შპს ფრაისუოთერჰაუსკუპერს საქართველო (PwC საქართველო) კიდევ უფრო აძლიერებს თავის საკუნსულტაციო პრაქტიკას, საკონსულტაციო დეპარტამენტის ფარგლებში ნერგავს ახალ მომსახურებას და ნიშნავს ანასტასია ანსვორტ-სმიტს, უფროს მენეჯერს, ფინანსური თაღლითობის გამოვლენის მომსახურების ხელმძღვანელად.
დამატებითი ინფორმაცია იხილეთ აქ.
ეკონომიკისა და მდგრადი განვითარების მინისტრი, ნათია თურნავა 24 თებერვალს ინვესტორთა საბჭოსა და ბიზნესასოციაციების წარმომადგენლებს შეხვდა.
ეკონომიკისა და მდგრადი განვითარების მინისტრი ნათია თურნავა 24 თებერვალს ინვესტორთა საბჭოსა და ბიზნესასოციაციების წარმომადგენლებს შეხვდა და პროგრამის „100 საინვესტიციო შეთავაზება ბიზნესს“ არსებული კომპონენტები და საინვესტიციო შეთავაზებები გააცნო. პროექტის ფარგლებში საპრივატიზებო აუქციონებში მონაწილე პირებს სთავაზობენ უკვე გამზადებულ საინვესტიციო პაკეტებს, მათ შორის უძრავი ქონების განვითარების შესაძლებლობას გენერალური განაშენიანების გეგმის გათვალისწინებით.
ინვესტორთა საბჭოს სამდივნოს ხელმძღვანელის, გიორგი ჩერქეზიშვილის განცხადებით, საბჭო ხელს შეუწყობს „100 საინვესტიციო შეთავაზების“ პროექტის განხორციელებას. ამის შესახებ ხელმძღვანელმა გიორგი ჩერქეზიშვილმა საბჭოს წევრი ბიზნეს ასოციაციებისა და მასში გაერთიანებული კომპანიების წარმომადგენლების ეკონომიკისა და მდგრადი განვითარების მინისტრ ნათია თურნავასთან შეხვედრის შემდეგ განაცხადა. „ინვესტორთა საბჭოს მთავარი ფუნქციაა საჯარო და კერძო სექტორს შორის დიალოგის ხელშეწყობა და მთავრობისთვის რეკომენდაციების წარდგენა ბიზნეს გარემოს გაუმჯობესების კუთხით. იმედი გვაქვს, რომ წინადადებები, რომლებიც გამოითქვა კერძო სექტორიდან, იქნება გათვალისწინებული”,-აღნიშნა გიორგი ჩერქეზიშვილმა.
საქართველოს ელჩად დიდი ბრიტანეთის გაერთიანებულ სამეფოში – სოფიო ქაცარავა; საბერძნეთში – დავით დონდუა, ხოლო გერმანიაში – ლევან იზორია დაინიშნა, იუწყება საქართველოს საგარეო საქმეთა სამინისტრო.
ქაცარავა გახლდათ 2016-2019 წლებში იყო საქართველოს პარლამენტის წევრი, საგარეო ურთიერთობათა კომიტეტის თავმჯდომარე, 2015-2018 წლებში – ბრიტანეთის საელჩოს პროექტის მენეჯერი.
დონდუა საგარეო საქმეთა სამინისტროში 1993 წლიდან სხვადასხვა თანამდებობებზე მუშაობდა, 2015-2018 წლებში იყო მინისტრის მოადგილე, 2008-2014 წლებში საქმიანობდა საქართველოს პარლამენტში, ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატში.
იზორია 2012-2015 წლებში იკავებდა შინაგან საქმეთა მინისტრის მოადგილის თანამდებობას; 2015-2016 წლებში იყო სახელმწიფო უსაფრთხოების სამსახურის უფროსის მოადგილე; 2016-2019 წლებში – თავდაცვის მინისტრი, შედეგ დაზვერვის სამსახურის უფროსი.
როგორც პრემიერ-მინისტრმა გიორგი გახარიამ იზორიას დანიშვნასთან დაკავშირებით, ჟურნალისტებს განუცხადა, ის „იყო ძალიან წარმატებული თავდაცვის მინისტრი, საგარეო დაზვერვის სამსახურის ხელმძღვანელი, ეს ისეთი ელჩია, რომელიც გერმანიაში გვჭირდება“.
საინფორმაციო სააგენტო სარკე, 21 თებერვალი 2020
ირაკლი ლექვინაძე დონორ და საერთაშორისო ორგანიზაციების წარმომადგენლებს შეხვდა
საქართველოს კონკურენციის სააგენტოს თავმჯდომარე, ირაკლი ლექვინაძე დონორ და საერთაშორისო ორგანიზაციების წარმომადგენლებს შეხვდა და ურთიერთთანამშრომლობის შესაძლებლობები, სააგენტოს მიერ მომზადებული ინიციატივები განიხილა.
ღონისძიებას საქართველოს საკანონმდებლო და აღმასრულებელი ხელისუფლების წევრები, ელჩები, დიპლომატები, არასამთავრობო სექტორისა და სამოქალაქო საზოგადოების წარმომადგენლები ესწრებოდნენ. შეხვედრაზე განხილული იქნა საქართველოში კონკურენციის პოლიტიკის გაუმჯობესების მიზნით განხორციელებული ღონისძიებები, მიღწეული შედეგები, მიმდინარე საკითხები და ის საჭიროებები, რომლის წინაშეც დღეს საქართველოს კონკურენციის სააგენტო იმყოფება.
