანაში. პარტნიორი ბანკების ერთიანი ძალებით, ასეულობით ათას მომხმარებელს ექნება შესაძლებლობა, ისარგებლოს სწრაფი და უსაფრთხო გადარიცხვებით. ბანკები აცხადებენ, რომ მომავალშიც გააგრძელებენ ციფრული სერვისების განვითარებასა და მომხმარებელთა საჭიროებებზე მორგებული პროდუქტების დანერგვას.
DWV-ს წევრებობის შესახებ უფრო მეტი აქ.
2025 წლის 21 ივნისს, ქ. ბათუმში, გერმანიის ეკონომიკური გაერთიანების (DWV) მხარდაჭერით, ექსკლუზიური შეთავაზებების სექტორის მთავარი ღონისძიება– PROPERTY EXCLUSIVE 2025 Batumi – Summer specials – გაიმართა. ღონისძიების ორგანიზატორი იყო უძრავი ქონების ჰაბი Property Georgia, მთავარი პარტნიორი — FIABCI-Georgia, ხოლო გენერალური სპონსორი — FMG Soft Odoo.
ღონისძიება გაიხსნა უძრავი ქონების თემატური საუბრებით Property Talks, რომელიც წარმოადგენს პანელურ დისკუსიას:,, ინვესტიციების, გაყიდვებისა და ტექნოლოგიების მომავალი უძრავ ქონებაში.” Property Talks-ს დაესწრნენ პარტნიორი და მხარდამჭერი კომპანიები და ორგანიზაციები, FIABCI-Georgia-ს წევრი და არაწევრი უძრავი ქონების კომპანიები.
𝐏𝐑𝐎𝐏𝐄𝐑𝐓𝐘 𝐄𝐗𝐂𝐋𝐔𝐒𝐈𝐕𝐄 𝟐𝟎𝟐𝟓-ის დამსწრეები ექსკლუზიურად ერთ სივრცეში გაეცნენ უძრავი ქონების და სექტორთან დაკავშირებულ სიახლეებს. ასევე გაიმართა B2B/B2C შეხვედრები. დღის მანძილზე პარტნიორმა კომპანიებმა გაათამაშეს სხვადასხვა პრიზები.
გერმანიის ეკონომიკური გაერთიანების (DWV) წევრმა ფარმაცევტულმა კომპანიამ, ავერსი ფარმამ, ელემენტ კონსტრაქშენთან თანამშრომლობით, ქ. თბილისში განახორციელა მასშტაბური სამშენებლო პროექტი.
კომპანიამ 4,543 კვ.მ ფართობზე ააშენა საერთაშორისო სტანდარტების შესაბამისი ლოგისტიკური ცენტრი.
„ელემენტ კონსტრაქშენი“ არა მხოლოდ მშენებლობის განხორციელებაზე, არამედ არქიტექტურულ და სტრუქტურულ დაგეგმარებაზეც იყო პასუხისმგებელი. პროექტი ეფუძნება სასაწყობე სივრცეების თანამედროვე ტენდენციებს, უზრუნველყოფს ოპერაციების ეფექტურობასა და სივრცის რაციონალურ გამოყენებას.
მშენებლობა შესრულდა 𝗚𝗗𝗣 სტანდარტის სრული შესაბამისობით.
DWV-ს წევრებობის შესახებ უფრო მეტი აქ.
DWV-ის წევრი კომპანია Gvinadze & Partners-ი საერთაშორისო იურიდიული რეიტინგის LEGAL500-ის მიერ წელსაც დაჯილდოვებული იქნა მრავალ კატეგორიაში.
მმართველი პარტნიორი ნიკა ღვინაძე კიდევ ერთხელ მოხვდა „Hall of Fame“-ის პრესტიჟულ სიაში.
კომპანიაში დასაქმებულმა სხვა წევრებმაც მოიპოვეს გამორჩეული აღიარება, მათ შორის – როგორც „Leading Partner“, „Next Generation Partner“ და „Leading Associate“.
განსაკუთრებით გამოიკვეთა კომპანიის წარმატება დავების გადაწყვეტის მიმართულებით, სადაც კომპანიამ უმაღლესი შეფასება – Top Tier – დაიმსახურა. გარდა ამისა, Gvinadze & Partners-ს აღიარეს სხვა პრაქტიკულ სფეროებშიც პროფესიონალიზმისა და მაღალი ხარისხის მომსახურებისათვის.
ამ მიღწევებით კომპანია აგრძელებს თავის 30-წლიან წარმატებულ საქმიანობას საქართველოში ბიზნესისა და ინვესტიციების იურიდიული მხარდაჭერის სფეროში.
2025 წლის 19 მარტს გერმანიის ეკონომიკურმა გაერთიანებამ (DWV) მონაწილეობა
მიიღო თიურინგიის მე-17 საგარეო სავაჭრო დღისადმი მიძღვნილ ღონისძიებაში,
რომელიც DWV-ს პარტნიორი ორგანიზაციის, LEG Thüringen-ის ორგანიზებით ერფურტში
გაიმართა.
შეხვედრას ესწრებოდნენ ეკონომიკისა და პოლიტიკის სფეროს მაღალი რანგის
წარმომადგენლები, რომელთა მიზანიც იყო საერთაშორისო ეკონომიკური
ურთიერთობების გამყარება. მოწვეულმა ექსპერტებმა მიმოიხილეს გლობალური
ვაჭრობის სფეროში მიმდინარე ტენდენციები, ისაუბრეს მთავარ გამოწვევებზე,
მათი გადაჭრის პოტენციურ გზებსა და სამომავლო პერსპექტივებზე.
განსაკუთრებული ყურადღება დაეთმო თიურინგიის კომპანიების წარმატებულ
ისტორიებს, რომლებმაც წარმატებით დაამკვიდრეს თავიანთი პროდუქტები და
სერვისები საერთაშორისო ბაზარზე.
ღონისძიების მრავალფეროვანი პროგრამა მოიცავდა ექსპერტთა მოხსენებებს ოცი
ქვეყნიდან, ინდივიდუალურ კონსულტაციებსა და ნეთვორქინგის
შესაძლებლობებს.
შეხვედრას ექსპერტის რანგში საქართველოდან ესწრებოდა
გერმანიის ეკონომიკური გაერთიანების აღმასრულებელი დირექტორი, ბ-ნ თომას
კიმესვენგერი, რომელმაც გერმანულ კომპანიებს დეტალური ინფორმაცია მიაწოდა
ჩვენი ქვეყნისა და მისი მრავალფეროვანი ეკონომიკური შესაძლებლობების შესახებ.
გერმანიის ეკონომიკური გაერთიანება LEG Thüringen-თან მესამე წელია
წარმატებით თანამშრომლობს. ამ დროის მანძილზე DWV-მ ორჯერ უმასპინძლა ბიზნეს დელეგაციას
თიურინგიიდან, რომელიც ორმხრივი ეკონომიკური ურთიერთობების განმტკიცებას
ისახავდა მიზნად.
დანიურმა ლოგისტიკურმა კომპანიამ Maersk-მა წარმატებით დაასრულა პირველი სატესტო მიწოდება იაპონიიდან ევროპაში შუა დერეფნის გავლით. ეს მარშრუტი, რომელიც გადის საქართველოში ფოთის პორტზე, სულ უფრო მნიშვნელოვანი ხდება, როგორც გლობალური მიწოდების ჯაჭვის ალტერნატივა.
Maersk-ის ცენტრალური აზიისა და კავკასიის ბიზნესის განვითარების განყოფილების ხელმძღვანელის, ირაკლი დანელიას თქმით, შუა დერეფანი ვითარდება სტრატეგიულ კავშირად ჩინეთიდან, იაპონიიდან და კორეიდან საქართველოს, აზერბაიჯანისა და ცენტრალური აზიის გავლით საქონლის ევროპაში ტრანსპორტირებისთვის. გრძელვადიან პერსპექტივაში, ამან შეიძლება ხელი შეუწყოს გლობალური სავაჭრო გზების დივერსიფიკაციას და სტაბილიზაციას.
2023 წლის წლიური ანგარიშის მონაცემებმა ცხადყო აუდიტის ბაზრის განვითარების პოზიტიური დინამიკა საქართველოში. გამოქვეყნებულ მონაცემებზე დაყრდნობით, აუდიტის ბაზარი წინა წელთან შედარებით 11%-თ გაიზარდა და წამყვანი საერთაშორისო აუდიტორული კომპანიის საერთო შემოსავალმა 114 723 526 ლარს მიაღწია.
ამ დროისთვის, საქართველოში 272 აუდიტორული კომპანიაა დარეგისტრირებული. ყველაზე მსხვილ აუდიტორული კომპანიების რეიტინგში კი- საერთაშორისო აუდიტორული კომპანიები დომინირებენ.
აღსაღნიშნავია ის ფაქტი, რომ საქართველოს უმსხვილესი საერთაშორისო აუდიტორული კომპანიების ათეულის რეიტინგში, გერმანიის ეკონომიკური გაერთიანების (DWV) წევრი კომპანიები წამყვან ადგილებს იკავებენ: რეიტინგის სათავეშია BDO Georgia, რომელმაც 2022 წელთან შედარებით, 2023 წელს 18%-იანი საშემოსავლო ზრდა დააფიქსირა და რეიტინგში, მეორედან პირველ ადგილზე გადაინაცვლა. ათეულში პოზიციები გაიუმჯობესა Nexia Georgia-მაც, რომელიც 21%-იანი საშემოსავლო ზრდით, მეხუთე პოზიციაზეა. წლიური ანგარიშის მონაცემების საფუძველზე, აუდიტორული კომპანიების რეიტინგში წინა წელთან შედარებით 19%-იანი საშემოსავლო ზრდით, ასევე მოხვდა DWV-ს წევრი გრანთ თორნთონიც.
2023 წლის წამყვანი აუდიტორული კომპანიების რეიტინგი ასე გამოიყურება:
1. BDO Georgia– 21,936,582 მ. ₾
2. PWC Georgia– 20,875,643 მ. ₾
3. EY Georgia– 17,979,187 მ. ₾
4. KPMG Georgia– 13,378,175 მ. ₾
5. Nexia Georgia– 12,202,942 მ. ₾
6. FMG (HLB Georgia)- 8,765,285 მ. ₾
7. Deloit & Tush– 7,176,381 მ. ₾
8. RSM Georgia– 5,215,633 მ. ₾
9. Grant Thornton– 4,912,316 მ. ₾
10. Ecovis -4,034,834 მ. ₾
რეიტინგი reportal.ge-ზე გამოქვეყნებულ საჯარო ფინანსურ ანგარიშებს ეფუძნება. წარმოდგენილი ინფორმაცია მოიცავს აუდიტორული კომპანიების მთლიან შემოსავლებს, მათ შორის აუდიტორული ანგარიშგებების მომზადებიდან, საბუღალტრო მომსახურებებიდან, საკონსულტაციო, მართვის, იურიდიული და სხვა სერვისების მიწოდებიდან.
გერმანიის ეკონომიკური გაერთიანების (DWV) წევრი, Schmitz Cargobull, ცნობილ გერმანიის მდგრადობის ჯილდოზე, 2025 წლის მდგრად კომპანიად დასახელდა. კომპანია გერმანიაში, ამ ჯილდოს მოპოვებით მობილობისა და ლოგისტიკის კატეგორიაში მდგრადი განვითარების 100 წამყვან ლიდერთა სიაში შევიდა.
მდგრადობა, როგორც ინოვაციის მამოძრავებელი ძალა
კომპანიის აღმასრულებელი დირექტორი ანდრეას შმიცი, მიღებული ჯილდოს განსაკუთრებულ მნიშვნელობას უსვამს ხაზს და აღნიშნავს: „უკვე ოთხი თაობაა, რაც მდგრადობა ჩვენი კომპანიის სტრატეგიის მთავარ ბირთვს წარმოადგენს. ის ინოვაციების გენერირებას უწყობს ხელს და შთაგვაგონებს, რომ პრაქტიკული და ეკონომიკურად სიცოცხლისუნარიანი გადაწყვეტილებები მივიღოთ. ეს ჯილდო ადასტურებს, რომ ჩვენი გუნდი მზადაა დეკარბონიზაციის გამოწვევებს გაუმკლავდეს. “
Schmitz Cargobull ეკონომიკურ ეფექტურობასა და ეკოლოგიურ პასუხისმგებლობას ეფექტურად აერთიანებს. ეს ჯილდო მოწმობს, რომ კომპანია მდგრადი მობილობისა და ლოგისტიკის სფეროში წამყვან როლს ასრულებს.
ევროპის ლიდერი მწარმოებელი
57,100-იანი წლიური წარმოებით და დაახლოებით 6,800 თანამშრომლით, Schmitz Cargobull AG არის ევროპის წამყვანი კომპანია, რომელიც აწარმოებს ნახევარმისაბმელებს, მისაბმელებსა და სპეციალურ ტვირთის გადამზიდ მაცივრიან კონტეინერებს. როგორც ინდუსტრიის პიონერმა, ჩრდილოგერმანულმა კომპანიამ, ადრევე შეიმუშავა ბრენდის ყოვლისმომცველი სტრატეგია და თანმიმდევრულად ჩამოაყალიბა ხარისხის სტანდარტები ყველა დონეზე, რაც გულისხმობს: კვლევებს, წარმოების განვითარებას, ხელშეკრულებების დადებას, ტელემატიკას, დაფინანსების საკითხებს, სათადარიგო ნაწილებისა და მეორადი მანქანებს.
ექსპანსია კავკასიაში
შპს Schmitz Cargobull Georgia მთელს კავკასიაში არის ლიდერი კომპანია, რომელიც მდებარეობს თბილისის ახლომდებარე რეგიონში, გარდაბანში. იგი ადგილობრივ მომხმარებლებს სთავაზობს ინდივიდუალურ მხარდაჭერას მთელი კავკასიის მასშტაბით და სთავაზობს: ახალ და მეორად მისაბმელებს სატვირთო ტრანსპორტისთვის, სამშენებლო ინდუსტრიისთვის, მაცივრიანი ტრანსპორტისა და სოფლის მეურნეობისთვის. სერვისების ეს სპექტრი ძირითადად ფარავს საქართველოს, სომხეთსა და აზერბაიჯანს.
DWV-ს წევრებობის შესახებ უფრო მეტი აქ.
2025 წლის 12 აპრილიდან შვეიცარიული ავიაკომპანია Edelweiss ციურიხსა და თბილისს შორის პირდაპირ რეგულარულ რეისებს დაიწებს, იუწყება საქართველოს აეროპორტების გაერთიანება. ავიაკომპანია ფრენებს კვირაში 2 სიხშირით Airbus 320 საჰაერო ხომალდებით შეასრულებს.
ციურიხი ახალი მიმართულებაა საქართველოს საავიაციო ბაზრისთვის, ხოლო Edelweiss ძირითადად საკურორტო მიმართულებით ოპერირებაზეა ორიენტირებული.
Edelweiss 29 წლის წინ დაფუძნებული შვეიცარიული Swiss International Airlines-ის შვილობილი ავიაკომპანიაა, რომელიც Lufthansa ჯგუფის მფლობელობაშია. Edelweiss ფრენებს ციურიხის ბაზიდან 90 მიმართულებით ასრულებს.
გერმანიის ეკონომიკური გაერთიანების (DWV) წევრი კომპანიის, Humana-ს მხარდაჭერითა და სპონსორობით, 2024 წლის 26 და 27 სექტემბერს თბილისში საერთაშორისო სამედიცინო კონფერენცია გაიმართა თემაზე: „ახალშობილთა ნეიროქირურგია და ნეონატალური ზრდა“.
კონფერენციაში მონაწილეობას იღებდნენ როგორც ქართველი, ასევე საერთაშორისო დონის, კერძოდ, გერმანელი ნეონატოლოგები და ნეიროქირურგები ბერლინის „შარიტეს“ კლინიკიდან. ღონისძიება მიზნად ისახავდა გამოცდილების გაცვლასა და ახალი მეთოდოლოგიების განხილვას, რომელიც პირდაპირი გავლენას მოახდენს საქართველოში ბავშვთა და ახალშობილთა ჯანმრთელობის გაუმჯობესებაზე.
Humana-ს გადამწყვეტი წვლილი მიუძღვის ამ პროფესიული დიალოგის უზრუნველყოფაში, რაც ახალ იმპულსს აძლევს სამომავლო თანამშრომლობას ახალშობილთა სამედიცინო მომსახურების სფეროში. მსგავსი ღონისძიებები დიდად ხელს უწყობს საერთაშორისო სამედიცინო თანამშრომლობის განვითარებას და მნიშვნელოვნად აძლიერებს ჯანდაცვის სფეროში ცოდნის გაზიარებას.
Humana დაკავებულია ბავშვთა კვების წარმოებით, რომელიც პროდუქციას ამზადებს პირველი კლასის ნედლეულით, მნიშვნელოვან ყურადღებას უთმობს შესაბამის გადამუშავებას და იცავს მაღალი ხარისხის სტანდარტებს. კომპანია გამოირჩევა განსაკუთრებული სოციალური პასუხისმგებლობით, უამრავი მხარდაჭერილი ინიციატივითა და წარმატებული პროექტებით.
DWV-ს წევრებობის შესახებ უფრო მეტი აქ.
2024 წლის პირველ ექვს თვეში ქართული ღვინის ექსპორტი მნიშვნელოვნად გაიზარდა, განსაკუთრებით ევროპის ქვეყნებსა და ჩრდილოეთ ამერიკაში. სულ 54,5 მილიონი ლიტრი ღვინო, რომლის ღირებულება 156,7 მილიონი აშშ დოლარია, საქართველოდან 61 ქვეყანაში იქნა ექსპორტირებული. ეს გასული წლის შესაბამის პერიოდთან შედარებით 26%-ით მეტია. ექსპორტიდან მიღებული შემოსავალი გაზრდილია 24%-ით.
საექსპორტო ქვეყნებიდან გერმანია განსაკუთრებით გამოირჩევა: ღვინის ექსპორტის 34%-იანი ზრდით 674,000 ლიტრამდე, გერმანული ბაზარი ერთ-ერთ ყველაზე ლიდერია. შედეგად, კიდევ უფრო მეტი ღვინის მწარმოებელი გამოთქვამს სურვილს, შევიდეს გერმანულ ბაზარზე.
გერმანიის გარდა, სხვა ქვეყნებმაც მნიშვნელოვანი ზრდა აჩვენეს: პოლონეთმა 19%-ით (3,1 მილიონი ლიტრი), აშშ-მა 53%-ით (654,000 ლიტრი), დიდმა ბრიტანეთმა 28%-ით (182,500 ლიტრი) და კანადამ 110%-ით (121,300 ლიტრი).
გერმანია ღვინის მწარმოებლებისა და ექსპორტიორებისთვის სხვა კუთხითაც საინტერესოა. გერმანული ლოგისტიკური ცენტრები ქართულ კომპანიებს სთავაზობენ თანამედროვე საწყობებს და ასევე ეფექტიან დისტრიბუციას მთელ ევროპაში, რაც ნიშნავს იმას, რომ ქართული ექსპორტიორები გერმანიის გავლით ახდენენ თავიანთი პროდუქციის სწრაფად და ნაკლები დახარჯებით დისტრიბუციას სხვა ევროპულ ბაზრებზე.
გერმანიის ეკონომიკური გაერთიანება (DWV) მხარს უჭერს ამ ტენდენციას თავისი ახალი პარტნიორობით EUROVINO-სთან, ახალ საერთაშორისო ღვინის გამოფენასთან, რომელიც Messe Karlsruhe-ის მიერ არის ორგანიზებული. გამოფენა გაიმართება 2025 წლის 9-10 მარტს. დამატებითი ინფორმაციას გაეცნობით ამ ბმულზე: https://dwv.ge/ge/
მიმდინარე წლის აგვისტოდან საქართველოსა და ბულგარეთს შორის კვლავ მოძრაობს ბორნები, რაც გარკვეული პერიოდის მანძილზე შეფერხებული იყო. საბორნე მიმოსვლა წარმოადგენს მნიშვნელოვან დამაკავშირებელ საშუალებას ამ ორ ქვეყენას შორის, მისი ახლა აღდგენა კი მნიშვნელოვანი ნაბიჯია ორ ქვეყანას შორის ლოგისტიკური კავშირების გაძლიერებისა და „შუა დერეფნის“ ეფექტურობის გაზრდისკენ.
საქართველოს რკინიგზის მენეჯმენტმა, ბულგარეთის რკინიგზის წარმომადგენლებმა და ბულგარულმა გადამზიდავმა კომპანიამ P.N.A თბილისში საბორნე მოძრაობის აღდგენის შესახებ შეთანხმებას მიმდინარე წლის ივლისში მოაწერეს ხელი. წლის დასაწყისიდან კი ინტენსიური სამზადისი მიმდინარეობდა, რათა უზრუნველყოფილი ყოფილიყო საბორნე დაკავშირების ხელახლა ამოქმედებისთვის საჭირო ინფრასტრუქტურა და საოპერაციო პროცესები.
ეს საბორნე და სარკინიგზო კავშირები გადამწყვეტ როლს თამაშობს შავი ზღვის გავლით საქონლის ტრანსპორტირებაში და აქვს დიდი სტრატეგიული მნიშვნელობა ტრანსკასპიური საერთაშორისო სატრანსპორტო დერეფნისთვის, რომელიც ასევე ცნობილია როგორც “შუა დერეფანი”. საბორნე კავშირის აღდგენა არა მხოლოდ უზრუნველყოფს სატვირთო მიმოსვლის დამატებით სიმძლავრეს, არამედ ხელს უწყობს ამ მნიშვნელოვანი ლოგისტიკური დერეფნის ოპტიმიზაციას და გაზრდის ეფექტურობას, რომელიც აკავშირებს ევროპას აზიასთან.
ბორანი მოძრაობს კვირაში 1-ელ, მგზავრობა იწყება ბათუმში და სრულდება ბურგასში და ის 60 საათს გრძელდება. ფასები განსხვავებულია გადასატანი ტვირთის მიხედვით. მაგ. მიკროავტობუსის გადაზიდვა ერთ გზაზე 670 ევრო ღირს, ხოლო მსუბუქი ავტომობილების – 480 ევრო.
გარდა ტვირთებისა, ბორანით მგზავრების გადაყვანაც შესაძლებელია. ხელმისაწვდომია 4 ადგილიანი კაიუტები, რომლის დაჯავშნა ერთ ან ორ ადამიანსაც შეუძლია. ფასების შესახებ ინფორმაციას მიიღებთ ამ ბმულზე: https://ferrygogo.com/route/burgas-batumi/
წამყვანი საერთაშორისო გამოფენაა ხილისა და ბოსტნეულის სფეროში, სადაც აღნიშნული სექტორის მთელი სპექტრი და მონათესავე დარგებია წარმოდგენილი.
2025 წლის 5-7 თებერვალს Messe Berlin კვლავ უმასპინძლებს სფეროს მნიშვნელოვან მოთამაშეებს მთელი მსოფლიოდან.
FRUIT LOGISTICA-ს გამომფენებსა და ვიზიტორებს კონტაქტების დამყარების უპრეცედენტო შესაძლებლობები იზიდავთ. როგორც Fresh Produce-ს ინდუსტრიის, როგორიცაა, ხილი და ბოსტნეული, ყველაზე დიდი გამოფენა, FRUIT LOGISTICA მესე ბერლინის საგამოფენო ტერიტორიაზე პუბლიკას სთავაზობს მისი ყველა საქმიანობის დარგისა და ბაზრის მონაწილეების გაცნობას. გარდა ამისა, ადგილზე განიხილება ყველა ინოვაცია, პროდუქტი და მომსახურება ვაჭრობის ნებისმიერ სფეროში. გამოფენაში მონაწილეობენ კომპანიები მწვანე ასორტიმენტის პროდუქციის მთელი ჯაჭვიდან – გლობალური მოთამაშეებიდან მცირე და საშუალო კომპანიებამდე.
სტენდების რეზერვაცია ოფიცილაურად სრულდება 2024 წლის 31 ივლისს ამ ბმულზე. 1 აგვისტოდან შესული ჯავშნები მომლოდინეთა სიაში განთავსდება, ხოლო მათი განაწილების შესახებ გადაწყვეტილება ნოემბერში გახდება ცნობილი.
სტენდის საფასურის გამოთვლა შესაძლებელია სპეციალური კალკულატორით.
ვიზიტორებისთვის ბილეთების გაყიდვა დაიწყება 2024 წლის შემოდგომაზე, ამ ბმულზე.
დამატებითი ინფორმაციისთვის დაუკავშირდით სალომე მუმლაძეს მეილზე salome.mumladze@dwv.ge
2024 წლის 23-27 სექტემბერს, გერმანიის ეკონომიკური გაერთიანება (DWV), Commit Project Partners GmbH-თან თანამშრომლობით, გერმანიის ეკონომიკისა და კლიმატის დაცვის ფედერალური სამინისტროს დაკვეთით, ორგანიზებას უწევს ბიზნეს დელეგაციას საქართველოში თემაზე ინფრასტრუქტურული პროექტები (ჰიდროენერგეტიკა, წყალმომარაგება, წყალარინება).
გერმანული კომპანიების ვიზიტის ფარგლებში დაგეგმილია მრავალი ღონისძიება, ინდივიდუალური ვიზიტები ქართულ კომპანიებში, სამინისტროებში, სხვადასხვა ორგანიზაციებში. აგრეთვე გაიმართება B2B- შეხვედრები, როგორც აღმოსავლეთ, ისე დასავლეთ საქართველოში (თბილისი, ქუთაისი, ბათუმი)
გერმანიის ეკონომიკური გაერთიანების (DWV) წევრი კომპანია, DB Schenker საქართველო იწყებს ახალ სარკინიგზო-საკონტეინერო-სატრანსპორტო მომსახურებას, რომელიც დააკავშირებს საქართველოსა და ჩინეთს შუა დერეფნის მეშვეობით. ეს ინოვაციური მომსახურება საიმპორტო ლოგისტიკის ლანდშაფტში მნიშვნელოვან ცვლილებებს გულისხმობს და უზრუნველყოფს ტვირთების ყველაზე სწრაფ ტრანზიტს ჩინეთიდან საქართველოში.
ეფექტურობა და სისწრაფე
ახალი მომსახურება იყენებს შუა დერეფნის, როგორც ტრანს-კასპიის საერთაშორისო სატრანსპორტო მარშრუტის (TITR) ძირითადი კომპონენტის სტრატეგიულ უპირატესობებს. DB Schenker საქართველო აღნიშნული მარშრუტის გამოყენებით, უზრუნველყოფს ტრანსპორტირების გამარტივებულ და ეფექტურ პროცესს, რაც მნიშვნელოვნად შეამცირებს ტრანზიტის დროს, ტრადიციულ საზღვაო მარშრუტებთან შედარებით. ამიერიდან, ტვირთები საქართველოში გაცილებით სწრაფად, 18 – 25 დღეში ჩამოვა. ეს საგრძნობლად გაზრდის ტვირთების მიწოდების პროცესის ეფექტიანობას და შესაბამისად, მნიშვნელოვად შეამცირებს მათი ბაზარზე გასვლის ვადებსაც.
სტრატეგიული მარშრუტი
შუა დერეფანი გადის რამდენიმე ქვეყანაში და უზრუნვე
ლყოფს სანდო და უსაფრთხო გზას ტვირთისთვის. მარშრუტი იწყება ჩინეთიდან, გადაკვეთს ყაზახეთს, კასპიის ზღვას, გაივლის აზერბაიჯანს და საბოლოოდ სრულდება საქართველოში. აღნიშნული მულტიმოდალური სატრანსპორტო სისტემა, აერთიანებს რა რკინიგზასა და საზღვაო ტრანსპორტს, უზრუნველყოფს საკონტეინერო ტვირთების შეუფერხებელ და ეფექტურ გადაზიდვას.
უპირატესობები იმპორტიორებისთვის:
სრულყოფილებისაკენ სწრაფვა
DB Schenker საქართველო მომხმარებელს უმაღლესი დონის ლოგისტიკურ გადაწყვეტილებებს სთავაზობს. ახალი მომსახურების დანერგვით, კომპანია კიდევ ერთხელ, ხაზგასმით უჭერს მხარს ბიზნესის მზარდ საჭიროებებს საქართველოსა და მის ფარგლებს გარეთ. სარკინიგზო-საკონტეინერო სატრანსპორტო მომსახურებით, ის ასევე, უზრუნველყოფს საიმპორტო ტვირთების ყველაზე სწრაფ ტრანზიტს და ყველაზე სანდო, ეკონომიურ და მდგრად ლოგისტიკურ ალტერნატივას.
დამატებითი ინფორმაციისთვის მისაღებად, გთხოვთ, დაუკავშირდით: misho.aroshidze@dbschenker.com
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრი კომპანიის, იმედი L-ის მრავალფეროვან პროდუქტების სიას, ახლა უკვე შეემატა ვიზიტორთა სადაზღვეო პაკეტი საქართველოში, რაც ქვეყანაში ჩამოსულ ტურისტებს, მოგზაურობის განმავლობაში ჯანმრთელობასთან დაკავშირებულ მოულოდნელ ხარჯებს დაუფარავს. იმედი L უზრუნველყოფს, რომ ვიზიტორებმა მშვიდად და სასიამოვნოდ გაატარონ დრო საქართველოში მოგზაურობისას. იმედი L-ში ვიზიტორთა სადაზღვეო პაკეტის გარდა, საქართველოში მცხოვრები უცხოელი სტუდენტების ჯანმრთელობის დაზღვევის შეძენაცაა შესაძლებელი. სასურველი სადაზღვეო პაკეტების შეძენა შესაძლებელია, როგორც ონლაინ, ასევე იუსტიციის სახლში.
იმედი L, თავისი 24-წლიანი ისტორიით პირველი სადაზღვევო კოპანიაა ქართულ ბაზარზე, რომელიც უმთავრესად ჯანმრთელობისა და მასთან დაკავშირებული რისკების დაზღვევაზეა ორიენტირებული. კომპანია არის საქართველოს ჯანდაცვის ჯგუფის წევრი, ეკოსისტემის, რომელიც გთავაზობთ სამედიცინო მომსახურებებისა და პროდუქტების სრულ სპექტრს.
DWV-ს წევრებობის შესახებ უფრო მეტი აქ.
საქართველო ვიზიტორებისთვის უფრო და უფრო საინტერესო ქვეყანა ხდება. ამას მოწმობს ტურიზმის ეროვნული ადმინისტრაციის მიერ გამოქვეყნებული მონაცემებიც. 2024 წლის წლის პირველ ორ კვარტალში საქართველოში 2,123,816 საერთაშორისო ვიზიტი შედგა, რაც 10%-ით აღემატება გასული წლის იმავე პერიოდის მონაცემს.
ტურისტების განსაკუთრებლული მატება ევროკავშირის ქვეყნებიდან ფიქსირდება. სტატისტიკის თანახმად, საქართველომ ბოლო 6 თვეში, გასულ წელთან შედარებით 24.3%-ით მეტ გერმანელ ვიზიტორს უმასპინძლა. გერმანიასთან ერთად, საგრძნობლად შესამჩნევია ვიზიტების ზრდის მაჩვენებელი საფრანგეთიდანაც, სადაც ტურისტთა მაჩვენებელი 30,3%-ითაა გაზრდილი.
ტურიზმის ეროვნული ადმინისტრაცია საერთაშორისო ტურისტულ ვიზიტებს მსოფლიო ტურიზმის ორგანიზაციის მეთოდოლოგიით ითვლის, რაც უკვე განხორციელებულ და დასრულებულ ვიზიტებს მოიცავს.
გერმანიის ეკონომიკური გაერთიანება (DWV) ცოტა ხნის წინ გახდა Messe Karlsruhe-ის ორი მნიშვნელოვანი გამოფენის, Learntec-ისა და Eurovino-ს, ოფიციალური წარმომადგენელი კავკასიაში (სომხეთი, საქართველო და აზერბაიჯანი). ეს მნიშვნელოვანი ნაბიჯია გერმანიისა და კავკასიის ქვეყნების შორის ეკონომიკური ურთიერთობების გაძლიერებისკენ. ამ ახალი პარტნიორობით, DWV აძლიერებს თავის როლს, გერმანულ და ადგილობრივ ბიზნესებს შორის და ხელს უწყობს ცოდნისა და ინოვაციების გაცვლას რეგიონში.
