Startseite » Tourismus ge
Category:

Tourismus ge

AktuellesTop-geTourismus geWirtschaft

ტურიზმის დინამიკა საქართველოში: 2024 წლის მესამე კვარტლის მონაცემები

by Salome Mumladze
written by Salome Mumladze

2024 წლის მესამე კვარტალი საქართველოში ტურიზმის სფეროსთვის საკმაოდ წარმატებული აღმოჩნდა. Galt&Taggart-ის  მონაცემებით, საერთაშორისო ვიზიტორების რაოდენობა, წინა წლის ანალოგიურ პერიოდთან შედარებით 2.5%-ით გაიზარდა. 8.3%-ით გაიზარდა წლიურიად ვიზიტორების რიცხვიც, ხოლო ერთი დღით ჩამოსული სტუმრების რაოდენობა საერთო ჯამში 15.2%-ით შემცირდა.

2024 წლის 9 თვის მონაცემებით, საერთაშორისო ვიზიტორების რაოდენობამ საერთო ჯამში, 4მლრდ აშშ დოლარს მიაღწია, რაც 2019 წლის 9 თვის მაჩვენებელთან შედარებით 100.1%-ით მეტია, აქედან მესამე კვარტალში ზრდა კი -100.3%-ია. მესამე კვარტალში, ყველაზე მეტი 294.6 მლნ დოლარი რუსეთიდან შემოსულმა მოგზაურებზე ფიქსირდება. 210.1 მლნ დოლარის შემოსავალი საქართველომ ევროკავშირის ქვეყნებიდან შემოსული ტურისტებისგან მიიღო; ხოლო 191.1 მლნ აშშ დოლარი თურქეთიდან შემოსულმა მოგზაურებმა დახარჯეს.

ამ დროის მონაცემებით საქართველოს 2024 წელს ყველაზე მეტი ტურისტი რუსეთიდან, თურქეთიდან, სომხეთიდან, ისრაელიდან და ყაზახეთიდან ეწვია, რომელთა რიცხვი მთლიანი რაოდენობის 65.6%-ს შეადგენს.

აღსანიშნავია, რომ, ევროკავშირიდან ტურისტთა რიცხვი შემცირდა 1.2%-ით წელიწადში, რაც მთლიანი რაოდენობის 7%-ს შეადგენს.

0 comments
0 FacebookTwitterPinterestEmail
Aktuellesnews-right-geTourismus geწევრების სიახლეები

Phage Therapie Georgia: ინოვაციური მიდგომა ანტიბიოტიკრეზისტენტული ინფექციების წინააღმდეგ

by Salome Mumladze
written by Salome Mumladze

Phage Therapie Georgia პაციენტებს სთავაზობს ალტერნატიულ თერაპიას
მრავალრეზისტენტული ინფექციების წინააღმდეგ ბრძოლაში. ეს თერაპია
მათთვისაა, ვისაც ანტიბიოტიკები ვერ ეხმარება.

ფაგოთერაპია არის თერაპიული მეთოდი, რომელიც იყენებს ბაქტერიოფაგებს –
ვირუსებს, რომლებიც ბუნებაში ბუნებრივად გვხვდება – კონკრეტული
პათოგენური ბაქტერიების მიზანმიმართული განადგურებისთვის. ეს მკურნალობა
ანტიბიოტიკებისგან იმით განსხვავდება, რომ იბრძვის მხოლოდ პრობლემური
ბაქტერიების წინააღმდეგ და ინარჩუნებს პაციენტის მიკრობული ფლორის ბალანსს
გვერდითი ეფექტების გარეშე. საქართველოში ეს ინოვაციური მიდგომა გამოიყენება
უკვე 100 წელზე მეტია, განსაკუთრებით ანტიბიოტიკრეზისტენტული ინფექციების
სამკურნალოდ, როგორიცაა მრავალრეზისტენტული შტამები: Escherichia coli,
Klebsiella და Staphylococcus aureus-ისგან გამოწვეული ინფექციები.

ფაგოთერაპია იმ პაციენტებისთვის ხშირად ბოლო იმედს წარმოადგენს, ვისაც ყველა
სხვა მეთოდი ამოწურული აქვს და ვერ პოულობს მკურნალობის საშუალებას.
Phage Therapie Georgia- სამედიცინო ტურიზმის სპეციალისტებისგან შემდგარი
გუნდი-, თანამშრომლობს წამყვან ინსტიტუტებთან, როგორიცაა მაგ. ელიავას
ინსტიტუტი, რომლებიც პაციენტებს ეხმარებიან, მკურნალობაზე წვდომის
გაუმჯობესებაში და უზრუნველყოფენ ასევე, სრულ მხარდაჭერას მათი
საქართველოში ჩამოსვლიდან მკურნალობის დასრულებამდე. Phage Therapie
Georgia მართავს კონსულტაციებსა და შეხვედრებს ქართველ ექიმებთან, რათა
სამედიცინო პროცესი მაქსიმალურად მარტივი და უსაფრთხო გახადოს
პაციენტებისთვის მთელი მკურნალობის პროცესის განმავლობაში. სამშობლოში
დაბრუნების შემდეგაც კომპანია რჩება პაციენტებთან კავშირზე, აკვირდება მათ
ჯანმრთელობის მდგომარეობას და კოორდინაციას უწევს მათ ადგილობრივ
ექიმებთან.

ფაგოთერაპიის შესახებ დამატებითი ინფორმაციის მისაღებად ეწვიეთ
phagetherapygeorgia.eu/ge.

0 comments
0 FacebookTwitterPinterestEmail
AktuellesInfrastruktur Genews-right-genewsseite_top_geTopnews-geTourismus geTransport&LogistikWirtschaft

საქართველოში ფრენებს ავიაკომპანია Edelweiss იწყებს

by Salome Mumladze
written by Salome Mumladze

2025 წლის 12 აპრილიდან შვეიცარიული ავიაკომპანია Edelweiss ციურიხსა და თბილისს შორის პირდაპირ რეგულარულ რეისებს დაიწებს, იუწყება საქართველოს აეროპორტების გაერთიანება. ავიაკომპანია ფრენებს კვირაში 2 სიხშირით Airbus 320 საჰაერო ხომალდებით შეასრულებს.

ციურიხი ახალი მიმართულებაა საქართველოს საავიაციო ბაზრისთვის, ხოლო Edelweiss ძირითადად საკურორტო მიმართულებით ოპერირებაზეა ორიენტირებული.

Edelweiss 29 წლის წინ დაფუძნებული შვეიცარიული Swiss International Airlines-ის შვილობილი ავიაკომპანიაა, რომელიც Lufthansa ჯგუფის მფლობელობაშია. Edelweiss ფრენებს ციურიხის ბაზიდან 90 მიმართულებით ასრულებს.

