Startseite » Archive für April 2024
Monthly Archives

April 2024

Feiertage in Georgien
Aktuellesnews-right-gePolitik

საქართველოს მთავრობამ 7, 8 და 10 მაისი უქმე დღეებად გამოაცხადა.

by Salome Mumladze
written by Salome Mumladze

საქართველოს მთავრობამ აღდგომის მომდევნო, 7, 8 და 10 მაისი უქმე დღეებად გამოაცხადა. დადგენილების თანახმად, მთავრობის ადმინისტრაციულ ორგანოებს უფლებამოსილება რჩებათ, თავად  განსაზღვრონ ის სამსახურები და თანამშრომლები, რომლებსაც უქმე დღეები არ შეეხებათ.

დადგენილება არ გავრცელდება საქართველოს ეროვნული ბანკის ზედამხედველობას დაქვემდებარებული პირების წინაშე შესასრულებელ ფინანსურ ვალდებულებებზე, ასევე სახელმწიფო შესყიდვებთან დაკავშირებულ საქმიანობასა და სახელმწიფო შესყიდვებთან დაკავშირებული დავების განხილვის საბჭოს საქმიანობაზე.

დადგენილებას ხელი უკვე მოაწერა საქართველოს პრემიერ-მინისტრმა ირაკლი კობახიძემ.

0 comments
0 FacebookTwitterPinterestEmail
BFP Delegationsreise 2024
news-right-ge

BFP-ის დელეგაცია – 20 ქართული კომპანია ბავარიაში იმყოფებოდა

by Salome Mumladze
written by Salome Mumladze
20 ქართული კომპანია 22-დან 26 აპრილამდე ბავარიაში იმყოფებოდა და საშუალება ჰქონდა, გასცნობოდა ენერგოეფექტურ მშენებლობას და დაემყარებინა თანამშრომლობა ადგილობრივ კომპანიებთან.
დელეგაცია, რომელიც ჩატარდა პროგრამის „Bayern – Fit for Partnership“ ფარგლებში და ორგანიზებულია Bayern International-ის, COMMIT Project Partners-ისა და გერმანიის ეკონიმიკური გაერთიანების მიერ, მოიცავავდაა როგორც ვიზიტებს ბავარიულ კომპანიებში, ასევე B2B შეხვედრებს ინდუსტრიის ლიდერებთან.
0 comments
0 FacebookTwitterPinterestEmail
Bank of Georgia finanziert Radio-city-Projekt
Aktuellesnews-right-geWirtschaftწევრების სიახლეები

საქართველოს ბანკის მხარდაჭერით აჭარა კოლექტივი რადიო ქალაქის პროექტს ახორციელებს.

by Salome Mumladze
written by Salome Mumladze

DWV-ის წევრი კომპანიის, საქართველოს ბანკის ფინანსური მხარდაჭერით აჭარა კოლექტივი მასშტაბურ პროექტს — რადიო ქალაქის მშენებლობას ახორციელებს.

პროექტი ითვალისწინებს16 ჰა. ტერიტორიაზე ინოვაციური და მულტიფუნქციური სივრცის მოწყობას, სადაც განთავსებული იქნება სარეკრეაციო, სამუშაო, საკონცერტო, საგამოფენო და გამაჯანსაღებელ სივრცეები. აქვე მოეწყობა D Block-ის საერთო სამუშაო სივრცე, საწარმოო და სახელოსნო ადგილები, რესტორნები, ბარები, სკეიტპარკი და სპორტული კორტები.

რადიო ქალაქის ჯამური ღირებულება 30 მილიონ დოლარამდეა, ფინანსური ინსტიტუტების მიერ განხორციელებული ინვესტიცია კი 10 მილიონი დოლარია, რომელიც შენობის რეკონსტრუქციასა და მოწყობას მოხმარდება.