Learntec:
Learntec, ევროპაში ყველაზე დიდი ციფრული განათლების ღონისძიება, გაიმართება 2025 წლის 06-08 მაისს კარლსრუეში. ეს გამოფენა განსაკუთრებით საინტერესოა საგანმანათლებლო დაწესებულებებისთვის, IT ექსპერტებისთვის, ციფრული განათლების სფეროში მომუშავე კომპანიებისთვის და პროფესიონალებისა და დაინტერესებული პირებისთვის, რომლებიც აინტერესებთ განათლების სფეროში უახლესი ტექნოლოგიები და მეთოდები. Learntec უზრუნველყოფს პლატფორმას, სადაც წარმოდგენილი იქნება ინოვაციური პროდუქტები და მომსახურებები, რომლებიც ხელს უწყობენ განათლების სფეროში ციფრულ ტრანსფორმაციას.
Eurovino:
Eurovino, ღვინის საერთაშორისო გამოფენა, გაიმართება 2025 წლის 9-10 მარტს კარლსრუეში. ეს ღონისძიება მიზნად ისახავს, გააერთიანოს მეღვინეები, ღვინის მოვაჭრეები, სომელიეები და ყველა ის ადამიანი, ვინც ღვინის სფეროში მუშაობს. Eurovino წარმოადგენს შესანიშნავ შესაძლებლობას ახალი ბაზრების დასაკავებლად, ბიზნეს კონტაქტების დასამყარებლად და ღვინის სამყაროში უახლესი ტენდენციებისა და პროდუქტების გასაცნობად.
პირებს, რომლებიც დაინტერესებულნი არიან მონაწილეობით ან დამატებითი ინფორმაციის მიღებით ამ გამოფენებზე, შეუძლიათ მიმართონ ამ გამოფენების საკონტაქტო პირს, ქალბატონ სალომე მუმლაძეს ელექტრონულ ფოსტაზე salome.mumladze@dwv.ge.
მსოფლიო ბანკმა, თბილისში გამართულ რეგიონულ ღონისძიებაზე შუა დერეფნის პოტენციალის კვლევა წარადგინა.
კვლევა გვთავაზობს ინფრასტრუქტურის, ლოგისტიკური სერვისების სიმძლავრის და დაბრკოლებების დეტალურ დიაგნოსტიკას დერეფნის გასწვრივ მდებარე 3 ქვეყანაში: საქართველოში, აზერბაიჯანსა და ყაზახეთში, იუწყება მსოფლიო ბანკი.
როგორც მსოფლიო ბანკი აღნიშნავს, ვაჭრობის ზრდა აზერბაიჯანს, საქართველოს, ყაზახეთსა და ევროპას შორის მოთხოვნის ძირითადი განმაპირობებელი ფაქტორია, რომელიც განსაზღვრავს შიდა რეგიონული ვაჭრობის მატებას 37%-ით და აღნიშნულ ქვეყნებსა და ევროკავშირს შორის ვაჭრობის 28%-იან ზრდას 2030 წლისთვის (2021 წელთან შედარებით).
კვლევის თანახმად, 2030 წლისთვის შესაძლებელია შუა დერეფანში ტვირთნაკადების გასამმაგება 11 მილიონ ტონამდე.
შუა დერეფანს მსხვილი ინვესტიციები დასჭირდება მომდევნო 10 წლის განმავლობაში, რაც დიდწილად იქნა გამოვლენილი და შეთანხმებული ქვეყნების მიერ (2022 წლის ნოემბერში ხელმოწერილი გზამკვლევი), მაგრამ მოკლევადიან პერსპექტივაში ეფექტიანობის გაუმჯობესების მიღწევა სხვა ზომებთან ერთად შესაძლებელია უკეთესი კოორდინაციის, ლოგისტიკისა და დიგიტალიზაციის გზით, აცხადებს მსოფლიო ბანკი.
კვლევის თანახმად, ყველაზე მნიშვნელოვანი პრობლემა დერეფნის კოორდინაციისა და მართვის არარსებობაა, რაც შესაძლოა მოაგვაროს ერთიანი ოპერატორის შექმნის შესახებ ბოლოდროინდელმა შეთანხმებამ სათანადოდ განხორციელების შემთხვევაში.
საქართველოს, ყაზახეთსა და აზერბაიჯანის რკინიგზების მიერ შეიქმნა ერთობლივი საწარმო Middle Corridor Multimodal.
სხვა პრობლემები უკავშირდება როგორც კასპიის, ისე შავი ზღვის პორტების და ასევე კასპიის ზღვაზე საზღვაო გადაზიდვის სერვისების დაბალ ოპერაციულ ეფექტიანობას; რკინიგზის ინფრასტრუქტურას, შეფერხებებს სასაზღვრო გამშვებ პუნქტებზე და სხვა.
წყარო: საინფორმაციო სააგენტო სარკე
შუა დერეფნის თემის ირგვლივ, გერმანიის ეკონომიკური გაერთიანება თავისი წევრებისთვის 6 მარტს ბიზნეს ფორუმს მართავს. დამატებით დეტალებს ღონისძიების შესახებ გაეცნობით ამ ბმულზე.
პროკრედიტ ბანკმა ევროპის რეკონსტრუქციისა და განვითარების ბანკისგან (EBRD) $10 მილიონს მიიღო.
რესურსი მიმართული იქნება ადგილობრივი მცირე და საშუალო ბიზნესების ხელშესაწყობად, რათა მათ შეძლონ პროდუქციისა და სერვისების მოდერნიზება ევროკავშირის სტანდარტების დასაკმაყოფილებლად.
მოსალოდნელია, რომ სესხების სულ მცირე 70% მწვანე ტექნოლოგიებში ინვესტიციების დაფინანსებას მოხმარდება.
ინვესტიციების განხორციელების პროცესში, მსესხებლები მიიღებენ ტექნიკურ დახმარებას ევროკავშირის EU4Business ინიციატივის ფარგლებში.
მსესხებლებს, რომლებიც წარმატებით განახორციელებენ ინვესტიციებს, უფლება ექნებათ, მიიღონ წამახალისებელი გრანტები სესხის 15%-მდე ოდენობით.
ProCredit Bank-ს ანალოგიური პირობებით მანამდე მიღებული ჰქონდა $23.4 მილიონის საკრედიტო ხაზი.
დღეისათვის EBRD-მა 5 მილიარდ EUR-ზე მეტი ინვესტიცია განახორციელა საქართველოში 289 პროექტში, ფინანსურ, კორპორაციულ, ინფრასტრუქტურულ და ენერგეტიკულ სექტორებში, საიდანაც 82% კერძო სექტორზე მოდის.
საქართველოსა და გერმანიას შორის მიგრაციისა და მობილობის შესახებ შეთანხმება გაფორმდა, რომლის ერთ-ერთი მთავარი მიზანი არალეგალური მიგრაციის წინააღმდეგ ბრძოლაა.
გერმანიის შსს-ს ინფორმაციით, მიმდინარე წლის იანვრიდან ნოემბრამდე მათ შორის, ვისაც თავშესაფარზე უარი უთხრეს, 15.6% საქართველოდან და მოლდოვიდან იყო.
შეთანხმებით ასევე გერმანიაში სეზონურად დასაქმების შესაძლებლობები ფართოვდება, და გაძლიერდება თანამშრომლობა საგანმანათლებლო გაცვლითი პროგრამების გაფართოებისთვისაც.
გერმანია მსგავსი ხელშეკრულების დადებაზე მოლაპარაკებებს აწარმოებს მოლდოვასთან, კენიასთან, კოლუმბიასთან, უზბეკეთთან, ყირგიზეთთან და მაროკოსთან.
მენეჯმენტისა და კომუნიკაციის საერთაშორისო სასწავლო უნივერსიტეტი „ალტერბრიჯი“ ახალი ალტერნატივაა საქართველოს საგანმანათლებლო ინდუსტრიაში.
დაწესებულების სახელწოდება მომდინარეობს სწავლების მიზნიდან და გრძელვადიანი ხედვიდან და გულისხმობს ხიდს განათლებადან დასაქმებამდე და პიროვნულ ზრდას.
Steinbeis University-თან თანამშრომლობით, „ალტერბრიჯი“ გთავაზობთ ახალ გერმანულ საგანმანათლებლო პროგრამას, რომელიც სრულ თანხვედრაშია სამუშაო პირობებთან და ცხოვრებისეულ აქტივობებთან. პროგრამა განკუთვნილია იმ პირებისთვის, რომლებსაც აქვთ ბაკალავრის ხარისხი და სურთ გააგრძელონ სწავლა მენეჯმენტის მიმართულებით, სტუდენტზე მორგებული, მოქნილი სასწავლო გარემოს წყალობით.
საერთაშორისო ბიზნესისა და მეწარმეობის სკოლა (SIBE) არის შტაინბეისის უნივერსიტეტის ლიდერობისა და მენეჯმენტის სკოლა, რომელიც მდებარეობს ჰერენბერგში, გერმანიაში. პროგრამა არ არის მხოლოდ ინვესტიცია თანამშრომლის მომავალში, არამედ ინვესტიცია თქვენი საკუთარი კომპანიის წარმატებაში!
ინტეგრირებული პროექტის მოდული არის STEINBEIS-ის ფილოსოფიის ბირთვი, რომელიც მიზნად ისახავს აკადემიურ და პრაქტიკულ სწავლებას, რეალური გამოცდილების შეძენით. მოსწავლეებს უვითარდებათ გადაწყვეტილებებისა და პრობლემის გადაჭრის უნარები, რაც მათ ამზადებს მომავალი სამუშაო გარემოსთვის. სტუდენტებს ექნებათ სტაჟირების გავლის შესაძლებლობა ჩვენს კორპორატიულ პარტნიორებთან როგორც საქართველოში, ასევე საერთაშორისო დონეზე.
დამატებითი ინფორმაცია პროგრამის შესახებ შეგიძლიათ იხილოთ ბმულზე.
პროგრამის სასწავლო გეგმა იხილოთ აქ.
საქართველოს მწვანე მიმართულებით დაგეგმილ რეფორმებში დახმარებას გერმანიის რეკონსტრუქციის საკრედიტო ბანკი (KfW), საფრანგეთის განვითარების სააგენტო (AFD) და საქართველოში ევროკავშირის დელეგაცია გაუწევენ.
მხარეთა შორის განზრახულობათა დეკლარაციის ცვლილებას (საქართველოს ენერგეტიკის სექტორის რეფორმის მხარდაჭერა) ხელი თბილისში, 24 ნოემბერს მოეწერა.
ცვლილებები, მათ შორის, ითვალისწინებს განახლებადი ენერგიის სექტორის მხარდაჭერას, მწვანე წყალბადის გამოყენების დაწყებას, გარდამავალ პერიოდში სოციალურად მოწყვლადი მოსახლეობის მხარდაჭერას, კლიმატის მიმართ მდგრადობის, ჰაერის ხარისხის უზრუნველყოფას, ნარჩენების მართვას და სხვა, იუწყება ფინანსთა სამინისტრო.
როგორც უწყება აღნიშნავს, „პარტნიორების მხრიდან მიღებული ეს გადაწყვეტილება, მნიშვნელოვანი ნაბიჯი იქნება საქართველოს ევროკავშირში გაწევრიანებისკენ მიმავალ გზაზე“.
აქართველოს მთავრობის ორგანიზებითა და ევროკავშირის დაფინანსებით, 28 ნოემბერს კონფერენცია: „ევროკავშირი და საქართველო ერთად სოფლის მდგრადი განვითარებისთვის“ გაიმართა.
ღონისძიების ფარგლებში, ქართველი და ევროპელი ოფიციალური პირების, სოფლის განვითარების სპეციალისტების მონაწილეობით გაიმართა პანელური დისკუსიები. საუბარი შეეხო სოფლის მდგრადი განვითარების პოლიტიკის შემუშავებასა და დანერგვას, იუწყება გარემოს დაცვისა და სოფლის მეურნეობის სამინისტრო.
როგორც საქართველოში ევროკავშირის წარმომადგენლობის თანამშრომლობის განყოფილების ხელმძღვანელის მოადგილე, კატალინ გერმანმა, აღნიშნა, ევროკავშირი უკვე არაერთი წელია მხარს უჭერს საქართველოში სოფლის მეურნეობის განვითარებას და „აღნიშნულმა ძალიან კარგი შედეგი გამოიღო“.
გერმანის თქმით, ევროკავშირმა მიმდინარე წელს მიიღო სოფლის მეურნეობის პოლიტიკის ერთიანი დოკუმენტი. „იმედი გვაქვს, რომ ამ პოლიტიკასთან ჰარმონიზაციის მიმართულებით საქართველო მნიშვნელოვან რეფორმებს განახორციელებს“, – განაცხადა მან (ციტატები მოყვანილია სამინისტროს ინფორმაციაზე დაყრდნობით).
საქართველოს ეროვნული ბანკის (სებ) პრეზიდენტის მოვალეობის შემსრულებელი, ნათია თურნავა, ევროპის რეკონსტრუქციისა და განვითარების ბანკის (EBRD) ფინანსური ინსტიტუტების მმართველ დირექტორს, ფრენსის მალიჟს, და დირექტორთა საბჭოს წევრებს შეხვდა. შეხვედრას ასევე ესწრებოდა EBRD-ის კავკასიის რეგიონული ხელმძღვანელი, ალკის დრაკინოსი.
სებ-ის ცნობით, შეხვედრაზე მხარეებმა განიხილეს სებ-ისა და კომერციული ბანკების EBRD-თან მრავალწლიანი თანამშრომლობა, მიმდინარე და სამომავლო პროექტები.
EBRD-ის ფინანსური ინსტიტუტების მმართველმა დირექტორმა საქართველოს ფინანსურ სექტორში რეფორმების მხარდაჭერისა და ტექნიკური დახმარების გაგრძელების მზადყოფნა გამოთქვა, იუწყება სებ.
მთავრობის დღევანდელ სხდომაზე ქარისა და მზის ელექტროსადგურების 2 პროექტი განიხილეს. ელექტროსადგურები შიდა ქართლში აშენდება.
30 მგვტ სიმძლავრის ქარის სადგურზე, საჯარო და კერძო კანონმდებლობით გათვალისწინებული ტექნიკურ-ეკონომიკური კვლევის ხელშეკრულება გაფორმდება, იუწყება მთავრობა. პროექტისთვის საჭირო ინვესტიცია $45.1 მილიონი. პროექტს შპს GDA Danre განახორციელებს.
რაც შეეხება მზის ელექტროსადგურს, ინვესტიცია – $4.06 მილიონს შეადგენს. პროექტზე მშენებლობის ფაზის დაწყების შესახებ ხელშეკრულება გაფორმდება. პროექტს შპს დოესი Energy განახორციელებს.
ევროკავშირსა და საქართველოს შორის მაღალი დონის ენერგეტიკული დიალოგი რეგულარულად, ყოველ წელს შედგება, იუწყება ეკონომიკისა და მდგრადი განვითარების სამინისტრო. ამის შესახებ მხარეები საქართველოში ენერგეტიკის საკითხებში ევროკომისარის კადრი სიმსონის ვიზიტის ფარგლებში შეთანხმდნენ.
მიმდინარე კვირას დიალოგი საქართველოში გაიმართა, ხოლო შემდეგი შეხვედრა ბრიუსელში ჩატარდება, იუწყება სამინისტრო. საქართველოში გამართული შეხვედრის ფარგლებში მხარეებმა რეფორმები, ინვესტიციები, ძირითადი ინფრასტრუქტურული პროექტები, განახლებად ენერგიასთან დაკავშირებით საქართველოს პოტენციალის სრულად გამოკვლევის შესაძლებლობა და სხვა საკითხები განიხილეს.
როგორც ეკონომიკის მინისტრი, ლევან დავითაშვილი, აღნიშნავს, ძალიან ბევრი მიმართულებით ქართული კანონმდებლობა უკვე შესაბამისობაშია ევროპულ მოთხოვნებთან და სტანდარტებთან. მათ შორის, შემოვიღეთ ენერგოეფექტურობის ეტიკეტირების ახალი სისტემა, რომელიც უკვე ნელ-ნელა ინერგება, აღნიშნავს ის და დასძენს: ამჟამად ვმუშაობთ ბაზრის ლიბერალიზაციის მიმართულებით, ინსტიტუციური მოწყობის კუთხით.
თავის მხრივ, სიმსონი აღნიშნავს, რომ „ჰარმონიზაცია აუცილებელია არა მხოლოდ ევროკავშირში გაწევრიანების გზაზე, არამედ ეს წესები აუცილებელია იმისათვის, რომ საქართველო გახდეს უფრო ენერგოუსაფრთხო, და ქვეყანამ მეტი ინვესტიცია მოიზიდოს“. „ჩვენ მოხარული ვართ, რომ არსებობს ერთიანი ხედვა, და კიდევ ერთხელ დაგიდასტურებთ, რომ ევროკავშირი საქართველოს მხარს დაუჭერს არა მხოლოდ ტექნიკური, არამედ ფინანსური კუთხითაც“, – განაცხადა ევროკომისარმა.
Joint open letter from the Business Associations, members of the Georgian Investors Council
To: The President of the European Commission, Dr. Ursula von der Leyen
The President of the European Council, Mr. Charles Michel
RE: Georgia’s EU candidate status
Date: 17.11.2023
We are writing to you, on behalf of the Georgian Investors Council, which brings together the leading business associations in the country, the International Financial Institutions, and the economically oriented components of the Georgian Government.
On November 8, 2023 the EU Commission recommended granting EU candidate status to Georgia. The European Council will take the decision on granting the status in December 2023.
This is a milestone achievement for Georgia. We are hugely grateful to the Commission for making this recommendation. It reflects the reform efforts that have been undertaken over many years. But we also recognize, it reflects the continued faith of the EU in the people of Georgia, as well as the unity of the EU in the face of Russian aggression. We are extremely grateful to the people of the EU for their continued support and perseverance.
Georgia’s European aspirations have been unequivocal, not only over the 30 years since the restoration of its independence, but for centuries. The Georgian population has repeatedly demonstrated their strong desire to become part of the European family, a desire driven by shared European values, a shared history, and common aspirations for the future.
For Georgia, EU candidate status will mark the continuation of a strong collaboration with the European Union. Much work lies ahead and we stand ready to embrace any changes still needed to ensure full EU membership. Georgia has been a front-runner in the implementation of the Association Agreement since it was signed in 2014. These reforms have not only brought us closer to the EU, but also driven the development of the country. As we approach the 10-year anniversary of that achievement, it is our sincere hope that EU candidate status will be the next step.
The Investors Council of Georgia, as well as the thousands of businesses and international institutions it represents, expresses its full readiness to support Georgia to fulfill the requirements of full EU-membership. We are certain that to accomplish this process, Georgia will once again demonstrate a strong commitment to its path towards the European Union.
Yours faithfully,
The Business Associations, members of the Georgian Investors Council
ევროკავშირის მხარდაჭერით, საქართველო ჰაერის ხარისხის მონიტორინგის 9 სადგურს შეიძენს ევროკავშირის მიერ მხარდაჭერილი ახალი პროექტის ფარგლებში, გათვალისწინებულია ჰაერის ხარისხის მონიტორინგის 9 სადგურის შეძენა, იუწყება გარემოს დაცვისა და სოფლის მეურნეობის სამინისტრო. პროექტი მომდევნო 5 წლის განმავლობაში განხორციელდება.
სამინისტროს ცნობით, პროექტი ასევე ითვალისწინებს რეფერენტული ლაბორატორიის შექმნას, მოდელირებისა და პროგნოზირების შესაძლებლობების გაძლიერებას, ინდუსტრიული ემისიების სფეროში საუკეთესო პრაქტიკის დანერგვის ხელშეწყობას და მიზნობრივ ტრენინგებს.
თბილისში ღვინით ვაჭრობის მსოფლიო ჯგუფის (WWTG) წლიური შეხვედრა გაიხსნა. წელს საქართველო უკვე მეორედ იყო WWTG-ის თავმჯდომარე ქვეყანა (პირველად – 2014 წელს).
შეხვედრას, საქართველოსთან ერთად, WWTG-ის წევრი ქვეყნების – აშშ-ის, არგენტინის, ავსტრალიის, კანადის, ჩილეს, ახალი ზელანდიის და სამხრეთ აფრიკის წარმომადგენლები დაესწრნენ.
შეხვედრის მონაწილეებმა განიხილეს ისეთი საკითხები, როგორებიცაა: მთავრობებს შორის სავაჭრო ხელშეკრულებები, ვაჭრობის მარეგულირებელი დოკუმენტები, მსოფლიო სავაჭრო ორგანიზაციასთან (WTO) კოორდინაცია, სანიტარიისა და ფიტოსანიტარიის ნორმები, ეტიკეტირება, პროდუქციის შეფუთვა, აგროქიმიური პრეპარატები, ვაზისა და ღვინის საერთაშორისო ორგანიზაციის (OIV) რეზოლუციები და სხვა.
2023 წლის 23-27 ოქტომბერს, ბავარიის ეკონომიკის სამინისტროს პროექტის “Bayern – Fit for Partnership (BFP)“ ფარგლებში, კვლავ განხორციელდა დელეგაციის ვიზიტი ბავარიაში.
წლევანდელი პროექტის თემა გახლდათ „სამედიცინო ტექნიკა და აღჭურვილობა“. ქართული სამედიცინო სექტორის 12 წარმომადგენელს შესაძლებლობა მიეცა, ხუთდღიანი პროგრამით, გაცნობოდა წამყვან ბავარიულ კომპანიებს, რომლებიც აწარმოებენ თანამედროვე, ინოვაციურ სამედიცინო ტექნიკას და აღჭურვილობას. კომპანიებს შორის გაიმართა შეხვედრები B2B-ფორმატში, რითიც საფუძველი ჩაეყარა ბილატერალურ ბიზნეს ურთიერთობებს.
ღონისძიება ჩატარდა Bayern International-ის მხარდაჭერით და DEGA-EXPOTEAM GmbH & Co.-ს და გერმანიის ეკონომიკური გაერთიანების (DWV) თანამშრომლობით.
26-27 ოქტომბერს თბილისში გაიმართა აბრეშუმის გზის რიგით მეოთხე ფორუმი, რომელსაც 60-ზე მეტი ქვეყნის 2,000-მდე დელეგატი დაესწრო.
ფორუმის შედეგებს შორისაა: ყაზახეთის, აზერბაიჯანისა და საქართველოს რკინიგზების მიერ ერთობლივი საწარმოს დაფუძნება; საქართველოსა და საუდის არაბეთის ბიზნესსაბჭოს შექმნა; მეზღვაურთა სერტიფიკატების ურთიერთაღიარების შესახებ მემორანდუმი საქართველოსა და კატარს შორის; საქართველოსა და ყაზახეთის მიერ დამატებების შეტანა შეთანხმებაში, რომელიც 2022-2027 წლებში შუა დერეფნის განვითარების საგზაო რუკას შეეხება.
გარდა ამისა, გაცხადდა, რომ თბილისში გაეროს მსოფლიო ტურიზმის ორგანიზაციის აკადემიის გახსნა იგეგმება; საქართველოს ეროვნულ ბანკსა და ტაჯიკეთის ცენტრალურ ბანკს შორის თანამშრომლობის შესახებ მემორანდუმი უახლოეს მომავალში გაფორმდება. ფორუმზე სერბეთთან ეკონომიკური ურთიერთობის გაღრმავებაც განიხილეს.
ხოლო სომხეთის პრემიერ-მინისტრმა, ნიკოლ ფაშინიანმა, მშვიდობის გზაჯვარედინის პროექტი წარადგინა, რომელიც სომხეთს, აზერბაიჯანს, თურქეთს, ირანსა და რეგიონის სხვა ქვეყნებს შორის კომუნიკაციას, საგზაო, სანავთობო ინფრასტრუქტურის მშენებლობას და ელექტროგადამცემი სისტემების მოდერნიზებას უზრუნველყოფს.
მთავრობის სხდომაზე განხილულ იქნა 3 ქარისა და 5 ჰესის პროექტი, რომელთა განხორციელება სამცხე-ჯავახეთში, კახეთში, შიდა ქართლსა და იმერეთში იგეგმება.
სხდომაზე წარდგენილი ენერგეტიკული პროექტების დადგმული სიმძლავრე ჯამურად 250 მგვტ-ზე მეტია, ხოლო ჯამური ინვესტიცია $400 მილიონს აჭარბებს, იუწყება მთავრობის ადმინისტრაცია.
განხილულ პროექტებს შორისაა: გორისა და ფარავნის ქარის ელექტროსადგურები, ჰიდროელექტროსადგურები კაბალი 1, ახალსოფელი, ქარელი, ოსიაური.
ამ ელექტროსადგურების ინვესტორებთან შესაბამისი ხელშეკრულებები გაფორმდება, რომელთა საფუძველზეც დაიწყება პროექტების ტექნიკურ-ეკონომიკური განხორციელებადობის საკითხთა შესწავლა, ასევე სამშენებლო სამუშაოები, იუწყება მთავრობის ადმინისტრაცია.
თელავში კაკლის შემნახველ-გადამმუშავებელ საწარმო GWN სახელმწიფოსა და USAID-ის მხარდაჭერით ამოქმედდა, იუწყება გარემოს დაცვისა და სოფლის მეურნეობის სამინისტრო.
უწყების ცნობით, საწარმოში დაახლოებით 2 მილიონი ლარის ინვესტიცია განხორციელდა. აქედან, USAID-ის გრანტი $75,000-ია, ხოლო სახელმწიფო თანადაფინანსება – 500,000 ლარი.
საწარმოში, სადაც 10 ადგილობრივია დასაქმებული, ერთდროულად, 300 ტონა კაკლის შენახვა-გადამუშავებაა შესაძლებელი.
სოფლის განვითარების სააგენტოს მონაცემებით, შპს GWN-ს 500,000 ლარი მიღებულია აქვს 2021 წელს. მითითებული საიდენტიფიკაციო ნომრის თანახმად, შპს დარეგისტრირებულია 2020 წელს თბილისში, 100% ეკუთვნის ელდარ მილდიანს.
ევროპის რეკონსტრუქციისა და განვითარების ბანკის (EBRD) ხელშეწყობით, აქტიურ ფაზაში გადავიდა დიდი ლილოს პოლიგონზე გაზშემკრები სისტემის მოწყობა, განაცხადა თბილისის მერმა, კახა კალაძემ, დედაქალაქის მთავრობის სხდომაზე. ეს დაგვეხმარება, დავაკმაყოფილოთ 2014 წელს გაფორმებული ევროკავშირის ასოცირების ხელშეკრულებით დაკისრებული გარემოსდაცვითი ვალდებულება, აღნიშნა მან.
EBRD-ის მიერ დაქირავებული ბერძნული საკონსულტაციო და საინჟინრო კომპანია Enviroplan SA-მა დეკემბერში დაასრულებს პროექტზე მუშაობას, რომლის საფუძველზეც გამოცხადდება ტენდერი გაზშემკრები და გაზის უტილიზაციის სისტემის მოსაწყობად, განაცხადა მერმა.
გარდა ამისა, მერის ინფორმაციით, EBRD-ისა და საერთაშორისო საკონსულტაციო ჯგუფ ICP-ის დახმარებით, ახლო მომავალში იგეგმება მასალების აღმდგენი ობიექტისა და მექანიკური ბიოლოგიური დამუშავების საწარმოს მშენებლობა.
ოქტომბრის ბოლოსთვის მზად იქნება ამ შენობა-ნაგებობებისა და დანადგარების კონცეპტუალური დიზაინი, განაცხადა კალაძემ და განმარტა: ეს იქნება ნარჩენების სეპარირებულად შეგროვების, განთავსებისა და გადამუშავების დაწყების საფუძველი.
საქართველოში დაიწყო მდგრადი სოფლის მეურნეობის, ირიგაციის და მიწის მართვის გაუმჯობესების პროექტის (GRAIL) განხორციელება.
$150 მილიონის ღირებულების GRAIL-ის პროექტი თანაბრად ფინანსდება საქართველოს მთავრობისა და მსოფლიო ბანკის მიერ, იუწყება მსოფლიო ბანკის წარმომადგენლობა.
პროექტი დააფინანსებს სამშენებლო სამუშაოებს, საქონლის, აღჭურვილობისა და შესაბამისი სერვისების შესყიდვას, ისევე როგორც ტექნიკურ ტრენინგებს.
როგორც აღნიშნულია, სარწყავ და სადრენაჟე ინფრასტრუქტურაში განხორციელებული ინვესტიციები გააუმჯობესებს საირიგაციო წყალმომარაგებას, წყლის მომხმარებლებისთვის კლიმატით გამოწვეული ნალექის ცვალებადობასთან დაკავშირებული რისკების შემცირების პარალელურად.
გარემოს დაცვისა და სოფლის მეურნეობის სამინისტროსა და საჯარო რეესტრის ეროვნული სააგენტოს დაქვემდებარებაში 2 ორგანიზაცია შეიქმნება, რომლებიც პროექტს კოორდინაციასა და ტექნიკურ ზედამხედველობას გაუწევს.
პრემიერ-მინისტრი, ირაკლი ღარიბაშვილი, საქართველოში ვიზიტით მყოფ უნგრეთის პრემიერ-მინისტრ, ვიქტორ ორბანს, შეხვდა.
პირისპირ შეხვედრაზე მხარეებმა განიხილეს ორ ქვეყანას შორის „არსებული მჭიდრო პარტნიორობა“ და „სხვადასხვა სფეროში არსებული ნაყოფიერი თანამშრომლობის გაღრმავების პერსპექტივები“, იუწყება საქართველოს მთავრობის ადმინისტრაცია.
მათ შორის, პრემიერებმა კავკასიის რეგიონისა და ევროპის დამაკავშირებელი შავი ზღვის წყალქვეშა ელექტროკაბელის პროექტის მიმდინარეობის დინამიკაზე იმსჯელეს.
ღარიბაშვილის თქმით, საქართველო დაინტერესებულია უნგრეთის ინვესტიციების მოზიდვით ისეთ სექტორებში, როგორიცაა განახლებადი ენერგია, ლოგისტიკა, ტურიზმი და სხვა სფეროები.
საქსტატის მონაცემებით, 2022 წელს უნგრეთის პირდაპირმა ინვესტიციებმა საქართველოში – $2.69 მილიონი (კლება – 32%), ხოლო მიმდინარე წლის 6 თვეში – $1.68 მილიონი შეადგინა.
გერმანულმა GOPA-intec-მა (GOPA – International Energy Consultants GmbH) საქართველოს წყალბადის განვითარების სტრატეგიის კონცეფცია შეიმუშავა, იუწყება საქართველოს ენერგეტიკის განვითარების ფონდი. შესაბამისი კვლევა გერმანიის განვითარების ბანკის (KfW) დაფინანსებით განხორციელდა.
ფონდის ცნობით, კონცეფცია წარმოდგენილი იქნა ენერგეტიკის განვითარების ხელშემწყობი კომიტეტის 3 ოქტომბრის სხდომაზე.
კომიტეტი ეკონომიკისა და მდგრადი განვითარების მინისტრის 2022 წლის 28 ივლისის ბრძანების საფუძველზე შეიქმნა. მისი სხდომები ყოველკვარტლურად იმართება.
თბილისის ახალი საერთაშორისო აეროპორტის პროექტის განხორციელება 2024 წლიდან დაიწყება, განაცხადა ეკონომიკისა და მდგრადი განვითარების მინისტრმა, ლევან დავითაშვილმა, პარლამენტში „მინისტრის საათის“ ფორმატში გამოსვლისას.
დაწყებულია პირველი ტექნიკური კვლევა, რომელსაც „მსოფლიოში ერთ-ერთი საუკეთესო, საავიაციო-საკონსულტაციო კომპანია“ ატარებს, აღნიშნა მინისტრმა.