0 comments
0 FacebookTwitterPinterestEmail
Aktuellesnews-right-geTourismus geწევრების სიახლეები

Pullman Tbilisi Axis Towers-სამი მნიშვნელოვანი ჯილდო World Luxury Hotel Awards 2024-ზე

by Salome Mumladze
written by Salome Mumladze

გერმანიის ეკონომიკუროი გაერთიანების (DWV) წევრმა, Pullman Tbilisi Axis Towers-მა, World Luxury Hotel Awards 2024-ზე სამ პრესტიჟულ კატეგორიაში გამარჯვება მოიპოვა. სასტუმრომ გაიმარჯვა შემდეგ ნომინაციებში: „საუკეთესო ბიზნეს სასტუმრო – საქართველოში,“ „საუკეთესო კონფერენციებისა და ღონისძიებების სასტუმრო – საქართველოში“ და „საუკეთესო არქიტექტურული დიზაინი – აღმოსავლეთ ევროპაში.“

2006 წელს დაფუძნებული World Luxury Hotel Awards ყოველწლიურად აფასებს სასტუმრო ინდუსტრიის წამყვან მოთამაშეებს მთელ მსოფლიოში. გამარჯვებულები შეირჩევიან სტუმრების, მოგზაურებისა და სფეროს ექსპერტების ხმების საფუძველზე, რაც ამ ჯილდოებს კიდევ უფრო ღირებულს ხდის.

„Pullman Tbilisi Axis Towers Hotel“ არის Accor-ის ჯგუფის პირველი პრემიუმ-კლასის 5 ვარსკვლავიანი სასტუმრო საქართველოში. თბილისის ყველაზე მაღალსართულიან შენობაში განთავსებული ულტრათანამედროვე, გამორჩეული კონცეფციის მქონე სასტუმრო იდეალური ადგილია, როგორც დასვენებისთვის, ასევე საქმიანი ვიზიტებისთვის. Pullman-ი მსოფლიოს კი 40 ქვეყანაშია წარმოდგენილი, 145-ზე მეტი სასტუმროთი.

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Aktuellesnews-right-geTourismus geწევრების სიახლეები

Hilton Garden Inn Tbilisi Riverview: მდგრადი განვითარების პროექტების აქტიური ხელშემწყობი

by Salome Mumladze
written by Salome Mumladze

გერმანიის ეკონომიკური გაერთიანების (DWV) წევრი კომპანია, Hilton Garden Inn Tbilisi Riverview გამოირჩევა განსაკუთრებული სოციალური პასუხისმგებლობითა და გარემოს მდგრადი განვითარების მიმართულებით განხორციელებული წარმატებული პროექტებით.  სასტუმრომ, თავიდანვე მიზნად დაისახა და მოკლე დროში განახორციელა, ერთჯერადი გამოყენების ნივთების, პლასტმასის შეფუთვების  და ზოგადად არამიზნობრივად გამოყენებული რესურსის მაქსიმალურად შემცირება.  ამ კუთხით აღსანიშნავია, სასტუმროს ტექნიკური აღჭურვილობა, რომელიც მინიმალურ ენერგიას მოიხმასრს. Hilton Garden Inn Tbilisi Riverview ყოველი ღონისძიების ბოლოს  პარტნიორებს უზიარებს რეპორტს, სადაც დეტალურად აღწერილია თუ რა რაოდენობის რესურსი დაიხარჯა/დაიზოგა სასტუმროს ვიზიტის ფარგლებში. სასტუმრო ასევე მოიხმარს დისპენესერებს, ნაცვლად ერთჯერადი ჰიგიენური საშუალებებისა.

CENN-ის და Hilton Garden Inn Tbilisi Riverview -ის ერთობლივი პროექტის ფარგლებში: ,,შევამციროთ პლასტმასით დაბინძურება“, სასტუმრომ მოხმარებიდან სრულიად ამოიღო პლასტიკის წყლის ბოთლები. პროექტის ფარგლებში მოხდა პლასტმასის ბინულების ,,ნამი“-ს აპარატებით ჩანაცვლება. ასევე, სასტუმროს სივრცეებში განთავსდა „ტენე“-ს კონტეინერი პლასტმასის ნარჩენების შესაგროვებლად.

პროექტის წარმატებაზე მიუთითებენ შთამბეჭდავი რიცხვებიც: პლასტიკის ბოთლები 100% ით  იქნა ამოღებული საერთო სივრცეებიდან, ხოლო პლასტიკის 80% გროვდება გადამამუშავებელი კომპანიისთვის.

Hilton Garden Inn Tbilisi Riverview -ს გუნდი აქტიურადაა ჩართული სხვადასხვა პროექტში, რომელიც გარემოს მდგრადი განვითარების მიმართულებით ცნობიერების ამაღლებას უწყობს ხელს.  კომპანია ხშირად აწყობს  გარე აქტივობებს, ეხმარება მიუსაფარ ცხოველებს, როგორც სასტუმროს ტერიტორიაზე განთავსებული ქოხებითა და საკვებით, ასევე მოხალისეების სტატუსით, თავშესაფრებს დასუფთავებასა თუ ცხოველების გამოკვებაში ეხმარება.

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Aktuellesnews-right-genewsseite_top_geTourismus geWirtschaft

საქართველოში ტურისტების რაოდენობა 4.1%-ით გაიზარდა

by Salome Mumladze
written by Salome Mumladze

საქართველოს ტურიზმის ეროვნული ადმინისტრაციის თანახმად, საერთაშორისო ტურისტების რიცხვი საქართველოში 2024 წელს საგრძნობლად გაიზარდა. პირველი ცხრა თვის განმავლობაში ქვეყანას 5.79 მილიონი მოგზაური ესტუმრა, რაც 2023 წელთან შედარებით 4.1%-იან ზრდას ნიშნავს.

მიუხედავად ვიზიტორთა რაოდენობის  შემცირებისა რუსეთიდან (1.11 მილიონი), თურქეთიდან (1.06 მილიონი ) და სომხეთიდან (732,271), საქართველო აღნიშნულ ქვეყნებში კვლავ მოთხოვნად ტურისტულ ქვეყნად რჩება.

საქართველოში ევროკავშირის ქვეყნებიდან ვიზიტები წლიურად 5.9%-ით გაიზარდა. 2024 წლის იანვრიდან სექტემბრამდე ევროკავშირისა და გაერთიანებული სამეფოს ქვეყნებიდან საქართველოში 348,230 ადამიანი ჩამოვიდა, რაც წინა წელთან შედარებით 5.9%-ით მეტია. ამასთან, გერმანია ლიდერობს 62,804 ვიზიტორით და 15.6%-იანი წლიური ზრდით.

