July 2020

კასპის სოფელ ზემო ჩოჩეთში ბროილერის ქათმის ფერმა აშენდა, რომელიც გათვლილია 1,800,000 ცალი ქათმის წარმადობაზე წელიწადში.

პროექტის მიხედვით, პროდუქციის დისტრიბუცია პირველ ეტაპზე მოხდება ადგილობრივ ბაზარზე, რაც მნიშვნელოვანად შეამცირებს მოთხოვნას იმპორტირებულ ქათმის ხორცზე. კომპანიის მიზანი იმპორტირებული პროდუქციის ადგილობრივი წარმოებით ჩანაცვლებაა. განვითარების შემდეგ ეტაპზე კომპანია ექსპორტზე გასვლას გეგმავს.

მეფრინველეობის მეურნეობაში დასაქმებულია 150-ზე მეტი ადამიანი, რომელთა უმეტესობა ადგილობრივია.

პროექტის, რომელიც “საქართველოს ბანკის” ფინანსური თანამონაწილეობით განხორციელდა, ინვესტიციის ჯამური მოცულობა 22 მლნ.ლარია.

ფერმის 15 შენობა, რომელთა საერთო ფართობი 20 000 კვ.მ.-ს მოიცავს, კომპანია “ელემენტ კონსტრაქშენმა” 3 თვეში ააშენა.

„პროკრედიტ ბანკსა“ და კომპანია „ქარდიალს” შორის 1 წლიანი თანამშრომლობის მემორანდუმი გაფორმა, რომელიც ეკო ავტომობილის შეძენის მსურველებისთვის, დაფინანსების სპეციალური პირობების შეთავაზებას ისახავს მიზნად. მემორანდუმის თანახმად, ავტოიმპორტიორ ონლაინ პლატფორმა „ქარდიალის“ საშუალებით, გარემოსადმი მეგობრული ავტომანქანების, კერძოდ ელექტო და ფლაგინ ჰიბრიდის პოტენციური მომხმარებლების პროკრედიტ ბანკთან დაკავშირება და დაფინანსების შესაძლო ვარიანტების ინდივიდუალური გავლა მოხდება.

გარემოსდაცვითი მიმართულების მნიშვნელოვნებიდან გამომდინარე, პროკრედი ბანკი მომხმარებელს ელ.მანქანის დაფინანსებას, ბაზარზე მოქმედ ყველაზე დაბალ საპროცენტო განაკვეთში სთავაზობს.

პროკრედიტ ბანკი ანგარიშის გახსნის ინოვაციურ მეთოდს გთავაზობთ. ვიდეო იდენტიფიკაცია ფილიალში ვიზიტის ტექნოლოგიურ ალტერნატივას წარმოადგენს.

სერვისის გამოყენებით შესაძლებელია ნებისმიერი ადგილიდან იდენტიფიკაციის პროცესის ბანკთან ვიდეო ზარის მეშვეობით გავლა, ანგარიშის გახსნა და საბანკო სერვისების დარეგისტრირება.

ვიდეო ზარის წამოსაწყებად საჭიროა თანამედროვე მობილური ტელეფონი ან კამერითა და მიკროფონით აღჭურვილი კომპიუტერი და, რა თქმა უნდა, ინტერნეტ კავშირი.

ბანკის განცხადებით, ამ სიახლეს აქვს შემდეგი უპირატესობები:

1. სიმარტივე – იდენტიფიკაციის პროცესის გავლას სულ რამდენიმე წუთი სჭირდება.
2. მოქნილობა – მომსახურების მიღება ნებისმიერი ადგილიდან არის შესაძლებელი და არ საჭიროებს ფილიალში ვიზიტს
3. დაცულობა – ვიდეო იდენტიფიკაცია ხორციელდება სერთიფიცირებული პროგრამული უზრუნველყოფის საშუალებით

“აჭარა ჯგუფში”  შემავალმა სასტუმრო “რუმს ჰოტელს ყაზბეგმა” საზაფხულო აქცია გამოაცხადა. შეთავაზება ვრცელდება სტანდარტულ ნომრებზე საუზმით.

1. პარასკევს და შაბათს 1 ღამის ფასი იწყება 240 ₾-დან + 18% დღგ
2. კვირიდან ხუთშაბათის ჩათვლით 1 ღამის ღირებულება იწყება: 200 ₾-დან + 18% დღგ

4 ან მეტი ღამის დაჯავშნის შემთხვევაში 1 ღამის ფასი იწყება 160₾ + დღგ.

23-დან 25 ივლისის ჩათვლით „ორიენტ ლოჯიკი“ პარტნიორი ორგანიზაციების წარმომადგენლებისთვის DELL Technologies-თან ერთად პანდემიის შემდგომ პირველ ერთობლივ ღონისძიებას ჩაატარებს.

Summer Days with Orient Logic & DELL Technologies – ღონისძიების ფარგლებში განხილული იქნება უახლესი ტექნოლოგიები და გადაწყვეტილებები, რაც საქართველოს ბაზარზე არსებულ კომპანიებს დაეხმარება მარტივად და ეფექტურად მოახდინონ ტექნოლოგიური ტრანსფორმაცია.

ღონისძიება გაიმართება სასტუმროში დრიმლენდ ოაზისი ჩაქვი.