“რადიო ქალაქის პროექტს, საქართველოში ანალოგი არ ჰყავს. ვფიქრობთ, ამ პროექტის სახით, ქალაქში ახალი მიზიდულობის ცენტრი გაჩნდება, რაც, თავის მხრივ, ქალაქის განტვირთვას და სხვა უბნების განვითარებასა და გაძლიერებას შეუწობს ხელს”, — განაცხადა საქართველოს ბანკის კორპორაციული გაყიდვების სექტორის უფროსმა, ლალი ყელაურაძემ.

სოციალური, ეკონომიკური, კულტურული თუ ეკოლოგიური თვალსაზრისით. ჩვენი გათვლებით, რადიო ქალაქი გააერთიანებს 10-ზე მეტ ინდუსტრიას, 35-ზე მეტ სექტორს და ხელს შეუწყობს 200-ზე მეტი ეკონომიკური საქმიანობის წამოწყებას, რაც შექმნის უამრავ შესაძლებლობას ადგილობრივი მოსახლეობისთვის”, — ამბობს აჭარა კოლექტივის აღმასრულებელი დირექტორი, ნატო ჯაფარიძე.

 

DWV-ს წევრებობის შესახებ უფრო მეტი აქ.

0 comments
0 FacebookTwitterPinterestEmail
news-right-ge

გერმანიის მხარდაჭერილი ნარჩენების მართვის ახალი პროექტი იწყება

by Salome Mumladze
written by Salome Mumladze

გერმანიის საერთაშორისო თანამშრომლობის საზოგადოება (GIZ) საქართველოში ახალ პროექტს „ცირკულარული ქალაქის ლაბორატორია“ იწყებს, იუწყება გარემოს დაცვისა და სოფლის მეურნეობის სამინისტრო.

სამინისტროს ცნობით, პროექტის მიმართულებებია ნარჩენების მართვა, სათბური აირების ემისიების შემცირება და მრავალჯერადი გამოყენების შეფუთვის სისტემების დანერგვა.

პროექტი გერმანიის ეკონომიკური თანამშრომლობისა და განვითარების ფედერალური სამინისტროს ფინანსური მხარდაჭერით განხორციელდება (ბიუჯეტი არ არის მითითებული).

სამინისტროს მონაცემებით, საქართველოში წელიწადში დაახლოებით 200,000-250,000 ტონა შეფუთვის ნარჩენი გროვდება, რაც მთელი ნარჩენების 16-17%-ია.

წყარო: საინფორმაციო სააგენტო სარკე

0 comments
0 FacebookTwitterPinterestEmail
Infrastruktur Genews-right-ge

საქართველოში ჰაერის ხარისხის გაუმჯობესებისთვის ახალი პროექტი იწყება

by Salome Mumladze
written by Salome Mumladze

ევროკავშირის, გაეროსა და ავსტრიის მთავრობის მხარდაჭერით და საქართველოს მთავრობის ჩართულობით, ჰაერის ხარისხის გაუმჯობესების მიმართულებით ახალი პროექტი იწყება, იუწყება გარემოს დაცვისა და სოფლის მეურნეობის სამინისტრო. პროექტის ბიუჯეტი 4 მილიონ EUR-ს შეადგენს.

4-წლიანი პროექტის მიზანია ჰაერის ხარისხის მონიტორინგის ქსელის გაძლიერება და ეროვნული შესაძლებლობების გაზრდა მოდელირებისა და პროგნოზირების კუთხით, აღნიშნავს უწყება.

გაეროს განვითარების პროგრამასთან (UNDP) თანამშრომლობით, 2025 წლის ბოლოს, საქართველოს ექნება ევროკავშირის მოთხოვნებთან შესაბამისი ჰაერის ხარისხის მონიტორინგის ქსელი და სისტემა, აცხადებს სამინისტრო.