ასევე, მნიშვნელოვნად გაიზარდა საჰაერო გზით საქართველოში შემოსული ტურისტთა რიცხვიც (91.87 მილიონი), რაც 27%-იან წლიურ ზრდაზე მიუთითებს.

საქართველო კვლავაც რჩება მიმზიდველ ტურისტულ ქვეყნად  საერთაშორისო მოგზაურებისთვის და აჩვენებს სტაბილურ ზრდას, რომელიც დიდი ალბათობით, მომდევნო თვეებშიც გაგრძელდება.

0 comments
0 FacebookTwitterPinterestEmail
Aktuellesnews-right-geTourismus geWirtschaftწევრების სიახლეები

სათიბე პროექტის პრეზენტაცია – ახალი დასახლება ორბეთის მახლობლად

by Salome Mumladze
written by Salome Mumladze

გერმანიის ეკონომიკური გაერთიანების წევრმა „სათიბე“-მ, 20 სექტემბერს, სათიბე-პროექტის პრეზენტაცია გამართა. პრეზენტაციაზე წარმოდგენილი იქნა პროექტის არქიტექტურული და კულტურული გეგმა. პროექტის ფარგლებში, მოწვეულ სტუმრებთან სიტყვით წარსდგა ასევე, გერმანიის ეკონომიკური გაერთიანების (DWV) აღმასრულებელი დირექტორი, ბ-ნ თომას კიმესვენგერი.

სათიბე არის ახალი დასახლება სოფელ ორბეთის მახლობლად, რომელსაც ყავს 250-მდე შეძენილი ოჯახი და ამჟამად მუშაობს მისი განვითარების გეგმაზე. გეგმა მოიცავს, როგორც საცხოვრებელი სახლების, ასევე სარეკრეაციო ზონის განვითარებას. გასათვალისწინებელია, რომ გეგმის დასრულების შემდეგ, სოფელი ორბეთი და სათიბე იქნება პირველი დასახლება საქართველოში, რომელიც ვითარდება წინასწარ დადგენილი განაშენიანების გეგმის მიხედვით.

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Aktuellesnews-right-geTourismus geWirtschaft

მსოფლიო ტურიზმის დღის აღსანიშნავ ღონისძიებას საქართველო წელს პირველად მასპინძლობს

by Salome Mumladze
written by Salome Mumladze

საქართველო, გაეროს ტურიზმის ორგანიზაციის ეგიდით, მსოფლიო ტურიზმის დღის აღსანიშნავ ღონისძიებას პირველად უმასპინძლებს. წლევანდელი თემატიკაა „ტურიზმი და მშვიდობა“. დაგეგმილ ღონისძიებას სასტუმრო „პარაგრაფი თბილისში“ მასპინძლობს.

მსოფლიო ტურიზმის დღის აღსანიშნავ ღონისძიებაში მონაწილეობის მისაღებად საქართველოს მთელი მსოფლიოდან სტუმრობენ: მინისტრები, საერთაშორისო ორგანიზაციების და ბიზნეს-სექტორის ხელმძღვანელი პირები, წამყვანი ლიდერები ტურიზმისა და ტრანსპორტის სექტორიდან.

საქართველოში მსოფლიო ტურიზმის დღის მასშტაბური ღონისძიების გამართვა მნიშვნელოვნად შეუწყობს ხელს ქვეყნებს შორის ტურიზმის ინდუსტრიის მიმართულებით გამოცდილების და ინფორმაციის გაცვლასა და თანამშრომლობის კიდევ უფრო გაძლიერებას.

0 comments
0 FacebookTwitterPinterestEmail
Aktuellesnews-right-geTopnews-geTourismus ge

გერმანელი ტურისტების ნაკადის ზრდა საქართველოში

by Salome Mumladze
written by Salome Mumladze

საქართველო ვიზიტორებისთვის უფრო და უფრო საინტერესო ქვეყანა ხდება. ამას მოწმობს ტურიზმის ეროვნული ადმინისტრაციის მიერ გამოქვეყნებული მონაცემებიც.  2024 წლის წლის პირველ ორ კვარტალში საქართველოში 2,123,816 საერთაშორისო ვიზიტი შედგა, რაც 10%-ით აღემატება გასული წლის იმავე პერიოდის მონაცემს.

ტურისტების განსაკუთრებლული მატება ევროკავშირის ქვეყნებიდან ფიქსირდება. სტატისტიკის თანახმად, საქართველომ ბოლო 6 თვეში, გასულ წელთან შედარებით 24.3%-ით მეტ გერმანელ ვიზიტორს უმასპინძლა. გერმანიასთან ერთად, საგრძნობლად შესამჩნევია ვიზიტების ზრდის მაჩვენებელი საფრანგეთიდანაც, სადაც ტურისტთა მაჩვენებელი 30,3%-ითაა გაზრდილი.

ტურიზმის ეროვნული ადმინისტრაცია საერთაშორისო ტურისტულ ვიზიტებს მსოფლიო ტურიზმის ორგანიზაციის მეთოდოლოგიით ითვლის, რაც უკვე განხორციელებულ და დასრულებულ ვიზიტებს მოიცავს.

0 comments
0 FacebookTwitterPinterestEmail
Aktuellesnews-right-geTourismus geWirtschaftწევრების სიახლეები

საქართველო UEFA 2024-ზე და მისი მნიშვნელობა ქვეყნისთვის

by Salome Mumladze
written by Salome Mumladze

საქართველოს ეროვნულმა ნაკრებმა ისტორიაში პირველად ითამაშა UEFA 2024-ზე და ტურნირს ძალიან ღირსეულად, მერვედფინალში გამოეთიშა. ეს იყო ფეხბურთის ისტორიაში დებიუტანტი გუნდის მიერ დაწერილი ახალი თავი, რომელსაც ფეხბურთელებმა მტკიცე შრომის შედეგად მიაღწიეს, რამაც მინდორზე გულშემატკივრების გული არამხოლოდ დაიპყრო, არამედ ძლიერი ეროვნული სიამაყეც გამოიწვია.

ფეხბურთის ციებ–ცხელებაში მყოფი ქვეყანა

საქართველოს ეროვნული ნაკრების წარმატებებმა მთელი ქვეყანა აღაფრთოვანა. საქართველოსა და ევროპის სხვადასხვა ქვეყანაში ადამიანები ქუჩებში, ბარებში და საზოგადოებრივ ღონისძიებებზე ხმაურიანად ზეიმობდნენ და მადლობას უხდიდნენ ფეხბურთელებს მათი თავდაუზოგავი ბრძოლის გამო. საზოგადოებაში იგრძნობა ეროვნული ერთიანობისა და სიამაყით შექმნილი ატმოსფერო, სადაც ყველა ერთად აღნიშნავს ისტორიულ მიღწევას.

