Startseite » Archive für June 2024
Monthly Archives

June 2024

Aktuellesnews-right-gePolitikTop-geWirtschaft

 2025 წლის ბუნდესთაგის საერთაშორისო სტიპენდია (IPS)

by Salome Mumladze
written by Salome Mumladze

გერმანიის ბუნდესთაგი ბერლინის უნივერსიტეტებთან თანამშრომლობით თავისი პროგრამის „საერთაშორისო საპარლამენტო სტიპენდია (IPS)“ ფარგლებში ყოველ წელს დაინტერესებულ ახალგაზრდებს აძლევს უნიკალურ შანსს, უშუალოდ გაეცნონ პოლიტიკური გადაწყვეტილებების მიღების პროცესებს.

ხართ ოცდაათ წლამდე ასაკის საქართველოს მოქალაქე? თავისუფლად საუბრობთ გერმანულად და ხართ პოლიტიკურად დაინტერესებული?

მაშინ, გააგზავნეთ განაცხადი 2024 წლის 31 ივლისამდე შემდეგ მეილზე: ips@tifl.diplo.de (PDF-დოკუმენტის სიდიდე არ უნდა აღემატებოდეს 15 მბ-ს.)

პროგრამა გრძელდება 2025 წლის 1 მარტიდან 31 ივლისამდე.

დამატებითი ინფორმაცია კონკურსისა და პროგრამის შესახებ იხილეთ აქ.

0 comments
0 FacebookTwitterPinterestEmail
Aktuellesnews-right-geWirtschaftწევრების სიახლეები

არდის CSR აქტივობა რაჭის მაღალმთიან სოფლებში მცხოვრები ბავშვებისთვის

by Salome Mumladze
written by Salome Mumladze

გერმანიის ეკონომიკური გაერთიანების (DWV) წევრი, სადაზღვევო კომპანია არდი, კერძო ბიზნეს სექტორში ერთ-ერთი ის გამორჩეული კომპანიაა, რომელიც ყოველთვის ცდილობს საკუთარი საქმიანობის მაღალი სტანდარტებით განხორციელების პარალელურად, მნიშვნელოვანი როლი შეიტანოს ასევე საზოგადოების სხვადასხვა წარმომადგენლების მხარდაჭერის ნაწილში CSR აქტივობების მიმართულებით.

ბავშვთა დაცვის საერთაშორისო დღესთან დაკავშირებით, არდი რაჭის მაღალმთიან სოფლებში მცხოვრებ ბავშვებს ესტუმრა და ემოციებით სავსე დღე აჩუქა, რომლის ინსპირაციაც თავად ბავშვების მიერ დასახელებული ყველაზე დიდი სურვილი იყო – ესწავლათ ქართული ცეკვა სუხიშვილების პროფესიონალ მოცეკვავეებთან ერთად.

არდიმ ეს სურვილი რეალობად აქცია და 1 ივნისს, ონის კულტურის სახლს სუხიშვილების აკადემიის წამყვან სოლისტთან ერთად ეწვია. მაღალმთიანი სოფლების: გლოლას, ღებისა და ჭიორაში მცხოვრებ ბავშვებს სუხიშვილების ბრენდული მაისურები გადაეცათ და ამავე მაისურებში გამოწყობილებს ქართული ცეკვის მასტერკლასი ჩაუტარდათ. ბავშვები დაეუფლნენ ლეგენდარული ანსამბლის უნიკალური ცეკვების – ,,ლაზურის” და ,,ილოურის” ილეთებს.

ქართული ცეკვის მასტერკლასის შემდეგ, არდი წიგნიერების გამავრცელებელი საზოგადოების დამფუძნებელ გიორგი კეკელიძესთან ერთად მაღალმთიან სოფელ გლოლას საჯაროს სკოლას ესტუმრა. სადაც ბავშვებისთვის მოეწყო არდის სამახსოვრო წიგნების კუთხე, რომელიც საჩუქრად მიღებული ქართული და ინგლისურენოვანი წიგნებით ბავშვებმა თავად შეავსეს. ადგილზე გიორგი კეკელიძემ მოსწავლეებთან საგანმანათლებლო დისკუსიაც გამართა. არდი წიგნის კუთხეს სოფელ გლოლაში პერიოდულად განაახლებს ახალი გამოცემის წიგნებით.