დავითაშვილის ინფორმაციითვე, 3.5 კმ. სიგრძის ასაფრენ-დასაფრენი ზოლი აშენდება ქუთაისის აეროპორტში. პროექტზე მუშაობის დასრულება განსაზღვრულია მიმდინარე წლის დეკემბერში, რის შემდეგაც დაიწყება სამშენებლო სამუშაოები, აღნიშნა მან.
გარდა ამისა, ახალი სამგზავრო ტერმინალი აშენდება თელავის აეროპორტში, რომელიც პირველ მგზავრებს, სავარაუდოდ, 2024 წელს უმასპინძლებს, განაცხადა მინისტრმა და აღნიშნა, რომ აეროპორტის განვითარებისთვის საჭირო ინვესტიცია, პირველადი შეფასებით, 25 მილიონ ლარს შეადგენს.
საქართველოს გადმოეცა 2024 წლის მსოფლიო ტურიზმის დღის მასპინძელი ქვეყნის ტიტული, იუწყება ეკონომიკისა და მდგრადი განვითარების სამინისტრო. შესაბამისი გადაწყვეტილება გაეროს მსოფლიო ტურიზმის ორგანიზაციის (UNWTO) წევრებმა მიიღეს.
2024 წელს ტურიზმის დღის მთავარი თემა იქნება “მშვიდობა და ტურიზმი”.
ეკონომიკის მინისტრის მოადგილის, მარიამ ქვრივიშვილის, თქმით, აღნიშნული სტატუსი მისცემს ქვეყანას შესაძლებლობას, მომდევნო წელს უმასპინძლოს 3,000-მდე ლიდერს ტურიზმის ინდუსტრიიდან და ავიაციის სექტორიდან.
მსოფლიო ტურიზმის დღე აღინიშნება 27 სექტემბერს, და 2023 წელს ოფიციალური ღონისძიებები ერ-რიადში (საუდის არაბეთი) გაიმართა.
16-18 ნოემბერს, საქართველოში კონკურენციის პოლიტიკის აღსრულების და მომხმარებლის უფლებების დაცვის შესახებ მეორე საერთაშორისო კონფერენცია გაიმართება.
კონფერენციაში მონაწილეობას მიიღებს სხვადასხვა ქვეყნის 20-მდე დელეგაცია, იუწყება კონკურენციის ეროვნული სააგენტო.
ღონისძიების ფარგლებში გაიმართება გაეროს ვაჭრობისა და განვითარების კონფერენციის (UNCTAD) სესია მომხმარებლის უფლებების დაცვის შესახებ და ეკონომიკური თანამშრომლობისა და განვითარების ორგანიზაციის (OECD) სესია კონკურენციის პოლიტიკის შესახებ.
3-დღიანი ღონისძიება კონკურენციის ეროვნული სააგენტოს, საქართველოს ეროვნული ბანკის, საქართველოს ენერგეტიკისა და წყალმომარაგების მარეგულირებელი ეროვნული კომისიის, საქართველოს კომუნიკაციების ეროვნული კომისიის და დაზღვევის სახელმწიფო ზედამხედველობის სამსახურის ორგანიზებით დაიგეგმა. კონფერენციის ფარგლებში ამ 5 მარეგულირებელი უწყების ხელმძღვანელი პირების მონაწილეობით სპეციალური პანელი გაიმართება.
24 სექტემბერს ქუთაისის აეროპორტმა, ერთი წლის ჭრილში, მემილიონე მგზავრს უმასპინძლა, იუწყება სახელმწიფო შპს საქართველოს აეროპორტების გაერთიანება.
შპს-ის ცნობით, მემილიონე მგზავრი გერმანიის მოქალაქე, 36 წლის პიტერ გოცინგერი გახდა. ის ე.წ. „street food”-ის ბლოგერია, საქართველოში პირველად ჩამოვიდა მეუღლესთან ერთად და დაახლოებით ერთი თვით დარჩენას გეგმავს.
ქუთაისის აეროპორტი წლის ბოლომდე მილიონ ნახევარ მოგზაურს მოემსახურება, იუწყება შპს.
“ანაკლიის ღრმაწყლოვანი პორტის მშენებლობა ჩემი მთავრობის მთავარი პრიორიტეტი”, – განაცხადა პრემიერ-მინისტრმა ირაკლი ღარიბაშვილმა, გაერო-ს გენერალური ასამბლეის 78-ე სესიის დებატების ფარგლებში სიტყვით გამოსვლისას. მშენებლობა უახლოეს მომავალში დაიწყება, აღნიშნა მან.
გარდა ამისა, ჩვენი მთავრობა აუმჯობესებს ქვეყნის საჰაერო დაკავშირებადობას და ამ მიზნით თბილისში ახალ საერთაშორისო აეროპორტს ვაშენებთ, განაცხადა პრემიერმა.
„აწარმოე საქართველოში“ სახელმწიფო პროგრამის ფარგლებში კიდევ ერთი ეკონომიკური საქმიანობის – ელექტროენერგიის წარმოების თანადაფინანსება მოხდება.
ამ მიზნით სესხით/ლიზინგით სარგებლობისათვის სავალდებულოა, ობიექტი აწარმოებდეს მზის, ქარის ან ჰიდროენერგიას და მისი დადგმული სიმძლავრე 0.5 მგვტ-ს არ აღემატებოდეს, იუწყება სააგენტო აწარმოე საქართველოში.
პროგრამის ფარგლებში ხორციელდება პროცენტის სუბსიდირება სესხის სრული ვადის განმავლობაში, საქართველოს ეროვნული ბანკის რეფინანსირების განაკვეთს გამოკლებული 5%-ის ოდენობით, აღნიშნავს სააგენტო.
რაც შეეხება სხვა საქმიანობებს, ფინანსდება ინდუსტრიული დარგი, სასტუმრო ინდუსტრია, ბალნეოლოგიური კურორტები, ტურისტული სერვისები, აგრო და ეკოტურისტული ინდუსტრია.
გამორჩეული ტკბილეულის მრავალფეროვანი არჩევანი, საუცხოო დიზაინის სადღესასწაულო ტორტები, გემრიელი საბავშვო ნუგბარი – უმაღლესი ხარისხის ნედლეულზე დამზადებული ასორტიმენტი – ეს ყველაფერი ერთი დიდი სახელის, „ასორტი“-ს ქვეშ ერთიანდება.
წვეულებებს, დაბადების დღეებსა თუ კორპორატიულ საღამოებს აუცილებლად გამორჩეული დიზაინისა და დაუვიწყარი გემოს ტორტი უნდა ამშვენებდეს. „ასორტი“-ს წარმოებაში იხილავთ მარციპანის ტორტებს საყვარელი პერსონაჟებით, ხელით შექმნილ ზღაპრულ ქალაქებს, საშობაო სოფელს, ციხე-კოშკებს – აქ უსაზღვრო ფანტაზია ხელშესახები ხდება და იქმნება ნამდვილი დღესასწაულები. არანაკლებ გამორჩეული და დასამახსოვრებელია ასორტის საქორწილო ტორტების საუცხოო ვიზუალი, ხელნაკეთი ყვავილები (დეტალები), გამორჩეული გემო, ბროლის განათების მაგიდები.
ბუფეტი ყველა ტიპის ღონისძიების მნიშვნელოვანი ნაწილია. კომპანია მომხმარებელს სთავაზობს უმაღლესი ხარისხის ქეითერინგის მომსახურებას. კრეატიულობა, ინდივიდუალური თემატური დეკორაციები, განსაკუთრებულ არომატებთან ერთად, დაუვიწყარ ატმოსფეროს ქმნის.
სწორედ შერჩეული სპეციფიკით, „ასორტი“-ს გუნდი, ნებისმიერ ღონისძიებას სრულყოფილს გახდის.
სააგენტოს „აწარმოე საქართველოში“ ინიციატივითა და USAID-ის მხარდაჭერით ქართული ექსპორტიორი კომპანიებისთვის უცხოელ შემსყიდველებთან დაკავშირების და პროდუქციის რეალიზაციის ახალი პროგრამა დაიწყო, რომელიც საერთაშორისო საკონსულტაციო კომპანია „OCO Global“-ის ჩართულობით ხორციელდება.
პროგრამის მიზანია, ხელი შეუწყოს ქართულ კომპანიებს ახალი უცხოური ბაზრების ათვისებაში. პროგრამა ერთი წლის განმავლობაში გაგრძელდება და მასში 50 ქართული კომპანია მიიღებს მონაწილეობას.
პროგრამა რამდენიმე სამიზნე სექტორს მოიცავს, მათ შორის: საფეიქრო ინდუსტრია, (ტანსაცმელი, ფეხსაცმელი, ტყავის პროდუქტები, აქსესუარები და სამკაული), შესაფუთი მასალები, სათამაშოები, ცხოველისა და ფრინველის საკვები დანამატები/ვეტერინარია და ელექტრო ნაწილები.
ექსპორტის საბაზრო კავშირების ახალ პროგრამაში მონაწილე კომპანიები პროგრამის ფარგლებში შეძლებენ, ისარგებლონ სხვადასხვა სერვისით, მათ შორის, მარკეტინგული მხარდაჭერით (ბაზრის კვლევა, მომხმარებელთა და კონკურენტების ანალიზი, ბაზარზე შეღწევის სტრატეგია, საერთაშორისი შემსყიდველების იდენტიფიცირება), რაც ხელს შეუწყობს მათი პროდუქციის უცხოურ ბაზარზე გაყიდვებს და სწორ პოზიციონირებას.
თბილისის მერია, გერმანიის განვითარების ბანკის (KfW) მხარდაჭერით, 5-წლიანი პროექტის განხორციელებას იწყებს.
პროექტის მიზანი ურბანული სატრანსპორტო სისტემისა და ინფრასტრუქტურის მდგრადი განვითარება, ეკოლოგიური მდგომარეობის გაუმჯობესება და მგზავრთა უსაფრთხო გადაადგილებაა, იუწყება მერია. კერძოდ, დაგეგმილია ჭკვიანი სისტემების (ITS) დანერგვა.
პროექტი გერმანიის ეკონომიკური თანამშრომლობისა და განვითარების ფედერალური სამინისტროს პროგრამის ფარგლებში ხორციელდება, იუწყება მერია.
14 ივლისს საქართველოს პრემიერ-მინისტრის, ირაკლი ღარიბაშვილის, ხელმძღვანელობით, მთავრობის ადმინისტრაციაში ინვესტორთა საბჭოს სხდომა გაიმართა.
პრემიერ-მინისტრის პრესსამსახურის ინფორმაციით, საბჭოს სხდომაზე, რომელიც მთავრობის მეთაურმა გახსნა, მისასალმებელი სიტყვით გამოვიდნენ საქართველოში გაერთიანებული სამეფოს ელჩი მარკ კლეიტონი და კავკასიაში ევროპის რეკონსტრუქციისა და განვითარების ბანკის (EBRD) რეგიონული დირექტორი კატარინა ბიორლინ ჰანსენი.
სხდომაზე განიხილეს ქვეყნის საინვესტიციო პერსპექტივები და არსებული გამოწვევების გადაჭრის გზებზე იმსჯელეს.
სხდომის მონაწილეებმა იმსჯელეს საერთაშორისო ვაჭრობის ხელშეწყობისა და საქართველოში განახლებადი ენერგიის სექტორის განვითარების სტიმულირების საკითხებზე. განსახილველ საკითხებს შორის იყო, აგრეთვე, ევროკავშირში ინტეგრაციის გზაზე მიმდინარე რეფორმებში ინვესტორთა საბჭოს ჩართულობა.
არენსიამ გააფართოვა თავისი კლინიკა თბილისში, საქართველოში!
არენსიამ ობიექტები თბილისში 800 მ²-მდე გააფართოვა, პერსონალი კი მეტი ექიმითა და ექთნით შეავსო – ეს ადასტურებს მის საქართველოსადმი, როგორც ნაყოფიერი კვლევის გარემოსადმი, ერთგულებას.
კლინიკას აქვს უახლესი ტექნიკის გადაუდებელი განყოფილება (ინტენსიური თერაპიის განყოფილებასთან ერთად), რომელიც I ფაზის კვლევების ჩატარების ახალ ქართულ რეგულაციას აკმაყოფილებს. ამით ARENSIA უნიკალურ პოზიციას იკავებს საქართველოში, რაც ბოლო 9 წლის განმავლობაში მის ბაზარზე ლიდერობას აძლიერებს.
ARENSIA Georgia-ს ჰყავს პაციენტთა დიდი ჯგუფი და აქვს განსაკუთრებული შესაძლებლობები ადრეული სტადიის ონკოლოგიისა და ანთების საწინააღმდეგო კვლევების მხარდასაჭერად.
Arensia ამაყობს, რომ ქართველ პაციენტებს ყველაზე ინოვაციურ თერაპიაზე წვდომას სთავაზობს!
ინიციატივის განხორციელებაში ჩართულები არიან Deutsche Gesellschaft für Internationale Zusammenarbeit (GIZ) და გაეროს განვითარების პროგრამა (UNDP), საქართველოს რეგიონული განვითარებისა და ინფრასტრუქტურის სამინისტროსთან და ადგილობრივ თვითმმართველობასთან მჭიდრო თანამშრომლობით.
გერმანია საქართველოს ხელს შეუწყობს მწვანე წყალბადის ბაზრის განვითარებაში. მწვანე წყალბადის (ანუ, მიღებული წყლის ელექტროლიზით, განახლებადი ენერგიის გამოყენებით) მოხმარების განვითარების მიზნით, გერმანიის განვითარების ბანკმა (KfW) საქართველოს მოსამზადებელი ღონისძიებებისათვის 1.3 მილიონი EUR-ს გამოუყო.
შესაბამისი მემორანდუმი საქართველოს ეკონომიკისა და მდგრადი განვითარების სამინისტროს, საქართველოს ნავთობისა და გაზის კორპორაციას, ბათუმის მერიასა და KfW-ს შორის დღეს ბერლინში (გერმანია) გაფორმდა.
ნავთობისა და გაზის კორპორაციის ინფორმაციით, მემორანდუმი ადასტურებს მხარეთა განზრახვას, ერთობლივი ძალისხმევით განავითარონ როგორც მწვანე წყალბადის საპილოტე საწარმო, ასევე მისი სრული ღირებულებით ჯაჭვი, მოთხოვნა-მიწოდების ჩათვლით.
გამოყოფილი თანხა განკუთვნილია ტექნიკურ-ეკონომიკური დასაბუთებისთვის, პროექტირებისთვის, გარემოზე ზემოქმედების ანგარიშებისა და შესაბამისი საკანონმდებლო ინიციატივების პროექტის იმპლემენტაციისათვის და ა.შ., იუწყება კორპორაცია და აღნიშნავს, რომ მოსამზადებელ სამუშაოებს დაახლოებით, ერთი წელიწადი დასჭირდება.
2024 წელს საქართველო მსოფლიო ტურიზმის დღეს უმასპინძლებს. გაეროს მსოფლიო ტურიზმის ორგანიზაციის (UNWTO) ევროპის კომისიამ საქართველო 2024 წელს მსოფლიო ტურიზმის დღის მასპინძელ ქვეყნად დაასახელა.
აღნიშნული გადაწყვეტილება UNWTO-ს ევროპის კომისიის ბულგარეთში, ქალაქ სოფიაში, გამართულ 68-ე სხდომაზე იქნა მიღებული.
ამის შესახებ ეკონომიკისა და მდგრადი განვითარების სამინისტრო იუწყება და აღნიშნავს, რომ საქართველოს დელეგაციის შესაბამის ინიციატივას ევროპის კომისიის 38 წევრმა ქვეყანამ ერთხმად დაუჭირა მხარი.
2024 წელს ტურიზმის დღის მთავარი თემა იქნება “მშვიდობა და ტურიზმი”.
„ეს არის ჩვენი ქვეყნის, ჩვენი ტურიზმის ინდუსტრიის მორიგი, ძალიან დიდი აღიარება – გვეძლევა შესაძლებლობა, რომ ღირსეულად ვუმასპინძლოთ ჩვენს ქვეყანაში საერთაშორისო დონის უმაღლესი რანგის წარმომადგენლებს არა მხოლოდ ტურიზმის ინდუსტრიიდან, არამედ სხვა სექტორებიდანაც, ასევე, ვუმასპინძლოთ მედიის წარმომადგენლებს“, – განაცხადა საქართველოს ეკონომიკისა და მდგრადი განვითარების მინისტრის მოადგილემ, მარიამ ქვრივიშვილმა.
მისივე შეფასებით, ეს ყველაფერი დაეხმარება საქართველოს, კიდევ უფრო მეტად გაზარდოს ცნობადობა და გაამყაროს პოზიციონირება საერთაშორისო ტურისტულ ბაზარზე, რაც, თავისთავად, გააძლიერებს ჩვენი ტურიზმის, ასევე, ავიაციის ინდუსტრიას და მნიშვნელოვანი შედეგებით აისახება ქვეყნის ეკონომიკაზე.
მიმდინარე წლის 30-31 მაისს თბილისში ადგილობრივი ეკონომიკური განვითარების მე-13 ფორუმი იმართება. ღონისძიების სახელწოდებაა „მდგრადი განვითარება – მწვანე, ჭკვიანი, ბიზნეს-მეგობრული“.
ადგილობრივი ეკონომიკური განვითარების ფორუმი 2007 წლიდან ჩამოყალიბდა და მისი თემატიკა მოიცავს ურბანული განვითარების თანამედროვე ტენდენციებს და საჭიროებებს.
ფორუმი ტარდება თბილისის მუნიციპალიტეტის ეკონომიკური განვითარების საქალაქო სამსახურის ორგანიზებით და ევროკავშირის და გაეროს განვითარების პროგრამის (EU-UNDP M4EG), მიგრაციის საერთაშორისო ორგანიზაციის (IOM), დანიისა და შვეიცარიის საელჩოების, კომპანიების – დუგლაძეების ღვინის კომპანია, ქალაქური, სარაჯიშვილი – მხარდაჭერით.
საქართველოს ეროვნული ბანკის პრეზიდენტის მოვალეობის შემსრულებელი, არჩილ მესტვირიშვილი, და ვიცე-პრეზიდენტი, პაპუნა ლეჟავა, გერმანიის ეკონომიკური გაერთიანების წარმომადგენლებს შეხვდნენ. ამის შესახებ ინფორმაციას ეროვნული ბანკი ავრცელებს.
სამუშაო შეხვედრაზე სებ-ის წარმომადგენლებმა ქვეყნის მაკროეკონომიკურ ტენდეციებზე და გლობალურ თუ რეგიონალურ ეკონომიკურ გამოწვევებზე ისაუბრეს.
“ეროვნული ბანკისთვის უაღრესად მნიშვნელოვანია მსგავსი ტიპის შეხვედრები. გერმანიის ეკონომიკური გაერთიანების წარმომადგენლებთან ჩვენ დეტალურად ვისაუბრეთ ქვეყანაში არსებულ ეკონომიკურ სიტუაციაზე და, ამასთან, ყურადღება გავამახვილეთ ეროვნული ბანკის მონეტარულ და სავალუტო პოლიტიკაზე. გარდა ამისა, შეხვედრის ფარგლებში გაერთიანების წევრებს მივაწოდეთ ინფორმაცია სანქციების მონიტორინგის, საბანკო სისტემის მდგრადობის და იმ რეფორმების შესახებ, რომელიც ამ მიმართულებით განხორციელდა“, – განაცხადა არჩილ მესტვირიშვილმა.
მიმდინარე წლის 10-12 მაისს საქართველოში გერმანიის რეკონსტრუქციის საკრედიტო ბანკის (KfW) დელეგაციის ვიზიტი იმართება.
ვიზიტის მიზანია იმ პროექტების დათვალიერება, რომლებსაც საქართველოში, გერმანიის მთავრობის ფინანსური ხელშეწყობით, KfW ახორციელებს ისევე, როგორც ინფორმაციული ხასიათის შეხვედრები ქართველ პარტნიორებთან, იუწყება საქართველოში გერმანიის საელჩო.
კერძოდ, ვიზიტის ფარგლებში დაგეგმილია შეხვედრები საქართველოს სახელმწიფო ელექტროსისტემაში, გარემოს დაცვისა და სოფლის მეურნეობის სამინისტროში, დაცული ტერიტორიების სააგენტოში, თბილისის მერიაში და სხვა.
4 მაისს თბილისში სტუმრად იმყოფებოდა გერმანიის ბუნდესტაგის დელეგაცია, რომელიც ყველა საპარლამენტო ფრაქციისგან შედგებოდა.
დეპუტატები და გერმანიის ფედერაციული რესპუბლიკის ელჩი საქართველოში, ბ-ნი პეტერ ფიშერი, DWV-ის მმართველ საბჭოს და ხელმძღვანელობას შეხვდნენ და ინფორმაცია მიიღეს საქართველოში მიმდინარე ეკონომიკური საკითხების შესახებ.
4 მაისს გერმანიის ეკონომიკურმა გაერთიანებამ, 9 სხვა ბიზნეს ასოციაციასთან ერთად, ხელი მოაწერა მემორანდუმს თემაზე: „ევროკავშირის კანდიდატის სტატუსი ბიზნესის პერსპექტივიდან“.
აღნიშნული მემორანდუმი გამოხატავს მხარდაჭერას საქართველოსთვის ევროკავშირში გაწევრიანების გზაზე.
კლიმატის ცვლილებისადმი მედეგი სოფლის მეურნეობის განვითარების ხელშეწყობის მიზნით, საქართველოში UNFAO-ის ახალი პროექტი განხორციელდება გაეროს სურსათისა და სოფლის მეურნეობის ორგანიზაცია (UNFAO) საქართველოში ახალი პროექტის განხორციელებას იწყებს, იუწყება გარემოს დაცვისა და სოფლის მეურნეობის სამინისტრო.
პროექტის მიზანი კლიმატის ცვლილებისადმი მედეგი და დაბალემისიანი სოფლის მეურნეობის განვითარების ხელშეწყობაა.
სამინისტროს ინფორმაციით, 2-წლიანი პროექტი დაფინანსებულია კლიმატის მწვანე ფონდის (GCF) მიერ. პროექტის ბიუჯეტი $500,000-ია.
საქართველო, როგორც ენერგეტიკული გაერთიანების წევრი, ვალდებულია, მიმდინარე წლის 31 დეკემბრიდან მიუერთდეს მე-4 ენერგეტიკულ პაკეტს და მოახდინოს მისი იმპლემენტაცია ეროვნულ კანონმდებლობაში, აღნიშნავს ენერგეტიკის სასწავლო ცენტრის დირექტორი, ნუგზარ ბერიძე. ეს საქართველოში დანერგილი ნეტო-აღრიცხვის გაუმჯობესებისა და განვითარების შესაძლებლობას იძლევა, აცხადებს ის.
მე-4 პაკეტმა შემოიტანა ცნება „self-consumption”, ანუ თვითმოხმარება, მიუთითებს ბერიძე. თვითმომხმარებელი მის მფლობელობაში არსებულ შენობა-ნაგებობაში აწარმოებს განახლებად ელექტროენერგიას საკუთარი მოხმარებისთვის და შეუძლია ის შეინახოს ან გაყიდოს, გარდა იმ შემთხვევებისა, როდესაც ეს წარმოადგენს მის ძირითად კომერციულ ან პროფესიულ საქმიანობას, განმარტავს ცენტრის დირექტორი და აღნიშნავს, რომ ქსელში გაცემული ელექტროენერგიის ვირტუალური დაგროვება და გაქვითვა არ ხდება.
ბერიძის ინფორმაციითვე, განახლებად ენერგიაზე მომხმარებლის თავისუფალი და არადისკრიმინაციული დაშვების ერთ-ერთი ინსტრუმენტია აგრეთვე ე.წ. „წარმოშობის სერტიფიკატები“ (CO). ამ ინსტრუმენტის ფარგლებში მომხმარებელი უფლებამოსილია, მოსთხოვოს მიმწოდებელს ინფორმაციის გამჟღავნება, მიწოდებულ ენერგიაში რა წილი აქვს განახლებად წყაროებს.
შესაბამისი რეესტრის წარმოება და სერტიფიკატების გაცემა დაევალა საქართველოს სახელმწიფო ელექტროსისტემას. ამჟამად რეგისტრირებულია 39 ელექტროსადგური და 1 მიმწოდებელი და გაცემულია 100,000-ზე მეტი სერტიფიკატი.
2023 წლის 5 აპრილს გერმანიის ეკონომიკურმა გაერთიანებამ (DWV) წარმატებით ჩაატარა წევრთა გენერალური ასამბლეა სასტუმრო Pullman Tbilisi Axis Towers-ში. ღონისძიება შესანიშნავი შესაძლებლობა იყო DWV-ს საქმიანობის განვითარებისა და სამომავლო გეგმების წარსადგენად. სხვა საკითხებთან ერთად, საბჭომ 2023 წლის წლიური გეგმა წარადგინა, რაც ყველა წევრის მიერ ერთხმად იქნა დამტკიცებული.
განსაკუთრებით სასიხარულოა, რომ წევრებმა ერთხმად მოიწონეს მმართველი საბჭოს 2022 წლის საქმიანობა.
საერთო კრების უმთავრესი ნაწილი იყო მმართველი საბჭოს წევრების დამტკიცება არჩევნების გზით. ხელახლა ან ახლად არჩეულ იქნენ საბჭოს წევრები: საპატიო დოქტორი საშა ტერნსი, ბ-ნი გიორგი ბათლიძე, ბ-ნი დავით შენგელია, ბ-ნი სანდრო ბახსოლიანი და ახალ წევრად არჩეულ იქნა ქ-ნი თებრონე რომანოვა.
ვულოცავთ საბჭოს წევრებს არჩევას და მოუთმენლად ველით მათთან თანამშრომლობას.
დიდი მადლობა ყველა წევრს და მონაწილეს, ვინც წვლილი შეიტანა წევრთა ასამბლეის წარმატებით განხორციელებაში.
გვსურს აღვნიშნოთ, რომ ჩვენი მომდევნო ყოველთვიური ღონისძიება “Get Together” გაიმართება 19 აპრილს რესტორან რესპუბლიკაში, ვარდების რევოლუციის მოედანთან. მოუთმენლად ველით თქვენთან შეხვედრას!
გერმანიის ქალაქ დიუსელდორფში გამართულ გამოფენა „ProWein 2023“-ში (19-21 მარტი) ქართული ღვინის 25 კომპანია მონაწილეობდა, იუწყება ღვინის ეროვნული სააგენტო.
სააგენტოს ცნობით, გამოფენის ფარგლებში გაიმართა შეხვედრები კომერციული სექტორის, მედიის და მარკეტინგული კომპანიების წარმომადგენლებთან.
ქართული კომპანიების მონაწილეობა, სააგენტოს ფინანსური მხარდაჭერით, ორგანიზებულ იქნა ასოციაცია ქართული ღვინოს მიერ.
“გერმანულ დაბალბიუჯეტურ ავიაკომპანია Eurowings-თან „აქტიურ მოლაპარაკებებს ვაწარმოებთ“ ქუთაისის აეროპორტიდან ფრენების დაწყებასთან დაკავშირებით”, – აცხადებს საქართველოს აეროპორტების გაერთიანების დირექტორი, ირაკლი ქარქაშაძე.
ავიაკომპანიის წარმომადგენლებთან შეხვედრა ქარქაშაძემ მაროკოს ქალაქ ტანჟერში, საავიაციო ფორუმის CONNECT 2023 ფარგლებში გამართა.
Eurowings საქართველოს ავიაბაზარზე 2021 წლის ივლისში შემოვიდა და თბილისსა და დიუსელდორფს შორის ფრენები კვირაში 2-ჯერ დაიწყო, ხოლო 2022 წლის ზაფხულში შტუტგარტი დაამატა.
ქარქაშაძის თქმით, „გერმანია ისტორიულად ჩვენი ყველაზე სტრატეგიული მიმართულებაა“, და „ზაფხულის სეზონისთვის გერმანიის 9 ქალაქის მიმართულებით გვექნება პირდაპირი რეგულარული ფრენა, როგორც თბილისის, ისე ქუთაისის საერთაშორისო აეროპორტიდან“.
საქართველოს ტურიზმის ეროვნული ადმინისტრაციის მონაცემებით, 2022 წელს საქართველოში გერმანიიდან საერთაშირისო ვიზიტორების 48,548 ვიზიტი შეადგა, რაც 129%-ით აღემატება 2021 წლის მაჩვენებელს, თუმცა 45.5%-ით ნაკლებია 2019 წელთან შედარებით.
პლასტიკური დაბინძურების წინააღმდეგ
პლასტმასი ჩვენს ეკონომიკაში და ყოველდღიურ ცხოვრებაში საყოველთაო მოხმარების მასალად იქცა. მიუხედავად ამისა, მისი დამზადების, გამოყენებისა და განადგურების წესი ზიანს აყენებს გარემოს, ეკონომიკასა და ადამიანის ჯანმრთელობას.
დღესდღეობით, პლასტმასის დაბინძურება და, განსაკუთრებით, ერთჯერადი გამოყენების პლასტმასის დაბინძურება (SUP) მთავარ ეკოლოგიურ პრობლემას წარმოადგენს. ყოველწლიურად, მილიონობით ტონა SUP პროდუქცია გამოიყოფა გარემოში, მთელი მსოფლიოს მასშტაბით. SUP-ის ფართო გამოყენება მნიშვნელოვნად უწყობს ხელს გარემოს დაბინძურებას (ნაგავი ხმელეთსა და ზღვაზე) და ეკონომიკურ ზიანს აყენებს ისეთ აქტივობებს, როგორებიცაა: ტურიზმი, თევზაობა და გადაზიდვები.
CENN იწყებს კონკურსს “Beat Plastic Pollution Pledging Competition”, რომლის მიზნებიცაა:
კონკურსის შესახებ დეტალური ინფორმაცია შეგიძლიათ იხილოთ ბმულზე.
შეგიძლიათ, ასევე, გაეცნოთ CENN-ის პრეზენტაციას პლასტიკური დაბინძურების შესახებ.
კონკურსში მონაწილეობის მისაღებად, გთხოვთ, დაუკავშირდეთ:
ნანა თაყვარელია
პროექტის მენეჯერი
მობილური: +995 599087703
ფოსტა: nana.takvarelia@cenn.org
ნათელა ლაგურაშვილი
პროექტის კოორდინატორი
მობილური: +995 571340044
ფოსტა: natela.lagurashvili@cenn.org
აქსელი, საქართველოს ანგელოზი ინვესტორების ქსელი, 1.5 წლის წინ შეიქმნა და ამ დროისათვის 75-ზე მეტ ინვესტორს აერთიანებს. ამ პერიოდის განმავლობაში სტარტაპებთან 8 გარიგების დახურვა გახდა შესაძლებელი და განხორციელდა $600,000-ის ინვესტიცია.
აქსელი არის EBAN-ის, ადრეული ეტაპის ინვესტორთა ევროპის ქსელის, წევრი.
2023 წელს დაგეგმილია 11 საინვესტიციო შეხვედრა და 2 საერთაშორისო სამიტი, რომლის ფარგლებშიც აქსელი 50-ზე მეტ ქართულ და უცხოურ ტექნოლოგიურ სტარტაპს წარადგენს.
ქართული ღვინის პოპულარიზაციის ხელშეწყობის პროგრამის 2023 წლის ბიუჯეტი 14 მილიონი ლარით განისაზღვრა, იუწყება ღვინის ეროვნული სააგენტო. ეს 2 მილიონი ლარით (17%-ით) აღემატება 2022 წლის ბიუჯეტს, აღნიშნავს უწყება.
სააგენტოს ცნობით, 2023 წელს 2 მილიონი ლარი მიმართული იქნება სახელმწიფო პროგრამაში, რომლის ფარგლებში მარკეტინგული ხარჯების თანადაფინანსება იმ კომპანიებისთვის განხორციელდება, რომლებიც ექსპორტს პრიორიტეტულ ბაზრებსა და მსოფლიოს სხვადასხვა ქვეყანაში ახორციელებენ, გარდა დსთ-ს ქვეყნებისა.