ნაკრების შთამბეჭდავმა ასპარეზობამ საერთაშორისო პრესისა და ქომაგების დადებითი შეფასებებიც გამოიწვია. გაიზარდა მათი დაინტერესება საქართველოს მიმართ, რასაც თავის მხრივ, შეუძლია პოზიტიური გავლენა იქონიოს ქართულ ეკონომიკაზეც.

ეკონომიკური გავლენა

საქართველოს ევროპის ჩემპიონატზე წარმატებულმა ასპარეზობამ, ევროპას არა მხოლოდ ნიჭიერი ფეხბურთელები, არამედ საქართველო, როგორც მიმზიდველი ქვეყანა, თავიდან აღმოაჩენინა. საგრძნობია გაზრდილი ინტერესი საქართველოს მიმართ, რაც შეიძლება ახლო მომავალში გამოიხატოს ტურიზმის სფეროსა და ახალი საერთაშორისო კომპანიების ქართულ ბაზარზე ოპერირებით.

კომპანიების ჩართულობა

საქართველოში კერძო სექტორის დიდმა თუ მცირე კომპანიებმა ეროვნული გუნდის მხარდასაჭერად საკუთარი პროდუქტები და სერვისებიც გამოიყენეს. ამ მხრივ, გამონაკლისი არ ყოფილან გერმანიის ეკონომიკური გაერთიანების (DWV) წევრებიც:

  1.  სასტუმროებმა (Pullman Tbilisi Axis Towers,  Swissotel Tbilisi , Golden Tulip Design Tbilisi , Sheraton Grand Tbilisi Meteche Palace , Radisson Blu Iveria Hotel  , Paragraph Freedam  Square , Tbilisi Saburtalo Hotel by Mercure, Tbilisi Philarmonic by Mercure , ibis Styles Tbilisi Center  )- ჩემპიონატის პერიოდში საქართველოს ნაკრების მხარდასაჭერად სპეციალური პაკეტები შექმნეს, რომლებიც მოიცავდა მატჩების პირდაპირ ტრანსლაციას, სპეციალურ ღონისძიებებს და ქართული ტრადიციული სამზარეულოს პრომოციას.
  2. ქართულმა ლუდის კომპანიამ “ზედაზენი“ – ჩემპიონატის მიმდინარეობისას მათ შემოიღეს სპეციალური სერია ლუდი სახელად “გამარჯვება”, რომელიც სიმბოლურად საქართველოს ეროვნული ნაკრების პატივსაცემად შეიქმნა.
  3. “საქართველოს ბანკი“ – ბანკმა წამოიწყო კამპანია “ერთად გამარჯვებისკენ”, რომლის ფარგლებშიც სპეციალური საფეხბურთო აქციები და ბონუსები შემოიღეს მათი მომხმარებლებისთვის. აღსაღნიშნავია ისიც, რომ საქართველოს ბანკი ეროვნული ნაკრების ოფიციალური სპონსორია.

მომავლის ხედვა UEFA 2024-ის შემდეგ

მიმდინარე წარმატებებით, საქართველოს ეროვნულმა ნაკრებმა ქვეყნის კიდევ უფრო ნაყოფიერ მომავალს მტკიცე საფუძველი ჩაუყარა. მოთამაშეებმა და მათმა მხარდამჭერებმა აჩვენეს, რომ თავდაუზოგავი შრომით და გაზრდილი მოტივაციით შეიძლება გრანდიოზული შედეგების მიღწევა. საქართველო ამაყობს თავისი ეროვნული ნაკრებით და UEFA 2024-ზე მათი წარმატებებით. ეს წარმატებები არამხოლოდ სპორტული ტრიუმფია, არამედ სიმბოლოა ქვეყნის ერთიანობისა და მტკიცე ნებელობის.

ამგვარი ჩართულობა და მხარდამჭერი კამპანიები არა მხოლოდ განამტკიცებს საქართველოს ნაკრების წარმატებას, არამედ ხელს უწყობს ეკონომიკური ზრდის სტიმულირებას, ზრდის ტურისტების და ინვესტიციების რაოდენობას, რაც საბოლოოდ ქვეყნის განვითარების პროცესს პოზიტიურად აისახება.

0 comments
0 FacebookTwitterPinterestEmail
Aktuellesnews-right-gePressespiegelTourismus geWirtschaftწევრების სიახლეები

როგორ ემზადებიან DWV-ს წევრი სასტუმროები წლის ყველაზე ამაღელვებელი საფეხბურთო ჩემპიონატისთვის?

by Salome Mumladze
written by Salome Mumladze

გერმანია 2024 წლის 14 ივნისიდან 14 ივლისამდე, UEFA-ს 2024 წლის ევროპის რიგით მე-17 საფეხბურთო ჩემპიონატს უმასპინძლებს. ჩემპიონატის მოახლოებასთან ერთად, იმატებს გულშემატკივართა მღელვარებაც. წლევანდელი ჩემპიონატი განსაკუთრებულია, რადგან მასში საქართველოს ეროვნული ნაკრები ისტორიაში პირველად იასპარეზებს, სადაც ქართული გუნდი საქართველოს ბანკის სრული სპონსორიბით წარსდგება.

თბილისის საუკეთესო ადგილები ჩემპიონატის საყურებლად

თბილისში, წლის ამ გამორჩეული საფეხბურთო ღონისძიებისთვის, გამორჩეულად ემზადებიან. გერმანიის სტადიონებს მიღმა დარჩენილ მაყურებელს, ფეხბურთის საყურებლად საუკეთესო გარემოს შექმნას, უამრავი პრემიუმ-კლასის ლოკალი  ჰპირდება. გერმანიის ეკონომიკური გაერთიანების (DWV) წევრი სასტუმროები საყვარელი გუნდის მხარდასაჭერად შეკრებილ გულშემატკივარს, სპეციალურად ჩემპიონატისთვის მომზადებული პროგრამებით უმასპინძლებენ.

  • Pullman Tbilisi Axis Towers, 14 ივნისიდან 14 ივლისის ჩათვლით, ლობი ბარში მისულ გულშემატკივარს, დიდ ეკრანზე მატჩების პირდაპირი ტრანსლაციის პარალელურად, დაუვიწყარ ატმოსფეროსა და სპეციალურად ამ დღეებისთვის შექმნილ, უგემრიელესი სასმელებისა და კერძებისგან შემდგარ მენიუს სთავაზობს.