0 comments
0 FacebookTwitterPinterestEmail
Aktuellesnews-right-geWirtschaftწევრების სიახლეები

გამოფენა CENN-ისგან: „პეიზაჟი მოგვითხრობს ამბავს“

by Salome Mumladze
written by Salome Mumladze

გერმანიის ეკონომიკური გაერთიანების (DWV) წევრი CENN 25 ივნისიდან 30 ივნისის ჩათვლით მულტიმედიურ გამოფენას „პეიზაჟი მოგვითხრობს ამბავს“ გალერეა „არტარეაში“ მართავს. გამოფენა ეძღვნება CENN-ის დამფუძნებლის ნანა ჯანაშიას ხსოვნას.

პროექტი გულისხმობს ბუნებასთან მეგობრულ თანამშრომლობას, მასზე ზრუნვას და მასთან კავშირის გაცნობიერებულ გაღრმავებას.  პროექტის ფარგლებში, ქართველი ხელოვანები წარმოადგენენ საკუთარ მხატვრულ ხედვებს ენერგიებისა და ენერგომატარებლების თემაზე, მათი სრულყოფისა და გაუმჯობესების გააზრებისას კი შეეხებიან კულტურის საფუძვლებს, მითოლოგიას, ორგანული მასალების ენასა და შესაძლებლობებს.

გამოფენა ორგანიზებულია კომპანია Gopa Intec-ისა და ორგანიზაცია CENN-ის მიერ, ევროკავშირის მიერ დაფინანსებული პროექტების „საქართველოს ენერგო სექტორის რეფორმის ტექნიკური მხარდაჭერა“ და „საქართველოს კლიმატის პროგრამა“ ფარგლებში. პროექტს მხარს უჭერს საქართველოს ეკონომიკისა და მდგრადი განვითარების სამინისტრო.

გამოფენის გახსნა: 25 ივნისი, 18:00
მისამართი: არტარეა, დოდო აბაშიძის ქ. 10, თბილისი
კურატორი: ხათუნა ხაბულიანი, ხელოვნებათმცოდნეობის დოქტორი

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Aktuellesnews-right-geWirtschaftწევრების სიახლეები

DWV-ს წევრები სტუდენტების მხარდასაჭერად!

by Salome Mumladze
written by Salome Mumladze

გერმანიის ეკონომიკური გაერთიანების (DWV) წევრმა კომპანიებმა, გრანთ თორნთონმა და Nexia Georgia-მ, 20 ივნისს  მონაწილეობა მიიღეს საზაფხულო დასაქმების ფორუმში BTU • Business and Technology University – თან ერთად  სტუდენტების მხარდასაჭერად!

ფორუმის ფარგლებში Nexia-სა და გრანთ თორნთონის ადამიანური რესურსების გუნდმა სტუდენტებს მათ კომპანიაში მიმდინარე სტაჟირების პროგრამების, ვაკანსიებისა და კარიერული განვითარების შესაძლებლობებზე მიაწოდეს ინფორმაცია.

ნექსიასა და გრანთ თორნთონის გუნდი ყოველწლიურად იღებს მონაწილეობას დასაქმების ფორუმში, რათა ხელი შეუწყონ სტუდენტებს კარიერულ წინსვლასა და განვითარებაში.

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Aktuellesnews-right-gePressespiegelTourismus geWirtschaftწევრების სიახლეები

როგორ ემზადებიან DWV-ს წევრი სასტუმროები წლის ყველაზე ამაღელვებელი საფეხბურთო ჩემპიონატისთვის?

by Salome Mumladze
written by Salome Mumladze

გერმანია 2024 წლის 14 ივნისიდან 14 ივლისამდე, UEFA-ს 2024 წლის ევროპის რიგით მე-17 საფეხბურთო ჩემპიონატს უმასპინძლებს. ჩემპიონატის მოახლოებასთან ერთად, იმატებს გულშემატკივართა მღელვარებაც. წლევანდელი ჩემპიონატი განსაკუთრებულია, რადგან მასში საქართველოს ეროვნული ნაკრები ისტორიაში პირველად იასპარეზებს, სადაც ქართული გუნდი საქართველოს ბანკის სრული სპონსორიბით წარსდგება.