როგორც სააგენტო აღნიშნავს, 2023 წელს ქართული ღვინო აშშ-ში, დიდ ბრიტანეთში, გერმანიაში, პოლონეთში, ბალტიისპირეთის ქვეყნებში, ჩინეთში, სამხრეთ კორეასა და იაპონიაში აქტიურად იქნება წარმოდგენილი. ამ სტრატეგიულ ბაზრებზე სხვადასხვა მიზნობრივ ღონისძიებას სააგენტოს კონტრაქტორი ორგანიზაციები განახორციელებენ.
პოპულარიზაციის პროგრამის ფარგლებში, ღვინის გამოფენები, კონკურსები, ტურები და ფესტივალები გაიმართება საქართველოს მასშტაბით, ამასთან ერთად, ქართველი მწარმოებლები მონაწილეობას მიიღებენ ღვინისა და ალკოჰოლიანი სასმელების საერთაშორისო გამოფენაში, იუწყება სააგენტო.
დეველოპერი კომპანია არქი თბილისში, 4,877 კვ.მ-ზე, 3-ვარსკვლავიან სასტუმროს Super 8 by Wyndham აშენებს. პროექტის ჯამური ღირებულება $5 მილიონია, საიდანაც $3 მილიონი საქართველოს ბანკმა გამოყო.
129 ოთახზე გათვლილი 13-სართულიანი სასტუმრო მიმდინარე წლის ბოლოს გაიხსნება.
არქის 2006 წლიდან დღემდე 43 პროექტი აქვს განხორციელებული. სამომავლოდაც კომპანია სასტუმროების მშენებლობას გეგმავს როგორც თბილისში, ასევე ქვეყნის მთისა და ზღვის კურორტებზე.
“გერმანული კომპანიების მხარდაჭერა ჩემი სამუშაოს მნიშვნელოვანი ნაწილია”, – აცხადებს გერმანიის ფედერაციული რესპუბლიკის ელჩი საქართველოში, ბ-ნი პეტერ ფიშერი.
აღსანიშნავია, რომ არენსია საქართველოში უკვე 9 წელია ატარებს კლინიკურ კვლევებს პაციენტებზე ადრეულ სტადიაზე ახალი ონკოლოგიური პრეპარატებითა და თერაპიებით.
საჯარო და კერძო თანამშრომლობის ფარგლებში, მთავრობამ სხდომაზე იმერეთის ქარის ელექტროსადგურის პროექტი მოიწონა.
კერძოდ, განხილულ იქნა მთავრობასა და შპს Achar Energy 2007-ის შორის ამ პროექტთან დაკავშირებით დასადები ხელშეკრულების თაობაზე განკარგულების პროექტი.
ხელშეკრულება ითვალისწინებს სრული ტექნიკურ-ეკონომიკური კვლევის მთავრობისთვის წარდგენას. აღნიშნული მოსამზადებელი სამუშაოების განსახორციელებლად გათვალისწინებულია ხელშეკრულების ხელმოწერიდან 24 თვე, იუწყება მთავრობა.
ელექტროსადგურის სიმძლავრე განსაზღვრულია 50 მგვტ-ის ოდენობით, გამომუშავება – 180.89 მილიონი კვტსთ, ინვესტიცია – $66 მილიონი.
2023 წლის ივნისიდან, უნგრული დაბალბიუჯეტიანი ავიაკომპანია Wizz Air ქუთაისის აეროპორტში მესამე ბაზირებულ ხომალდს აბრუნებს, იუწყება ეკონომიკისა და მდგრადი განვითარების სამინისტრო.
ავიაკომპანია ივნისიდან პირდაპირი რეგულარული რეისების შესრულებას ევროპის 5 ახალი მიმართულებით – ბრიუსელი, მადრიდი, ფრანკფურტი, ჰამბურგი და პოზნანი, დაიწყებს.
ამ მიმართულებებით რეისები კვირაში 2 სიხშირით შესრულდება, ხოლო პარიზის, მილანის, პრაღისა და მემინგენზე არსებულ სიხშირეებს თითო სიხშირე დაემატება, იუწყება სამინისტრო.
ჯამში შედეგად, Wizz Air ევროპისა და ახლო აღმოსავლეთის 27 მიმართულებით ფრენას განახორციელებს.
TBC ბანკმა და ევროპის რეკონსტრუქციისა და განვითარების ბანკმა (EBRD) თბილღვინო 12 მილიონით ლარით დააფინანსეს. ამ თანხით კომპანია საქვევრე მეურნეობას ააშენებს, მაღალტექნოლოგიურ ჩამოსასხმელ ხაზს შეიძენს და ყურძნის უნიკალური ქართული ჯიშების ვენახებს გააშენებს.
თბილღვინო EBRD-ისგან 800,000 ლარის ოდენობის გრანტს და საკონსულტაციო მომსახურებასაც მიიღებს.
ხოლო 2011 და 2013 წლებში, საერთაშორისო საფინანსო კორპორაციამ (IFC) გაცემული ფინანსური რესურსით ხელი შეუწყო თბილღვინოს კაპიტალის ზრდასა და კომპანიის განვითარებას, აცხადებს ზურაბ მარგველაშვილი, თბილღვინოს აღმასრულებელი დირექტორი.
ვენახების გაშენება კომპანიამ 2013 წელს დაიწყო და ახლა 405 ჰექტრით ქინძმარაულის, მუკუზანისა და წინანდლის მიკროზონებშია წარმოდგენილი.
Tegeta Holding-მა (ავტომობილების რეალიზაცია-მომსახურება) 150 მილიონი ლარის ობლიგაციები გამოუშვა. ეს ლარში დენომინირებული კორპორაციული ობლიგაციების ყველაზე დიდი ემისიაა. ობლიგაციის ფასი TIBR+3.5%-ით განისაზღვრა.
ობლიგაციების დაფარვა გათვალისწინებულია 3 წლის შემდეგ, კუპონი გადახდა ყოველკვარტალურად მოხდება.
ემისია TBC Capital-ის მხარდაჭერით განხორციელდა, განთავსების იურიდიული მრჩეველი BLC Law იყო.
მობილიზებული სახსრები სრულად მოხმარდება სასესხო ვალდებულებების რეფინანსირებას.
Tegeta Holding-ის ობლიგაციების ინვესტორები ძირითადად ქართული ბანკები და სადაზღვევო კომპანიები არიან. არცერთი ინვესტორის წილი არ აღემატება განთავსების 30%-ს.
პირველი, 30 მილიონი ლარის ემისია Tegeta-მ 2019 წელს განახორციელა. 2023 წელს კომპანია საერთაშორისო საფინანსო კომპანიებისთვის მწვანე ბონდების გამოშვებას გეგმავს.
მიმდინარე წლის 13-14 დეკემბერს ევროკავშირსა და საქართველოს შორის ღრმა და ყოვლისმომცველი თავისუფალი სავაჭრო სივრცის შესახებ შეთანხმების (DCFTA) ფარგლებში ვაჭრობის საკითხებზე შექმნილი ასოცირების კომიტეტის შეხვედრა გაიმართა. რიგით მეცხრე შეხვედრა ბრიუსელში ჩატარდა.
მხარეებმა განიხილეს საქართველოსა და ევროკავშირს შორის ვაჭრობის ტენდენციები, ასევე, DCFTA-ის განხორციელების მხრივ საქართველოს პროგრესი საჯარო შესყიდვების, კონკურენციის, სანიტარიული და ფიტოსანიტარიული ზომების, ვაჭრობაში ტექნიკური ბარიერების, მომსახურებით ვაჭრობისა და სხვა სფეროებში, იუწყება ეკონომიკისა და მდგრადი განვითარების სამინისტრო.
როგორც სამინისტრო აღნიშნავს, ევროკომისია მიესალმა იმ ფაქტს, რომ ევროკავშირი საქართველოს ნომერ პირველ სავაჭრო პარტნიორად რჩება და ქვეყნის საგარეო ვაჭრობის თითქმის მეოთხედი მასზე მოდის.
საქსტატის მონაცემებით, მიმდინარე წლის 9 თვეში, ევროკავშირის ქვეყნებზე საქართველოდან საქონლის ექსპორტმა $610.4 მილიონი შეადგინა (წლიური ზრდა – 37.1%), რაც საქართველოს ექსპორტის 14.9%-ია.
რაც შეეხება ევროკავშირიდან იმპორტს, მოცულობა $2.12 მილიარდამდე (წლიური ზრდა – 30.9%), ანუ საქართველოს მთლიანი იმპორტის 22.3%-ია.
საქართველოს ბანკისა და ანალიტიკურ ცენტრ GeoCase-ის ერთობლივი პროექტის ფარგლებში 12 დეკემბერს „ეკონომიკური ფორუმის“ მორიგი დისკუსია გაიმართა.
შეხვედრის მთავარი თემა იყო – „შუა დერეფნის მნიშვნელობა და საქართველოს როლი“.
GeoCase-ის ეკონომიკური მიმართულების დირექტორის გიორგი აბაშიშვილის თქმით, განხილულ იქნა საქართველოს ახალი როლი ევროპასა და აზიას შორის სატრანსპორტო, ლოგისტიკური, ენერგეტიკული და ციფრული კავშირების მიმართულებით.
„ეკონომიკური ფორუმის“ ფარგლებში პირველი დისკუსია „ეკონომიკური დიპლომატიის“ შესახებ მიმდინარე წლის 10 ოქტომბერს გაიმართა.
გერმანიის მთავრობა საქართველოს 55 მილიონ ევროს გამოუყოფს ბათუმის მუნიციპალური ინფრასტრუქტურის პროექტის მეხუთე ფაზისათვის.
ამ თანხიდან 53 მილიონი ევრო სესხია, ხოლო 2 მილიონი ევრო – გრანტი ბათუმის წყალის (მუნიციპალური წყალმომარაგების კომპანია) ხელშეწყობის მიზნით.
დაფინანსების შეთანხმებას საქართველოს ფინანსთა სამინისტროსა და გერმანიის რეკონსტრუქციის საკრედიტო ბანკს (KfW) შორის ხელი მიმდინარე 7 დეკემბერს მოეწერება, იუწყება საქართველოში გერმანიის საელჩო.
შეთანხმების შედეგად უზრუნველყოფილი უნდა იყოს ბათუმის მზარდი მოსახლეობის სასმელი წყლით გაუმჯობესებული მომარაგება.
KfW-ის მეშვეობით ბათუმის წყლის ინფრასტრუქტურისთვის დღემდე დაახლოებით 138 მილიონი ევროა გამოყოფილი.
შედეგად 200,000-ზე მეტ ადამიანს, რომლებსაც ადრე დღეში მხოლოდ რამდენიმე საათის განმავლობაში ჰქონდათ წვდომა სასმელ წყალზე, ახლა წყალი უწყვეტად მიეწოდება, აღნიშნავს საელჩო.
საქართველოს პასუხისმგებელი ბიზნესის კონკურსი Meliora, ყველაზე გამორჩეული ღონისძიება კორპორაციული სოციალური პასუხისმგებლობის (CSR) სფეროში, განაცხადების მიღებას იწყებს. საქართველოს სტრატეგიული კვლევებისა და განვითარების ცენტრი (CSRDG), ევროკავშირისა და კონრად ადენაუერის ფონდის (KAS) მხარდაჭერით, ყოველწლიურად აცნობს საზოგადოებას საქართველოში მოქმედი კომპანიების მიერ CSR-ის სფეროში განხორციელებულ პროექტებს და მათ შორის საუკეთესოებს აჯილდოებს.
კონკურსი, რომელშიც დაარსებიდან 90-მდე კომპანიამ, 200-ზე მეტი CSR პროექტით მიიღო მონაწილეობა, მიზნად ისახავს საქართველოში კორპორაციული სოციალური პასუხისმგებლობის განვითარებასა და პოპულარიზაციას; ასევე, კომპანიების წახალისებას, დანერგონ საკუთარ საქმიანობაში CSR პრინციპები და მიდგომები, გახდნენ სამაგალითო სხვებისთვის.
წელს ბიზნეს კომპანიებს შესაძლებლობა აქვთ, მონაწილეობა მიიღონ კონკურსის შემდეგ კატეგორიებში:
კონკურსის ფარგლებში „გრანპრი“ გადაეცემა:
წამყვანი ქართველი და უცხოელი ექსპერტებისგან შემდგარი დამოუკიდებელი ჟიური შეაფასებს ნომინანტებს, გამოავლენს გამარჯვებულს საქმიანობის სათანადოდ დაგეგმვის, თანმიმდევრულობის, ეფექტურობისა და შედეგების მდგრადობის მიხედვით.
კონკურსში განაცხადების წარდგენა შესაძლებელი იქნება 2023 წლის 10 თებერვლის ჩათვლით. დაჯილდოების ღონისძიება 2023 წლის ზაფხულში გაიმართება.
დეტალური ინფორმაციისათვის კონკურსის შესახებ ეწვიეთ ვებგვერდს: www.meliora.ge
ა. წ. 7-11 ნოემბერს, გერმანიის ფედერაციული რესპუბლიკის ეკონომიკისა და კლიმატის დაცვის სამინისტროს ინიცირებით, გერმანიის ეკონომიკურმა გაერთიანებამ (DWV), Commit Project Partners GmbH-თან ერთად, უმასპინძლა ბიზნეს დელეგაციას გერმანიიდან. კოვიდ-19-ის პანდემიის შემდეგ, ეს გახლდათ საქართველოში პირველი დელეგაცია გერმანული კერძო სექტორის წარმომადგენლებისთვის.
საქართველოს ეწვივნენ მრეწველობის ისეთი დარგების გერმანული კომპანიები, როგორებიცაა ინფრასტრუქტურა და ტურიზმი. აღსანიშნავია, რომ ბიზნესის სწორედ ამ სფეროებში გერმანიასა და საქართველოს შორის სავაჭრო და ბიზნეს ურთიერთობები ძალიან აქტიურად ვითარდება. ამავდროულად, ეს სექტორები მნიშვნელოვან როლს ასრულებს საქართველოს ევროკავშირისკენ მისწრაფებაში, რასაც გერმანია პოლიტიკურად და ეკონომიკურად უწყობს ხელს.
დელეგაციის ფარგლებში გაიმართა მთელი რიგი ღონისძიებები და შეხვედრები, როგორც ადგილობრივი კერძო სექტორის წარმომადგენლებთან, ისე სახელმწიფო სტრუქტურებთან. დელეგატებს საშუალება ჰქონდათ, დაეთვალიერებინათ სხვადასხვა სამშენებლო პროექტი, მათ შორის გზების და მაგისტრალების სამშენებლო სამუშაოები.
დელეგაციას შეხვედრა ჰქონდა საქართველოს ეკონომიკის და მდგრადი განვითარების სამინისტროს წარმომადგენლებთან, საქართველოს რეგიონალური განვითარების და ინფრასტრუქტურის სამინისტროსთან და მუნიციპალური განვითარების ფონდთან.
დელეგაციის პროგრამის მნიშვნელოვან ნაწილს წარმოადგენდა შეხვედრები ქართულ კომპანიებთან B2B ფორმატში. აღნიშნული შეხვედრების დროს გერმანულ და ქართულ კომპანიებს შესაძლებლობა მიეცათ, უშუალოდ ესაუბრათ სამომავლო თანამშრომლობის პერსპექტივებზე.
2022 წლის 17 ნოემბერს, სასტუმრო „WYNDHAM GRAND TBILISI“-ში, ინვესტორთა საბჭომ გამართა ღონისძიება, რომლის მიზანს გენდერული თანასწორობისა და ქალთა ეკონომიკური გაძლიერების დღის წესრიგის შესახებ ცნობიერების ამაღლება წარმოადგენდა. ღონისძიება დეკლარაციის ხელმოწერის ცერემონიით დასრულდა.
ინვესტორთა საბჭომ, მისი გენდერული თანასწორობის სამუშაო ჯგუფის ფარგლებში, ქალთა ეკონომიკური გაძლიერების შესახებ დეკლარაცია შეიმუშავა. დეკლარაციის ხელმოწერით, ინვესტორთა საბჭომ და მისმა წევრმა ორგანიზაციებმა დაადასტურეს მზადყოფნა, წვლილი შეიტანონ საქართველოს კერძო სექტორში გენდერულ თანასწორობასა და ქალთა ეკონომიკურ გაძლიერებაში. დეკლარაცია, აგრეთვე, თანხვედრაშია ქალთა ეკონომიკური გაძლიერების ეროვნულ კონცეფციასთან.
დეკლარაცია მოიცავს შემდეგ საკითხებს: თანაბარი ანაზღაურება, სამუშაო ძალაში თანაბარი და ინკლუზიური მონაწილეობა, სარგებელი და პროფესიული განვითარება, ხელმძღვანელობა და მმართველობა და სამუშაო გარემო.
დეკლარაციას ხელს აწერენ: ევროპის რეკონსტრუქციისა და განვითარების ბანკი, საქართველოს ბიზნეს ასოციაცია, ამერიკის სავაჭრო პალატა, საქართველოს სავაჭრო-სამრეწველო პალატა, ევროკავშირი-საქართველოს ბიზნეს საბჭო, საერთაშორისო სავაჭრო პალატა, მსოფლიო ბანკი, საერთაშორისო საფინანსო კორპორაცია, გერმანიის ეკონომიკური გაერთიანება (DWV), თურქ ბიზნესმენთა ასოციაცია საქართველოში.
მოწვეულ სტუმრებს შორის იყვნენ საქართველოს პარლამენტის გენდერული თანასწორობის საბჭოს წარმომადგენლები, ინვესტორთა საბჭოს წევრები და სხვა დაინტერესებული მხარეები.
Camex Airlines, ახალი ავიაგადამზიდი კომპანია საქართველოში, საერთაშორისო კომპანია Camex International-ის სტარტაპ პროექტია. ავიაგადამზიდს, TBC ბანკის მხარდაჭერით, მომხმარებელს საკუთარი საჰაერო ხომალდით – Boeing 737-800-ით, მოემსახურება.
Camex Airlines-ის საინვესტიციო პროექტის ხელმძღვანელის გიორგი სეთურიძის თქმით, „პროექტი ჯერ ამერიკულ საინვესტიციო ფონდ Gazelle Finance-ს წარვუდგინეთ, რომელიც მალევე დათანხმდა ჩვენთან პარტნიორობას“, და „იმავდროულად, მივმართეთ TBC ბანკს“. სამომავლოდ, კომპანია კიდევ 3 საჰაერო ხომალდის შეძენას აპირებს.
Camex ტვირთების ტრანსპორტირებას აშშ-დან, გერმანიიდან, თურქეთიდან, ინგლისიდან და ჩინეთიდან ახორციელებს.
კონკურენციისა და მომხმარებლის უფლებების დაცვის საკითხებზე საქართველოში გამართულ პირველ საერთაშორისო კონფერენციაში (მიმდინარე წლის 16-17 ნოემბერი, თბილისი) 20 ქვეყნის დელეგაციამ მიიღო მონაწილეობა, იუწყება საქართველოს კონკურენციის ეროვნული სააგენტო.
უწყების ცნობით, ღონისძიებას 200-ზე მეტი სტუმარი დაესწრო, მათ შორის, გაეროს ვაჭრობისა და განვითარების კონფერენციის (UNCTAD) წარმომადგენელი და სხვა საერთაშორისო ექსპერტები.
კონფერენციაზე კონკურენციის სამართლის, მომხმარებელთა უფლებების დაცვის მექანიზმების და მარეგულირებელი უწყებების მიერ განხორციელებული აქტივობების შესახებ იმსჯელეს.
ღონისძიება საქართველოს 5 მარეგულირებელი უწყების (კონკურენციის სააგენტო, საქართველოს ეროვნული ბანკი, საქართველოს ენერგეტიკისა და წყალმომარაგების მარეგულირებელი ეროვნული კომისია, საქართველოს კომუნიკაციების ეროვნული კომისია და დაზღვევის სახელმწიფო ზედამხედველობის სამსახური) ორგანიზებით გაიმართა.
„ჩვენ ვგეგმავთ, რომ ეს პლატფორმა ეტაპობრივად განვავითაროთ და მსგავსი კონფერენციები ყოველწლიურად ჩავატაროთ, სადაც ბაზრების კიდევ უფრო გაუმჯობესების მიზნით, დარგის ექსპერტებთან ერთად, კონკრეტული ნაბიჯები დაიგეგმება“, განაცხადა კონკურენციის სააგენტოს ხელმძღვანელმა ირაკლი ლექვინაძემ.
შავი ზღვის ფსკერზე კაბელის გამართვა იგეგმება, რაც საქართველოს ევროპაში 1,000 მგვტ-მდე ელექტროენერგიის ექსპორტის შესაძლებლობას მისცემს, წერს გაზეთი რეზონანსი.
როგორც ენერგეტიკის ყოფილი მინისტრი, დავით მირცხულავა, აღნიშნავს, ამჟამად მიმდინარეობს ამ პროექტის ტექნიკურ-ეკონომიკური დასაბუთების მომზადება. „18 თვე სჭირდება ტექნიკურ-ეკონომიკურ დასაბუთებას, რამდენიმე თვეა, ის უკვე მიმდინარეობს“,- აცხადებს ის და დასძენს: „შემდეგ უკვე მშენებლობას, ანალოგიების გათვალისწინებით, დაახლოებით 2 წელი დასჭირდება“.
მირცხულავას თქმით, ეს „იმდენად სასიცოცხლო და მნიშვნელოვანი პროექტია, დაფინანსება არ უნდა გაჭირდეს“.
როგორც სტატიაშია აღნიშნული, საუბარია დაახლოებით $2-მილიარდიან ინვესტიციაზე.
მირცხულავა ასევე მიუთითებს, რომ თურქეთში შესაძლებელია 700 მგვტ ელექტროენერგიის მიწოდება. „დღესდღეობით ხაზი სრულად არის შევსებული. ცხადია, ინფრასტრუქტურა განსავითარებელია“,- აცხადებს ის.
მიმდინარე წლის იანვარ-სექტემბერში საქართველომ რეკორდული რაოდენობის ელექტროენერგია გაყიდა, აღნიშნულია სტატიაში.
საქსტატის მონაცემებით, 9 თვეში ექსპორტზე $84.34 მილიონის ელექტროენერგიაა გატანილი, რაც გასული წლის ანალოგიური პერიოდის მაჩვენებელს 468%-ით აღემატება, ხოლო მთავარი საექსპორტო ბაზარი თურქეთია.
კომპანია Cityzen, საქართველოს ბანკის მხარდაჭერით, თბილისში, თამარაშვილისა და უნივერსიტეტის ქუჩების კვეთაზე, პროექტს Cityzen Central Park ახორციელებს. პროექტის ჯამური საინვესტიციო ოდენობა $180 მილიონს შეადგენს.
პრემიუმ კლასის კომპლექსის პროექტი 4 საცხოვრებელი ბლოკს და ერთ ბიზნეს თაუერს მოიცავს. კომპლექსი 46,000 კვ.მ-ზე განთავსდება, საიდანაც 22,000 კვ.მ რეკრეაციულ ზონას დაეთმობა.
კომპანიის გენერალური დირექტორის ალექსანდრე ტოგონიძის თქმით, Cityzen Central Park კომპანიისთვის პირველი პროექტია. კომპანია გეგმავს სხვა დეველოპერული პროექტების წამოწყებასაც როგორც დედაქალაქში, ასევე მის გარეთ.
ონის მუნიციპალიტეტში (რაჭა) 17 მვტ სიმძლავრის ჭიორა ჰესი შენდება, სამუშაოები 2020 წელს დაიწყო. პროექტის ჯამური ღირებულება $26 მილიონია, საიდანაც $20.1 მილიონი საქართველოს ბანკმა გამოყო.
ჰესის მიერ გამომუშავებულ ელექტროენერგიას 10 წლის განმავლობაში სახელმწიფო შეისყიდის და წლის ჭრილში 8 თვის განმავლობაში მოიხმარს, ხოლო 4 თვე ელექტროენერგიის რეალიზაცია თავისუფალ ბაზარზე მოხდება.
აჭარა ჯგუფმა და აშშ-ის საერთაშორისო განვითარების ფინანსურმა კორპორაციამ (DFC) ფინანსურ შეთანხმებას მოაწერეს ხელი, იუწყება აჭარა ჯგუფი.
შეთანხმების ფარგლებში გათვალისწინებულია აბასთუმანში სანატორიუმი არაზინდოს რეაბილიტაციაა და Rooms Hotel-ის ბრენდის ქვეშ განვითარება.
პროექტის ჯამური ღირებულება $14.45 მილიონს შეადგენს, რომლის ფარგლებშიც ჯგუფი $5.85 მილიონის ინვესტიციას განახორციელებს, ხოლო DFC-სგან, ფინანსური საკონსულტაციო კომპანია Wings&Freeman Capital-ის მხარდაჭერით $8.6 მილიონის გრძელვადიან სესხს აიღებს, იუწყება აჭარა ჯგუფი.
როგორც აღნიშნულია, საქართველოს დედაქალაქს გარეთ სასტუმროების მიმართულებით ეს DFC-ს პირველი ინვესტიციაა.
76 ოთახზე გათვლილი Rooms Hotel Abastumani სტუმრებს 2024 წლიდან მიიღებს. პროექტი 150-მდე სამუშაო ადგილს შექმნის.
TBC Leasing-მა, მცირე და საშუალო ბიზნესის მხარდასაჭერად, ევროპის რეკონსტრუქციისა და განვითარების ბანკისგან (EBRD) 3 მილიონი EUR-ს ფინანსური რესურსი მოიზიდა. ამ რესურსის სულ მცირე 70% მიმართული იქნება მწვანე ტექნოლოგიების ინვესტიციების დასაფინანსებლად.
EU4Business-EBRD-ის საკრედიტო ხაზი მოიცავს საგრანტო კომპონენტს, რომელიც ევროკავშირის მიერ არის მხარდაჭერილი.
პროექტის სრულად განხორციელების და ვერიფიკაციის პროცესის წარმატებით გავლის შემდეგ, კომპანია ბენეფიციარი შეძლებს გრანტის სახით უკან დაიბრუნოს ლიზინგის თანხის 15%-მდე.
ევროპის რეკონსტრუქციისა და განვითარების ბანკმა (EBRD), TBC Capital-ის დახმარებით, 55 მილიონი ლარის ოდენობის 3-წლიანი ობლიგაციები განათავსა. ემისია სრულად TBC ბანკმა შეიძინა.
აღნიშნული რესურსი EBRD-ისა და ევროკავშირის ერთობლივი ფინანსური ინსტრუმენტია, რომელიც უზრუნველყოფილია EU4Business-EBRD პროგრამით. თანხა ადგილობრივი მიკრო, მცირე და საშუალო საწარმოების (MSME) მდგრადი ინვესტიციების დაფინანსებას მოხმარდება.
დღეიდან, კონკურენციის ეროვნული სააგენტომ მომხმარებელთა განაცხადების მიღება და განხილვა დაიწყო. ეს გათვალისწინებულია “მომხმარებლის უფლებების დაცვის შესახებ” კანონით, რომელიც ძალაში მიმდინარე წლის 1 ივნისს შევიდა.
კანონის თანახმად, შემოდის 14-დღიანი უპირობო დაბრუნების წესი, რომელიც ეხება ონლაინ ვაჭრობას.
როგორც სააგენტო განმარტავს, თუ მომხმარებელმა ნაკლი საქონლის მფლობელობაში მიღებიდან 6 თვის განმავლობაში აღმოაჩინა, მტკიცების ტვირთი ეკისრება მოვაჭრეს, ხოლო 6 თვის შემდეგ – მომხმარებელს.
დარღვევის ფაქტის დადგენის შემთხვევაში, სააგენტო მოვაჭრეს განუსაზღვრავს გონივრულ ვადას დარღვევის აღმოსაფხვრელად, ხოლო შეუსრულებლობის ან არაჯეროვნად შესრულების შემთხვევაში მოვაჭრეს დაეკისრება ჯარიმა.
ცნობისთვის, მიმდინარე წლის 16-17 ნოემბერს, საქართველოში იგეგმება პირველი საერთაშორისო კონფერენციის „კონკურენცია და მომხმარებლის დაცვა“ ჩატარება.
საქართველოში FedEx-ის წარმომადგენლობა თბილისის აეროპორტთან ახლოს, 10,000 კვ.მ-ზე, 18 თვეში ლოგისტიკურ ცენტრს ააშენებს.
ამ მიზნით, წარმომადგენლობასა და აშშ-ს საერთაშორისო განვითარების საფინანსო კორპორაციას (DFC) შორის ფინანსური შეთანხმება გაფორმდა.
FedEx-ის ლიცენზიანტმა საინფორმაციო კომუნიკაციების სისტემები DFC-სგან $4 მილიონის სესხი აიღო, რომელიც 10 წლის განმავლობაში უნდა დაფაროს. კომპანიამ საკუთარი საინვესტიციო კაპიტალის მობილიზებაც მოახდინა.
„საქართველოში ამ პროექტის ანალოგი არ არსებობს“, – აცხადებს საინფორმაციო კომუნიკაციების სისტემების აღმასრულებელი დირექტორი, ნინო მენთეშაშვილი. მისი თქმით, ლოგისტიკური ცენტრი FedEx-ის გადაზიდვებს მოემსახურება, ამასთან, სხვა კომპანიებთან თანამშრომლობით, ის უზრუნველყოფს მათი პროდუქციის შენახვას, აღწერას, ქსელის ყოველდღიურ მომარაგებას.
როგორც ანალიტიკოსი, კავკასიელ ხალხთა კონფედერაციის თავმჯდომარე, ზაალ კასრელიშვილი, აცხადებს, „საქართველო ევრაზიული კორიდორის გადამწყვეტი ნაწილი ხდება“, და „ესაა გაორმაგებული ეკონომიკური შემოსავლები და უსაფრთხოება“.
კასრელიშვილი აღნიშნავს, რომ ევროპაში გაზის მიწოდების „იდეალური ვარიანტი გაჩნდა“. კერძოდ, „ყაზახეთის და თურქმენეთის ენერგომატარებლები კასპიის ზღვის, აზერბაიჯანისა და საქართველოს გავლით თურქეთში ჩავა და მთელს ევროპაში თურქეთიდან განაწილდება“, განმარტავს ის.
ამ ფონზე, კასრელიშვილის თქმით, საქართველომ მომსახურების სფეროში ინფრასტრუქტურა უნდა გააძლიეროს. „ჩვენ ავიაგადაზიდვების სერვისი არ გვაქვს, ფოთის და ბათუმის პორტები აუცილებლად მოდერნიზებული უნდა გახდეს, მათი გამტარუნარიანობა უნდა გაიზარდოს. დადგა დრო, ანაკლიაში პორტიც აღვადგინოთ“, რკინიგზის მოდერნიზებაც უნდა მოხდეს, აცხადებს ის.
2022 წლის 20 ოქტომბერს “რესპუბლიკაში” სადაზღვევო კომპანია “არდისა” და მსოფლიოში წამყვან ჰოსპიტალების ქსელ “აჯიბადემს” შორის მემორანდუმი გაფორმდა. მემორანდუმის თანახმად “არდის” დაზღვეულები განახლებული პირობებითა და ლოიალობის პროგრამით “აჯიბადემის” თურქეთის 16 ჰოსპიტალსა და 8 ამბულატორიულ კლინიკაში ისარგებლებენ.
“არდის” ბიზნესის განვითარების დირექტორმა, თეონა გოდერიძემ, განაცხადა, რომ ლოიალობის პროგრამა – Health Point Card, ამ სახით სპეციალურად “არდის” დაზღვეულებისთვის შეიქმნა და როგორც ქართულ, ისე თურქულ ბაზარზე უპრეცედენტოა. მისივე თქმით, ამ მემორანდუმის მეშვეობით, “არდელები” დამატებით 10-მდე პრივილეგირებულ მომსახურებას მიიღებენ.
„მათ შორისაა, ექსკლუზიური 25%-იანი ფასდაკლება “აჯიბადემის” ყველა მომსახურებაზე, 40%-იანი ფასდაკლება სრულ სამედიცინო გამოკვლევაზე (check up), ფიქსირებული მინიმალური ფასები უნიკალური კიბერ ინსტრუმენტით (Cyber Knife) ჩატარებულ ოპერაციებზე და პოზიტრონულ – ემისიურ კომპიუტერულ ტომოგრაფიაზე (PET-CT)“, – ამბობს თეონა გოდერიძე.