მაგიდის დასაჯავშნად დარეკეთ ნომერზე: 577 58 21 12
მისამართი: ჭავჭავაძის გამზ. 37მ, თბილისი 0179

  • Swissotel Tbilisi სპეციალურად ევროპის ჩემპიონატისთვის, Swiss Cafe Yard –ში  86 დიუმიან მონიტორს დადგამს და საგულშემატკივროდ შეკრებილ სტუმრებს გრილზე მომზადებული კერძებითა და  ჩამოსასხმელი ლუდით გაუმასპინძლდება. აქვე, ფეხბურთის გულშემატკივრებს სახალისო ვიქტორინა და პრიზებიც ელოდებათ.

მაგიდის დასაჯავშნად დარეკეთ ნომერზე: +995 32 2 20 20 70
მისამართი: სოლიკო ვირსალაძის 3, თბილისი

  • Golden Tulip Design Tbilisi ისტორიულ თამაშებისთვის გამორჩეულად ემზადება და საქართველოს ეროვნულ საფეხბურთო ნაკრებს სრულ მხარდაჭერას უცხადებს. სასტუმრო,  18, 22 და 26 ივნისს, სპეციალურად ტურნირისთვის დამონტაჟებულ დიდ ეკრანზე,  ქართული თამაშების  პირდაპირ ტრანსლაციას, თბილისის ყველაზე ლამაზი ხედის ფონზე აანონსებს. საქართელოს ეროვნული საფეხბურთო ნაკრების მხარდასაჭერად შეკრებილ გულშემატკივარს Golden Tulip Design Tbilisi-ის რესტორანი  სპეციალური მენიუთი გაუმასპინძლდება.

მაგიდის დასაჯავშნად დარეკეთ ნომერზე: 0322 157 155
მისამართი: ქეთევან წამებულის გამზ. 37, თბილისი 0103

  • Sheraton Grand Tbilisi Meteche Palace საქართელოს ეროვნული საფეხბურთო ნაკრების პირველ ევროპულ ჩემპიონატსა და ქართულ თამაშებს 18, 22 და 26 ივნისს, კრაფტ ჰაუსის სივრცეს დაუთმობს, სადაც საგულშემატკივროდ მისულ სტუმრებს, სპეციალური მენიუთი და  ლუდის ფართო არჩევანით გაუმასპინძლდება.

მაგიდის დასაჯავშნად დარეკეთ ნომერზე: 577 21 30 34
მისამართი: თელავის ქ. 20. თბილისი 0103

  • Radisson Blu Iveria Hotel   UEFA 2024 ის ყველა თამაშის პირდაპირ ტრანსლაციას გეგმავს  და ფეხბურთის საყურებლად ფილინიში გვეპატიჟება.

დასაჯავშნად და დეტალებისთვის დარეკეთ ტელეფონზე: +995 322 402 222
მისამართი: 1 ვარდების რევოლუციის მოედანი, თბილისი 0108

  • Paragraph Freedam  Square თბილისის ტერასასა და ბარ – EARY, EURO 2024-ის მატჩების ჩვენებას უთმობს და ფეხბურთის მოყვარულებს, თბილისის შესანიშნავი ხედების ფონზე, 14 ივნისიდან, სასტუმროს მე-10 სართულზე ეპატიჟება.   დიდ ეკრანთან ერთად, აქ გელოდებათ ჩამოსასხმელი ლუდი და სპეციალური მენიუ, რომელიც მიშლენის ვარსკვლავის მფლობელმა ფრანგმა შეფმა – სტეფან გორტინამ თქვენთვის შექმნა.

მაგიდის დასაჯავშნად დარეკეთ ტელეფონზე:  +995 322 44 88 88
მისამართი: ლადო გუდიაშვილის 2, თბილისი

  • Tbilisi Saburtalo Hotel by Mercure  უეფას ევრო 2024-ის ყველა თამაშს რესტორან Wine & Fire-ში სახალისო პროგრამით უმასპინძლებს. ადგილზე მისულ გულშემატკივარს, განსაკუთრებულ გარემოსთან ერთად, მიშლენის ვარსკვლავის მქონე აღმასრულებელი შეფის მომზადებული კერძები  და  სპეციალური გასართობი თამაშები ელოდებათ: ის, ვინც თამაშის ანგარიშს წინასწარ გამოიცნობს, სასტუმრო უფასო ლუდით გაუმასპინძლდება.

მაგიდის დასაჯავშნად დარეკეთ ტელეფონზე: T (+995) 032 244 11 11
მისამართი: ყაზბეგის გამზირი 15ა, თბილისი 0160

  • Tbilisi Philarmonic by Mercure UEFA 2024-ის ყველა თამაშის პირდაპირ ტრანსლაციას გეგმავს  და ფეხბურთის საყურებლად მისულ გულშემატკივარს, მყუდრო გარემოს რესტორან Muse-ში სთავაზობს. სტუმრებს აქ დახვდებათ სახალისო თამაშები, პრიზები  და მიშლენის ვარსკვლავის მქონე აღმასრულებელი შეფის მომზადებული კერძები.

მაგიდის დასაჯავშნად დარეკეთ ტელეფონზე: T (+995) 032 244 77 77
მისამართი: მელიქიშვილის გამზირი 10პ, თბილისი 0179

  • ibis Styles Tbilisi Center  ევროპის ჩემპიონატს განსაკუთრებულად მომზადებული ხვდება და ფეხბურთის გულშემატკივარს, ჩემპიონატზე მორგებულ სპეციალურ პროგრამას სთავაზობს: 10%-იანი ფასდაკლება მენიუზე, უეფას ევრო 2024-ის ყოველი თამაშის დროს, უფასო ლუდი ანგარიშის წინასწარ გამოცნობისთვის და ა.შ. უეფას ევრო 2024-ის ყველა თამაში, აქ Rum Roof Kitchen Bar-ში გაშუქდება.

მაგიდის დასაჯავშნად დარეკეთ ტელეფონზე:  T (+995) 32 200 24 24
მისამართი: ტაბიძის ქუჩა 4გ, თბილისი 0105

 

DWV-გუნდი გისურვებთ დაუვიწყარ ევროპის ჩემპიონატსა და თქვენთვის სასურველი ნაკრების წარმატებულ ასპარეზობას ევროპის ჩემპიონატზე!

0 comments
0 FacebookTwitterPinterestEmail
Austrian Airlines startet Betrieb am internationalen Flughafen Tiflis
news-right-geTourismus geწევრების სიახლეები

Austrian Airlines-მა თბილისის საერთაშორისო აეროპორტში პირველ რეისი განახორციელა.

by Salome Mumladze
written by Salome Mumladze

DWV-ს წევრ Lufthansa Group-ის შვილობილმა ავიახაზებმა – Austrian Airlines-მა თბილისის საერთაშორისო აეროპორტში ოპერირება დაიწყო.

