October 2025

გერმანიის ეკონომიკური გაერთიანების (DWV) წევრმა კომპანიამ „ზიგიმ“ თავისი 10 წლის იუბილე განსაკუთრებული ღონისძიებით აღნიშნა – 1 ოქტომბერს ბათუმში, 26 მაისის ქუჩა N13-ზე, ოფიციალურად გაიხსნა მილეს ახალი შოურუმი.

„ზიგი“ საქართველოში წარმოადგენს წამყვან პრემიუმ ბრენდებს:

• MIELE
• LIEBHERR
• K-ARRAY

ეს საერთაშორისო ბრენდები ცნობილია ხარისხით, ინოვაციურობითა და გამძლეობით – როგორც საოჯახო, ასევე პროფესიონალურ ტექნიკასა და აუდიო სისტემებში.

MIELE, როგორც გერმანული ბრენდი, საუკუნოვანი ისტორიით არის წარმოდგენილი მსოფლიო ბაზარზე, კერძოდ, 126 წლიანი ისტორიის მანძილზე შეძლო და დღემდე ინარჩუნებს ერთ-ერთი ყველაზე სანდო და სასურველი პრემიუმ კლასის ბრენდის სახელს. კომპანია აწარმოებს საყოფაცხოვრებო და პროფესიონალური ხაზის ტექნიკას, რომელიც წარმოებულია გერმანიაში გერმანული ტექნოლოგიით და გამოირჩევა თავისი ხარისხით, გამძლეობით, ენერგიეფექტურობითა და გამოყენების სიმარტივით.

LIEBHERR, გახლავთ, აგრეთვე, გერმანული წარმოშობის ბრენდი, რომელიც აწარმოებს პრემიუმ კლასის მაცივრებს, როგორც, საყოფაცხოვრებო, ასევე, პროფე-სიონალური და სამედიცინო ხაზის მიმართულებით.

,,ზიგის’’ წარმომადგენლობაში ერთიანდება იტალიური პროფესიონალური აუდიო სისტემის მწარმოებელი კომპანია – K-ARRAY-ც, რომელიც მსოფლიოს არაერთ მნიშვნელოვან და მაღალი სტანდარტების სივრცეში გვხვდება, სადაც მნიშვნელოვანია მუსიკისა და ხმის ხარისხი, ვიზუალი და დიზაინი.

გახსნის დღეს სტუმრებს დახვდათ მრავალფეროვანი პროგრამა, გათამაშებები და საჩუქრები. ახალ შოურუმში სტუმრებს შესაძლებლობა ჰქონდათ ადგილზე გაცნობოდნენ პრემიუმ ბრენდების უახლეს ტექნიკასა და ინოვაციებს.

განსაკუთრებულ სიახლედ იქცა DWV-ის ოქტომბრის ბიზნეს ბიულეტენში გამოქვეყნებული ექსკლუზიური შეთავაზება სპეციალური პრომოკოდით.

DWV-ს წევრებობის შესახებ უფრო მეტი აქ.

გერმანიის ეკონომიკური გაერთიანების (DWV) წევრებმა მნიშვნელოვანი წარმატებები მოიპოვეს Welcome to Georgia! – ტურიზმის ეროვნულ საიუბილეო დაჯილდოებაზე, რომელიც „პროკრედიტ ბანკის“ პარტნიორობით გაიმართა. ღონისძიებამ 35 კატეგორიაში გამოავლინა სექტორის საუკეთესო პრაქტიკები და 500-მდე პროფესიონალს უმასპინძლა.

დაჯილდოებაზე რამდენიმე გაერთიანების წევრი კომპანია წარმატებით გამოვიდა. Pullman Tbilisi Axis Towers Hotel დაჯილდოვდა როგორც – საუკეთესო MICE სივრცისა და საუკეთესო Mixology & Cocktail Bar-ის (Weather Report Sky Bar)  მფლობელი. Swissôtel Tbilisi კი აღიარებულ იქნა როგორც საუკეთესო Upscale Accommodation.

გრანთ თორნთონმა მნიშვნელოვანი როლი ითამაშა დაჯილდოების პროცესში –კომპანიამ უზრუნველყო შეფასების სრული გამჭვირვალობა, დამოუკიდებლობა და პროფესიონალიზმი, ხოლო „პროკრედიტ ბანკმა“ დააწესა სპეციალური კატეგორია – ქალები ტურიზმში, რომლის გამარჯვებულსაც სპეციალური პრიზი გადაეცა. გარდა ამისა, „გრანთ თორნთონი“ და „პროკრედიტ ბანკი“ ჟიურის წევრებადაც მონაწილეობდნენ, რაც შეფასების პროცესის ობიექტურობასა და სანდოობას უზრუნველყოფდა.

Welcome to Georgia! – ტურიზმის ეროვნული დაჯილდოება 2015 წლიდან ტარდება და მიზნად ისახავს ტურიზმისა და სტუმარმასპინძლობის სექტორში ხარისხის, ინოვაციების და წარმატების აღიარებას. საიუბილეო დაჯილდოებამ კიდევ ერთხელ წარმოაჩინა მისი მნიშვნელობა, როგორც ერთ–ერთი ყველაზე პრესტიჟული ინდუსტრიული პრიზისა საქართველოში.

გარდა ამისა, Pullman Tbilisi Axis Towers Hotel-ის Weather Report Sky Bar, რომელიც წელს საუკეთესო Mixology & Cocktail Bar-ის კატეგორიაში გამარჯვებული გახდა, 15 ოქტომბერს უმასპინძლებს გერმანიის ეკონომიკური გაერთიანების ტრადიციულ ნეთვორქინგ ღონისძიებას – Get Together-ს. ეს შეხვედრა ბიზნესის წარმომადგენლებისთვის ღიაა და ქმნის უნიკალურ შესაძლებლობას, ახალი საქმიანი კონტაქტების დასამყარებლად, გამოცდილების გასაზიარებლად და თანამშრომლობის პერსპექტივების განსახილველად ინოვაციურ და წარმატებულ გარემოში.

DWV-ს წევრებობის შესახებ უფრო მეტი აქ.