აღნიშნულ თემაზე დამატებით ინფორმაციას გაეცნობით ამ ვიდეოში

წყარო: საინფორმაციო სააგენტო სარკე

0 comments
0 FacebookTwitterPinterestEmail
das Solarwerk in Georgien
Aktuellesnews-right-genewsseite_top_geNicht kategorisiertწევრების სიახლეები

თიბისის აგრო სესხის მხარდაჭერით საქართველოში პირველი მზის მოტივტივე ელექტროსადგური აშენდა

by Salome Mumladze
written by Salome Mumladze

თიბისის აგრო სესხის მხარდაჭერითა და USAID-ის ენერგეტიკული მომავლის უზრუნველყოფის პროგრამის თანადაფინანსების ფარგლებში, სოფელ ლემშვენიერაში, კომპანია “აგრო იმპექსმა” საირიგაციო წყალსაცავზე საქართველოში პირველი მზის მოტივტივე ელექტროსადგური დაამონტაჟა.

216 კვტ. სიმძლავრის მზის მოტივტივე ელექტროსადგური, სათბურის აირების წლიურ გაფრქვევას 31 200 კგ. CO2 ეკვივალენტით შეამცირებს.

საპილოტე პროექტის საშუალებით,  „აგრო იმპექსის“ ქსელური ელექტროენერგიის მოხმარება 38%-ით შემცირდება და კომპანია ყოველწლიურად საშუალოდ 32 400 დოლარს დაზოგავს.

პროექტის ჯამური საინვესტიციო ღირებულება 177 000 დოლარია, საიდანაც USAID-ის ენერგეტიკული მომავლის უზრუნველყოფის პროგრამის თანამონაწილეობა – 85 000 დოლარს, თიბისის აგრო სესხით მხარდაჭერა კი 92 000 დოლარს შეადგენს.

“აგრო იმპექსი” „აგრო ჰოლდინგის“ ჯგუფში შემავალი კომპანიაა და გარდაბანში 70 ჰექტარ ფართობზე გაშენებულ სიმინდის ყანებს ფლობს. თიბისი, რომლისთვისაც სოფლის მეურნეობის სექტორი ერთ-ერთი პრიორიტეტული მიმართულებაა, 9 წელია „აგრო ჰოლდინგის“ ზრდისა და განვითარების მხარდამჭერია.

 

DWV-ს წევრებობის შესახებ უფრო მეტი აქ.

 

0 comments
0 FacebookTwitterPinterestEmail
news-right-geწევრების სიახლეები

საქართველოს ბანკმა გალტ & თაგარტის ჩართულობით 300,000,000 აშშ დოლარის უვადო, სუბორდინირებული დამატებითი პირველადი კაპიტალის ობლიგაციები გამოუშვა

by Salome Mumladze
written by Salome Mumladze
გალტ & თაგარტის ჩართულობით საქართველოს ბანკმა 300,000,000 აშშ დოლარის უვადო, სუბორდინირებული დამატებითი პირველადი კაპიტალის ობლიგაციები გამოუშვა. ტრანზაქციის განთავსების აგენტები და მენეჯერები არიან ისეთი საერთაშორისო ბანკები და საინვესტიციო კომპანიები როგორიცაა: Citigroup; J.P. Morgan; BCP Securities.
ობლიგაციებზე ფასი 9.5%-თ განისაზღვრა. ფასიანი ქაღალდების განთავსება ირლანდიის საფონდო ბირჟაზე იგეგმება და მათი რეიტინგი B- (Fitch) და B2 (Moody’s) იქნება.
წყარო: გალტ & თაგარტი
0 comments
0 FacebookTwitterPinterestEmail
Nicht kategorisiert

„უცხოური გავლენის გამჭვირვალობის შესახებ“ კანონპოექტთან დაკავშირებით ბიზნეს ასოციაციების ერთობლივი განცხადება

by Salome Mumladze
written by Salome Mumladze

„უცხოური გავლენის გამჭვირვალობის შესახებ“ კანონპოექტთან დაკავშირებით გერმანიის ეკონომიკურმა გაერთიანებამ და საქართველოში მოღვაწე ბიზნეს ასოციაციებმა ერთობლივი განცხადება გამოქვეყნეს.

განცხადება იხილეთ თანადართულ ფაილში.