მომსახურება ითვალისწინებს, ასევე, უფასო მეორე სამედიცინო აზრის დამუშავებას წერილობითი სახით, პირველად სტომატოლოგიურ გამოკვლევას უფასოდ, თურქეთის აეროპორტებში არსებული “აჯიბადემის” ლაუნჯ ზონებით სარგებლობას, აეროპორტში დახვედრას და უფასო პრემიუმ ტრანსფერს, მზარდ ფასდაკლებებს სხვადასხვა სასტუმროსა და კვების ობიექტში, სასწრაფო დახმარების მომსახურებას თურქეთში ყოფნისას და თარჯიმნის მომსახურებას.
ლოიალობის პროგრამას პერიოდულად სხვა ბენეფიტები და მომსახურებებიც დაემატება, რომლებიც “არდის” დაზღვეულებისთვის ავტომატურად ხელმისაწვდომი გახდება 5 წლის განმავლობაში.
“არდის” გენერალური დირექტორის, მიხეილ ჯაფარიძის, თქმით, აღნიშნული მომსახურებებით სარგებლობის შესაძლებლობა არა მხოლოდ Health Point Card-ის მფლობელ “არდის” დაზღვეულს, არამედ მის მეუღლესა და შვილებსაც ექნებათ. ლოიალობის ბარათის გააქტიურება კი “არდის” ოჯახის ექიმების დახმარებით მოხდება.
“ACIBADEM”-ის ქსელი ერთ-ერთი ყველაზე მოთხოვნადია ქართველი პაციენტების მხრიდან. არდისთან ჩვენი თანამშრომლობა 2019 წელს დაიწყო და იმდენად წარმატებული აღმოჩნდა, რომ ჩვენს მოლოდინს გადააჭარბა, ამიტომ გადავწყვიტეთ თანამშრომლობის ამ ახალ ეტაპზე გადასვლა. იმედს ვიტოვებთ, რომ ლოიალობის ახალი პროგრამა “Health Card” მისი ამ ექსკლუზიური ბენეფიტებით, რომლებიც სპეციალურად “არდის” დაზღვეულებისთვის დავამუშავეთ, კიდევ უფრო მეტ კომფორტსა და კმაყოფილებას შექმნის არდის დაზღვეული პაციენტებისთვის ACIBADEM-ის ქსელში მომსახურების მიღებისას,“ – აცხადებს აჯიბადემის აღმასრულებელი დირექტორი, რასიმ ტოპუზი.
ენერგეტიკის სექტორის რეფორმის მხარდასაჭერად გერმანიის მთავრობა 27 მილიონ EUR-ს გამოყოფს ბიუჯეტის მხარდამჭერი პროგრამის მეშვეობით, იუწყება საქართველოს ფინანსთა სამინისტრო.
შესაბამის შეთანხმებას საქართველოსა და გერმანიის რეკონსტრუქციის საკრედიტო ბანკს (KfW) შორის ხელი დღეს თბილისში მოეწერა.
შეთანხმება გულისხმობს ენერგეტიკის სექტორის რეფორმის მეხუთე ფაზის განხორციელებას, კერძოდ, გაგრძელდება განახლებადი ენერგიის, ენერგოეფექტურობისა და ბაზარზე ორიენტირებული ელექტროენერგიის პოტენციალის რეალიზება, იუწყება სამინისტრო.
საერთაშორისო სავალუტო ფონდის (IMF) მონაცემებით, 2022 წლის ეკონომიკური ზრდის რეიტინგში საქართველო მე-9 ადგილზეა 192 ქვეყანას შორის.
11 ოქტომბერს გამოქვეყნებული IMF-ის პროგნოზით, საქართველოს ეკონომიკა 2022 წელს 9%-ით გაიზრდება.
ხოლო 2023 წლისთვის IMF საქართველოს ეკონომიკის 4%-ით ზრდას პროგნოზირებს და ამ მაჩვენებლით ეკონომიკის ზრდის რეიტინგში საქართველო 69-ე ადგილზე იქნება.
ეკონომიკური ზრდით საქართველოსთან ყველაზე ახლოს ირლანდია (9%) და მალდივებია (8.7%).
რაც შეეხება საქართველოს მეზობლებს, 2022 წელს სომხეთის ეკონომიკა – 7%-ით, თურქეთის – 5%-ით, აზერბაიჯანის – 3.7%-ით გაიზრდება.
რუსეთის ეკონომიკა – 3.4%-ით, უკრაინის – 35%-ით შემცირდება.
გერმანიის მთავრობა ტექნოლოგიური გადაიარაღების პროცესში რუსთავის აზოტის საწარმოს 2 მილიონი EUR-ს ღირებულების გრანტით დაეხმარება, რათა ჰაერში გაფრქვევები შემცირდეს, იუწყება გარემოს დაცვისა და სოფლის მეურნეობის სამინისტრო.
სამინისტროს ცნობით, გერმანული მხარე პროექტის ღირებულებას 50%-მდე დააფინანსებს, დანარჩენს კი თავად რუსთავის აზოტი გამოყოფს.
შესაბამისი ურთიერთგაგების მემორანდუმი რუსთავის აზოტსა და აზოტმჟავას კლიმატის ცვლილებების სამოქმედო ჯგუფის (NACAG) ოფიციალურ წარმომადგენელს – გერმანიის საერთაშორისო თანამშრომლობის საზოგადოებას (GIZ) შორის ამ დღეებში გაფორმდა.
დღეს, გერმანულმა Knauf-მა მშრალი თაბაშიროვანი ნარევების საწარმო გახსნა, რომელიც წარმადობა 3,000 ტონას შეადგენს.
Knauf-მა საქართველოში საქმიანობა 1998 წლიდან დაიწყო, ხოლო სამშენებლო მასალების საწარმო 2009 წლიდან ფუნქციონირებს.
კომპანიის მიერ ბოლო წლების განმავლობაში 30 მილიონი EUR-ს ინვესტიცია განხორციელდა, განაცხადა ეკონომიკისა და მდგრადი განვითარების მინისტრმა, ლევან დავითაშვილმა, საწარმოს გახსნის ცერემონიაზე.
სამინისტროს ცნობით, 2018 წლიდან Knauf-ის ბაზაზე საქართველოში ფუნქციონირებს ევროპული სტანდარტის სასწავლო ცენტრი, გერმანიის ინვესტიციებისა და განვითარების საზოგადოების (DEG) პატრონაჟით.
მსოფლიო ბანკის მხარდაჭერით, გარემოს დაცვისა და სოფლის მეურნეობის სამინისტრო ახალ პროექტზე (GRAIL) მუშაობს, იუწყება სამინისტრო.
პროექტი ირიგაციის სექტორში, მიწისა და სოფლის მეურნეობის მიმართულებებში ინვესტიციებს ითვალისწინებს, აღნიშნავს უწყება.
სამინისტროს ცნობით, პროექტის განხორციელება უახლოეს მომავალში დაიწყება (ღირებულება არ არის მითითებული).
თბილისის აეროპორტში ოპერირების დაწყებას მოლდოვური ავიაკომპანია Air Moldova გეგმავს, იუწყება TAV Georgia (თბილისისა და ბათუმის აეროპორტების ოპერატორი).
როგორც აღნიშნულია, შესაბამისი პროცედურების დასრულების შემდეგ, ოქტომბრიდან, თბილისი-კიშინეუს მიმართულებით პირდაპირ ფრენები განხორციელდება.
Air Moldova რეისებს კვირაში 2 სიხშირით (ორშაბათს და პარასკევს) Airbus 320 საჰაერო ხომალდით შეასრულებს, იუწყება TAV Georgia და აღნიშნავს: ნოემბრიდან, ავიაკომპანია ფრენების ყოველკვირეული სიხშირის 4-მდე გაზრდას გეგმავს.
ღვინაძე და პარტნიორები მოხარულნი არიან, რომ დაეხმარნენ VIBER-ს, მთელს მსოფლიოში ცნობილ ციფრული ტექნოლოგიების საერთაშორისო კომპანიას, რომელიც მილიარდზე მეტ ადამიანს აკავშირებს მთელს მსოფლიოში, მისი ქართული ოპერაციების დაყენების ყველა იურიდიულ ასპექტში, მათ შორის, საქართველოში სპეციალური „საერთაშორისო კომპანიის“ საგადასახადო სტატუსის მოპოვებაში. გავრცელებულია მოსაზრება, რომ ასეთი წამყვანი ბრენდის შემოსვლა ქართულ ბაზარზე ახალ სტიმულს მისცემს მაღალ ტექნოლოგიებში ინვესტორების მოზიდვას საქართველოში, სადაც ღვინაძე და პარტნიორების იურიდიული ფირმა კარგად ოპერირებს საქართველოს ბიზნეს სამართალის და პრაქტიკის ყველა ძირითად სფეროში საჭირო მხარდაჭერისა და ექსპერტიზის უზრუნველყოფაში.
Viber ფლობს და მოიხმარს Viber App – კროსპლატფორმული ხმის IP-ზე და მყისიერი შეტყობინებების პროგრამული უზრუნველყოფის აპლიკაციას, რომელიც ძალიან პოპულარულია საქართველოშიც. ყოველთვიურად ასობით მილიონი ადამიანი უკავშირდება ერთმანეთს შეტყობინებების, მაღალი ხარისხის ხმოვანი და ვიდეო ზარების მეშვეობით და სხვა. Viber App იყენებს დახვეწილ უახლეს ტექნოლოგიას და მუდმივად აუმჯობესებს თავის ფუნქციებსა და სერვისებს მომხმარებლის უკეთესი გამოცდილებისთვის.
Gvinadze & Partners არის ერთ-ერთი წამყვანი ქართული ბიზნეს იურიდიული ფირმა. მისი წინამორბედი ფირმებით – Georgian Consulting Group (GCG Law Office), Ernst & Young Legal (EY Law Georgia), Gvinadze & Partners და ბოლოს DLA Piper Gvinadze & Partners – მას აქვს წარმატებული ისტორია შიდა ინვესტიციების მომსახურებისა და ხელშეწყობის სფეროში თითქმის სამი ათწლეულის განმავლობაში და დღემდე საქართველოში ფართოდ არის აღიარებული, როგორც უმაღლესი ხარისხის იურიდიული მომსახურების მიმწოდებელი კომპანია ქვეყანაში.
2022 წლის 12-16 სექტემბერს, ბავარიის ეკონომიკის სამინისტროს პროექტის “Bayern – Fit for Partnership (BFP)“ ფარგლებში, კვლავ განხორციელდა დელეგაციის ვიზიტი ბავარიაში. წლევანდელი პროექტის თემა იყო „დანადგარები და ტექნოლოგიური სიახლეები სურსათისა და სასმელების წარმოებისა და შეფუთვისთვის “.
ქართულ კომპანიებს საშუალება ჰქონდათ, გაცნობოდნენ ბავარიულ კომპანიებსა და პოტენციურ პარტნიორებს, ასევე, მათი მაღალი ხარისხის პროდუქტებს, მომსახურებასა და კონცეფციებს. პროგრამის ფარგლებში, მონაწილეებმა მსოფლიოში ცნობილი drinktec გამოფენა დაათვალიერეს. ბავარიის მევენახეობისა და მებაღეობის სახელმწიფო ინსტიტუტში (LWG) ბავარიელმა ექსპერტებმა და ქართული კომპანიების წარმომადგენლებმა ერთმანეთს საკუთარი გამოცდილებები გაუზიარეს. კომპანიებში ვიზიტის შემდეგ, მონაწილეებმა შეძლეს თავიანთი ბიზნეს გეგმებისა და ბავარიულ კომპანიებთან შესაძლო თანამშრომლობის განხილვა.
ღონისძიება ჩატარდა Bayern International-ის მხარდაჭერით და Herbertz Dairy Food Service-ისა და გერმანიის ეკონომიკური გაერთიანების თანამშრომლობით.
ევროპის რეკონსტრუქციისა და განვითარების ბანკმა (EBRD) საქართველოს ბანკს მცირე და საშუალო ბიზნესის დასაფინანსებლად $20 მილიონის ოდენობის საკრედიტო რესურსი გამოუყო. თანხის გამოყოფა EU4Business-EBRD ინიციატივის ფარგლებში მოხდა.
სასესხო ხელშეკრულებას ხელი მიმდინარე წლის 15 სექტემბერს EBRD-ის პრეზიდენტის ოდილ რენო-ბასოს საქართველოში ვიზიტის დროს მოეწერა.
EBRD-ის ცნობით, საქართველოს მცირე და საშუალო საწარმოებს საშუალება ექნებათ მიიღონ დაფინანსება ადგილობრივ ვალუტაში და ისარგებლონ გრანტებით, ასევე ევროკავშირის მიერ დაფინანსებული ტექნიკური დახმარებით საერთაშორისო კონსულტანტებისგან.
მოსალოდნელია, რომ სასესხო რესურსის მინიმუმ 70% მიმართული იქნება ინვესტიციებზე „მწვანე“ ეკონომიკაზე გადასვლის EBRD-ის მიდგომის შესაბამისად.
2009 წლიდან ევროკავშირი მხარს უჭერს კომპანიებს საქართველოში EU4Business-ის მეშვეობით და ახორციელებს თითქმის 50 პროექტს, რომელთა საერთო ბიუჯეტი 320 მილიონ EUR-ზე მეტია.
EBRD-მა საქართველოს ფინანსურ, კორპორატიულ, ინფრასტრუქტურულ და ენერგეტიკულ სექტორების 270 პროექტში დაახლოებით 5 მილიარდი EUR-ს ინვესტიცია განახორციელა.
საქართველოს ბანკი პარტნიორებთან ერთად ბიზნესის მხარდაჭერის პროექტების განხორციელებას აქტიურად განაგრძობს. მიკრო, მცირე, საშუალო თუ დიდი ზომის ბიზნესებს შესაძლებლობა ეძლევათ, ჩაერთონ EU4Business-EBRD-ის საკრედიტო ხაზში და მიიღონ დაფინანსება ბიზნესის განვითარებისთვის და Cashback-ის სახით ანგარიშზე დაიბრუნონ მოთხოვნილი თანხის მაქსიმუმ 15%. ბიზნესს ექნება საერთაშორისო ექსპერტთა ჯგუფის მიერ სრულყოფილი ტექნიკური კონსულტაციების მიღების შესაძლებლობაც.
აღსანიშნავია, რომ EU4Business-EBRD-ის საინვესტიციო ფინანსურ რესურსზე Cashback–ი გაიცემა ევროში, დაფინანსების მაქსიმალური ოდენობა კი 50 000-ლარიდან 3 000 000 ევრომდეა. დაფინანსების ოდენობა არის ინდივიდუალური და განისაზღვრება ბიზნესის საჭიროებების მიხედვით.
USAID-ის სოფლის მეურნეობის პროგრამამ, სააგენტომ „აწარმოე საქართველოში“ და სოფლის განვითარების სააგენტომ აგრობიზნესში ჩართული კომპანიებისთვის ექსპორტის საბაზრო კავშირების დამყარების ახალი, ინოვაციური პროგრამა დაიწყეს.
პროგრამის მიზანია ქართველი მწარმოებლების დაკავშირება გერმანიასა და სპარსეთის ყურის ქვეყნებში არსებულ დაინტერესებულ მყიდველებთან. პროექტი ათობით ქართულ კომპანიას ხელს შეუწყობს და შესაძლებლობას მისცემს, დაიწყოს პროდუქციის გატანა მაღალი ღირებულების საექსპორტო ბაზრებზე.
პროგრამაში მონაწილეობისთვის მთელი ქვეყნის მასშტაბით შეირჩა ლურჯი მოცვისა და კაკლოვანი კულტურების მწარმოებელი და სურსათის გადამამუშავებელი 80-მდე ექსპორტზე ორიენტირებული საწარმო.
2022 წლის 11 აგვისტოს, გერმანია-აზერბაიჯანის სავაჭრო პალატამ (AHK აზერბაიჯანი), გერმანიის ეკონომიკურ გაერთიანებასთან და გერმანიის საელჩოსთან თანამშრომლობით, ბაქოში Start.up! Germany Tour 2022 გამართა.
ცხრა სტარტაპმა (მათგან ოთხი საქართველოდან) 3-3 წუთის განმავლობაში წარმოადგინა თავისი იდეები, ბიზნეს მოდელები და ინოვაციური პროდუქტები. მათ უპასუხეს ჟიურის წევრების შეკითხვებსაც.
ოთხმა საუკეთესო სტარტაპმა: Kekamaps-მა, Satelyzer-მა, Costy-მ და Styx-მა ექსკლუზიური ბილეთები მიიღო 2022 წლის სამეწარმეო სამიტში მონაწილეობის მისაღებად ბერლინში/გერმანიაში (22 და 23 ოქტომბერი). გარდა ამისა, მათ საჩუქრად მიიღეს Lufthansa-ს ავიაბილეთების ვაუჩერებიც.
კონკურსის გამარჯვებულებს – KekaMaps-ს, რომელსაც აზერბაიჯანის მხრიდან მაჰამად კეკალოვი წარმოადგენს, და 𝐂𝐨𝐬𝐭𝐲-ს, წარდმოდგენილს ოთარ დავითაძის მიერ, დამატებითი შანსი აქვთ, მონაწილეობა მიიღონ საერთაშორისო კონკურსში გერმანიაში და შეხვდნენ ცნობილ გერმანულ მულტინაციონალურ კომპანიებსა და ინოვაციურ მცირე და საშუალო ბიზნესებს 2022 წლის 23-დან 27 ოქტომბრამდე.
წარმატებებს ვუსურვებთ გამარჯვებულებს საერთაშორისო კონკურსში!
TBC Bank Group-ის ცნობით, TBC ბანკსა და ნიდერლანდების განვითარების საფინანსო კომპანიას (FMO) შორის 300 მილიონი ლარის სასესხო ხელშეკრულება გაფორმდა.
5-წლიანი სასესხო რესურსი, ძირითადად, განკუთვნილია ახალგაზრდა მეწარმეებსა და იპოთეკური მსესხებლებისთვის, ასევე, მწვანე პროექტებისა და მიკრო, მცირე და საშუალო ბიზნესებისთვის.
როგორც აღნიშნულია, TBC ბანკი FMO-სთან 16 წელზე მეტია თანამშრომლობს, ხოლო 2018 წლის შემდეგ, მხარეები უკვე მეორედ თანამშრომლობენ ეროვნულ ვალუტით დაფინანსების ფარგლებში.
9 აგვისტოს სასტუმრო „რედისონში“ სადაზღვევო კომპანია არდიმ მულტინაციონალურ საინვესტიციო ფონდ „Gazelle Finance”-თან საინვესტიციო ხელშეკრულება გააფორმა, რომლის შედეგად “Gazelle Finance” არდის სტრატეგიული აქციონერი გახდა. საინვესტიციო პაკეტის მოცულობა 2 მილიონ აშშ დოლარამდეა, რაც, თავის მხრივ, კომპანიის კიდევ უფრო მეტ განვითარებას, გაუმჯობესებულ მომსახურებას და მოწინავე ციფრული ტექნოლოგიების დანერგვას გულისხმობს.
ხელმოწერის ცერემონიალის პარალელურად, არდიმ პრესას და საზოგადოებას სამეთვალყურეო საბჭოს ახალი, დამოუკიდებელი წევრი – ბატონი ვოლფგანგ ვანდი წარუდგინა. მას აქვს 40-წლიანი გამოცდილება სადაზღვევო, საგადამზღვევო, ჯანდაცვისა და პორტფელის საინვესტიციო მართვის სფეროში.
„როგორც აღნიშნული ამერიკული საინვესტიციო კაპიტალის შემოდინება კომპანიაში, ასევე ახალი, უდიდესი გამოცდილების მქონე დამოუკიდებელი სამეთვალყურეო საბჭოს წევრის შემომატება ჩვენს გუნდში, ეს არის მნიშვნელოვანი ეტაპი არდისთვის, რის შედეგადაც კომპანია განვითარების სრულიად ახალ საფეხურზე გადადის, რაც მალე აისახება ჩვენი დაზღვეულებისთვის კიდევ უფრო მეტად დახვეწილი მომსახურების შექმნაში. მნიშვნელოვნად შეიცვლება ის ციფრული ეკოსისტემა, რომელსაც დღეს არდი იყენებს როგორც შიდა პროცესების მართვისთვის, ისე ჩვენი დაზღვეულების სამომხმარებლო პლატფორმებისთვის. ძალიან ვაფასებთ Gazelle Finance-ის უწყვეტ და მზარდ მხარდაჭერას არდის მიმართ, როგორც მრავალი ქვეყნის მასშტაბით აღიარებულ საერთაშორისო ფინანსურ პარტნიორს, რომელიც საუკეთესოდ იცნობს საქართველოს ფინანსური ბაზრის კონიუნქტურებს,“ - განაცხადა მიხეილ ჯაფარიძემ, არდის გენერალურმა დირექტორმა.
„ჩემთვის დიდი პატივია, გავუწიო მეგზურობა არდის, როგორც საუკეთესო მზღვეველ კომპანიას ქართულ სადაზღვევო ბაზარზე, მის მოტივირებულ მმართველ გუნდთან ერთად. კომპანია უკვე წინ უსწრებს კონკურენტებს ტექნოლოგიებზე ორიენტირებული აპლიკაციებისა და მომსახურების სტანდარტების მიხედვით. ჩემს კოლეგა დირექტორებთან ერთად ჩვენ უზრუნველვყოფთ ბიზნესის წარმართვას დასავლური კორპორაციული მართვის სტანდარტების შესაბამისად და მოხარული ვარ, რომ მექნება შესაძლებლობა, ჩემი მრავალწლიანი ექსპერტიზა და გამოცდილება გამოვიყენო არდის განვითარების ამ ახალ გზაზე“ – განაცხადა ვოლფგანგ ვანდიმ, არდის სამეთვალყურეო საბჭოს აღმასრულებელმა მოადგილემ.
ქართულმა კომპანია Caucasus Road Project-მა ერევანში 252 მ სიგრძისა და 30 მ სიგანის, სახიდე ნაგებობის მშენებლობა დაასრულა. პროექტის ჯამური ღირებულება $13.5 მილიონს შეადგენს. პროექტი საქართველოს ბანკის მონაწილეობით განხორციელდა.
Caucasus Road Project-ის მფლობელისა და გენერალური დირექტორის, პაატა ტრაპაიძის, ინფორმაციით, პროექტში დასაქმებული იყო 70 ადამიანი, საიდანაც 95% ქართველი სპეციალისტებით იყო დაკომპლექტებული. „ჩვენ ამ პროექტით არ ვჩერდებით და ვფიქრობთ ქვეყნის ფარგლებს გარეთ მუშობას“, აცხადებს ის.
2005 წელს დაარსებულ Caucasus Road Project-ს საქართველოში განხორციელებული აქვს ისეთი პროექტები, როგორებიცაა: სატრანსპორტო კვანძები თბილისში, გმირთა მოედანზე; აეროდრომის ასაფრენ დასაფრენი ბილიკი მესტიაში; ანაკლია-განმუხურის ხის საფეხმავლო ხიდი მდინარე ენგურზე; ჰესის მშენებლობა მუხურში და სხვა.
კომპანია საქართველოში 2 მიმდინარე პროექტს ახორციელებს: გომი-საჩხერე-ჭიათურა-ზესტაფონის საავტომობილო გზის დამეწყრილი 16 უბნის რეაბილიტაცია და აბაშა-ჯაპანას საავტომობილო გზის მე-14 კმ-ზე, მდინარე რიონზე, ახალი სახიდე გადასასვლელის მშენებლობა.
საქართველოში აქსელერაციის პროგრამა კიდევ 4 წლის განმავლობაში გაგრძელდება, იუწყება ეკონომიკისა და მდგრადი განვითარების სამინისტრო. ამ მიზნით, საქართველოს ინოვაციების და ტექნოლოგიების სააგენტოსა და გლობალური ვენჩურული კაპიტალის პლატფორმა 500 Global-ს შორის კონტრაქტი გაფორმდა.
სამინისტროს ინფორმაციით, 2020-2021 წლის განმავლობაში 500 Global-მა საქართველოში აქსელერაციის 2 პროგრამა ჩაატარა, რომელიც ჯამში 30 ქართულმა და საერთაშორისო ტექნოლოგიურმა სტარტაპმა გაიარა. მათგან 4 სტარტაპი – Cardeal, Cargon, Payze, Agrolabs, აშშ-ში, სილიკონის ველზე გაემგზავრა პროგრამის ფინალურ კომპონენტში მონაწილეობისთვის.
ეკონომიკის მინისტრის ლევან დავითაშვილის თქმით, აქსელერაციის პროგრამის ფარგლებში მომზადებულმა 28 ქართულმა სტარტაპმა მოახერხა „212%-იანი ზრდა, დაახლოებით $100 მილიონის ღირებულების შექმნა, მრავალმილიონიანი ინვესტიციების მოზიდვა“.
ამ პროგრამაში ჩვენ გვყავს პარტნიორი საქართველოს ბანკის სახით, რომელიც $5 მილიონის ინვესტიციას ახორციელებს სახელმწიფოსთან ერთად, განაცხადა მინისტრმა და აღნიშნა: „საქართველოში 500 Global-ის შემოსვლით, ჩვენ მივიღეთ ის, რომ საქართველო იქნება რეგიონული ჰაბი სტარტაპ-ეკოსისტემის წასახალისებლად“.
ევროპის რეკონსტრუქციისა და განვითარების ბანკმა (EBRD) TBC ლიზინგისთვის 3 მილიონ EUR-მდე გარანტირებული სესხი გამოყო. სახსრები საქართველოში მიკრო, მცირე და საშუალო საწარმოების დაფინანსებას მოხმარდება.
პროექტის მიზანია, ხელი შეუწყოს ევროკავშირის სტანდარტებს ბაზარზე აღმოსავლეთ პარტნიორობის მცირე და საშუალო ბიზნესის კონკურენტუნარიანობის (EaP SMEC) პროგრამის ფარგლებში, მდგრად ინვესტიციებს ტექნოლოგიასა და აღჭურვილობაში.
ევროში გადახდების ერთიან სივრცეში (SEPA) საქართველოს გაწევრიანების საკითხი განიხილებოდა მიმდინარე წლის 28 ივლისს პარლამენტში გამართულ სამუშაო შეხვედრაზე.
შეხვედრაში საქართველოს ეროვნული ბანკისა და ეკონომიკისა და მდგრადი განვითარების სამინისტროს წარმომადგენლები მონაწილეობდნენ.
შეხვედრაზე ისაუბრეს SEPA-ს გეოგრაფიულ სივრცეში გაწევრიანებისთვის აუცილებელ საკანონმდებლო ინიციატივების მომზადებაზე, იუწყება პარლამენტი. როგორც აღნიშნულია, SEPA-ში გაწევრიანების შედეგად ევროზონაში საქართველოდან საბანკო გადარიცხვები გამარტივდება და გაიაფდება.
ბალტიის ქვეყნებიდან საქართველოში ფრენებს ლიეტუვური ავიაკომპანია Getjet განაახლებს, იუწყება საქართველოს ეკონომიკისა და მდგრადი განვითარების სამინისტრო. Getjet ვილნიუსიდან და ტალინიდან ბათუმის მიმართულებით მრავალჯერად ჩარტერულ ფრენებს განახორციელებს.
სამინისტროს ცნობით, რეისები ვილნიუსსა ბათუმს შორის – 1-29 აგვისტოს პერიოდში, ხოლო ტალინსა და ბათუმს შორის – 15-29 აგვისტომდე ყოველ ორშაბათს შესრულდება.
საქართველოს ტურიზმის ეროვნული ადმინისტრაციის მონაცემებით, მიმდინარე წლის 6 თვეში საქართველოში ლიეტუვადან 6,018 ვიზიტი განხორციელდა (2021 წლის ანალოგიურ პერიოდთან შედარებით ზრდა – 294.6%, პამდემიამდელ 2019 წლის 6 თვესთან შედარებით კლება – 34.8%); ლატვიიდან – 5,795 ვიზიტი (შესაბამისად, ზრდა – 375.4% და კლება – 33.5%); ესტონეთიდან – 2,712 ვიზიტი (შესაბამისად, ზრდა – 438.1% და კლება – 24.1%).
თბილისში, აღმაშენებლის ხეივანზე, კომპანია ჯაოკენის სარემონტო მასალების ახალი ფილიალი გაიხსნა.
პროექტის საერთო საინვესტიციო მოცულობა 5.8 მილიონ EUR-ს შეადგენს. აქედან, საქართველოს ბანკის მიერ გამოყოფილია 3.2 მილიონი EUR.
მოგეხსენებათ, კომპანია ჯაოკენი საქართველოში 1997 წელს დაარსდა. კომპანიის წარმოების ძირითადი მიმართულებებია: კერამიკული და კერამოგრანიტის ფილები, ლამინირებული იატაკი, პარკეტი, შპალერი, ლაქ-საღებავები, სანტექნიკა, სააბაზანო ოთახის ავეჯი და აქსესუარები. სრულიად კოლექტივის ნაყოფიერმა და წარმატებულმა მუშაობამ კომპანია კონკურენტუნარიანი გახადა და ბაზარზე საპატიო ადგილიც დაიკავა.
ჯაოკენი (ერთ-ერთი დამფუძნებელი ჯემალ ჯაოშვილია) საქართველოს ბანკთან 2016 წლიდან თანამშრომლობს. ამ ეტაპზე კომპანიის ფილიალებში დასაქმებულია 200-მდე ადამიანი.
როგორც მოგეხსენებათ, გერმანიის ელჩი საქართველოში, ბატონი ჰუბერტ კნირში, სამწუხაროდ, აგვისტოს ბოლოს დაგვტოვებს. მას პეტერ ფიშერი ჩაანაცვლებს. ამის შესახებ ფიშერი თავად წერს Twitter-ზე და აღნიშნავს, რომ აგვისტოს ბოლოს თბილისში გადადის, სადაც პატივი ექნება, იმსახუროს გერმანიის ელჩად საქართველოში.
2018 წლამდე ფიშერი გახლდათ გლობალიზაციის, ენერგეტიკისა და კლიმატის პოლიტიკის ოფიცერი გერმანიის საგარეო საქმეთა სამინისტროში. 2018 წლიდან კი იგი გახლავთ გერმანიის ელჩი არაბეთის გაერთიანებულ საამიროებში.
21 ივლისს, McDonalds Georgia-მ თბილისში, კახეთის გზატკეცილზე, კიდევ ერთი რესტორანი გახსნა. პროექტში კომპანიამ, TBC ბანკის მხარდაჭერით, 11 მილიონ ლარამდე ინვესტიცია განახორციელა.
მიმდინარე წელს თბილისში, ისნის რაიონში, კომპანია კიდევ ერთ რესტორანს გახსნის, რომელშიც 7 მილიონ ლარამდე ინვესტირებას მოახდენს. ორივე რესტორანში 100-მდე ადამიანი დასაქმდება.
გასულ წელს კი კომპანიამ 26 მილიონი ლარის მსხვილი ინვესტიცია განახორციელა პურის საწარმოში, რომელიც მიმდინარე წელს ჯამში 4 მილიონი ლარის ღირებულების პურ-ფუნთუშეულის ექსპორტს გეგმავს აზერბაიჯანში, ყაზახეთსა და ბელარუსში.
საერთო ჯამში, McDonalds Georgia-მ 1999 წლიდან დღემდე, სხვადასხვა მიმართულებით, 125 მილიონი ლარის ინვესტირება განახორციელა, ქვეყნის ბიუჯეტში შენატანმა კი 146 მილიონ ლარს გადააჭარბა, იუწყება გაზეთი. დღეის მდგომარეობით, კომპანია 1,500 ადამიანს ასაქმებს.
გერმანულმა დაბალბიუჯეტიანი ავიაკომპანია Eurowings-მა შტუტგარტიდან თბილისის აეროპორტში პირდაპირი რეგულარული რეისების შესრულება დაიწყო.
ავიაკომპანია რეისებს კვირაში 2 სიხშირით, A320 ტიპის საჰაერო ხომალდით განახორციელებს, იუწყება TAV Georgia (თბილისის აეროპორტის ოპერატორი).