თბილისის საუკეთესო ადგილები ჩემპიონატის საყურებლად

თბილისში, წლის ამ გამორჩეული საფეხბურთო ღონისძიებისთვის, გამორჩეულად ემზადებიან. გერმანიის სტადიონებს მიღმა დარჩენილ მაყურებელს, ფეხბურთის საყურებლად საუკეთესო გარემოს შექმნას, უამრავი პრემიუმ-კლასის ლოკალი  ჰპირდება. გერმანიის ეკონომიკური გაერთიანების (DWV) წევრი სასტუმროები საყვარელი გუნდის მხარდასაჭერად შეკრებილ გულშემატკივარს, სპეციალურად ჩემპიონატისთვის მომზადებული პროგრამებით უმასპინძლებენ.

  • Pullman Tbilisi Axis Towers, 14 ივნისიდან 14 ივლისის ჩათვლით, ლობი ბარში მისულ გულშემატკივარს, დიდ ეკრანზე მატჩების პირდაპირი ტრანსლაციის პარალელურად, დაუვიწყარ ატმოსფეროსა და სპეციალურად ამ დღეებისთვის შექმნილ, უგემრიელესი სასმელებისა და კერძებისგან შემდგარ მენიუს სთავაზობს.

მაგიდის დასაჯავშნად დარეკეთ ნომერზე: 577 58 21 12
მისამართი: ჭავჭავაძის გამზ. 37მ, თბილისი 0179

  • Swissotel Tbilisi სპეციალურად ევროპის ჩემპიონატისთვის, Swiss Cafe Yard –ში  86 დიუმიან მონიტორს დადგამს და საგულშემატკივროდ შეკრებილ სტუმრებს გრილზე მომზადებული კერძებითა და  ჩამოსასხმელი ლუდით გაუმასპინძლდება. აქვე, ფეხბურთის გულშემატკივრებს სახალისო ვიქტორინა და პრიზებიც ელოდებათ.

მაგიდის დასაჯავშნად დარეკეთ ნომერზე: +995 32 2 20 20 70
მისამართი: სოლიკო ვირსალაძის 3, თბილისი

  • Golden Tulip Design Tbilisi ისტორიულ თამაშებისთვის გამორჩეულად ემზადება და საქართველოს ეროვნულ საფეხბურთო ნაკრებს სრულ მხარდაჭერას უცხადებს. სასტუმრო,  18, 22 და 26 ივნისს, სპეციალურად ტურნირისთვის დამონტაჟებულ დიდ ეკრანზე,  ქართული თამაშების  პირდაპირ ტრანსლაციას, თბილისის ყველაზე ლამაზი ხედის ფონზე აანონსებს. საქართელოს ეროვნული საფეხბურთო ნაკრების მხარდასაჭერად შეკრებილ გულშემატკივარს Golden Tulip Design Tbilisi-ის რესტორანი  სპეციალური მენიუთი გაუმასპინძლდება.

მაგიდის დასაჯავშნად დარეკეთ ნომერზე: 0322 157 155
მისამართი: ქეთევან წამებულის გამზ. 37, თბილისი 0103

  • Sheraton Grand Tbilisi Meteche Palace საქართელოს ეროვნული საფეხბურთო ნაკრების პირველ ევროპულ ჩემპიონატსა და ქართულ თამაშებს 18, 22 და 26 ივნისს, კრაფტ ჰაუსის სივრცეს დაუთმობს, სადაც საგულშემატკივროდ მისულ სტუმრებს, სპეციალური მენიუთი და  ლუდის ფართო არჩევანით გაუმასპინძლდება.