ორიენტ ლოჯიკი პირველი ქართული ტექნოლოგიური კომპანია გახდა, რომელსაც ერთდროულად ორი მსოფლიო ბრენდის პარტნიორობის პლატინუმ სტატუსი აქვს.
ორიენტ ლოჯიკს ამერიკული მულტინაციონალური კომპანიის Hewlett Packard Enterprise-სგან უმაღლესი ხარისხი – „Platinum სტატუსი“ მიენიჭა და 2020 წლის საუკეთესო ტექნოლოგიური გადაწყვეტილების პროვაიდერ კომპანიად დასახელდა.
აქამდე კომპანიას Dell Technogies პლატინუმ პარტნიორის სტატუსი ჰქონდა. შესაბამისად, „ორიენტ ლოჯიკი“ პირველი ქართული ტექნოლოგიური კომპანიაა, რომელსაც ერთდროულად ორი მსოფლიო ბრენდის პარტნიორობის პლატინუმ სტატუსი აქვს.
პროექტის კონცეფცია სხვადასხვა სფეროში მოღვაწე, იმ 30 წლამდე ლიდერთა გამოვლენას გულისხმობს, რომლებიც მკვეთრად გამოხატული ინდივიდუალიზმითა და ხედვით ხასიათდებიან. „Forbes 30 Under 30-ის გამარჯვებულები გამორჩეულად წარმატებული ახალგაზრდები არიან. ისინი თავიანთი ძალისხმევითა და ენთუზიაზმით აღწევენ წარმატებას და ჩვენი მომავლის ამინდს ქმნიან“, – აღნიშნეს ორგანიზატორებმა დაჯილდოვების ცერემონიალზე.
ირაკლი შონიას ხელმძღვანელობით სამშენებლო კომპანიამ არაერთი გამორჩეულად საინტერესო და წარმატებული პროექტი განახორციელა. პარალელურად, ირაკლი საქართველოს უნივერსიტეტის მოწვეული ლექტორია, არის 10-ზე მეტი სამეცნიერო სტატიის ავტორი.
ურთიერთთანამშრომლობის მემორანდუმს ხელი მოაწერეს კვირეულის ორგანიზატორებმა: Property Georgia-ს მმართველმა პარტნიორმა ლიკა ქარდავამ, FIABCI-Georgia-ს პრეზიდენტმა ქეთევან ტაბატაძემ და ExpoGeorgia-ს დირექტორმა რესან ქიქავამ, ასევე, კვირეულის თანაორგანიზატორმა – საქართველოს უძრავი ქონების ეროვნული ასოციაციის თავმჯდომარე მარიამ დემურიამ და ბიზნესპარტნიორმა – საქართველოს ბიზნეს ასოციაციის აღმასრულებელმა დირექტორმა ლევან ვეფხვაძემ
უძრავი ქონების საერთოშორისო კვირეული, 2020 წლის 29 აპრილიდან 3 მაისამდე გაიმართება. კვირეული FIABCI-Georgia-ს Prix d’Excellence დაჯილდოებით გაიხსნება. ერთმანეთის პარალელურად გაიმართება საქართველოს უძრავი ქონების და მშენებლობის საერთაშორისო გამოფენები. ასევე, გამოფენის ფარგლებში ჩატარდება თემატური კონფერენციები, საგანმანათლებლო მასტერ კლასები. კვირეული დასრულდება უძრავი ქონების საინვესტიციო ტურებით.
სხდომაზე განიხილოებოდა ისეთი საკითხები, როგოებიცაა საქართველოს საინვესტიციო მიმზიდველობის გაზრდა, კერძო სექტორის კიდევ უფრო მეტი ხელშეწყობის პერსპექტივები, გადახდისუუნარობის ახალი კანონპროექტი, ფასიანი ქაღალდების ბაზრის განვითარება და კერძო სექტორისთვის მნიშვნელოვანი სხვა საკითხები.
“მიგვაჩნია, რომ ინვესტორთა საბჭო მნიშვნელოვანი პლატფორმაა მთავრობასა და კერძო სექტორს შორის თანამშრომლობისთვის. როგორც მოგეხსენებათ, სწრაფი ეკონომიკური ზრდა და დამატებითი სამუშაო ადგილების შექმნა საქართველოს მთავრობის პრიორიტეტია და, რა თქმა უნდა, ჩვენ მზად ვართ, გავაღრმაოთ თანამშრომლობა კერძო სექტორთან ინვესტორთა საბჭოს პლატფორმის ფარგლებში,”- განაცხადა პრემიერ-მინისტრმა გიორგი გახარიამ საბჭოს სხდომაზე.
რიგით მე-11 სხდომაზე პრემიერ-მინისტრმა საბჭოს ახალი წევრები წარადგინა – გერმანიის ეკონომიკური გაერთიანება და ქართველ და თურქ ბიზნესმენთა ასოციაცია და ასევე ინვესტორთა საბჭოს ახალი მდივანი გიორგი ჩერქეზიშვილი.
საუბარი ასევე შეეხო სხვადასხვა საკითხს საინვესტიციო გარემოს კიდევ უფრო გაუმჯობესების მიმართულებით, მათ შორის ევროკავშირთან ასოცირების ხელშეკრულების დღის წესრიგით გათვალისწინებულ საკითხებს, რაზეც, საბჭოს ერთიანი პოზიციის შესაბამისად, საქართველოს პრემიერ-მინისტრმა კიდევ ერთხელ აღნიშნა, რომ ყველა გადაწყვეტილება მხოლოდ კერძო სექტორთან კონსულტაციებისა და დეტალური განხილვის შემდგომ იქნება მიღებული.