Eurowings საქართველოს ავიაბაზარზე 2021 წლის 4 ივლისიდან შემოვიდა და დიუსელდორფსა და თბილისს შორის კვირაში 2 სიხშირით ოპერირებს.
საქართველოს ტურიზმის ეროვნული ადმინისტრაციის მონაცემებით, მიმდინარე წლის 6 თვეში გერმანიიდან 16,918 ვიზიტი განხორციელდა, რაც 343.5%-ით აღემატება 2021 წლის შესაბამისი პერიოდის მაჩვენებელს, თუმცა 50.2%-ით ნაკლებია პანდემიამდელი 2019 წლის შესაბამის მაჩვენებელზე.
სატრანსპორტო და ლოჯისტიკური მომსახურების პროვაიდერი Gebrüder Weiss სულ უფრო მეტად ამახვილებს ყურადღებას ისტორიული სავაჭრო მარშრუტის შუა დერეფანზე / ლოჯისტიკური ცენტრები თბილისსა და ალმათში საერთაშორისო და რეგიონული საქონლის ტრანსპორტირების ცენტრებად გვევლინებიან.
მოთხოვნის მუდმივი ზრდის გათვალისწინებით, Gebrüder Weiss აფართოებს სატრანსპორტო კავშირების რაოდენობას ახალი აბრეშუმის გზაზე, რათა გადაიტანოს საქონელი ევროპას, თურქეთსა და ჩინეთს შორის. აქ ყურადღება გამახვილებულია ისტორიული სავაჭრო გზის შუა დერეფნის გასწვრივ მარშრუტებზე, რომლებიც გადის თურქეთის, საქართველოს, აზერბაიჯანისა და ყაზახეთის გავლით ჩინეთში. ეს მარშრუტი გეოგრაფიულად უფრო მოკლეა და პირდაპირ უკავშირდება სერვისებს, რომლებსაც Gebrüder Weiss ახორციელებს ყოველდღე დასავლეთ და სამხრეთ-აღმოსავლეთ ევროპას, თურქეთსა და თბილისს (საქართველო) შორის. Gebrüder Weiss-ის ლოჯისტიკური ცენტრები თბილისსა და ალმათში (ყაზახეთი) მომავალში იქნება საქონლის ტრანსპორტირების კვანძები, სადაც მათი ტრანსპორტირება მოხდება ახალი აბრეშუმის გზის გასწვრივ საავტომობილო, საზღვაო ან სარკინიგზო გზით, სხვა მარშრუტებთან ერთად, ცენტრალური აზიის ქვეყნებში ან თუნდაც ჩინეთამდე.
კომპანია ემზადება სატრანსპორტო სიმძლავრეზე მოთხოვნის მკვეთრი ზრდისთვის და ამიერიდან ამ მარშრუტზე მეტ სატვირთო ტრანსპორტს შემოგვთავაზებს. „ჩვენ ველით, რომ მოთხოვნა საგზაო ტრანსპორტზე გაიზრდება, რადგან ჩინეთი ხელახლა გახსნის საზღვრებს, დახურა რა ისინი კოროვირუსის შედეგად. ის ფაქტი, რომ ჩვენ გვაქვს გრძელვადიანი კონტრაქტები სანდო რეგიონულ პარტნიორებთან, ნიშნავს იმას, რომ ჩვენ შეგვიძლია შევთავაზოთ ჩვენს მომხმარებლებს საკმარისი ტვირთის სივრცე, რეგულარული მომსახურება და ტრანსპორტირების დრო“, – ამბობს თომას მოზერი, Gebrüder Weiss-ის Black Sea/CIS დირექტორი და რეგიონალური მენეჯერი.
Gebrüder Weiss 20 წელზე მეტია მხარს უჭერს სამრეწველო და სავაჭრო ოპერაციებს მზარდ ბაზრებზე, ტრადიციული სავაჭრო გზის გასწვრივ, სატრანსპორტო და ლოჯისტიკური გადაწყვეტილებებით, რისთვისაც იყენებს საკუთარ ფილიალებს თურქეთში, საქართველოში, სომხეთში, უზბეკეთში, ყაზახეთსა და ჩინეთში. სწორედ აქედან Gebrüder Weiss ორგანიზებას უწევს პირდაპირ კავშირებს ევროპასა და აზიას შორის და ასევე მომსახურების მიწოდებას ცენტრალური აზიის ქვეყნებში და მათ შორის. ეს მომსახურება მოიცავს სატვირთო და სარკინიგზო გადაზიდვებს, საჰაერო და საზღვაო გადაზიდვებს, განბაჟებას, საწყობის ლოჯისტიკას და ა.შ.
როგორც გარემოს დაცვისა და სოფლის მეურნეობის მინისტრი, ოთარ შამუგია, აღნიშნავს, მსოფლიო ბანკი ამჟამად საქართველოში ახორციელებს დაახლოებით $50 მილიონის ღირებულების ირიგაციის მხარდაჭერის პროექტს, რომელიც მომავალ წელს სრულდება.
„ჩვენ უკვე დავიწყეთ აქტიური მუშაობა გაცილებით მასშტაბურ პროექტზე, რომლის ფარგლებშიც, ვფიქრობთ, რომ, დაახლოებით, $100 მილიონის ინვესტირება მოხდება საირიგაციო ინფრასტრუქტურის რეაბილიტაციისთვის“, განუცხადა დღეს მინისტრმა ჟურნალისტებს.
ასევე, შამუგიას თქმით, „მსოფლიო ბანკი დაგვეხმარება მიწის მართვის კუთხით რეფორმების განხორციელებაში და სოფლის მეურნეობის ღირებულებათა ჯაჭვის სხვა რგოლების განვითარების მხარდაჭერაში“.
მიმდინარე წლის იანვარ-ივნისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) $8.47 მილიარდი შეადგინა, იუწყება საქსტატი. წინა წლის შესაბამისი პერიოდის მაჩვენებელზე ეს მოცულობა 35.2%-ით მეტია, აღნიშნავს უწყება.
მათ შორის, ექსპორტი $2.55 მილიარდამდე იყო (35.1%-ით მეტი), ხოლო იმპორტი – $5.92 მილიარდამდე (35.3%-ით მეტი).
შესაბამისად, უარყოფითმა სავაჭრო ბალანსმა მიმდინარე წლის იანვარ-ივნისში $3.37 მილიარდი და საგარეო სავაჭრო ბრუნვის 39.8% შეადგინა (ნაცვლად $2.44 მილიარდისა და 39.2%-სა გასული წლის ანალოგიურ პერიოდში).
TNet, TBC ჯგუფის წევრი ტექნოლოგიური კომპანია, 8 ციფრულ პლატფორმას გააერთიანებს, იუწყება ჟურნალი. ეს პლატფორმებია: myauto.ge, vendoo.ge, tkt.ge, livo.ge, mymarket.ge, myhome.ge, myparts.ge და swoop.ge.
TNet მომხმარებელს 4 ძირითადი მიმართულებით შეთავაზებს პროდუქტებს და მომსახურებას: lifestyle, ელექტრონული კომერცია, ავტო და უძრავი ქონება. მომავალში ეს მიმართულებები Super App-ში მოიყრის თავს.
როგორც აღნიშნულია, TNet-ში შემავალ ციფრულ პლატფორმებს თვეში 2 მილიონამდე უნიკალური მომხმარებელი ჰყავს, რაც ქვეყნის ზრდასრული მოსახლეობის 70%-ია და ჯამში მთელი ქართული ინტერნეტ ტრაფიკის 40% უჭირავს.
ამ ეტაპზე TNet-ში დასაქმებულია 300-მდე თანამშრომელი, რომელთა რაოდენობა 500-მდე გაიზრდება.
Radisson Hotel Group-ის განცხადებით, Next Group-თან ხელშეკრულების გაფორმებით, მან საქართველოში თავისი პორტფელი 9 სასტუმრომდე გაზარდა.
Radisson Blu Resort & Residences Batumi, Gonio 2026 წლის პირველ კვარტალში გაიხსნება. ეს სასტუმრო ბათუმში Radisson Blu-ს მეორე საკუთრება იქნება.
ახალი სასტუმრო მოიცავს 500 ოთახს, საკონფერენციო დარბაზებს, შიდა და გარე აუზებს, სპა და ფიტნეს ცენტრებს, კაზინოს და სხვა.
მყარი ნარჩენების ინტეგრირებული მართვის პროგრამის ფარგლებში, კახეთისა და სამეგრელო-ზემო სვანეთის 17 მუნიციპალიტეტს ნარჩენების შესაგროვებელი ტექნიკა გადაეცემათ, იუწყება რეგიონული განვითარებისა და ინფრასტრუქტურის სამინისტრო.
უწყების ცნობით, აღჭურვილობის შესასყიდად გერმანიის რეკონსტრუქციის საკრედიტო ბანკის (KfW) მიერ 5.73 მილიონი EUR გამოიყო.
როგორც აღნიშნულია, ნარჩენების შესაგროვებელ სპეციალურ ტექნიკას მუნიციპალიტეტებს – ქართული GT Group, ნარჩენების შესაგროვებელ კონტეინერებს, ქუჩის ურნებსა და უნიფორმებს – ჩეხური Elkoplast მუნიციპალიტეტებს 2022-2023 წლებში ეტაპობრივად მიაწვდიან.
ორივე რეგიონისთვის პროგრამის ღირებულება ჯამში 30 მილიონი EUR-ს ოდენობის სესხსა და 2 მილიონი EUR-ს გრანტს შეადგენს, იუწყება სამინისტრო.
როგორც აღნიშნულია, პროგრამის განმახორციელებლები არიან საკონსულტაციო კომპანიები – ამერიკული CDM Smith, ქართულ კომპანიებთან Saunders Group და GEO ერთად, და გერმანული Fichtner, ბერძნულ Paseco-სთან და ქართულ PMCG-სთან ერთად.
ეკონომიკისა და მდგრადი განვითარების მინისტრის მოადგილემ, გენადი არველაძემ, და გერმანიის ელჩმა საქართველოში, ბატონმა ჰუბერტ ქნირშმა, მენეჯერთა საკვალიფიკაციო პროგრამის „Fit for Partnership“ დაწყების თაობაზე თანამშრომლობის მემორანდუმს მოაწერეს ხელი.
სასწავლო პროგრამა საქართველოში გერმანიის ეკონომიკისა და კლიმატზე ზემოქმედების ფედერალურ სამინისტროსა (BMWK) და გერმანიის საერთაშორისო თანამშრომლობის საზოგადოების (GIZ) მიერ არის ორგანიზებული და ის 2016 წლიდან ხორციელდება.
პროგრამაში უკვე 150-მდე ადამიანმა მიიღო მონაწილეობა. წლევანდელი პროგრამის ფარგლებში, გერმანიაში 20-ზე მეტი ქართველი მეწარმე გაემგზავრება.
როგორც არველაძემ აღნიშნა, გერმანია წლების განმავლობაში საქართველოს ერთ-ერთი უდიდესი სავაჭრო და საინვესტიციო პარტნიორია. პროგრამა „Fit for Partnership“ კი ადგილობრივი მეწარმეებისთვის არის შესაძლებლობა, თავიანთი პროდუქცია ევროკავშირის 500 მილიონიან ბაზარზე შეიტანონ. ამასთან, პროგრამის წყალობით, ქართულ ბიზნესს შესაძლებლობა ეძლევა, გერმანულ კომპანიებთან საქმიანი კავშირები და გრძელვადიანი პარტნიორობა დაამყაროს და გაეცნოს გერმანული ბიზნესის საუკეთესო პრაქტიკებს.
Majorel და Sitel Group პოტენციური გაერთიანების შესახებ, ძირითად ასპექტებზე შეთანხმდნენ.
აღნიშნული გარიგება უნიკალურ შესაძლებლობას წარმოადგენს გლობალური ინდუსტრიის ახალი ლიდერის ჩამოსაყალიბებლად და მომხმარებელთა გამოცდილების სექტორის მზარდი მოთხოვნის დასაკმაყოფილებლად. კომპანიათა შერწყმის საშუალებით, არსებულ და ახალ გლობალურ კლიენტებს, შეეძლებათ ისარგებლონ გაცილებით დახვეწილი მომსახურებით და ეფექტური სერვისებით.
მეიჯერელსა და საიტელ ჯგუფს შეეძლებათ შექმნან გლობალური და მოწინავე პლატფრომა ამერიკის, EMEA-სა და APAC-ის რეგიონებში, სადაც ისინი 240,000-მდე ადამიანს, 300-ზე მეტ ლოკაციაზე დაასაქმებენ და 1,000-მდე კლიენტს მსოფლიოს გარშემო, 70-ზე მეტ ენაზე შესთავაზებენ მომსახურებას. კომპანიათა გაერთიანება მათ ფართო გეოგრაფიული არეალის და ამასთან ერთად, მნიშვნელოვანი ბაზრების ათვისებაშიც დაეხმარება.
აღსანიშნავია, რომ მეიჯერელი და საიტელ ჯგუფი, გაერთიანების შემდეგ განახლებული სახელითა და ბრენდინგით გააცნობენ მსოფლიოს თავს. კომპანიის სათაო ოფისი ლუქსემბურგში იქნება განთავსებული და Euronext Amsterdam-ის საფონდო ბირჟზე იქნება წარმოდგენილი.
საიტელთან ერთად, მეიჯერელი საკუთარი შესაძლებლობებისა და კლიენტთა პორტფოლიოს გაზრდას მსოფლიოს მასშტაბით შეძლებს და დამატებითი ცოდნითა და პოტენციალით ისარგებლებს. გარდა ამისა, მეიჯერელი საიტელის ამჟამინდელი კლიენტებისთვისაც შექმნის დამატებით ღირებულებას. კომპანიათა გაერთიანება მნიშვნელოვან შესაძლებლობებს აჩენს მეიჯერელის გუნდის წევრების პროფესიონალური განვითარებისთვისაც.
მხარეები კომპანიათა შერწყმას ყველა საჭირო სამართლებრივი ნორმების დაცვით განახორციელებენ, რის შემდეგაც, მეიჯერელისა და საიტელის გუნდები დაინტერესებულ მხარეებს სპეციალურ სხდომაზე მოიწვენენ და ერთობლივად უყრიან კენჭს გადაწყვეტილებას გაერთიანების შესახებ. შეთავაზების დახურვა 2022 წლის მეოთხე კვარტლიდან, 2023 წლის პირველ კვარტლამდეა მოსალოდნელი.
თბილისში, ჭავჭავაძის გამზირზე, 2 იდენტური 41-სართულიანი ცათამბჯენი Axis Towers 16 ივნისს გაიხსნა.
პროექტში დაახლოებით $150 მილიონის ინვესტიცია განხორციელდა, საიდანაც საქართველოს ბანკმა $60 მილიონი გამოყო, იუწყება ჟურნალი Forbes Georgia. აღსანიშნავია, რომ დეველოპერული კომპანია Axis-ის პარტნიორი ამ პროექტში არის საქართველოს თანაინვესტირების ფონდი.
სტატია მიუთითებს, რომ Axis Towers-ში თავმოყრილია დეველოპმენტის 5 მიმართულება: საცხოვრებელი, სასტუმრო, საოფისე, კომერციული და გასართობი ფუნქციები. ასევე, Axis Towers საკუთარ ტერიტორიაზე ქმნის საჯარო სივრცეს – საფეხმავლო ქუჩას.
Start.up Germany Tour 2022-ის ფარგლებში, არაერთმა ქართულმა სტარტაპ კომპანიამ ისარგებლა შესაძლებლობით, წარმოეჩინა თავი ქართულ Pitch Event-ზე და ამით კვალიფიკაცია აემაღლებინა საერთაშორისო კონკურსისთვის გერმანიაში.
21 ივნისს ხუთი ქართული კომპანია შეირჩა, რომლებიც წარმოადგენდნენ შემდეგ სფეროებს: Green Tech, Logistics & Mobility და Industrial Solutions.
შერჩეული სტარტაპები აგვისტოს დასაწყისში გაემგზავრებიან ბაქოში, რათა თავიანთი ბიზნეს-იდეებით წარსდგნენ მომდევნო პიტჩ-ღონისძიებაზე.
გერმანია-საქართველოსა და გერმანია-აზერბაიჯანის ურთიერთობის 30 წლის იუბილესთან დაკავშირებით, გადაწყდა AHK-ბაქოსთან ერთობლივი პიტჩ-ღონისძიების ჩატარება. აქედან გამომდინარე, ადგილზე გამოვლინდება ერთი ქართული და ერთი აზერბაიჯანული გამარჯვებული მონაწილე, რის შედეგადაც ორივე გამარჯვებული მიიღებს მონაწილეობას საერთაშორისო სტარტაპ კონკურსში.
ქართული მხრიდან ბაქოს ტურში შემდეგი სტარტაპები მიიღებენ მონაწილეობას: Costy, Corvis, DG Systems, Styx, Voovoo.
ჟიურის წევრის და GITA-ს საერთაშორისო ურთიერთობების დეპარტამენტის ხელმძღვანელის, ანი ვაშაყმაძის, ორგანიზებით, ქართველი მონაწილეები ბაქოს პიტჩ-ღონისძიებისთვის მოსამზადებელ ტრენინგს გაივლიან. შეთავაზება მოიცავს სტარტაპების მომზადებას ბაქოში მომავალი პიტჩისთვის და ამით მათი პრეზენტაციის უნარების დახვეწას, რაც დიდი ენთუზიაზმით იქნა მიღებული.
Forbes Georgia იუწყება, რომ საქართველოს ბანკმა $50 მილიონის მოცულობის, დამატებითი პირველადი კაპიტალი მოიზიდა. შეთანხმება ევროპის რეკონსტრუქციისა და განვითარების ბანკთან (EBRD) და Swedfund-თან გაფორმდა.
როგორც აღნიშნულია, საქართველოს ეროვნული ბანკის საბოლოო თანხმობის შემდეგ, აღნიშნული ტრანზაქცია ქვეყნის მასშტაბით იქნება პირველი დამატებითი პირველადი კაპიტალი სპეციალური მწვანე კომპონენტით.
შეთანხმების ფარგლებში, საქართველოს ბანკი ფინანსურ რესურსს მწვანე ეკონომიკაზე გადასვლის მიდგომასთან (GET) შესაბამისობაში მყოფ ინვესტიციებში მიმართავს.
ტექნიკური თანამშრომლობის პროგრამის ფარგლებში EBRD და Swedfund გამოყოფენ გრანტს, რომლითაც მხარს დაუჭერენ საქართველოს ბანკის მიერ მწვანე ეკონომიკის დაფინანსების ინიციატივებს.
ბიზნესპროცესების აუთსორსინგის (BPO) საერთაშორისო კომპანია Majorel-მა საქართველოში რიგით მეოთხე ოფისი გახსნა, იუწყება სახელმწიფო სააგენტო აწარმოე საქართველოში.
როგორც აღნიშნულია, თბილისის და ქუთაისის შემდეგ, კომპანიის ოფისი ბათუმში გაიხსნა, სადაც ამ ეტაპზე 80-ზე მეტი ადამიანი დასაქმდება.
სააგენტოს ხელშეწყობით, Majorel-მა პირველი ოფისი თბილისში 2016 წელს გახსნა და ოპერირება ერთი კლიენტითა და 150 გერმანულენოვანი თანამშრომლით დაიწყო, იუწყება სააგენტო და აღნიშნავს, რომ დღეს მხოლოდ თბილისის ოფისში უკვე 600-ზე მეტი თანამშრომელია დასაქმებული.
სააგენტოს მონაცემებით, ჯამურად, კომპანია საქართველოში 3,000-მდე დასაქმებულს აერთიანებს.
Majorel 73,000-ზე მეტ დასაქმებულს აერთიანებს 35 ქვეყანაში და მსოფლიოს მასშტაბით 500-მდე კომპანიის პარტნიორია.
ეკონომიკისა და მდგრადი განვითარების მინისტრის, ლევან დავითაშვილის, განცხადებით, საქართველოში „დღეისთვის გერმანიიდან პირდაპირი უცხოური ინვესტიციების სახით დაახლოებით 500 მილიონი ევროა ინვესტირებული“.
„დარწმუნებული ვარ, რომ გერმანული ბიზნესი საქართველოში ინვესტიციების განხორციელებას მომავალშიც აქტიურად განაგრძობს“, განაცხადა მინისტრმა 31 მაისს, გერმანიის ეკონომიკური გაერთიანების (DWV) ორგანიზებით გამართულ ფორუმზე.
ფორუმზე ყურადღება გამახვილდა საქართველოში მიმდინარე სტრუქტურულ რეფორმებზე, და დავითაშვილმა განსაკუთრებული აქცენტი გააკეთა ისეთ დარგებზე, როგორებიცაა: სამრეწველო პროდუქციის წარმოება, გადამამუშავებელი და ტექნოლოგიური სექტორი, ენერგეტიკა და საავტომობილო და საავიაციო ნაწილების წარმოება, იუწყება ეკონომიკის სამინისტრო.
ცნობისთვის, საქსტატის მონაცემებით, 2021 წელს გერმანიის პირდაპირმა ინვესტიციებმა საქართველოში $31.6 მილიონი (წლიური კლება – 13.5%) შეადგინა.
გერმანიის ეკონომიკური გაერთიანების წევრმა კომპანიამ – MyTalent.io, რომელიც 2017 წლიდან ასაქმებს ვირტუალურ ასისტენტებს საერთაშორისო კომპანიებსა და მეწარმეებთან გერმანულენოვან რეგიონებში სხვადასხვა ონლაინ სამუშაოზე, 2021 წელს აქტიურად დაიწყო ISO 10667-2:2020 სტანდარტის დანერგვის პროცესი.
MyTalent.io საქართველოში პირველი ISO 10667-2:2020 სერტიფიცირებული დასაქმების კომპანიაა და ის აგრძელებს EVA-სთან აქტიურ თანამშრომლობას პროცესების მუდმივი გაუმჯობესების მიზნით. EVA ეხმარება ინდივიდუალურ პირებსა და ორგანიზაციებს მდგრად განვითარებასა და გაუმჯობესებაში.
სახელმწიფო სააგენტოს აწარმოე საქართველოში ცნობით, Bloomberg-ის სატელევიზიო და ციფრულ პლატფორმებზე და ვებ-გვერდზე, გასავრცელებლად დამზადდა საიმიჯო ვიდეორგოლები, სტატია და სხვადასხვა სახის მასალა საქართველოს შესახებ.
აღნიშნული გათვალისწინებულია „Georgia – A Pleasure Doing Business” კამპანიის ფარგლებში. აქტიური კამპანია მიმდინარე წლის ნოემბრის ბოლომდე გასტანს და მოიცავს როგორც ევროპის, ასევე, აზიისა და აშშ-ს ბაზრებს, იუწყება სააგენტო.
აზერბაიჯანის სახელმწიფო საბაჟო კომიტეტის წარმომადგენლის განცხადებით, აზერბაიჯანი, საქართველო და ყაზახეთი გეგმავენ ხელი მოაწერონ სამმხრივ შეთანხმებას ტრანზიტის ხელშეწყობის შესახებ. „ჩვენს ქვეყანასა და საქართველოს შორის ხელშეკრულება უკვე გაფორმებულია. მას, სავარაუდოდ, ყაზახეთი მოაწერს ხელს“, განმარტავს ის.
როგორც აღნიშნულია, შეთანხმება გააუმჯობესებს და გაამარტივებს გადაზიდვებს ევროპა-კავკასია-აზიის სატრანსპორტო დერეფანში.
სპეციალური შეთავაზება ჩვენს წევრებს
ჩვენი წევრი კომპანია EVA გერმანიის ეკონომიკური გაერთიანების (DWV) წევრ კომპანიებს სთავაზობს 20%-იან ფასდაკლებას თიმბილდინგის ორგანიზებასა და განხორციელებაში.
EVA, მენტალ ჰაბთან პარტნიორობით, ახორციელებს ინდივიდუალურ საჭიროებებზე მორგებულ პროგრამას ჯანსაღი კორპორაციული კულტურის შექმნის მიზნით.
ჯანსაღი კორპორაციული კულტურის ჩამოყალიბების შედეგად, გუნდი ხდება ღია, მოქნილი და აქცეპტირებული. თანამშრომლები სრულად ითავისებენ კომპანიის ხედვასა და მისიას და ერთობლივად შექმნილი სტრატეგიით მიისწრაფვიან მდგრადი განვითარებისაკენ.
თიმბილდინგის ინდივიდუალურ საჭიროებებზე მორგების მიზნით გამოიყენება ID37 და AURA ტესტები, რომელთა ანალიზის შედეგად ხდება საჭირო აქტივობების შერჩევა:
– ID37 პიროვნული მოტივების შეფასება – ახდენს პიროვნული მოტივების იდენტიფიცირებას და ხსნის პიროვნულ ჩვევებსა და საქციელს.
– აურა – არის სტრესის, შფოთვისა და სამუშაო გარემოს მიმართ დამოკიდებულების ანალიზი.
აღნიშნული შეთავაზება მუდმივია DWV-ს წევრებისთვის.
ვრცლად პროგრამის შესახებ იხილეთ ბმულზე.
EVA-ს შესახებ მეტი ინფორმაციის მისაღებად ეწვიეთ ბმულს.
გერმანიის ეკონომიკური გაერთიანება იწვევს ქართულ სტარტაპებს START. UP! GERMANY TOUR 2022-ში მონაწილეობის მისაღებად.
პროგრამა და კონკურსი განკუთვნილია ყველა დაინტერესებული სტარტაპისთვის, რომელიც აკმაყოფილებს პროგრამის მოთხოვნებს (იხ. დოკუმენტი).
პროგრამა/კონკურსი იწვევს ქვემოთ მოცემული მიმართულებებით დაკავებულ სტარტაპებს:
კრიტერიუმების დაკმაყოფილების შემთხვევაში, გთხოვთ გადახვიდეთ სარეგისტრაციო ფორმაზე და გამოგვიგზავნოთ თქვენი განაცხადი, მიმდინარე წლის 12 ივნისის ჩათვლით.
START. UP! GERMANY TOUR 2022-ი შედგება 4 ძირითადი კომპონენტისაგან, ვებინარების პროგრამა, შესარჩევი ეტაპი, საერთაშორისო კონკურსი და მთავარი პროგრამა.
ვებინარების პროგრამა (8 ივნისი – 25 აგვისტო):
პროგრამა შედგება ვებინარებისაგან და მასში მონაწილეობა შეეძლება ყველა მსურველს (იხ. დოკუმენტი). ცალკეულ ვებინარზე რეგისტრაციას გაივლით ბმულის მეშვეობით: https://www.startupgermany.nrw/pre-program-2022/
შესარჩევი ეტაპი (13 ივნისი – 5 აგვისტო):
21 ივნისს გაიმართება ონლაინ Pitch Event-ი, სადაც შემოსული განაცხადებიდან 10 გადარჩეული სტარტაპი მიიღებს მონაწილეობას, რომელთაგან შეირჩევა 5 საუკეთესო.
აღნიშნული 5 სტარტაპი 4-5 აგვისტოს გაემგზავრება ქ. ბაქოში, ქართულ-აზერბაიჯანულ ერთობლივ Pitch Event-ში მონაწილეობის მისაღებად, სადაც მოხდება საერთაშორისო კონკურსისთვის საუკეთესო ქართული და საუკეთესო აზერბაიჯანული სტარტაპის ნომინირება.
საერთაშორისო კონკურსი (29 აგვისტო – 9 სექტემბერი):
საუკეთესო ქართული და აზერბაიჯანული სტარტაპი, სექტემბრის დასაწყისში მიიღებენ მონაწილეობას საერთაშორისო ფინალურ კონკურსში და იბრძოლებენ საბოლოო პრიზის მისაღებად. ფინალში გასული კონკურსანტები დაჯილდოვდებიან ფულადი პრიზებით: 7.500,- ევრო (პირველი ადგილი), 5.000,- (მეორე ადგილი) და 2.500,- ევრო (მესამე ადგილი).
მთავარი პროგრამა (23 – 26 ოქტომბერი):
შესარჩევის შედეგად გადარჩეული 5 ქართული და 5 აზერბაიჯანული სტარტაპი წარდგენილი იქნება მთავარ პროგრამაში, START. UP! GERMANY TOUR 2022- ში მონაწილეობის მისაღებად, რომელიც გაიმართება გერმანიაში.
“საკმარისზე მეტი მარაგი არსებობს ფქვილის, ხორბლის მარაგიც არსებობს ქვეყანაში”, განაცხადა პრემიერ-მინისტრმა ირაკლი ღარიბაშვილმა მთავრობის სხდომაზე. ამასთან, „სულ რაღაც ერთ თვეში, თვე-ნახევარში, ჩვენც ხორბლის მოსავალს ავიღებთ“, აღნიშნა მან.
შესაბამისად, პრემიერის შეფასებით, აჟიოტაჟი ამ საკითხთან დაკავშირებით იყო ხელოვნურად გამოწვეული.
ასევე, საქართველოს პურის მრეწველთა კავშირის თავმჯდომარის, მალხაზ დოლიძის თქმით, ქვეყანას ფქვილის 2-თვიანი მარაგი აქვს. “მარაგის ამოწურვის შემდეგ ახალ მოსავალს ველოდებით”, აცხადებს ის. “ამბობენ, რომ საქართველოში ხორბლის მოსავალმა 30%-ით მოიმატა წინა წელთან შედარებით”, აღნიშნავს ის.
დოლიძე ასევე აცხადებს, რომ „მარაგი, ალბათ, შეივსება საქართველოს მიერ ნაწარმოები ხორბლიდან, აგრეთვე, ფქვილით, რომელიც დღესაც რუსეთიდან შემოდის“.
მიუხედავად იმისა, რომ წისქვილკომბინატები ჩერდება (ვინაიდან ხორბალი არ შემოდის), პურის საწარმოებში არის გარკვეული ნაშთი, და „პური ცხვება და გამოცხვება“, ირწმუნება დოლიძე.
რაც შეეხება ფასებს, ნამდვილად შეიცვალა პურის ფასი, მაგრამ 10 თეთრით. “ახლა ფქვილი მომატებული ფასებით შემოდის, თუმცა თვის ბოლომდე ფასის მომატებას არ ველოდებით“, აცხადებს ის.
საქართველოს ეროვნული ბანკის (სებ) გადაწყვეტილებით, 1 მაისიდან იპოთეკური სესხის გაცემის წესი შეიცვლა. იპოთეკური სესხების ძირითადი ნაწილი ცვლადგანაკვეთიანია, რასაც თან ახლავს საპროცენტო რისკი, მიუთითებს სებ.
სებ-ის განმარტებით, „ამ რისკის საპასუხოდ საჭირო ბუფერების არსებობისთვის, კომერციულმა ბანკებმა ცვლადგანაკვეთიანი კრედიტის გაცემისას მსესხებლის გადახდისუნარიანობის შეფასების დროს 3 პროცენტული პუნქტი საპროცენტო განაკვეთის შოკი უნდა გაითვალისწინონ“. ამასთან, იპოთეკური სესხების ვადა, 15-ის ნაცვლად, 10 წლით განისაზღვრა.
როგორც საბანკო ასოციაციის ხელმძღვანელი ალექსანდრე ძნელაძე აცხადებს, „პრაქტიკულად, ყველა ამ გადაწყვეტილებით დიდი რაოდენობით ადამიანები, რომლებსაც სურვილი ჰქონდათ სესხი აეღოთ უცხოურ ვალუტაში, ეს შესაძლებლობა შეეზღუდებათ“. „ან იმდენად მცირე თანხას მიიღებენ, რომ შეიძლება საინტერესოც აღარ იყოს“, დასძენს ის და აღნიშნავს, რომ ეს „ყველაზე მეტად შეეხება საშუალო შემოსავლის პირებს“.
საქართველოს რკინიგზის ცნობით, 30 აპრილიდან კოპიტნარში, ქუთაისის აეროპორტთან დამაკავშირებელი რკინიგზის განახლებული სადგური მგზავრებს მიიღებს.
როგორც აღნიშნულია, კოპიტნარის სადგურიდან ქუთაისის აეროპორტში მისასვლელად, მგზავრებს დაახლოებით 5 წუთი დასჭირდებათ.