ავიახაზები ზაფხულის სეზონზე პირდაპირ რეისებს თბილისიდან ვენის მიმართულებით კვირაში სამჯერ, ყოველ ორშაბათს, ხუთშაბათსა და შაბათს, Airbus 320 ტიპის საჰაერო ხომალდებით შეასრულებს. Austrian Airlines ვენა – თბილისის მიმართულებით უკვე შეასრულა პირველი რეისი.

ავიაკომპანია 60-წლიან გამოცდილებას ითვლის, იგი არის ავსტრიის უდიდესი ავიაკომპანია, რომლის ჰაბი ვენის აეროპორტშია. Austrian Airlines-ის გლობალური მარშრუტების ქსელი 55 ქვეყნის 130 – ზე მეტ მიმართულებას მოიცავს.მისი ფლოტი 70 საჰაერო ხომალდისგან შედგება, საიდანაც უმეტესობა Airbus A320 ტიპის თვითმფრინავებს წარმოადგენს.

პირველ რეისს ვენიდან სხვა ოფიციალურ პირებთან ერთად ავსტრიის ელჩი თომას მიულმანი და აღმოსავლეთ ევროპასა და ისრაელში Austrian Airlines -ის გაყიდვების დირექტორი შტეფან ლინჰარტიც დახვდნენ.

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Infrastruktur Genews-right-geTourismus ge

თბილისს ახალი აეროპორტი ექნება

by Salome Mumladze
written by Salome Mumladze

საქართველოს მთავრობის ინფორმაციით, თბილისის ახალი საერთაშორისო აეროპორტი ვაზიანში აშენდება.

“ჩვენ განვიხილეთ 2 ალტერნატიული ვარიანტი: არსებული აეროპორტის გაფართოება და ახალი აეროპორტის მშენებლობა”, აღნიშნა პრემიერმა და დასძინა: გაფართოების ხარჯი იყო დაახლოებით $900 მილიონი, ახლის აშენების ფასი $1.26 მილიარდი.

კობახიძის თქმითვე, არსებული თბილისის აეროპორტის გამტარუნარიანობა არის დაახლოებით 4.5 მილიონი მგზავრი და გაფართოების შემთხვევაში იქნებოდა მაქსიმუმ 15 მილიონი. ხოლო ახალი აეროპორტის მშენებლობა „გვაძლევს 19 მილიონამდე მგზავრების რაოდენობის გაზრდის საშუალებას, შემდგომი გაფართოების პერსპექტივით“, აღნიშნა მან.

როგორც მთავრობის სხდომის დასრულების შემდეგ ეკონომიკისა და მდგრადი განვითარების მინისტრმა ლევან დავითაშვილმა განაცხადა, პროექტი ეკონომიკურად იმდენად მიმზიდველია, რომ შესაძლებელი იქნება მისი განხორციელება საბიუჯეტო წნეხის გარეშე. “შევძლებთ დაფინანსების მოზიდვას არასუვერენული არხებით”, აღნიშნა მან.

რაც შეეხება მართვის მოდელს, მინისტრის თქმით, სახელმწიფო კონტროლს შეინარჩუნებს და მმართველ კომპანიას შემოიყვანს.

აზიის განვითარების ბანკის (ADB) მხარდაჭერით, უახლოესი დღეებში თბილისის ახალი საერთაშორისო აეროპორტის გენერალური გეგმის შესყიდვის ტენდერი გამოცხადდება. ახალი აეროპორტი, რომელიც ვაზიანში უნდა აშენდეს, ოპერირებას 2029 წელს დაიწყებს.

ვაზიანის აეროპორტის ტერიტორია იძლევა შესაძლებლობას, რათა სამგზავრო ტერმინალთან ერთად, განვითარდეს საჰაერო ტვირთების გადაზიდვის ლოგისტიკური ცენტრები და სხვა მომიჯნავე მიმართულებები, აცხადებს სამინისტრო.

როგორც უწყება აღნიშნავს, 2023 წელს, ADB-ის დაფინანსებით, საქართველოს სააეროპორტო სექტორის განვითარების კვლევა ჩატარდა.

0 comments
0 FacebookTwitterPinterestEmail
news-right-geTourismus ge

საერთაშორისო მოგზაურობიდან მიღებული შემოსავალი 17.3%-ით გაიზარდა

by Salome Mumladze
written by Salome Mumladze

ტურიზმის ეროვნული ადმინისტრაცია პოზიტიურ სტატისტიკას აქვეყნებს. საქართველოს მიერ 2023 წელს საერთაშორისო მოგზაურობიდან მიღებულმა შემოსავალმა $4.1 მილიარდი შეადგინა. 2022 წელთან შედარებით შემოსავლები 17.3%-ით არის გაზრდილი, ხოლო 2019 წლის (პანდემიამდელი პერიოდი) მაჩვენებელი გადაჭარბებულია 26.2%-ია.

რაც შეეხება შემოსავლებს ქვეყნების მიხედვით, საქართველოს ეროვნული ბანკის (სებ) მონაცემებით, 2023 წელს ყველაზე მეტი – 22.7%, ანუ $938.3 მილიონი (ზრდა – 10%), რუსეთიდან ვიზიტორებზე მოდიოდა.

როგორც სებ აღნიშნავს, 2023 წლის 31 დეკემბრის მდგომარეობით, საქართველოში მყოფი რუსეთის მოქალაქეების 30.5% შეფასებულია როგორც 1 წელზე მეტი ვადით მყოფი, მიიჩნევიან საქართველოს რეზიდენტებად და მათ მიერ გაწეული ხარჯები არ შედის საერთაშორისო მოგზაურობიდან მიღებულ შემოსავლებში.

შემოსავლების მიხედვით, შემდეგ მოდის: თურქეთი – 15.3%, ანუ $630.9 მილიონი (ზრდა – 58%), და ევროკავშირის ქვეყნები (დიდი ბრიტანეთის ჩათვლით) – 13.3%, ანუ $549.6 მილიონი (ზრდა – 65%), მოდიოდა.

2023 წელს საქართველოში საერთაშორისო მოგზაურის 7.07 მილიონი ვიზიტი შედგა, რაც პანდემიამდე პერიოდის მონაცემების 75.6% აღდგენაა, 2022 წელთან შედარებით კი ზრდა – 30.3%-ია.

პოზიტიურია Galt&Taggart-ის პროგნოზი: 2024 წელს საქართველოს შემოსავლები ტურიზმიდან 10%-ით გაზრდა არის მოსალოდნელი, 2024 წელს საქართველოს შემოსავლები ტურიზმიდან $4.5 მილიარდს მიაღწევს. 2023 წელთან შედარებით ($4.1 მილიარდი) ზრდა 10%-მდე.