მაგიდის დასაჯავშნად დარეკეთ ნომერზე: 577 21 30 34
მისამართი: თელავის ქ. 20. თბილისი 0103

  • Radisson Blu Iveria Hotel   UEFA 2024 ის ყველა თამაშის პირდაპირ ტრანსლაციას გეგმავს  და ფეხბურთის საყურებლად ფილინიში გვეპატიჟება.

დასაჯავშნად და დეტალებისთვის დარეკეთ ტელეფონზე: +995 322 402 222
მისამართი: 1 ვარდების რევოლუციის მოედანი, თბილისი 0108

  • Paragraph Freedam  Square თბილისის ტერასასა და ბარ – EARY, EURO 2024-ის მატჩების ჩვენებას უთმობს და ფეხბურთის მოყვარულებს, თბილისის შესანიშნავი ხედების ფონზე, 14 ივნისიდან, სასტუმროს მე-10 სართულზე ეპატიჟება.   დიდ ეკრანთან ერთად, აქ გელოდებათ ჩამოსასხმელი ლუდი და სპეციალური მენიუ, რომელიც მიშლენის ვარსკვლავის მფლობელმა ფრანგმა შეფმა – სტეფან გორტინამ თქვენთვის შექმნა.

მაგიდის დასაჯავშნად დარეკეთ ტელეფონზე:  +995 322 44 88 88
მისამართი: ლადო გუდიაშვილის 2, თბილისი

  • Tbilisi Saburtalo Hotel by Mercure  უეფას ევრო 2024-ის ყველა თამაშს რესტორან Wine & Fire-ში სახალისო პროგრამით უმასპინძლებს. ადგილზე მისულ გულშემატკივარს, განსაკუთრებულ გარემოსთან ერთად, მიშლენის ვარსკვლავის მქონე აღმასრულებელი შეფის მომზადებული კერძები  და  სპეციალური გასართობი თამაშები ელოდებათ: ის, ვინც თამაშის ანგარიშს წინასწარ გამოიცნობს, სასტუმრო უფასო ლუდით გაუმასპინძლდება.

მაგიდის დასაჯავშნად დარეკეთ ტელეფონზე: T (+995) 032 244 11 11
მისამართი: ყაზბეგის გამზირი 15ა, თბილისი 0160

  • Tbilisi Philarmonic by Mercure UEFA 2024-ის ყველა თამაშის პირდაპირ ტრანსლაციას გეგმავს  და ფეხბურთის საყურებლად მისულ გულშემატკივარს, მყუდრო გარემოს რესტორან Muse-ში სთავაზობს. სტუმრებს აქ დახვდებათ სახალისო თამაშები, პრიზები  და მიშლენის ვარსკვლავის მქონე აღმასრულებელი შეფის მომზადებული კერძები.

მაგიდის დასაჯავშნად დარეკეთ ტელეფონზე: T (+995) 032 244 77 77
მისამართი: მელიქიშვილის გამზირი 10პ, თბილისი 0179

  • ibis Styles Tbilisi Center  ევროპის ჩემპიონატს განსაკუთრებულად მომზადებული ხვდება და ფეხბურთის გულშემატკივარს, ჩემპიონატზე მორგებულ სპეციალურ პროგრამას სთავაზობს: 10%-იანი ფასდაკლება მენიუზე, უეფას ევრო 2024-ის ყოველი თამაშის დროს, უფასო ლუდი ანგარიშის წინასწარ გამოცნობისთვის და ა.შ. უეფას ევრო 2024-ის ყველა თამაში, აქ Rum Roof Kitchen Bar-ში გაშუქდება.

მაგიდის დასაჯავშნად დარეკეთ ტელეფონზე:  T (+995) 32 200 24 24
მისამართი: ტაბიძის ქუჩა 4გ, თბილისი 0105

 

DWV-გუნდი გისურვებთ დაუვიწყარ ევროპის ჩემპიონატსა და თქვენთვის სასურველი ნაკრების წარმატებულ ასპარეზობას ევროპის ჩემპიონატზე!