0 comments
0 FacebookTwitterPinterestEmail
Infrastruktur Genews-right-geTourismus ge

თბილისს ახალი აეროპორტი ექნება

by Salome Mumladze
written by Salome Mumladze

საქართველოს მთავრობის ინფორმაციით, თბილისის ახალი საერთაშორისო აეროპორტი ვაზიანში აშენდება.

“ჩვენ განვიხილეთ 2 ალტერნატიული ვარიანტი: არსებული აეროპორტის გაფართოება და ახალი აეროპორტის მშენებლობა”, აღნიშნა პრემიერმა და დასძინა: გაფართოების ხარჯი იყო დაახლოებით $900 მილიონი, ახლის აშენების ფასი $1.26 მილიარდი.

კობახიძის თქმითვე, არსებული თბილისის აეროპორტის გამტარუნარიანობა არის დაახლოებით 4.5 მილიონი მგზავრი და გაფართოების შემთხვევაში იქნებოდა მაქსიმუმ 15 მილიონი. ხოლო ახალი აეროპორტის მშენებლობა „გვაძლევს 19 მილიონამდე მგზავრების რაოდენობის გაზრდის საშუალებას, შემდგომი გაფართოების პერსპექტივით“, აღნიშნა მან.

როგორც მთავრობის სხდომის დასრულების შემდეგ ეკონომიკისა და მდგრადი განვითარების მინისტრმა ლევან დავითაშვილმა განაცხადა, პროექტი ეკონომიკურად იმდენად მიმზიდველია, რომ შესაძლებელი იქნება მისი განხორციელება საბიუჯეტო წნეხის გარეშე. “შევძლებთ დაფინანსების მოზიდვას არასუვერენული არხებით”, აღნიშნა მან.

რაც შეეხება მართვის მოდელს, მინისტრის თქმით, სახელმწიფო კონტროლს შეინარჩუნებს და მმართველ კომპანიას შემოიყვანს.

აზიის განვითარების ბანკის (ADB) მხარდაჭერით, უახლოესი დღეებში თბილისის ახალი საერთაშორისო აეროპორტის გენერალური გეგმის შესყიდვის ტენდერი გამოცხადდება. ახალი აეროპორტი, რომელიც ვაზიანში უნდა აშენდეს, ოპერირებას 2029 წელს დაიწყებს.

ვაზიანის აეროპორტის ტერიტორია იძლევა შესაძლებლობას, რათა სამგზავრო ტერმინალთან ერთად, განვითარდეს საჰაერო ტვირთების გადაზიდვის ლოგისტიკური ცენტრები და სხვა მომიჯნავე მიმართულებები, აცხადებს სამინისტრო.

როგორც უწყება აღნიშნავს, 2023 წელს, ADB-ის დაფინანსებით, საქართველოს სააეროპორტო სექტორის განვითარების კვლევა ჩატარდა.

0 comments
0 FacebookTwitterPinterestEmail
news-right-ge

მსოფლიო ბანკი და ADB საქართველოს ეკონომიკის ზრდას პროგნოზირებენ

by Salome Mumladze
written by Salome Mumladze

მსოფლიო ბანკის მიერ გამოქვეყნებული ეკონომიკური მიმოხილვის თანახმად, 2024 წელს საქართველოს მშპ 5.2%-ით გაიზრდება. ეს 0.4 პროცენტული პუნქტით (პპ) აღემატება იანვრის პროგნოზს. 2025 წლისთვის მსოფლიო ბანკის პროგნოზი ამჟამად 5%-ია, იანვრის პროგნოზთან შედარებით ზრდა – 0.5 პპ.

მიმოხილვა მოიცვას ევროპისა და ცენტრალური აზიის რეგიონის განვითარებად ქვეყნებს, და, მსოფლიო ბანკის პროგნოზით, მთლიანად რეგიონში ეკონომიკური აქტივობა, სავარაუდოდ, შენელდება 2.8%-მდე, 2023 წლის 3.3%-ის ნაცვლად.