პროგნოზი ითვალისწინებს საერთაშორისო ვიზიტორების სრულად აღდგენას პანდემიამდელ დონესთან შედარებით.

წყარო: საინფორმაციო სააგენტო “სარკე”

0 comments
0 FacebookTwitterPinterestEmail
Aktuellesnews-right-genewsseite_top_geTop-geTopnews-geTourismus geTransport&Logistik

თბილისის „აბრეშუმის გზის ფორუმი“

by Salome Mumladze
written by Salome Mumladze

26-27 ოქტომბერს თბილისში გაიმართა აბრეშუმის გზის რიგით მეოთხე ფორუმი, რომელსაც 60-ზე მეტი ქვეყნის 2,000-მდე დელეგატი დაესწრო.

ფორუმის შედეგებს შორისაა: ყაზახეთის, აზერბაიჯანისა და საქართველოს რკინიგზების მიერ ერთობლივი საწარმოს დაფუძნება; საქართველოსა და საუდის არაბეთის ბიზნესსაბჭოს შექმნა; მეზღვაურთა სერტიფიკატების ურთიერთაღიარების შესახებ მემორანდუმი საქართველოსა და კატარს შორის; საქართველოსა და ყაზახეთის მიერ დამატებების შეტანა შეთანხმებაში, რომელიც 2022-2027 წლებში შუა დერეფნის განვითარების საგზაო რუკას შეეხება.

გარდა ამისა, გაცხადდა, რომ თბილისში გაეროს მსოფლიო ტურიზმის ორგანიზაციის აკადემიის გახსნა იგეგმება; საქართველოს ეროვნულ ბანკსა და ტაჯიკეთის ცენტრალურ ბანკს შორის თანამშრომლობის შესახებ მემორანდუმი უახლოეს მომავალში გაფორმდება. ფორუმზე სერბეთთან ეკონომიკური ურთიერთობის გაღრმავებაც განიხილეს.

ხოლო სომხეთის პრემიერ-მინისტრმა, ნიკოლ ფაშინიანმა, მშვიდობის გზაჯვარედინის პროექტი წარადგინა, რომელიც სომხეთს, აზერბაიჯანს, თურქეთს, ირანსა და რეგიონის სხვა ქვეყნებს შორის კომუნიკაციას, საგზაო, სანავთობო ინფრასტრუქტურის მშენებლობას და ელექტროგადამცემი სისტემების მოდერნიზებას უზრუნველყოფს.

0 comments
0 FacebookTwitterPinterestEmail
Aktuellesnews-right-genewsseite_top_gePressespiegelTop-geTopnews-geTourismus geWirtschaft

თბილისის ახალი აეროპორტის პროექტის განხორციელება 2024 წლიდან დაიწყება

by Salome Mumladze
written by Salome Mumladze

თბილისის ახალი საერთაშორისო აეროპორტის პროექტის განხორციელება 2024 წლიდან დაიწყება, განაცხადა ეკონომიკისა და მდგრადი განვითარების მინისტრმა, ლევან დავითაშვილმა, პარლამენტში „მინისტრის საათის“ ფორმატში გამოსვლისას.

დაწყებულია პირველი ტექნიკური კვლევა, რომელსაც „მსოფლიოში ერთ-ერთი საუკეთესო, საავიაციო-საკონსულტაციო კომპანია“ ატარებს, აღნიშნა მინისტრმა.

დავითაშვილის ინფორმაციითვე, 3.5 კმ. სიგრძის ასაფრენ-დასაფრენი ზოლი აშენდება ქუთაისის აეროპორტში. პროექტზე მუშაობის დასრულება განსაზღვრულია მიმდინარე წლის დეკემბერში, რის შემდეგაც დაიწყება სამშენებლო სამუშაოები, აღნიშნა მან.

გარდა ამისა, ახალი სამგზავრო ტერმინალი აშენდება თელავის აეროპორტში, რომელიც პირველ მგზავრებს, სავარაუდოდ, 2024 წელს უმასპინძლებს, განაცხადა მინისტრმა და აღნიშნა, რომ აეროპორტის განვითარებისთვის საჭირო ინვესტიცია, პირველადი შეფასებით, 25 მილიონ ლარს შეადგენს.

0 comments
0 FacebookTwitterPinterestEmail
Aktuellesnews-right-genewsseite_top_geTop-geTourismus ge

BFP-ონლაინ-დელეგაცია თემაზე: ”სასტუმროების, რესტორნებისა და დასასვენებელი ადგილების ხარისხის, მათი ინტერიერის დიზაინის მოდერნიზაცია და მართვა.”

by Salome Mumladze
written by Salome Mumladze
„Bayern – Fit for Partnership (BFP)“-ის დელეგაცია წელსაც გაიმართა, თუმცა პანდემიის გამო, ამჯერადაც ონლაინ ფორმატში ჩატარდა. წლევანდელი დელეგაციის თემა იყო: ,,სასტუმროების, რესტორნებისა და დასასვენებელი ადგილების ხარისხის, მათი ინტერიერის დიზაინის მოდერნიზაცია და მართვა.”
10-დან 11 ნოემბრამდე, ქართულ კომპანიებს შესაძლებლობა ჰქონდათ, გაცნობოდნენ ბავარიულ კომპანიებსა და პოტენციურ საქმიან პარტნიორებს, ასევე მიეღოთ ინფორმაცია პროდუქტების, მომსახურებებისა და კონცეპტების შესახებ.
ქართული კომპანიები დაესწრნენ ონლაინ ფორმატში ბავარიული კომპანიების პრეზენტაციებს, შეხვდნენ მათ B2B ფორმატში და განიხილეს სამომავლო პერსპექტივები და თანამშრომლობის შესაძლებლობები.
ღონისძიება ჩატარდა გერმანიის ეკონომიკური გაერთიანების (DWV), DEGA-EXPOTEAM და Bayern International– ის ორგანიზებითა და თანამშრომლობით.
ჩვენ, მადლობას ვუხდით ბავარიულ კომპანიებს მონაწილეობისთვის Zieher KG Reeve Lusini Home of VEGA Forniture Alberghiere KristallTurm GmbH & Co. KG Franz Schroll Fab-concept UG Bavaria Tourism და ქართულ კომპანიებს, როგორებიც არიან Georgian National Tourism Administration Adjara Group ALTA VISTA GMT Group HMG Hotel Collection International Hotelix Hospitality Management Sairme Resort OV Engineering Redix.
0 comments
0 FacebookTwitterPinterestEmail
news-right-genewsseite_top_geTop-geTopnews-geTourismus geWirtschaftწევრების სიახლეები

ჰილტონ ბათუმმა მოიპოვა საქართველოს საუკეთესო სასტუმროს 2021 წლის წოდება

by Salome Mumladze
written by Salome Mumladze

სიხარულით გვსურს გამცნოთ, რომ ჰილტონ ბათუმმა მოიპოვა საქართველოს წამყვანი სასტუმროს წოდება სტუმართმოყვარეობის ოსკარად წოდებულ 𝐖𝐨𝐫𝐥𝐝 𝐓𝐫𝐚𝐯𝐞𝐥 𝐀𝐰𝐚𝐫𝐝 𝟐𝟎𝟐𝟏 დაჯილდოებაზე! ხაზგასასმელია ის, რომ ხმის მიცემა შეეძლოთ არამხოლოდ ტურიზმის სფეროს წარმომადგენლებს, არამედ სხვა სფეროში დასაქმებულ ადამიანებსა და ტურისტებს.