0 comments
0 FacebookTwitterPinterestEmail
Partnering in Business with Germany
Aktuellesnews-right-geTop-geWirtschaft

მენეჯერთა გადამზადების პროგრამა

by Salome Mumladze
written by Salome Mumladze

სააგენტო “აწარმოე საქართველოში”, გერმანიის ეკონომიკისა და ენერგეტიკის სამინისტროსთან თანამშრომლობით და GIZ-ის მხარდაჭერით, ისევ გეგმავს მენეჯერთა გადამზადების პროგრამას, რომლის მიზანია, საერთაშორისო ვაჭრობის შესაძლებლობების განვითარება მცირე და საშუალო ბიზნესისთვის.

აღნიშნული პროგრამა უნიკალურ შანსს აძლევს ადგილობრივ მეწარმეებს, დაამყარონ კონტაქტი გერმანულ კომპანიებთან და გამართონ ბიზნეს შეხვედრები.

პროგრამა მოიცავს როგორც ტრენინგებს, ასევე ვიზიტებს გერმანულ კომპანიებში და ინდივიდუალურ შეხვედრებს ადგილობრივი ბიზნესის წარმომადგენლებთან.

პროგრამის ძირითადი მიზნები:

  • გერმანიის ბიზნეს მენეჯმენტის პრაქტიკისა და გერმანული ბიზნეს კულტურის გაცნობა;
  • გერმანიაში უახლესი მწვანე ტექნოლოგიების, წარმოების სისტემებისა და სერვისების გაცნობა;
  • გრძელვადიანი ბიზნეს პარტნიორობის ფორმირება გერმანულ კომპანიებთან;
  • საერთაშორისო ბიზნეს ურთიერთობებისა და მოლაპარაკების უნარების განვითარება;
  • თანამედროვე ტექნოლოგიებისა და დანადგარების შესახებ ინფორმაციის მიღება;

პროგრამაში მონაწილეობა (სამიზნე ჯგუფი):

პროგრამაში მონაწილეობის მიღება შეუძლიათ, მცირე და საშუალო საწარმოების საშუალო ან მაღალი რგოლის მენეჯერებს, კომპანიების წარმომადგენლებს, რომლებიც  დაინტერესებულნი არიან, გერმანულ კომპანიებთან თანამშრომლობის დაწყებით, გაღრმავებით ან/და გააქტიურებით.

აუცილებელი მოთხოვნაა, კომპანია 3 წლის განმავლობაში წარმოდგენილი იყოს ადგილობრივ ან/და საერთაშორისო ბაზარზე.

აპლიკანტი უნდა აკმაყოფილებდეს შემდეგ კრიტერიუმებს:

  • უმაღლესი განათლება, ეკონომიკური, სავაჭრო, ტექნოლოგიური, მენეჯერული ან სხვა მსგავსი სპეციალობით;
  • ინგლისური ენის B2 დონეზე ფლობა;

გლობალური პანდემიის ვითარებიდან გამომდინარე პროგრამა ადაპტირდა ვირტუალურ  ფორმატზე და შედგება 3 ფაზისგან:

  • I ფაზა – მონაწილეებს საშუალება ექნებათ 8 კვირის განმავლობაში ონლაინ დაესწრონ სასწავლო კურსებს და სემინარებს;
  • II ფაზა – ვირტუალური პროგრამის დასრულების შემდეგ მონაწილეებს საშუალება ექნებათ მიღებული ცოდნა და გამოცდილება გამოიყენონ თავიანთ საქმიანობაში. 6 თვის განმავლობაში კონტაქტი ექნებათ გერმანულ ტრენინგ ცენტრთან;
  • III ფაზა – ვირტუალური პროგრამის დასრულებიდან 6-12 თვის ვადაში მონაწილეებს მიიწვევენ 2 კვირით გერმანიაში, სადაც ისინი ჩაერთვებიან სემინარებში, შეხვდებიან გერმანელ მენეჯერებს და ბიზნეს ორგანიზაციების წარმომადგენლებს. ამასთან, საშუალება ექნებათ გამართონ ინდივიდუალური შეხვედრები და გააფორმონ ხელშეკრულებები გერმანელ ბიზნესპარტნიორებთან.