საქართველოს აეროპორტების გაერთიანება უზრუნველყოფს მგზავრებისთვის უფასო ტრანსპორტირებას როგორც სადგურიდან აეროპორტის მიმართულებით, ისე აეროპორტიდან სადგურამდე, იუწყება საქართველოს რკინიგზა.
გარემოსდაცვითი შეფასების კოდექსში განხორციელებული ცვლილებით, წიაღისეულის მოპოვებისთვის დადგენილი ზღვრები მკაცრდება. შესაბამისი ცვლილებების პროექტი პარლამენტმა (78 ხმით 1-ის წინააღმდეგ) მესამე (საბოლოო) მოსმენით 26 აპრილს მიიღო.
კერძოდ, სავალდებულო წესით გარემოზე ზემოქმედების შეფასებას დაექვემდებარება წიაღისეულის ღია კარიერული წესით მოპოვება, როდესაც მოპოვების ადგილის ზედაპირი 10 ჰექტარზე მეტია, ნაცვლად მოქმედი 25 ჰექტრისა.
ხოლო სკრინინგის პროცედურას დაექვემდებარება მყარი სასარგებლო წიაღისეულის ღია კარიერული წესით მოპოვება, როდესაც მოპოვების ადგილის ზედაპირი 5 ჰექტარზე მეტია, ნაცვლად მოქმედი 10 ჰექტრისა.
წიაღისეულის მოპოვებასთან დაკავშირებული ცვლილება 2023 წლის 1 იანვრიდან ამოქმედდება.
კავკასიის უნივერსიტეტმა, ვილდაუს ტექნიკურ უნივერსიტეტთან (გერმანია) თანამშრომლობით, ციფრული ლოგისტიკის მიმართულებით ახალი სამაგისტრო პროგრამა შექმნა, იუწყება ჟურნალი.
უნივერსიტეტმა ასევე მიიღო დაფინანსება, რომლითაც მოეწყობა ლოგისტიკის ლაბორატორია.
როგორც სამაგისტრო პროგრამის ხელმძღვანელი გიორგი დობორჯგინიძე აღნიშნავს, ნებისმიერ უცხოურ კომპანიაში, რომელიც ბოლო წლებში ამ დარგში შემოვიდა, იტყვიან, რომ საქართველოში ნომერ პირველი გამოწვევა კვალიფიციური კადრების დეფიციტია. ჩვენი ახალი პროგრამა სწორედ ამ გამოწვევაზე ერთგვარი პასუხია, აცხადებს ის.
ამასთან, დობორჯგინიძის თქმით, გაფორმებულია მემორანდუმები 15-ზე მეტ კომპანიასთან, რომლებიც პროგრამის ფარგლებში კვლევით ნაწილში ჩაერთვებიან.
მეტი ინფორმაცია იხილეთ აქ.
გერმანიის ეკონომიკური გაერთიანება, ჯერ კიდევ 2022 წლის 11 მარტს გატყობინებდათ, რომ საქართველოს პარლამენტი მუშაობდა ,,მომხმარებლის უფლებების დაცვის შესახებ ‘’ კანონპროექტზე.
2022 წლის 29 მარტს საქართველოს პარლამენტმა მესამე მოსმენით მიიღო ,,მომხმარებლის უფლებების დაცვის შესახებ ‘’ კანონი.
კანონის მიღება გამოწვეული იყო იმ ფაქტით, რომ საქართველოში არ არსებობდა ერთიანი საკანონმდებლო რეგულაციები, რომლებიც მომხმარებლის უფლებების დაცვას და აღსრულების მექანიზმის ფუნქციონირების წესს დაარეგულირებდა. მომხმარებლის უფლებებისა და მოვაჭრის ვალდებულებების შესახებ ნორმები მიმოფანტული იყო სხვადასხვა საკანონმდებლო აქტებში. ახალი კანონი კი ქმნის ერთიან საკანონმდებლო ჩარჩოს და აწესებს ზოგად პრინციპებს მომხმარებლის უფლებების დაცვის სფეროში. კანონის მიღება ასევე საქართველოსა და ევროკავშირს შორის გაფორმებული ასოცირების შეთანხმების ვალდებულების ნაწილია.
კანონის მიღების მიზანია მომხმარებლისთვის საფუძვლის შექმნა, რომ მას პროდუქტის თაობაზე მაქსიმალურად ინფორმირებული გადაწყვეტილების მიღების შესაძლებლობა ჰქონდეს. ასევე კანონის მიზანია უფლებების დარღვევის პრევენცია და დარღვეული უფლებების აღდგენის სამართლებრივი მექანიზმის შექმნა. კანონი არეგულირებს/განსაზღვრავს:
კანონი განსაზღვრავს მომხმარებლის უფლებებსა და ვალდებულებებს, კონკრეტულად, ინფორმირებასთან, საქონლის მიწოდებასთან, შემთხვევით დაღუპვას, გაფუჭებასა და დამატებით ხარჯებთან დაკავშირებულ უფლებებსა და მოვალეობებს. კერძოდ, კანონის მიხედვით განსაკუთრებული ყურადღება ეთმობა მომხმარებლისთვის პროდუქტის შესახებ ინფორმაციის მიწოდებასთან დაკავშირებულ ვალდებულებებს. კანონის მიხედვით მომხმარებელს უფლება აქვს მიიღოს, ხოლო მოვაჭრე ვალდებულია გასცეს ინფორმაცია პროდუქტის დასახელების, მოვაჭრის ვინაობის, პრეტენზიის განხილვის პირობების, პროდუქტის დამზადების თარიღის, ვარგისიანობის, პროდუქტის სრული ფასის, გადახდის, მიწოდებისა და საგარანტიო პირობების, პროდუქტის გამოყენების წესების, ხელშეკრულების ვადის. ხოლო ინფორმაციის გაცემის მთავარი პრინციპია, რომ იგი იყოს მკაფიო და გასაგები.
მომხმარებელს უფლება აქვს, კანონის დარღვევის შესახებ მიმართოს საჯარო სამართლის იურიდიულ პირს − საქართველოს კონკურენციის ეროვნულ სააგენტოს (შემდგომ − სააგენტო). სააგენტო მოახდენს მომხმარებლის უფლებების დაცვაზე ზედამხედველობასა და რეაგირებას დარღვეული უფლებების აღსადგენად. სააგენტო საჩივრის მიღებიდან 10 დღის ვადაში განსაზღვრავს მის დასაშვებადობას, 1 თვის ვადაში განიხილავს საჩივარს და დარღვევის აღმოჩენის შემთხვევაში მოვაჭრეს გააფრთხილებს, მისცემს ვადას მისი აღმოფხვრისთვის, ხოლო მითითებების შეუსრულებლობის შემთხვევაში დაეკისრება სანქცია – წინა წლის ბრუნვის 2%–მდე ოდენობით.
კანონი ძალაში 2022 წლის 1 ივნისიდან შევა, ხოლო მომხარებელთა საჩივრების განხილვა სააგენტოში 1 ნოემბრიდან დაიწყება.
საქართველოს ეროვნულმა ბანკმა ფინანსური ორგანიზაციების მიერ კრედიტის ამოღებასთან დაკავშირებული ეთიკის კოდექსი და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესის ცვლილებები დაამტკიცა.
კოდექსით მოწესრიგდა სესხის ამოღების პროცესში ფინანსური ორგანიზაციის მიერ მომხმარებლის მიმართ შესასრულებელი ვალდებულებები, რაც შემდეგ მნიშვნელოვან საკითხებს მოიცავს:
განისაზღვრა მომხმარებლისთვის სწორი ინფორმაციის მიწოდების, ეთიკური და ზნეობრივი ნორმების დაცვის, საქმიანი და ზრდილობიანი ფორმით კომუნიკაციის ვალდებულება. კერძოდ, მომხმარებელთან და საკონტაქტო პირებთან ურთიერთობისას ფინანსურმა ორგანიზაციამ აღნიშნულ პირს არ უნდა მიაწოდოს შეცდომაში შემყვანი ან/და არასწორი ინფორმაცია. მიწოდებული, მიუწოდებელი ან/და არასრულად მიწოდებული ინფორმაცია აღნიშნულ პირს არ უნდა უბიძგებდეს ისეთი გადაწყვეტილების მიღებისაკენ, რომელსაც იგი არ მიიღებდა უტყუარი, სწორი და სრული ინფორაციის ფლობის პირობებში;
დადგინდა მომხმარებლებთან და საკონტაქტო პირებთან დაკავშირების წესი, რაც, მათ შორის, მოიცავს კომუნიკაციის ფორმას, დროსა და მისაწოდებელი ან/და მოსაძიებელი ინფორმაციის ჩამონათვალს. კერძოდ, საკონტაქტო პირთან დაკავშირება შესაძლებელი იქნება მხოლოდ მოქმედი/აქტიური ხელშეკრულებით გათვალისწინებულ შემთხვევებში, ხოლო დაკავშირებულ მესამე პირებთან დაკავშირება შესაძლებელი იქნება მხოლოდ მსესხებლის ადგილმდებარეობის დადგენის მიზნით. შესაბამისად, მომხმარებლის ვალდებულების შესახებ ინფორმაციის მესამე პირისთვის მიწოდება დაუშვებელია. ამასთან, ხსენებულ პირებთან კომუნიკაცია შესაძლებელი იქნება მხოლოდ დღის 09:00 საათიდან საღამოს 20:00 საათამდე პერიოდში; ამავე დროს, საკონტაქტო პირი უფლებამოსილია ფინანსურ ორგანიზაციას მასთან კომუნიკაციის შეწყვეტა მოსთხოვოს;
განისაზღვრა ფინანსური ორგანიზაციის მიერ მომხმარებლებთან და საკონტაქტო პირებთან კომუნიკაციის ამსახველი ჩანაწერების წარმოებისა და ორი თვის ვადით შენახვის ვალდებულება;
საკრედიტო პორტფელის გასხვისება, გარკვეული გამონაკლისების გარდა, დასაშვები იქნება მხოლოდ საქართველოს ეროვნული ბანკის ზედამხედველობას დაქვემდებარებულ სუბიექტებზე. ამასთან, თუ საკრედიტო პორტფელს მართავს სხვა პირი, კოდექსის შესრულებაზე პასუხისმგებლობა დაეკისრება საქართველოს ეროვნული ბანკის ზედამხედველობას დაქვემდებარებულ სუბიექტს; და ა.შ.
ამასთან, ცვლილებები შევიდა ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესში, რაც შესაბამისი ევროდირექტივების მოთხოვნებიდან და ბაზარზე არსებული გამოწვევებიდან გამომდინარეობს. ცვლილებები მოიცავს ისეთ მნიშვნელოვან საკითხებს, როგორებიცაა:
დამატებითი მოთხოვნები დაწესდა მოძრავი ქონებით უზრუნველყოფილი სესხებისთვის ეფექტური საპროცენტო განაკვეთის დაანგარიშებისას, რაც ხელს შეუწყობს საპროცენტო განაკვეთებთან მიმართებით საქართველოს სამოქალაქო კოდექსით განსაზღვრული მოთხოვნების უკეთ დაცვას;
გამჭვირვალობის უზრუნველყოფის მიზნით, მომხმარებლებს ბანკომატზე საკუთარი სახსრებისა და ოვერდრაფტის ოდენობის შესახებ ინფორმაციის გამიჯნულად მიღების შესაძლებლობა ექნებათ, ეს კი მათ საშუალებას მისცემს, უფრო ნათლად დაინახონ, თუ მათთვის ხელმისაწვდომი თანხის რა ნაწილია ოვერდრაფტის ლიმიტი და, შესაბამისად, ამ ლიმიტის ათვისების შესახებ ინფორმირებული გადაწყვეტილების მიღებაში დაეხმარებათ. გარდა ამისა, ოვერდრაფტის ლიმიტის ათვისებისას, ფინანსური ორგანიზაცია ვალდებული იქნება აღნიშნულის შესახებ მომხმარებელს მოკლეტექსტური შეტყობინებით აცნობოს, რაც მათ ინფორმირებულობას გაზრდის.
ფინანსური ორგანიზაციების ვებგვერდებზე განთავსდება საკრედიტო და სადეპოზიტო ხელშეკრულებების ნიმუშებისა და მნიშვნელოვანი პირობების შესახებ ინფორმაცია. გარდა ამისა, ფინანსურ ორგანიზაციასთან გაფორმებული საკრედიტო და სადეპოზიტო ხელშეკრულებები და ხელშეკრულების მნიშვნელოვანი პირობები, მათ შორის ინფორმაცია ეფექტური საპროცენტო განაკვეთის შესახებ, ხელმისაწვდომი იქნება ინტერნეტ ბანკში; და ა.შ.
ეთიკის კოდექსისა და ფინანსური ორგანიზაციების მიერ მომსახურების გაწევისას მომხმარებელთა უფლებების დაცვის წესის ცვლილებების ძირითადი მოთხოვნები 2022 წლის 1 მარტიდან, ხოლო მომხმარებელთან და საკონტაქტო პირებთან კომუნიკაციის ამსახველი ჩანაწერების წარმოების ვალდებულება არაუგვიანეს 1 ივნისიდან ამოქმედდება. ამასთან, ფინანსურ ორგანიზაციებთან უკვე გაფორმებული საკრედიტო და სადეპოზიტო ხელშეკრულებები ინტერნეტ ბანკში 2022 წლის 1 აპრილიდან იქნება ხელმისაწვდომი.
დამატებითი ინფორმაცია შეგიძლიათ იხილოთ შემდეგ ბმულზე.
იწყება აპლიკაციების მიღება მენეჯერთა გადამზადების პროგრამაში მონაწილეობის მისაღებად. მონაწილეობის სურვილის შემთხვევაში, გთხოვთ, შევსებული სააპლიკაციო დოკუმენტები, არაუგვიანეს 2022 წლის 25 თებერვლისა, გააგზავნოთ ქვემოთ მითითებულ ელ. ფოსტის მისამართზე.
გთხოვთ, გაუზიაროთ ეს ინფორმაცია დაინტერესებულ პირებს თქვენი კომპანიის ფარგლებში და მის გარეთ.
პროგრამის შესახებ:
სააგენტო “აწარმოე საქართველოში”, გერმანიის ეკონომიკისა და ენერგეტიკის სამინისტროსთან თანამშრომლობით და GIZ-ის მხარდაჭერით გეგმავს მენეჯერთა გადამზადების პროგრამას, რომლის მიზანია საერთაშორისო ვაჭრობის შესაძლებლობების განვითარება მცირე და საშუალო ბიზნესისთვის, რაც განსაკუთრებულ მნიშვნელობას იძენს საქართველო ევროკავშირის ასოცირების შესახებ შეთანხმების კონტექსტში, რომელიც თავის მხრივ, მოიცავს შეთანხმებას ღრმა და ყოვლისმომცველი თავისუფალი სავაჭრო სივრცის შესახებ.
აღნიშნული უნიკალურ შანსს აძლევს ადგილობრივ მეწარმეებს წარმოებული პროდუქტი ყოველგვარი შეზღუდვების გარეშე გაიტანონ ევროკავშირის 500 მილიონიან ბაზარზე. მონაწილეებს საშუალება მიეცემათ დაამყარონ კონტაქტი გერმანულ კომპანიებთან და გამართონ შეხვედრები.
პროგრამის ძირითადი მიზნებია:
პროგრამა მოიცავს როგორც ტრეინინგებს, ასევე ვიზიტებს გერმანულ კომპანიებში და ინდივიდუალურ შეხვედრებს ადგილობრივი ბიზნესის წარმომადგენლებთან.
პროგრამაში მონაწილეობა (სამიზნე ჯგუფი):
პროგრამაში მონაწილეობა შეუძლიათ მიიღონ მცირე და საშუალო საწარმოების საშუალო ან მაღალი დონის მენეჯერებს, რომელთაც აქვთ მენეჯერულ პოზიციაზე მუშაობის მინიმუმ 2 წლიანი გამოცდილება, უმაღლესი განათლება ეკონომიკური, სავაჭრო, ტექნოლოგიური, მენეჯერული ან სხვა მსგავსი სპეციალობით და კარგად ფლობენ ინგლისურ ენას. ასევე კომპანია 2-3 წლის განმავლობაში წარმოდგენილი უნდა იყოს ადგილობრივ ან/და საერთაშორისო ბაზარზე, ქონდეს სურვილი ითანამშრომლოს გერმანულ კომპანიებთან კონკრეტული იდეებით.
გლობალური პანდემიის ვითარებიდან გამომდინარე პროგრამა ადაპტირდა ვირტუალური ფორმატზე და შედგება 3 ნაწილისგან:
ვირტუალური პროგრამის ფაზა, მონაწილეებს საშუალება ექნებათ 8 კვირის განმავლობაში ონლაინ დაესწრონ სასწავლო კურსებსა და სემნინარებს.
(Follow-up Phase) – ვირტუალური პროგრამის დასრულების შემდეგ მონაწილეებს საშუალება ექნებათ მიღებული ცოდნა და გამოცდილება გამოიყენონ თავიანთ საქმიანობაში. 6 თვიანი პერიოდის განმავლობაში კონტაქტი ექნებათ გერმანულ ტრენინგ ცენტრთან.
პროგრამის დასრულება გერმანიაში – ვირტუალური პროგრამის დასრულებიდან 6-12 თვის ვადაში მონაწილეებს მიიწვევენ 1 კვირით გერმანიაში, სადაც ჩაერთვებიან სემინარებში, შეხვდებიან გერმანელ მენეჯერებს და ბიზნეს ორგანიზაციების წარმომადგენლებს. ამასთანავე, საშუალება ექნებათ გამართონ ინდივიდუალური შეხვედრები და გააფორმონ ხელშეკრულებები გერმანელ ბიზნესპარტნიორებთან.
პროგრამაში მონაწილეობასთან დაკავშირებულ ხარჯს, გარდა ტრანსპორტირებისა (ფრენა და აეროპორტიდან გადაადგილება დანიშნულების ადგილზე) ფარავს გერმანული მხარე. პროგრამაში მონაწილეების რაოდენობა შეზღუდულია.
შერჩევის პროცესი:
პროგრამით დაინტერესებულმა პირებს, შეუძლიათ იხილონ პროგრამის საინფორმაციო ბროშურა და სააპლიკაციო დოკუმენტები ბმულზე: https://dwv.ge/01-data-protection-mp-bmwi_en_2022/
გთხოვთ, შევსებული სააპლიკაციო დოკუმენტები მოგვაწოდოთ, არაუგვიანეს 2022 წლის 25 თებერვლისა. შევსებული საპლიკაციო დოკუმენტები და პასპორტის ასლი გადმოაგზავენთ მეილზე: apply_mtp@enterprise.gov.ge (თემა: Fit for Partnership – სახელი და გვარი).
დამატებითი ინფორმაციისთვის შეგიძლიათ დაუკავშირდეთ სააგენტოს მომსახურების ცენტრს ნომერზე: 1525.
პროგრამის შესახებ დეტალური ინფორმაცია შეგიძლიათ იხილოთ ვებ-გვერდზე:
2022 წლის 1-ელი იანვრიდან ძალაში შევიდა ადგილობრივი მწარმოებლებისთვის GMP-სერტიფიკატზე გადასვლის აუცილებლობა. შესაბამისად იმის გამო, რომ თანაბარ პირობებში ყოფილიყვნენ ადგილობრივი კომპანიები და იმპორტიორები, მთავრობა აპირებს პარლამენტს მიმართოს დაჩქარებული წესით განიხილონ „წამლისა და ფარმაცევტული საქმიანობის შესახებ“ კანონის შესაბამისი ცვლილებები.
ასევე, GMP-ის სტანდარტის დოკუმენტის, სავალდებულო წესით წარდგენის ეტაპობრიობასა და პირობებს მთავრობა 2022 წლის მარტამდე განსაზღვრავს. ცვლილების მიზანია, უზრუნველყოფილი იყოს თანაბარი მიდგომები ფარმაცევტული პროდუქტის მწარმოებლებს, საბითუმო რეალიზატორებსა და იმპორტიორებს შორის.
DWV აკვირდება კანონპროექტის განხილვის მიმდინარეობას და მისი ამოქმედებისთანავე გაცნობებთ იურიდიული სიახლის სახით.
2022 წლის 1 იანვრიდან ცვლილება შევიდა საქართველოს კანონში ,,დეპოზიტების დაზღვევის სისტემის შესახებ’’, რომლის მიხედვითაც იურიდიული პირების საბანკო დეპოზიტები დეპოზიტების დაზღვევის სახელმწიფო სააგენტოს მიერ იქნება დაზღვეული. ცვლილების შედეგად, 15,000 ლარის მოცულობით იურიდიული პირების დეპოზიტები სახელმწიფო სააგენტოს მიერ იქნება გარანტირებული.
საქართველოში მოქმედი დეპოზიტების დაზღვევის სისტემით აქამდე დაზღვეული იყო მხოლოდ რეზიდენტი და არარეზიდენტი ფიზიკური პირების ყველა ტიპის დეპოზიტები. ვინაიდან საქართველოში მოქმედი ყველა კომერციული ბანკი დეპოზიტების დაზღვევის სისტემის წევრია, დაზღვევა ეხება საქართველოში მოქმედ ნებისმიერ ბანკში არსებულ დეპოზიტებს. დაზღვევის ლიმიტი ამ დროისთვის 15 000 ლარია ნებისმიერ ვალუტაში დაზღვეული დეპოზიტისთვის. დაზღვევას არ ექვემდებარება მხოლოდ ის დეპოზიტები, რომელზე წვდომის უფლებაც დეპოზიტორს შეზღუდული აქვს საქართველოს კანონმდებლობით დადგენილ შემთხვევებში (მათ შორის ყადაღა, სესხის უზრუნველყოფის საგარანტიო თანხები და სხვა).
დეპოზიტების დაზღვევის ყოველთვიურ საფასურს (პრემიას) კომერციული ბანკები დეპოზიტების დაზღვევის სახელმწიფო სააგენტოს უხდიან. ლარის ანგარიშისთვის ყოველთვიური პრემია დეპოზიტის – 0.067%, ხოლო უცხოური ვალუტის ანგარიშისთვის კი პრემია 0.1%-ის ტოლია.
იმ შემთხვევაში, თუკი დეპოზიტორს რამდენიმე ანგარიში აქვს (მათ შორის ეროვნულ და უცხოურ ვალუტაში), მისი ანგარიშები ჯამდება და ასანაზღაურებელი თანხის მაქსიმალური ოდენობა 15 000 ლარი იქნება.
შეგახსენებთ, რომ „კომერციული ბანკების საქმიანობის შესახებ“ საქართველოს კანონის შესაბამისად, ნებისმიერი კომერციული ბანკის მიმართ ლიკვიდაციის, გადახდისუუნარობის ან გაკოტრების პროცესის დაწყების შემთხვევაში, დეპოზიტების დაზღვევის სააგენტო 20 კალენდარული დღის ვადაში უზრუნველყოფს დეპოზიტორების კუთვნილი თანხების ანაზღაურებას დადგენილი ზღვრის ფარგლებში.
დამატებითი ინფორმაცია იხილეთ შემდეგ ბმულზე.
14 დეკემბერს „ექსპო ჯორჯიაში“ „ქართული სამშენებლო მასალები 2021″ B2B შეხვედრა: ,,ბიზნესკავშირების გამყარებისა და ეკონომიკური გაძლიერებისთვის“ გაიმართა, სადაც კომპანია „დიო“-მ მონაწილება მიიღო და სხვადასხვა კომპანიებთან სამომავლო თანამშრომლობის გაღრმავებასა და პარტნიორობას ხელი შეუწყო.
შეხვედრას HoReCa-ს (სასტუმრო, სარესტორნო და საკვები მიმართულების ბიზნესები), ინტერიერის დიზაინის, არქიტექტურის, სამშენებლო და საფინანსო მიმართულების 60-მდე წამყვანი კომპანია დაესწრო.
აღნიშნული ღონისძიება ორგანიზებული გახლდათ ევრკოვშირისა და გერმანიის მთავრობის მიერ დაფინანსებული პროექტის „კლასტერები განვითარებისათვის“ და USAID-ის ეკონომიკური უსაფრთხოების პროგრამის მიერ.
კომპანია „დიო“-ს თანადამფუძნებელი და მმართველი პარტნიორი – თამაზ დაუშვილი „კლასტერები განვითარებისათვის“ თავმდჯომარეა და მუმდივად გამოთქვამს მზადყოფნას მსგავსი შინაარსისა და პერსპექტივის მქონე შეხვედრებში ჩართულობასა და მონაწილეობის კუთხით.
,,ელემენტ კონსტრაქშენმა“ ,, ვაინ კახეთის“ ქარხნის მშენებლობა დაასრულა. კომპანიების წარმომადგენლებმა ,,ბიემჯის“ მაღალტექნოლოგიური საწარმო გააცნეს და სამომავლო თანამშრომლობაზეც ისაუბრეს.
,, ჩვენი მთავარი მოთხოვნა იყო მშენებლობის სისწრაფე და ხარისხი. ამ კომპანიის პროფესიონალებით დაკომპლექტებულმა გუნდმა დაწყებიდან, დაახლოებით, 4 თვეში ჩაგვაბარა ასეთი თანამედროვე და მაღალი წარმადობის ღვინის საწარმო. მომავალში ჩვენ გვაქვს დიდი გეგმები – ,,ელემენტ კონსტრაქშენის” დახმარებით, ამავე ტერიტორიაზე, ვაპირებთ სპირტის ქარხნის და სასტუმროს მშენებლობას“, – განაცხადა ,,ვაინ კახეთის“ დირექტორმა ლევან ზილფიმიანმა.
აღსანიშნავია, რომ სამშენებლო კომპანიას ეკუთვნის პროექტის კონსტრუქციული გადაწყვეტაც.
ელექტროენერგიის ბაზრის მოდელის კონცეფციის დამტკიცების შესახებ“, საქართველოს მთავრობის 2020 წლის 16 აპრილის №246 დადგენილების მიხედვით, კომპანიებს, რომლებიც მოიხმარენ 0,4 მლნ კილოვატზე მეტ ელექტროენერგიას, ელექტროენერგიის შეძენა დაევალათ
ენერგეტიკულ ბირჟაზე 2022 წლის 1 იანვრიდან.
თუმცა, საქართველოს მთავრობის გადაწყვეტილებით ენერგეტიკულ ბირჟაზე ვაჭრობა
2022 წლის 1 იანვრის ნაცვლად 2022 წლის 1 მარტს დაიწყება.
დამატებითი ინფორმაციისთვის გთხოვთ ეწვიოთ ბმულს.
CORPORATE RESPONSIBILITY AWARD 2021-ზე დამსწრე საზოგადოება ,,ელემენტ კონსტრაქშენის“ ხუთ პროექტს გაეცნო. განხორციელებული აქტივობებით, სამშენებლო კომპანია ხელს უწყობს გაეროს მდგრადი განვითარების მიზნების შესრულებას.
,,ელემენტ კონსტრაქშენის“ პროექტები მოიცავს ისეთ მნიშვნელოვან საკითხებს, როგორებიცაა: ახალგაზრდა მეწარმეთა მხარდაჭერა, ხარისხიანი განათლება და განათლების მიღების თანაბარი შესაძლებლობების შექმნა, სოციალური მეწარმეობის განვითარება, სამოქალაქო ინიციატივების წახალისება, ღირსეული და უსაფრთხო სამუშაო სტანდარტების დამკვიდრება.
,,პანდემიამ მნიშვნელოვნად შეცვალა მსოფლიო დღის წესრიგი და დაგვაყენა ახალი გამოწვევებისა და პრობლემების წინაშე. სწორად ამ დროს, განსაკუთრებით საჭიროა ბიზნესის აქტიური როლი, რათა არ შეფერხდეს 2030 წლისთვის გაწერილი მდგრადი განვითარების მიზნების შესრულება“, – აცხადებენ კომპანიაში.
,,კორპორაციული პასუხისმგებლობის ჯილდო 2021“-ის ცერემონია გლობალური შეთანხმების საქართველოს ქსელის ორგანიზებით გაიმართა.
აღსანიშნავია, რომ ,,ელემენტ კონსტრაქშენი“ მსოფლიოში კორპორაციული მდგრადობის ყველაზე დიდი ინიციატივის – UN Global Compact-ის წევრია. კომპანიის საქმიანობა მოიცავს ინდუსტრიულ, ჰიდროტექნიკურ და სამოქალაქო მშენებლობას. ,,ელემენტ კონსტრაქშენი“ ფლობს ხარისხის მართვის საერთაშორისო სტანდარტის ISO 9001:2015 სერტიფიკატს.
გერმანიის ეკონომიკური გაერთიანების იურიდიულმა მრჩეველმა, ზურაბ ახალაძემ მონაწილეობა მიიღო საქართველოს კონკურენციის ეროვნული სააგენტოს და პარლამენტის დარგობრივი ეკონომიკისა და ეკონომიკური პოლიტიკის კომიტეტის ინიცირებით გამართულ სამუშაო შეხვედრაში, თემაზე – ,,კონკურენციის კანონმდებლობაში განხორციელებული ცვლილებები, მიღებული შედეგები და გამოწვევები.’’
სემინარი 4 და 5 ნოემბერს, სასტუმრო „ამბასადორი კაჭრეთში“ დისკუსიის, კითხვა-პასუხის რეჟიმში გაიმართა, სადაც განიხილეს შემდეგი საკითხები: კონკურენციის ეროვნული სააგენტოს ახალი სტრუქტურული მოწყობა, განახლებული კანონმდებლობის ფარგლებში – უწყების უფლებამოსილებები და პროცედურული ნორმები, კონკურენციის კანონის აღსრულება ეკონომიკის რეგულირებად სექტორებში, სასამართლოს როლი კონკურენციის-სამართლებრივ წარმოებაში, კონკურენციის სააგენტოს მიერ ანტიდემპინგური კანონმდებლობის აღსრულება და ა.შ.
სემინარში მონაწილეობდენ საქართველოს პარლამენტის, ეკონომიკისა და მდგრადი განვითარების სამინისტროს, მარეგულირებელი ორგანოების, კონკურენციის ეროვნული სააგენტოს, იურიდიული, საკონსულტაციო და ბიზნეს სექტორის წარმომადგენლები.
2021 წლის 16 სექტემბერს, საქართველოს პარლამენტში ინიცირდა კანონპროექტი ,,დემატერიალიზებული ფასიანი ქაღალდების ფლობის შესახებ’’. მისი მიზანია,დემატერიალიზებული ფასიანი ქაღალდების ფლობისა და მიმოქცევასთან დაკავშირებულიურთიერთობების რეგულირება. კანონპროექტი ინფრასტრუქტურული და ფასიანიქაღალდების ბაზრის კანონმდებლობაში თანამედროვე სტანდარტების შემოღებას ემსახურება და იცავს ინვესტორებს. ამასთან, ფასიან ქაღალდებთან დაკავშირებული ვაჭრობა გახდება უფრო მოქნილი და შესაბამისად ლიკვიდური.
კანონპროექტი განსაზღვრავს დემატერიალიზებული ფასიანი ქაღალდების ცნებას დაამგვარად, ის ადგენს საქართველოში არსებულ ფასიანი ქაღალდების მესამე კატეგორიას. დემატერიალიზებული ფასიანი ქაღალდები არსებობს მხოლოდ ანგარიშზე ჩანაწერის სახით და მათზე საკუთრების უფლება დასტურდება სისტემის ამონაწერით. დემატერიალიზებული ფასიანი ქაღალდები თანამედროვე ტექნოლოგიების განვითარების შედეგად გაჩნდა, რომლის წყალობითაც აღარ არის საჭირო ფასიანი ქაღალდების მატერიალური ფორმით ფლობა ან მათი რეგისტრაცია.