,,ჩვენ გვიხარია ასეთი შეფასება და მადლობას ვუხდით ყველა ხმის მიცემაში მონაწილე ადამიანს. ჩვენ ვიაზრებთ, თუ რას ნიშნავს იყო საქართველოს წამყვანი სასტუმრო და მომავალში გულითადად შევეცდებით ჩვენი სტუმართმოყვარეობით კვლავ ვუმასპინძლოთ ჩვენს სტუმრებს” – განაცხადა ტორსტენ ველერმა, ჰილტონ ბათუმის გენერალურმა მენეჯერმა.

𝐖𝐨𝐫𝐥𝐝 𝐓𝐫𝐚𝐯𝐞𝐥 𝐀𝐰𝐚𝐫𝐝 1993 -ი წლიდან არსებობს. მისი მთავარი ამოცანაა, ტურიზმის ყველა მიმართულებით სხვადასხვა წარმატების აღნიშვნა და დაჯილდოება. დღესდღეობით, WTA მსოფლიოში მიიჩნევა, როგორც უალტერნატივო ხარისხის ნიშანი.

 

 

 

0 comments
0 FacebookTwitterPinterestEmail
news-right-geTop-geTopnews-geTourismus geწევრების სიახლეები

01.10.2021 – დან შერატონ გრანდ თბილისი მეტეხი პალასი გეპატიჟებათ ,,კრაფთ ჰაუს ბარში” ე.წ ,,ოქტობერფესტზე”

by Salome Mumladze
written by Salome Mumladze

როგორ წარმოგიდგენიათ ოქტომბერი, ოქტომბრის დღესასწაულის გარეშე?

პირველი ოქტომბრიდან, ჩვენი წევრი კომპანია შერატონ გრანდ თბილისი მეტეხი პალასი გეპატიჟებათ ,,კრაფთ ჰაუს ბარში” ე.წ ,,ოქტობერფესტზე”.

ლუდთან, ბარბექიუსთან და კარგ მუსიკასთან ერთად, შეგიძლიათ მთელი ოქტომბრის მანძილზე, სასიამოვნოდ გაატაროთ, შემოდგომის თბილი საღამოები.

გაუმარჯოს ოქტომბრის კარგ ამინდებსა და ჩვენს სტუმრებს!

0 comments
0 FacebookTwitterPinterestEmail
news-right-geNicht kategorisiertTourismus geTransport&Logistik

ქუთაისის განახლებული აეროპორტი გაიხსნა

by Timo Roujean
written by Timo Roujean

დღეს, ოფიციალურად გაიხსნა ქუთაისის განახლებული აეროპორტი, რომლის მგზავრთა გამტარუნარიანობა წელიწადში 2.5 მილიონამდე გაიზარდა, იუწყება ეკონომიკისა და მდგრადი განვითარების სამინისტრო. გაფართოების შედეგად, აეროპორტის ტერმინალის საერთო ფართობი 30,000 კვ.მ-მდე გაიზარდა.

შედარებისთვის, ძველი ტერმინალის ფართობი 4,800 კვ.მ იყო და წლიურად 600,000 მგზავრის გატარებას უზრუნველყოფდა.

განახლებული ტერმინალის მშენებლობა 2017 წლის ნოემბერში დაიწყო. ტერმინალის გაფართოება/აღჭურვის სამუშაოებმა 110 მილიონი ლარი შეადგინა, იუწყება ეკონომიკის სამინისტრო.

საინფორმაციო სააგენტო სარკე
10.06.2021

Photo Credit: Kutaisi Airport

0 comments
0 FacebookTwitterPinterestEmail
Mariam Kvrivisvili
news-right-geTop-geTourismus geWirtschaft

ეკონომიკისა და მდგრადი განვითარების მინისტრის მოადგილედ მარიამ ქვრივიშვილი დაინიშნა

by Salome Mumladze
written by Salome Mumladze

ეკონომიკისა და მდგრადი განვითარების მინისტრის მოადგილედ მარიამ ქვრივიშვილი დაინიშნა. იგი სამინისტროში ტურიზმის, ავიაციისა და კურორტების განვითარების მიმართულებებს უხელმძღვანელებს.

მარიამ ქვრივიშვილი „ქართული ოცნება – დემოკრატიული საქართველოს“ პოლიტიკური საბჭოს წევრია. ეკონომიკის მინისტრის მოადგილედ დანიშვნამდე იგი საქართველოს საკანონმდებლო ორგანოს დეპუტატი და ევროპასთან ინტეგრაციის კომიტეტის თავმჯდომარის პირველი მოადგილე, ასევე დარგობრივი ეკონომიკისა და ეკონომიკური პოლიტიკის კომიტეტის წევრი იყო.

0 comments
0 FacebookTwitterPinterestEmail
flugzeug
AktuellesPressespiegelTourismus ge

5 აგვისტოდან რიგის მიმართულებით ფრენებს AirBaltic შეასრულებს

by Salome Mumladze
written by Salome Mumladze

მოლაპარაკებები სამოქალაქო ავიაციის სააგენტოსა და ავიაკომპანია airBaltic-ს შორის დასრულდა.

დასრულდა მოლაპარაკებები სამოქალაქო ავიაციის სააგენტოსა და ავიაკომპანია airBaltic-ს შორის და ცნობილი გახდა, რომ საქართველოსა და ლატვიის დედაქალაქებს შორის რეგულარული საჰაერო მიმოსვლა 5 აგვისტოდან განახლდება.

„5 აგვისტოდან 20 აგვისტომდე შესრულდება კვირაში ერთი ფრენა, რაც გამართლებულია ეპოდემიოლოგიური თვალსაზრისით, ხოლო 20 აგვისტოს შემდეგ, თუკი კოვიდ-თან დაკავშირებული ვითარება ამის საშუალებას მოგვცემს, კვირაში უკვე ორი ფრენა შესრულდება,“ – განაცხადა მინისტრმა ნათია თურნავამ.

0 comments
0 FacebookTwitterPinterestEmail
X