შერჩევის პროცესი:

  • დაინტერესებული პირი ავსებს სააპლიკაციო დოკუმენტებს და აგზავნის სააგენტოში ელექტრონული ფორმით;
  • მიღებული აპლიკაციები გადაირჩევა GIZ-ის და სააგენტო „აწარმოე საქართველოში“ გუნდის მიერ;
  • შერჩეულ აპლიკანტებთან შესაძლოა ჩატარდეს გაცნობითი ონლაინ შეხვედრა;
  • გაიმართება გასაუბრება შერჩეულ აპლიკანტებთან;
  • საბოლოოდ შერჩეულ კანდიდატებს დაუკავშირდებიან და აცნობებენ პროგრამაში მონაწილეობის შესახებ;

პროგრამის საინფორმაციო ბროშურის და სააპლიკაციო დოკუმენტების სანახავად, ეწვიეთ ამ ბმულს. 

*გთხოვთ, შევსებული სააპლიკაციო დოკუმენტები გამოგვიგზავნით, არაუგვიანეს 2024 წლის 20 ივნისისა.  შევსებული საპლიკაციო დოკუმენტები და პასპორტის ასლი გადმოაგზავნეთ ელ.ფოსტაზე: applypwg@gmail.com (თემა:Partnering in Business with Germany – სახელი და გვარი).

პროგრამაში მონაწილეობასთან დაკავშირებულ ხარჯს, გარდა ტრანსპორტირებისა (ფრენა და აეროპორტიდან გადაადგილება დანიშნულების ადგილზე) ფარავს გერმანული მხარე. პროგრამაში მონაწილეების რაოდენობა შეზღუდულია.

დამატებითი ინფორმაციისთვის, გთხოვთ, დაუკავშირდეთ სააგენტოს მომსახურების ცენტრს, ნომერზე: 1525.

პროგრამის შესახებ დეტალური ინფორმაცია შეგიძლიათ იხილოთ ვებგვერდზე: Business with Germany – Partnering in Business with Germany (managerprogramm.de)

0 comments
0 FacebookTwitterPinterestEmail
Aktuellesnews-right-geRecht und Steuern Geწევრების სიახლეები

ნექსია ახალ, პერსონალურ მონაცემთა დაცვის სერვისს ნერგავს.

by Salome Mumladze
written by Salome Mumladze

2024 წლის 1 მარტს, საქართველოში ძალაში შევიდა ახალი კანონი ,“პერსონალურ მონაცემთა დაცვის შესახებ“. მონაცემთა სათანადო დამუშავების მიზნით, ახალი კანონი მკაცრ საკანონმდებლო მოთხოვნებს აწესებს საჯარო და ბიზნეს ორგანიზაციებისთვის, რომლებიც დიდი რაოდენობით მონაცემებს ამუშავებენ. ახალი კანონი ორგანიზაციებს პერსონალური მონაცემების დამუშავების პოლიტიკის გაწერის ვალდებულებას აკისრებს, ხოლო  მთელ რიგ ორგანიზაციებს დამატებით, ოფიცრის აყვანა ევალებათ, რაც თავის მხრივ დიდი გამოწვევაა თანამედროვე ბიზნესის სექტორში.

პერსონალურ მონაცემთა დაცვის გამოწვევების საპასუხოდ, ნექსია საქართველომ ახალი სერვისი დანერგა. ის ორგანიზაციებს ახალი კანონის სწორ და კონსტრუქტიულ რეალიზებასა და თანამშრომელთა გადამზადებაში დაეხმარება. გარდა ამისა,  იზრუნებს ყველა საჭირო დოკუმენტის შედგენაზე და კომპანიების შიდა დოკუმენტების შესრულების პერიოდულ მონიტორინგს განახორციელებს.

ნექსია საქართველო 10 წელზე მეტია უკონკურენტოდ ოპერირებს საქართველოს ბაზარზე   და მომხმარებელს აუდიტის, გადასახადების, ბუღალტერიის, კონსალტინგის, იურიდიული მომსახურების, ციფრული ტექნოლოგიებისა და ლიცენზირებული პროგრამების სფეროებში სრულ მხარდაჭერას სთავაზობს.