აზიის განვითარების ბანკის (ADB) აპრილის პროგნოზის თანახმად, 2024 წელს საქართველოს მშპ 5%-ით გაიზრდება (ანალოგიური პროგნოზი 2024 წლისთვის იყო გასული წლის ბოლოს).

საქართველოს ეკონომიკა 2024 წელს საშუალოდ გაიზრდება შემცირებული საგარეო მოთხოვნისა და სერვისების ზრდის შემცირების ფონზე, ხოლო 2025 წელს, ტურიზმისა და ინვესტიციების ზრდის ფონზე, მეტი ზრდაა მოსალოდნელი, აღნიშნავს ADB. 2025 წელისთვის საქართველოს მშპ-ის ზრდა პროგნოზირებულია 5.5%-ის დონეზე.

ADB-ის პროგნოზითვე, 2024 წელს ინფლაცია საქართველოში 3.5%-ის დონეზე იქნება, 2025 წელს – 4%.

შიდა ზრდის შენელებისა და ავტომობილების შემცირებული რეექსპორტის ხარჯზე, იმპორტი შედარებით დაბალი ტემპით გაიზრდება, აცხადებს ADB და 2024 წელს – 6.1%-იან ზრდას, 2025 წელს – 11.1%-იან ზრდას პროგნოზირებს.

ADB-ის ანგარიშში ასევე აღნიშნულია, რომ მოხდება ფულადი გადარიცხვების სტაბილიზება დაახლოებით $3 მილიარდამდე მომდევნო 2 წლის განმავლობაში. რუსეთიდან მიგრანტებთან დაკავშირებული გარე შემოდინება შენელდება და საპირისპირო მიმართულებით შემობრუნდება, რამაც შესაძლოა, დაღმავალი ზეწოლა მოახდინოს ლარზე, აცხადებს ADB.

0 comments
0 FacebookTwitterPinterestEmail
Infrastruktur Genews-right-ge

პროქეტი “Connect Georgia” ამოქმედდა

by Salome Mumladze
written by Salome Mumladze

სატრანსპორტო სფეროში გერმანიის მიერ დაფინანსებული პროექტი „Connect Georgia“ ამოქმედდა
10 აპრილს თბილისში სატრანსპორტო სფეროში ახალი 3-წლიანი პროექტის „Connect Georgia“ გახსნითი ღონისძიება გაიმართა. პროექტი გერმანიის მთავრობის მიერ გერმანიის საერთაშორისო თანამშრომლობის საზოგადოების (GIZ) მეშვეობით არის დაფინანსებული.

პროექტის ფარგლებში განსახორციელებელი ინიციატივები მოიცავს აჭარის მუნიციპალიტეტებში, ასევე თბილისსა და ბათუმში საზოგადოებრივი ტრანსპორტისა და აქტიური მობილობის (ველოსიპედითა და ფეხით გადაადგილების) გაუმჯობესებას, იუწყება გერმანიის საელჩო.

პროექტის ერთ-ერთი ძირითადი კომპონენტს ასევე წარმოადგენს საქართველოში მდგრადი ტრანსპორტის მიმართულებით ეროვნული მარეგულირებელი ჩარჩო პირობების გაუმჯობესება.

0 comments
0 FacebookTwitterPinterestEmail
news-right-ge

ღვინის პოპულარიზაციის ხელშეწყობის სახელმწიფო პროგრამა

by Salome Mumladze
written by Salome Mumladze

მთავრობის 8 აპრილის დადგენილებით, „ადგილობრივ ბაზარზე ქართული ღვინოპროდუქციის პოპულარიზაციის ხელშეწყობის სახელმწიფო პროგრამა“ დამტკიცდა. პროგრამის ფარგლებში განაცხადების მიღება 22 აპრილიდან დაიწყება. პროგრამის განმახორციელებელია ღვინის ეროვნული სააგენტო.

პროგრამის ფარგლებში დაფინანსდება საქართვლოს მასშტაბით დაგეგმილი ქართული ღვინის ფესტივალები, თემატური გამოფენები, კონკურსები, საგანმანათლებლო საქმიანობასთან დაკავშირებული ღონისძიებები.