კანონპროექტი ტოვებს ე.წ რეგისტირებული ფასიანი ქაღალდების რეჟიმს. ფასიანი ქაღალდი იქნება ისეთი ტიპის ქაღალდი, რომელიც შეიძლება იყოს კერძოდ გამოშვებული, ასევე შესაძლებელია მისი დემატერიალიზაციაც. რეგისტრირებული ფასიანი ქაღალდი, რეგისტრირებულია ფასიანი ქაღალდების რეესტრში და მასზე საკუთრების უფლებაც დასტურდება რეესტრში ჩანაწერით ან „სერთიფიკატით.ფასიანი ქაღალდების ბაზრის შესახებ საქართველოს კანონი ასევე არეგულირებს მატერიალური ფორმის ფასიან ქაღალდებს. მატერიალური ფორმით არსებობს საწარმდგენლო და საორდერო ფასიანი ქაღალდები. საწარმდგენლო ფასიან ქაღალდებზე საკუთრების უფლება
დასტურდება დოკუმენტის ფლობით, ხოლო საორდერო ფასიანი ქაღალდების შემთხვევაში მესაკუთრის ვინაობა დოკუმენტზეა მითითებული. მართალია, საქართველოს კანონი ფასიანი ქაღალდების ბაზრის შესახებ არეგულირებს არამატერიალურ ფასიან ქაღალდებს, თუმცა ის არ არეგულირებს დემატერიალიზებულ ფასიან ქაღალდებს. არამატერიალიზებული ფასიანი ქაღალდი განიმარტება, როგორც ფასიანი ქაღალდი, რომელიც არ არსებობს ქაღალდის ფორმით, მაგრამ არსებობს ჩანაწერის სახით ფასიანი ქაღალდების რეესტრში ან ნომინალური მფლობელების ჩანაწერებში რეგისტრირებული მესაკუთრის ან ნომინალური მფლობელის სახელზე, მაგალითად, არამატერიალიზებული ფასიანი ქაღალდი არის რეგისტრირებული ფასიანი ქაღალდი.
DWV აკვირდება კანონპროექტის განხილვის მიმდინარეობას და მისი ამოქმედებისთანავე გაცნობებთ იურიდიული სიახლის სახით.
სიხარულით გვსურს გამცნოთ, რომ ჰილტონ ბათუმმა მოიპოვა საქართველოს წამყვანი სასტუმროს წოდება სტუმართმოყვარეობის ოსკარად წოდებულ 𝐖𝐨𝐫𝐥𝐝 𝐓𝐫𝐚𝐯𝐞𝐥 𝐀𝐰𝐚𝐫𝐝 𝟐𝟎𝟐𝟏 დაჯილდოებაზე! ხაზგასასმელია ის, რომ ხმის მიცემა შეეძლოთ არამხოლოდ ტურიზმის სფეროს წარმომადგენლებს, არამედ სხვა სფეროში დასაქმებულ ადამიანებსა და ტურისტებს.
,,ჩვენ გვიხარია ასეთი შეფასება და მადლობას ვუხდით ყველა ხმის მიცემაში მონაწილე ადამიანს. ჩვენ ვიაზრებთ, თუ რას ნიშნავს იყო საქართველოს წამყვანი სასტუმრო და მომავალში გულითადად შევეცდებით ჩვენი სტუმართმოყვარეობით კვლავ ვუმასპინძლოთ ჩვენს სტუმრებს” – განაცხადა ტორსტენ ველერმა, ჰილტონ ბათუმის გენერალურმა მენეჯერმა.
𝐖𝐨𝐫𝐥𝐝 𝐓𝐫𝐚𝐯𝐞𝐥 𝐀𝐰𝐚𝐫𝐝 1993 -ი წლიდან არსებობს. მისი მთავარი ამოცანაა, ტურიზმის ყველა მიმართულებით სხვადასხვა წარმატების აღნიშვნა და დაჯილდოება. დღესდღეობით, WTA მსოფლიოში მიიჩნევა, როგორც უალტერნატივო ხარისხის ნიშანი.
N1 ინდუსტრიული სამშენებლო კომპანია ,, ელემენტ კონსტრაქშენი“ აქტიურ რეჟიმში განაგრძობს თელავში ღვინის ქარხნის მშენებლობას. პროექტი ,,ვაინ კახეთის“ დაკვეთით, 6 000 კვ.მ. ტერიტორიაზე ხორციელდება. აღსანიშნავია, რომ ,,ელემენტ კონსტრაქშენს“ ეკუთვნის პროექტის კონსტრუქციული გადაწყვეტაც.
,,ვაინ კახეთის“ საკუთრებაშია 150 ჰექტარი ვენახი, თუმცა კომპანია ყურძენს ადგილობრივი მოსახლეობისგანაც ჩაიბარებს. ,,ელემენტ კონსტრაქშენის“ აშენებულ ქარხანაში 10 დასახელების ღვინის წარმოება იგეგმება. პროდუქციის ექსპორტისთვის კი ევროკავშირის ქვეყნებიც მოიაზრება.
პროკრედიტ ბანკი, რომელიც პროკრედიტ ჯგუფის წევრია, აქტიურად უწყობს ხელს, აგროსფეროში სხვადასხვა პროექტების დაფინანსებას. ამას მიეკუთვნება, ორგანული ნივთიერებების ქიმიური დანამატებისგან და პესტიციდებისგან გათავისუფლებაში ინვესტიციების ჩადება. ამასთანავე, პროკრედიტ ბანკი აქტიურად უწყობს ხელს გარემოსა და ცხოველთა უფლებების დაცვას, რაც გულისხმობს სხვადასხვა ბიზნეს აქტივობების დაფინანსების დროს, ამ კონკრეტული კომპონენტების გათვალისწინებას.
პროკრედიტ ბანკის კრედიტების გაცემის სისტემა, მორგებულია გარემოს დაცვითი საქმიანობების მოდელების განვითარებაზე. ეს გულისხმობს ისეთი პროექტების დაფინანსებას, სადაც გარემოს დაცვა იქნება პრიორიტეტული და შესაბამისად ის რისკები, რაც შეიძლება კონკრეტულმა ბიზნეს საქმიანობამ გარემოს მიაყენოს, იქნება ნოლზე დაყვანილი. შესაბამისად, პროკრედიტ ბანკი უარს აცხადებს ისეთი აგრარული პროექტების დაფინანსებაზე, რომელიც გარემოს, რომელშიც ვცხოვრობთ ზიანს მოუტანს. ამასთანავე, პროექტები, რომლებიც არ მოდიან პროკრედიტ ბანკის გარემოსდაცვით პოლიტიკასთან თანხვედრაში, ვერ ღებულობენ ზემოაღნიშნული ბანკისგან მხარდაჭერას.
თუ გსურთ მეტი გაიგოთ, პროკრედიტ ბანკის ეკო მეგობრული პოლიტიკის შესახებ, გადადით ლინკზე.
2021 წლის 11 ივნისს, გერმანიის ფედერალურმა პარლამენტმა და გერმანიის ფედერალურმა საბჭომ (2021 წლის 25 ივნისს) მიიღეს აქტი,, მიწოდების ქსელის სათანადო მოვლის შესახებ (“კანონი”). ახალი კანონი ვრცელდება იმ კომპანიებზე, რომლებსაც აქვთ სათაო ოფისი, ბიზნესის ძირითადი ადგილი, ადმინისტრაციული შტაბი ან რეგისტრირებული ოფისი გერმანიაში და დასაქმებული ყავთ 3000 -ზე მეტი თანამშრომელი. კანონი ასევე მოიცავს საზღვარგარეთ გერმანული კომპანიების აფილირებულ საწარმოებს. გარდა ამისა, ახალ კანონს ექვემდებარებიან ის უცხოური კომპანიებიც, რომლებსაც აქვთ ფილიალი გერმანიაში და დასაქმებულთა კანონით განსაზღვრული ზემოაღნიშნული რაოდენობა. 2024 წლიდან ეს ბარიერი 1000 თანამშრომელამდე შემცირდება.
კანონი ეხმიანება გაეროს ბიზნესისა და ადამიანის უფლებების სახელმძღვანელო პრინციპებს, რომლებიც ადამიანის უფლებების კორპორაციული პასუხისმგებლობის ყველაზე მნიშვნელოვან საერთაშორისოდ აღიარებულ სტანდარტებს შორისაა და კომპანიებს ავალდებულებს შეასრულონ, მიწოდების ქსელში საერთაშორისო დონეზე აღიარებული ადამიანის უფლებებისა და გარკვეული გარემოსდაცვითი სტანდარტების სათანადო დაცვის ვალდებულებები.
კანონის მიზანია გააუმჯობესოს ადამიანის უფლებრივი მდგომარეობა გლობალური მიწოდების ქსელთან ერთად, თავიდან აიცილოს, მაგალითად, ბავშვთა და იძულებითი შრომა და აიკრძალოს ნივთიერებები, რომლებიც საზიანოა ადამიანების და გარემოსთვის.
ახალი კანონით, კომპანიებმა უნდა უზრუნველყონ, რომ არ მოხდეს ადამიანის უფლებების დარღვევა საკუთარ და მიწოდების ქსელის საქმიანობაში, ასევე კომპანიებმა უნდა დანერგონ შესაბამისი პოლიტიკა ან მოარგონ უკვე არსებული რისკების მენეჯმენტი აღნიშნულ კანონს. კომპანიებმა ვალდებულნი არიან დაადგინონ არსებობს თუ არა რისკი იმისა, რომ საკუთარ ბიზნეს საქმიანობაში ან მიწოდების ქსელში შესაძლოა დაირღვეს ადამიანის უფლებები.
თუ კომპანიები არღვევენ ამ კანონიდან გამომდინარე თავიანთ სათანადო მოვლის ვალდებულებას, ისინი შესაძლოა დაჯარიმდნენ შესაბამისი ორგანოს – გერმანიის ეკონომიკურ საქმეთა და ექსპორტის კონტროლის ფედერალური ოფისის (BAFA) – მიერ, ჯარიმა დგინდება დარღვევის სიმძიმისა და კომპანიის მთლიანი ბრუნვის მიხედვით.
ახალი კანონი ამოქმედდება 2023 წლის 1 იანვრიდან.
დამატებითი ინფორმაცია იხილეთ შემდეგ ბმულზე.
3 ოქტომბერს ვზეიმობთ გერმანიის ფედერაციული რესპუბლიკის გაერთიანების დღეს, რომელმაც გერმანიას თავისუფლება და დემოკრატია მოუტანა.
ამ დღესთან დაკავშირებით, გვაქვს პატივი, გაგიზიაროთ გერმანიის ფედერაციული რესპუბლიკის ელჩის, ბატონი ჰუბერთ ქნირშის ვიდეო მიმართვა, ქართულ – გერმანული საზოგადოებისადმი.
ვიდეო მიმართვის ლინკი, შეგიძლიათ იხილოთ აქ: https://www.youtube.com/watch?v=FlFLwKmDe_o
როგორ წარმოგიდგენიათ ოქტომბერი, ოქტომბრის დღესასწაულის გარეშე?
პირველი ოქტომბრიდან, ჩვენი წევრი კომპანია შერატონ გრანდ თბილისი მეტეხი პალასი გეპატიჟებათ ,,კრაფთ ჰაუს ბარში” ე.წ ,,ოქტობერფესტზე”.
ლუდთან, ბარბექიუსთან და კარგ მუსიკასთან ერთად, შეგიძლიათ მთელი ოქტომბრის მანძილზე, სასიამოვნოდ გაატაროთ, შემოდგომის თბილი საღამოები.
გაუმარჯოს ოქტომბრის კარგ ამინდებსა და ჩვენს სტუმრებს!
გიწვევთ გერმანიის რაინ-რურის რეგიონის სტარტაპ სცენის გასაცნობად
2021 წლის 14-დან 17 ნოემბრამდე, ახალგაზრდა მეწარმეებს მთელი მსოფლიოდან, შესაძლებლობა ეძლევათ, გაეცნონ გერმანიის, კერძოდ ნორდ-რაინ ვესტფალიის ოლქის, სტარტაპების მასშტაბურ ჰაბს.
პროექტის START. UP! GERMANY TOUR 2021 ფარგლებში, მონაწილეები გაიცნობენ დიდ კონცერნებს, საერთაშორისო კომპანიებს და გერმანული საშუალო ბიზნესის წარმომადგენლებს. გარდა ამისა, ისინი გაეცნობიან ნორდ-რაინ ვესტფალიის ოლქს და მთლიანად რაინ-რურის რეგიონს.
გერმანიის ეკონომიკური გაერთიანება ორგანიზებას უწევს საერთაშორისო საკონკურსო შერჩევას (ე. წ. Pitching და Reverse Pitches), ვირტუალურ ბიზნეს შეხვედრებს, ე. წ. ვირტუალურ ერთი ერთზე შეხვედრებს და მრავალ სხვა ღონისძიებას.
მონაწილე სტარტაპებს ელოდებათ ძალიან საინტერესო, ვებინარებით დატვირთული, წინარე პროგრამა და მთავარი ღონისძიება, რომლის ფარგლებშიც, ისინი უშუალო კონტაქტს დაამყარებენ მრავალ ცნობილ გერმანულ კომპანიასთან ნორდ-რაინ ვესტფალიის ოლქიდან.
იხილეთ წინარე პროგრამა, ვებინარებზე შესაბამისი სარეგისტრაციო ბმულებით: https://www.startupgermany.nrw/pre-program-2021/
ინფორმაცია მთავარი პროგრამის შესახებ იხილეთ აქ:
https://www.startupgermany.nrw/main-program-2021/
აღნიშნული პროექტი ინიცირებულია გერმანიის, რურის რეგიონის სავაჭრო პალატის (DIHK), კერძოდ, ქ. კიოლნისა და ქ. დიუსელდორფის სავაჭრო და სამრეწველო პალატების მიერ.
ღონისძიების პარტნიორები არიან NRW.Global Business, Germany Trade and Invest და ნორდ-რაინ ვესტფალიის ეკონომიკის, ინოვაციების, ციფრული ტექნოლოგიების და ენერგეტიკის სამინისტრო.
ბიზნეს კონკურსში მონაწილეობის მიღება
საქართველოდან ბიზნეს კონკურსზე გერმანიაში გაემგზავრება ის სტარტაპი, რომელიც შეირჩევა ჟიურის მიერ. ჟიურის წინაშე საკონკურსო შერჩევაში მონაწილეობას მიიღებს 10 ფინალისტი.
სტარტაპი უნდა წარმოადგენდეს, შემდეგი სფეროების ინოვაციურ ბიზნეს მოდელს:
– InsurTech (სადაზღვევო ტექნოლოგიები)
– Logistik & Mobilität (ლოგისტიკა და მობილობა)
– Smart City (ურბანული სმარტ ტექნოლოგიები)
2021 წლის 15 ივნისს ა(ა)იპ გერმანიის ეკონომიკური გაერთიანებამ (Deutsche Wirtschaftsvereinigung) საქართველოს პარლამენტის აგრარულ კომიტეტს წარუდგინა მის წევრებთან (აჭარა ჯგუფი და სხვა) ერთად მომზადებული მოსაზრება, საქართველოს პარლამენტის წევრების, ნინო წილოსანის, ალექსანდრე მოწერელიას, ხატია წილოსანის, ირაკლი (დაჩი) ბერაიას, შალვა კერესელიძის, ზაალ დუგლაძის, სამველ მანუკიანის, გოდერძი ჩანქსელიანიის მიერ ინიცირებულ ,,ქარსაფარი (მინდორდაცვითი) ზოლის შესახებ‘’ საქართველოს კანონის პროექტთან დაკავშირებით.
გერმანიის ეკონომიკური გაერთიანება მიესალმება და სრულად იზიარებს წარმოდგენილი საკანონმდებლო პაკეტის ძირითად არსს და მიზანს, რაც თავის მხრივ საფუძველს უყრის განისაზღვროს ქარსაფარ ზოლებთან დაკავშირებული სახელმწიფო პოლიტიკა და დადგინდეს ქარსაფარი ზოლების აღდგენასთან, გაშენებასთან, მოვლასთან და დაცვასთან დაკავშირებული სამართლებრივი ურთიერთობები. მიგვაჩნია, რომ აღდგენილი და სათანადო წესების დაცვით მოვლილი ქარსაფარი ზოლები მნიშვნელოვან კონტრიბუციას შეიტანს საქართველოს სასოფლო-სამეურნეო კულტურების გაზრდასა და განვითარებაში.
მნიშვნელოვანი სიახლეები, რომლებიც კანონპროექტით არის გათვალისწინებული:
ვადები:
კანონპროექტით განსაზღვრულია შემდეგი ვადები:
გერმანიის ეკონომიკური გაერთიანების მიერ პარლამენტისთვის წარდგენილი მოსაზრება (ქართულ ენაზე), შეგიძლიათ იხილოთ შემდეგ ბმულზე.
კანონპროექტი შეგიძლიათ იხილოთ შემდეგ ბმულზე.
,,შენობების ენერგოეფექტურობის შესახებ’’ საქართველოს კანონი, რომელიც პარლამენტმა მიიღო 2020 წლის 21 მაისს, ითვალისწინებს შენობების ენერგოეფექტურობის მინიმალური მოთხოვნების ამოქმედებას 2021 წლის 30 ივნისიდან. თუმცა, COVID-19 პანდემიით გამოწვეული სიტუაციის გამო ამ პერიოდში ვერ ესწრება მშენებლობის ნებართვის გამცემ ორგანოებში (მუნიციპალიტეტები და სსიპ „ტექნიკური და სამშენებლო ზედამხედველობის სააგენტო“) სათანადო კადრების მომზადება, რომლებმაც უნდა უზრუნველყონ ამ მოთხოვნების ადმინისტრირება მშენებლობის ნებართვის გაცემის პროცესში.
შესაბამისად, 2021 წლის 10 ივნისს საქართველოს პარლამენტმა მიიღო კანონი „შენობების ენერგოეფექტურობის შესახებ საქართველოს კანონში ცვლილების შეტანის თაობაზე“. აღნიშნული კანონის მიხედვით დადგინდა შენობების ენერგოეფექტურობის მინიმალური მოთხოვნების ამოქმედების ვადა 2022 წლის 30 ივნისიდან , ნაცვლად – 2021 წლის 30 ივნისისა.
აქვე შეგახსენებთ, რომ ,,შენობების ენერგოეფექტურობის შესახებ’’ კანონის მიღება განაპირობა ევროკავშირის ენერგეტიკული გაერთიანების დამფუძნებელ ხელშეკრულებასთან საქართველოს შეერთებამ, რომელის თანახმადაც საქართველომ უნდა განახორციელოს ევროპარლამენტისა და საბჭოს 2010 წლის19 მაისის დირექტივა 2010/31/EU შენობების ენერგოეფექტურობის შესახებ(EPBD) და ევროპარლამენტისა და საბჭოს 2012 წლის 25 ოქტომბრის დირექტივა 2012/27/EU ენერგოეფექტურობის შესახებ(EED).’’
დამატებითი ინფორმაცია იხილეთ ბმულზე.
საქართველოს მთავრობამ 2021 წლის 10 მაისს გამართულ სხდომაზე ახალი ტყითსარგებლობის წესი მიიღო. აღნიშნული კანონქვემდებარე აქტი სრულ შესაბამისობაშია 2020 წლის მაისში საქართველოს პარლამენტის მიერ დამტკიცებული ახალი „ტყის კოდექსით” დადგენილ ტყის მდგრადი მართვის პრინციპებთან.
ახალი „ტყითსარგებლობის წესი“ ადგენს ტყით მდგრადი მართვისა და სარგებლობის სამართლებრივ მექანიზმებს, რაც უზრუნველყოფს ტყეების რესურსებით მდგრად სარგებლობას ტყის ეკოლოგიური ღირებულებებისა და მახასიათებლების გაუმჯობესების, დაცვისა და შენარჩუნების პირობებში.
მნიშვნელოვანი სიახლეები, რომლებიც დადგენილებაშია გათვალისწინებული:
– ახალი წესის თანახმად, საშეშე და სამასალე მერქანის დამზადებას მხოლოდ ტყის მართვის ორგანოები უზრუნველყოფენ, შესაბამისი წესით დაახარისხებენ და განათავსებენ დასაწყობების ადგილებზე (ე.წ. საქმიან ეზოებში), რომლებიც საქართველოს ყველა მუნიციპალიტეტში იფუნქციონირებს.
– რესურსის მოპოვების უფლების მქონე პირი ვალდებულია წლის ბოლოს წარადგინოს ანგარიში მოპოვებული რესურსის შესახებ და გადაიხადოს ბუნებრივი რესურსით სარგებლობის მოსაკრებლების შესახებ კანონით განსაზღვრული მოსაკრებელი.
– ტყის რესურსების რეალიზაცია მოხდება როგორც აუქციონის წესით (ძირითადად, მაღალი ხარისხის სამასალე მერქანი), ისე პირდაპირი მიყიდვის გზით (შეშა და ხე-ტყის ნარჩენი).
– განსაკუთრებით აღსანიშნავია, რომ წესით ასევე დადგინდა ახალი სპეციალური ტყითსარგებლობის სახეები – ტყის არამერქნული რესურსების, მერქნიანი მცენარეების პროდუქტებისა და ხის მეორეხარისხოვანი მასალების დამზადება, ეს უკანასკნელი აქტიურად გამოიყენება ალტერნატიული და ეკოლოგიური ენერგიის წყაროების საწარმოებლად (ბრიკეტები, პელეტები) და მნიშვნელოვანი რგოლია ტყეზე ზეწოლის შემცირებისთვის. კომერციული მიზნით ტყის არამერქნული რესურსებით სარგებლობის უფლება გაიცემა იურიდიულ პირებზე, რომლებიც წარადგენენ განცხადებას და სათანადო დოკუმენტაციას ტყის მართვის ორგანოში. ასეთი რესურსებით კომერციული მიზნებისთვის სარგებლობა ახალი წესის მიღებამდე აკრძალული იყო.
– მოსახლეობისთვის არამერქნული ტყის პროდუქტებით, როგორიცაა, ასკილი, მაყვალი, ჟოლო და სხვა, სარგებლობა არ იკრძალება.
– ახალმა კანონმა და ერთობლივად ბაზარზე არსებული მოთხოვნის გათვალისწინებით, შესაძლებელი გახადა საკურორტო, რეკრეაციული, სპორტული და სხვა კულტურულ-გამაჯანსაღებელი მიზნებით ტყითსარგებლობა.
ცვლილებები ძალაში შედის 2021 წლის 18 მაისიდან.
დამატებითი ინფორმაცია იხილეთ ბმულზე
საქართველოში შემოსვლის გამარტივებულ რეგულაციებს 18.05.2021-ის მდომარეობით ექვემდებარებიან საქართველოს მოქალაქეები და ევროკავშირის ქვეყნების, თურქეთის, შვეიცარიის, დიდი ბრიტანეთის და ჩრდილოეთ ირლანდიის გაერთიანებული სამეფოს, ნორვეგიის, ამერიკის შეერთებული შტატების, არაბთა გაერთიანებული საემიროების, საუდის არაბეთის, ყატარის, ბაჰრეინის, ისრაელის, უკრაინის, აზერბაიჯანის, სომხეთის, რუსეთის ფედერაციის, ყაზახეთის, უზბეკეთის, ტაჯიკეთის, თურქმენეთის, ყირგიზეთის, ბელარუსის მოქალაქეები, რომლებიც საქართველოში საჰაერო გზით შემოდიან.
საქართველოში შემოსვლა უნდა განხორციელდეს პირდაპირი ფრენის ან ტრანზიტული ფრენის გზით, იმგვარად, რომ მგზავრმა არ დატოვოს სატრანზიტო აეროპორტის ტერიტორია. მგზავრმა უნდა წარმოადგინოს უკანასკნელ 72 საათში გაკეთებული PCR ტესტის უარყოფითი პასუხი და საქართველოში შემოსვლიდან მე–3 დღეს საკუთარი ხარჯებით უნდა გაიკეთოს მეორე PCR ტესტი.
იმ პირებისთვის, რომლებიც საქართველოში შემოსვლამდე (თუნდაც ზემოჩამოთვლილი ქვეყნებიდან) უკანასკნელი 14 დღის განმავლობაში იმყოფებოდნენ ინდოეთის რესპუბლიკაში, დაწესებულია სავალდებულო 14–დღიანი კარანტინი.
ინფორმაცია საქართველოში შემოსვლამდე 14 დღის განმავლობაში სხვა ქვეყნის ტერიტორიაზე ყოფნის შესახებ, ასევე პირის საკონტაქტო ინფორმაცია (საქართველოს ტერიტორიაზე) მიწოდებულ უნდა იქნეს ქართული მხარისთვის შევსებული ფორმულარის სახით.
გამონაკლისები მოქმედებს იმ მგზავრებისთვის, რომლებიც სამუშაო მიზნებით საქართველოში მოკლევადიანი ვიზიტით მოემგზავრებიან. მათ შეუძლიათ ნებისმიერი სახელმწიფოდან საქართველოს ტერიტორიაზე შემოსვლა, მაგრამ ვალდებულნი არიან ყოველ 72 საათში საკუთარი ხარჯებით PCR ტესტი გაიკეთონ. სამუშაო მიზნებით მოგზაურებმა უნდა შეავსონ სპეციალური ფორმულარი, რომლის შევსებიდან 10 დღის განმავლობაშიც ისინი მიიღებენ ქართული მხარისაგან ქვეყანაში შემოსვლის ნებართვას. ამ ნებართვის გარეშე, ისინი ვერ ისარგებლებენ ზემოჩამოთვლილი გამონაკლისებით.
იმ პირებისთვის, რომლებმაც გაიკეთეს Covid19-ის საწინააღმდეგო აცრის ორივე დოზა, და ამის დამადასტურებელი დოკუმენტის წარდგენა შეუძლიათ, არ მოქმედებს არც ერთი შეზღუდვა. თუ ეს დოკუმენტი უცხო ენაზეა, ის უნდა ითარგმნოს ქართულ ან ინგლისურ ენაზე. ვალიდურ დოკუმენტად ჩაითვლება გერმანიის ყვითელი აცრის პასპორტიც.
წყარო: საქართველოს საგარეო საქმეთა სამინისტრო
Update: საქართველო სახმელეთო საზღვრებს 1-ელი ივნისიდან გახსნის
„სახმელეთო საზღვრები გაიხსნება და საზღვრის კვეთა შესაძლებელი იქნება სრული ვაქცინაციის დამადასტურებელი დოკუმენტით და PCR უარყოფითი ტესტის პასუხით, ან მხოლოდ ბოლო 72 საათში ჩატარებული PCR ტესტის უარყოფითი პასუხით და ამ შემთხვევაში, პირები, რომლებიც საქართველოში შემოვლენ, ვალდებული იქნებიან, მომდევნო 72 საათის განმავლობაში განმეორებით ჩაიტარონ PCR ტესტი. აქვე გაცემულია რეკომენდაცია, რომ ყველა ვიზიტორს თან ჰქონდეს ჯანმრთელობის დაზღვევა, რომელიც ასევე ფარავს კოვიდთან დაკავშირებულ შემთხვევებსაც. გარდა ამისა, იმ ქვეყნების ჩამონათვალს, რომელთა მოქალაქეებსა და რეზიდენტებს საქართველოს საზღვრის კვეთა ბოლო 72 საათში ჩატარებული PCR ტესტის უარყოფითი პასუხით შეეძლებათ, ემატება კანადა, იაპონია, ქუვეითი, ჩინეთი, სამხრეთ კორეა, მოლდოვა და ომანი” – განაცხადეს უწყებათაშორის საკოორდინაციო საბჭოზე.
გერმანიაში შესვლის ახალი რეგულაცია 2021 წლის 12 მაისს დამტკიცდა და ამ რეგულაციით გამარტივდა გერმანიის საზღვრის კვეთა:
– ის პირები, რომელთაც უკვე გაიკეთეს Covid19-ის საწინააღმდეგო აცრის ორივე დოზა და ასევე ის პირები, რომელთაც გადაიტანეს Covid19-ის დაავადება, გერმანიაში შესვლას შეძლებენ PCR ტესტის წარდგენის გარეშე და არ მოუწევთ ქვეყანაში შესვლის შემდეგ კარანტინის გავლა;
– იმ რისკ–ზონის ქვეყნებიდან გერმანიაში დაბრუნებისას, რომლებშიც Covid19-ის შემთხვევათა რიცხვი 100.000 მოსახლეზე 50–ს აჭარბებს (ე.წ. „უბრალო რისკის–ზონის ქვეყნები“), პირი კარანტინისგან თავს გაითავისუფლებს ნეგატიური Covid19–ის ტესტის წარდგენის გზით;
– იმ რისკ–ზონის ქვეყნებიდან გერმანიაში დაბრუნებისას, რომლებშიც Covid19-ის შემთხვევათა რიცხვი 100.000 მოსახლეზე 200–ს აჭარბებს (ე.წ. „მაღალი რისკის–ზონის ქვეყნები“), პირი კარანტინისგან თავს გაითავისუფლებს გერმანიაში შესვლიდან 5 დღის შემდეგ უარყოფითი Covid19-ის ტესტის პასუხის მიღების შემთხვევაში, იმ პირობით, რომ იგი ბოლო 10 დღის განმავლობაში არ იმყოფებოდა ამ მაღალი რისკის ქვეყანაში;
–თუ ხართ აცრილი, ან გამოჯანმრთელდით Covid19-ისგან და გაქვთ უარყოფითი PCR ტესტი, გერმანიაში შემოსვლამდე უნდა დარეგისტრირდეთ სპეციალურ ელექტრონულ სისტემაში (Digitale Einreiseanmeldung (DEA)) ან/და გაუგზავნოთ ზემოჩამოთვლილის დამადასტურებელი დოკუმენტაცია შესაბამის ჯანდაცვის დეპარტამენტს;
–ტესტი უნდა იყოს გერმანიაში შესვლამდე მაქსიმუმ 48 (ანტიგენების ტესტის, RT-LAMP ან TMA-ტესტის შემთხვევაში) ან 72 საათით (PCR ტესტის შემთხვევაში) ადრე გაკეთებული;
– იმ შემთხვევაში, თუ გერმანიის კონკრეტული ფედერალური მიწისთვის განსაზღვრულია ამ წესისგან განსხვავებული შეზღუდვები, ეს შეზღუდვები დაუყონებლივ შეიცვლება მოცემული რეგულაციით;
– სამუშაო მიზნებისთვის მოგზაურებისა და სატრანზიტო (იმ მგზავრებისთვის, ვინც გერმანიას იყენებს სატრანზიტო ქვეყნად) მგზავრებისათვის დაწესებული გამონაკლისები კვლავ ძალაში რჩება.
დამატებითი ინფორმაციის სანახავად ეწვიეთ ბმულს.
ინფორმაცია ასევე იხილეთ საელჩოს ვებ-გვერდზე
DWV-ს ბიზნეს ბიულეტენი აჯამებს საქართველოს ეკონომიკის სიახლეებს გერმანულ, ქართულ და ინგლისურ ენებზე.
თვეში ერთხელ ჩვენ ვაქვეყნებთ შემდენი სახის ბიულეტენებს:
ბიზნეს ბიულეტენი – ინფორმაცია ქართულ ენაზე DWV-ს დაგეგმილ და ჩატარებულ ღონისძიებებთან დაკავშირებით, წევრების სიახლეები, მნიშვნელოვანი ინფორმაცია და სტატისტიკა ეკონომიკის სფეროდან, ექსკლუზიური შეთავაზებები წევრებისაგან ჩვენი მკითხველებისთვის. გამოიწერეთ ამ ბმულზე
ბიულეტენი სამშენებლო სიახლეებზე – სიახლეები საქართველოში მიმდინარე სამშენებლო პროექტებისა და ტენდერების შესახებ ინგლისურ ენაზე. გამოიწერეთ ამ ბმულზე
ბიულეტენი აგრარულ და სურსათის სიახლეებზე – სიახლეები საქართველოში აგრარულ-სასურსათო სექტორში არსებული სიახლეებისა და ტენდერების შესახებ ინგლისურ ენაზე. გამოიწერეთ ამ ბმულზე
რატომ უნდა გამოიწეროთ ბიულეტენი?
მიიღებთ მნიშვნელოვან სიახლეებს და შეთავაზებებს პირდაპირ მეილზე.
არის თუ არა თქვენი პირადი ინფორმაცია დაცული?
ჩვენთვის თქვენი პირადი ინფორმაცია ძალიან მნიშვნელოვანია. გაიგეთ მეტი ამ ბმულზე