 

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
BDO
Aktuellesnews-right-geწევრების სიახლეები

BDO ნუტრიმაქსისთვის თანამშრომელთა ელექტრონული სწავლების პლათფორმას ნერგავს

by Salome Mumladze
written by Salome Mumladze

გერმანიის ეკონომიკური გაერთიანების (DWV) წევრმა კომპანიამ, BDO-მ, ნუტრიმაქსისთვის ინდივიდუალურად მორგებული თანამშრომელთა ელექტრონული სწავლებისა და განვითარების პლათფორმა- LMS დანერგა, რომელიც ემსახურება თანამშრომელთა სწავლების პროცესის ინოვაციური მეთოდებით გამარტივებასა და ხელშეწყობას.

LMS სისტემა ნაკლები დანახარჯისა და დროითი რესურსის გამოყენებით შესაძლებლობას იძლევა ერთ სივრცეში სხვადასხვა მიმართულების სასწავლო კურსის როგორც დაორგანიზების, ასევე, მოკლე დროში შედეგების ანალიტიკისაც. პროგრამის გამოყენება შესაძლებელია ონლაინ,  რაც სწავლების პროცესს უფრო ორგანიზებულს ხდის და ხელს უწყობს კომპანიაში ახალი თანამშრომლების ადაპტაციის პროცესს ნებისმიერი ლოკაციიდან,.

LMS პლატფორმის მეშვეობით ორგანიზაციას შეუძლია:

  •  ელექტრონული კონფერენციების ჩატარება, სასწავლო მასალებისა და გამოცდების შექმნა
  • ინდივიდუალური და ჯგუფური სასწავლო პროცესის ორგანიზება
  • სასწავლო პლატფორმის მორგება და სტრუქტურიზება

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
Aktuellesnews-right-ge

პროფესიული განათლების ეროვნული ჯილდო 2024

by Salome Mumladze
written by Salome Mumladze

დაიწყო განაცხადების მიღება ყოველწლიურ კონკურსზე: პროფესიული განათლების ეროვნული ჯილდო. პროექტი საქართველოს განათლების, მეცნიერების და ახალგაზრდობის სამინისტროს მხარდაჭერით ხორციელდება.

კონკურსში, გამარჯვებულები ოთხ ძირითად საკონკურსო კატეგორიებში გამოვლინდებიან, სპეციალური ჯილდოები გაიცემა, ასევე, საქართველოს პარლამენტის, პროფესიული უნარების სააგენტოს, საქართველოში ისრაელის საელჩოს და საქართველოს ბიზნეს ასოციაციის მიერ.

პროფესიული განათლების ეროვნული ჯილდოს კონკურსის ფარგლებში გამოვლინდებიან გამარჯვებულები შემდეგ კატეგორიაში:

  • წლის პროფესიული საგანმანათლებლო პროგრამა
  • წლის პროფესიული განათლების მასწავლებელი
  • წლის პროფესიული განათლების სტუდენტი
  • წლის პროფესიული განათლების ბიზნეს პარტნიორი

სპეციალური პრიზებია:

  • საქართველოს პარლამენტის სპეციალური ჯილდო – ინკლუზიური პროფესიული განათლების ხელშეწყობა
  • პროფესიული უნარების სააგენტოს სპეციალური ჯილდო – დამსაქმებელთან/ბიზნესთან თანამშრომლობის საუკეთესო პრაქტიკა
  • საქართველოში ისრაელის საელჩოს სპეციალური პრიზი
  • საქართველოს ბიზნეს ასოციაციის სპეციალური პრიზი პროფესიული განათლების სტუდენტს

განაცხადების წარდგენა შეგიძლიათ 2024 წლის 24 ივნისამდე,  აქ.  

დამატებითი ინფორმაციის მისაღებად დაუკავშირდით ქ-ნ ნინო ჯაფარიძეს: ტელ. +995 591 21 82 82, ელფოსტა: tvet@millennium.org.ge

0 comments
0 FacebookTwitterPinterestEmail
X