September 2020

“ელემენტ კონსტრაქშენმა” რეგიონში ყველაზე დიდი საერთო სამუშაო სივრცის რემონტი დაასრულა.

ეს Terminal Towers-ია. სამშენებლო კომპანიამ ობიექტისთვის საკონფერენციო დარბაზები, შეხვედრების ოთახები, ოფისები, კაფე-ბარი, სარელაქსაციო ზონა და სხვადასხვა დანიშნულების ფართი მოაწყო. სივრცის ერთ-ერთი ყველაზე თვალშისაცემი ელემენტი ტერაცოს იატაკია. Terminal Towers-ის სტუმრებს ყურადღების გარეშე არ დარჩებათ შეხვედრებისთვის განკუთვნილი სცენა-ოთახი, სადაც ექსკლუზიური პროდუქტი – რუსტიკის იატაკია გამოყენებული.

ობიექტი 500 მომხმარებელზეა გათვლილი, რაც მასშტაბით, რეგიონში უპრეცედენტოა. სარემონტო სამუშაოები 2 840 კვ.მ ფართობზე მიმდინარეობდა.

პროექტის ინტერიერის დიზაინერია ევგენია გორდინსკაია. მას ეკუთვნის ,,ტერმინალის“ საბურთალოს ფილიალის დიზაინიც, სადაც სარემონტო სამუშაოები ასევე ,,ელემენტ კონსტრაქშენმა“ განახორციელა.

იურიდიული ფირმა BLC საქართველოში როგორც საფინანსო, ისე კორპორატიულ სამართალში, ასევე პროექტების განვითარებაში პირველ რანგს იკავებს.

IFLR1000 წარმოადგენს სახელმძღვანელოს მსოფლიოს წამყვანი ფინანსური და იურიდიული ფირმებისათვის, რომელიც მომზადებულია დამოუკიდებელი და ფართო კვლევების შედეგად. მას საფუძვლად უდევს იურიდიულ ფირმებთან ინტერვიუები, აგრეთვე შემთხვევების შესწავლა და მომხმარებელთა შეფასებები.

იურიდიული ფირმის რეიტინგის გარდა, IFLR1000 ასევე აფასებს გამორჩეული პირების მუშაობას. BLC-ის შემდეგი იურისტებიმა მიიღეს დადებითი შეფასება:

უფროსი პარტნიორი – ალექსანდრე ბოლქვაძე და მმართველი პარტნიორი – ქეთი კვარაცხელია „მაღალი დონის“ იურისტებად სახელდებიან. IFLR1000 ასახელებს მათ “ადვოკატებს, რომლებიც დიდ მოწონებას იმსახურებენ კოლეგებისგან და აქვთ მაღალი აქტივობა და პოზიტიური შეფასება კლიენტებისგან“.

პარტნიორები, გიორგი ბათლიძე და თამთა ივანიშვილი, ასევე ენერგეტიკის, უძრავი ქონების და სამშენებლო მიმართულების დეპარტამენტის ხელმძღვანელი – ლაშა უფლისაშვილი „აღმავალ ვარსკვლავებად“ დასახელდნენ.

საქართველოს ბანკის პარტნიორობით ბათუმში, UEFA-ს IV კატეგორიის, 20,000 მაყურებელზე გათვლილი საფეხბურთო სტადიონი გაიხსნება. პროექტის ჯამური ღირებულება 100 მილიონ ლარს აღემატება.

2017 წელს დაწყებული სტადიონის მშენებლობა მიმდინარე წლის აგვისტოს დასრულდა. სტადიონის გარე ტერიტორიაზე 1,200 მანქანაზე გათვლილი ღია პარკინგია განთავსებული.

„გინატრიათ საჰაერო ბურთით ფრენა? გვეწვიეთ და ისიამოვნეთ ამ დაუვიწყარი გამოცდილებით. საჰაერო ბურთიდან სრული ბრწყინვალებით იშლება ალაზნის ველის პანორამა და კავკასიონის მწვერვალები.”

რადისონ ქოლექშენი სტუმრებს ექსკლუზიურად სთავაზობს საჰაერო ბურთით ფრენას. ფრენა 40 წუთი გრძელდება, საჰაერო ბურთი 200 მეტრის სიმაღლეზე ადის და ფრენა ოთხივე სეზონზეა შესაძლებელი.

გარდა ამისა, სასტუმროში ახალი, დახურული საცურაო აუზი გაიხსნა. მისი გამჭვირვალე, მოძრავი სახურავი და კედლები, საშუალებას მოგცემთ დატკბეთ ალაზნის ველის და კავკასიონის ულამაზესი ხედებით ოთხივე სეზონზე.

თბილისის მერიის ცნობით, m2 ჯგუფი კომპანია ოლიმპიური ვარსკვლავის დედაქალაქში არსებულ დაუმთავრებელ მშენებლობებს დაასრულებს.

როგორც თბილისის მერმა კახა კალაძემ დედაქალაქის მთავრობის დღევანდელ სხდომაზე განაცხადა, „ამ მიმართულებით უკვე მშენებლობის ნებართვების გაცემის პროცესში ვართ და ოქტომბრის დასაწყისში შესაძლებელი იქნება უშუალოდ სამშენებლო სამუშაოების დაწყება“.

ოლიმპიური ვარსკვლავის პროექტის განხორციელება 2006-2008 წლებში დაიწყო და წარმოიშვა სერიოზული პრობლემები, აღნიშნა კალაძე და დასძინა: 400 ადამიანი ელოდება ამ მშენებლობის დასრულებას და 3 წლის განმავლობაში ადამიანები საკუთარ ფართებს მიიღებენ.

Lufthansa ოქტომბრის თვეში კვირაში ორჯერ შემოგვთავაზებს ავიარეისებს მიუნხენსა და თბილისს შორის.

25 ოქტომბრამდე მიუნხენიდან რეისები ხუთშაბათს და კვირას 22:15 საათზე შესრულდება, 25 ოქტომბრიდან კი 21:50 საათზე. რეისები თბილისიდან პარასკევს და ორშაბათს 05:10 საათზე შესრულდება 26 ოქტომბრამდე, 16 ოქტომბრის შემდეგ კი 05:45 საათზე. მიუნხენიდან მგზავების განკარგულებაშია მრავალი რეისი ევროპის ფარგლებში და აშშ-ს მიმართულებით. ქვეყანაში შემოსვლის შესაბამისი მოთხოვნები იხილეთ აქ: https://www.lufthansa.com/de/en/travelling-and-corona

„ჩვენ 15 წელია საქართველოში ვმოღვაწეობთ და ძალიან ამაყი და მადლობელი ვართ იმ ნდობისთვის, რაც ჩვენმა მგზავრებმა გასულ წლებში და განსაკუთრებით ამ საგანგებო დროის პერიოდში დაგვანახეს. აგვისტოს თვიდან ვასრულებთ რეისებს მიუნხენსა და თბილისს შორის და ვიმედოვნებთ, რომ თუ სიტუაცია საშუალებას მოგვცემს, მალე უფრო მეტი ყოველკვირეულ ფრენის შემოთავაზებას შევძლებთ.“

რენე კოინცაკი,
გენერალური მენეჯერი გაყიდვებში
ლუფტჰანზა ჯგუფი