ბენეფიციარს აუნაზღაურდება პროგრამით გათვალისწინებული ღონისძიების ღირებულების არაუმეტეს ღონისძიების სრული ღირებულების 70%, 150,000 ლარის ფარგლებში.

დამატებითი ინფორმაციისთვის ეწვიეთ ღვინის ეროვნული სააგენტოს ვებ-გვერდს.

0 comments
0 FacebookTwitterPinterestEmail
AktuellesNicht kategorisiertწევრების სიახლეები

გრანთ თორნთონ აკადემია მომხმარებელს ახალ ვებ-გვერდს სთავაზობს

by Salome Mumladze
written by Salome Mumladze

ჩვენ ორიენტირებული ვართ, შევქმნათ  სწავლების ახალი შესაძლებლობები როგორც ინდივიდუალურად, დამწყები თუ მოქმედი პროფესიონალებისთვის, ისე შევუქმნათ ორგანიზაციებს თანამშრომლების კვალიფიკაციის ამაღლების შესაძლებლობა კორპორაციული ტრენინგების შეთავაზებით.

სიამაყით გიზიარებთ გრანთ თორნთონ აკადემიის ახალ ვებ-გვერდს https://gtacademy.ge , სადაც შეგიძლიათ იხილოთ 20-მდე სხვადასხვა ტრენინგი  ფინანსების, საგადასახადო, იურიდიული, მენეჯმენტისა და Soft skills მიმართულებებით.

ექსპერტული გამოცდიელბა

აკადემიაში ტრენინგებს ატარებენ გრანთ თორნთონ აკადემიის ტრენერები და მოწვეული ლექტორები, სფეროს სიღრმისეული ცოდნითა და მდიდარი პრაქტიკული გამოცდილებით. ტრენინგ-პროგრამები აგებულია გამოცდილებითი სწავლების მეთოდოლოგიით და თეორიულ საკითხებთან ერთად მოიცავს პრაქტიკულ ნაწილსაც, რაც ეხმარება მონაწილეებს ეფექტურად გადაიტანონ მიღებული ცოდნა სამუშაო გარემოში.

ორგანიზაციის ზრდაზე მორგებული გადაწყვეტილებები

აკადემიას აქვს მდიდარი გამოცდილება, შექმნას სასწავლო მოდულები კონკრეტული ჯგუფის საჭიროებების გათვალისწინებით. მოქნილობა, საჭიროებების სწორი ანალიზი და შედეგზე ორიენტაცია არის ის ფაქტორები, რის გამოც კომპანიები ირჩევენ ჩვენთან თანამშრომლობას. აკადემიის ვებ-გვერდზე კომპანიებისთვის სწორედ ამ ღირებულებების გათვალისწინებით გვაქვს ინტერესის გამოხატვის ღია შესაძლებლობა, სადაც დაინტერესებულ პირს შეუძლია მიუთითოს საინტერესო თემატიკა, თავად აღწეროს საჭიროება და მიიღოს მის საჭიროებებსა და ინტერესებზე მორგებული შეთავაზება.

გამოავლინეთ თქვენი პოტენციალი ჩვენთან ერთად

ჩვენ ორიენტირებული ვართ, შევქმნათ  სწავლების ახალი შესაძლებლობები დამწყები თუ მოქმედი პროფესიონალებისთვის – აკადემია მუდმივად აცხადებს მიღებას ღია კურსებზე ფინანსების, საგადასახადო, იურიდიული და მენეჯმენტის მიმართულებით. ჩვენი ვებ-გვერდი აქაც მოქნილ ფუნქციონალს გთავაზობთ – შეგიძლიათ გამოხატოთ ინტერესი ნებისმიერი ტრენინგის მიმართ და დაანონსებისთანავე მიიღოთ შეთავაზება.

ჩვენ ვიქნებით თქვენი მეგზური უწყვეტ სწავლასა და პროფესიულ განვითარებაში!

0 comments
0 FacebookTwitterPinterestEmail
X