Nicht kategorisiert

საქართველოს ბანკის შვილობილი კომპანია Galt & Taggart ახალ კვლევაში მიმოიხილავს რეგიონის ობლიგაციების ბაზარს.

კვლევის მიხედვით, ობლიგაციების მაჩვენებელი მაისში გაუმჯობესდა.

დოკუმენტის სრულად სანახავად მიჰყევით ბმულს

Grant Thornton-მა გამოაქვეყნა სტატია, რომელშიც კომპანიის ექსპერტები განიხილავენ ადამიანური რესურსების მენეჯერებისა და სხვა განყოფილებების ხელმძღვანელების ცენტრალურ მნიშვნელობას კრიზისულ პერიოდში, პერსონალზე ორიენტირებული სამუშო გარემოს ჩამოყალიბების პროცესში.

სტატიის სანახავად მიჰყევით ბმულს.

მძღოლისა და მგზავრის ინფიცირების თავიდან ასაცილებლად, გერმანიის ეკონომიკური გაერთიანების წევრმა კომპანიამ “დიო” ახალი პროდუქტი – ავტომობილის სალონის გამჭვირვალე, მრავალჯერადი გამოყენების ტიხარი შეიმუშავა.

როგორც პროდუქტის შემქმნელები აცხადებენ, მისი გამოყენება უსაფრთხო და მარტივია, ადვილად დეზინფიცირდება და გამოირჩევა მაქსიმალური მდგრადობით ტემპერატურის ცვლილების დროს.

გარდა ამისა, ის ხელს არ უშლის მძღოლის სავარძლის რეგულირებას და მისი მონტაჟი და დემონტაჟი შესაძლებელია ავტომობილის სალონის დაუზიანებლად.

1-ელ მაისს, გერმანიის ეკონომიკური გაერთიანების მიერ ინიცირებულ ონლაინ შეხვედაში ორგანიზაციის 50-ზე მეტმა წევრმა მიიღო მონაწილეობა. შეხვედრის მიზანს წარმოადგენდა, ბოლო კვირების განმავლობაში, DWV-ს სამომავლო გეგმებისა და აქტივობების შესახებ წევრების ინფორმირება. შეხვედრა გახსნა, მმართველი საბჭოს თავმჯდომარემ, ბატონმა საშა ტერნესმა, რომელმაც აღნიშნა წევრების აქტიური ჩართულობის მნიშვნელობა ისეთი საკითხების განხილვაში, რომლებიც რამდენიმე დღის წინ გამართულ ინვესტორთა საბჭოს შეხვედრაზე დადგა დღის წესრიგში. DWV-ს დირექტორმა, ბატონმა თომას კიმმესვენგერმა, მადლობა გადაუხადა წევრებს გაერთიანებისადმი გამოხატული ნდობისთვის, რაც არსებულ ვითარებაში განსაკუთრებით მნიშვნელოვანია. მან ასევე ხაზი გაუსვა იმ გარემოებას, რომ ორგანიზაციის 180-ზე მეტ წევრთან მჭიდრო თანამშრომლობაზე მიანიშნებს, ბოლო კვირების განმავლობაში, თითოეულ მათგანთან განხორციელებული ინდივიდუალური საუბარი და მზაობა ურთიერთმხარდაჭერისთვის.

მსგავსი კომუნიკაციის საჭიროებას გაუსვეს ხაზი „პროკრედიტ ბანკი საქართველო“-ს გენერალურმა დირექტორმა, ბატონმა ალექს მატუამ და „კნაუფ“-ის დირექტორმა, ბატონმა გიორგი ჯაფარიძემ, რომლებმაც თავიანთ სფეროებში არსებულ ვითარებაზე მოკლე მოხსენება გააკეთეს. სამართლებრივი საკითხების მიმოხილვისას მმართველი საბჭოს წევრმა, ბატონმა გიორგი ბათლიძემ, რომელიც ამავდროულად იურიდიულ კომპანია „BLC“-ს წარმოადგენს, ყურადღება გაამახვილა ინფორმაციის გაცვლის აუცილებლობაზე, რაც კრიზისული ვითარების დაძლევისთვის მნიშვნელოვანი ფაქტორი შეიძლება გახდეს.

შეხვედრის ბოლოს, კითხვა-პასუხის რეჟიმში, მონაწილეებს საშუალება ჰქონდათ, საკუთარი გამოცდილებები და სურვილები გერმანიის ეკონომიკური გაერთიანების ხელმძღვანელობისთვის პირადად გაეზიარებინათ. დასასრულს, ბატონმა საშა ტერნესმა კიდევ ერთხელ გაამახვილა ყურადღება იმ გარემოებაზე, რომ გერმანიის ეკონომიკური გაერთიანება მჭიდრო კომუნიკაციას შეინარჩუნებს თავის წევრებთან, რათა შეძლებისდაგვარად დაკმაყოფილდეს მათი მოთხოვნები და არსებული ვითარებისთვის შესაბამისი კონცეფცია და გადაწვეტილებები შემუშავდეს.

აქვე გვინდა, კიდევ ერთხელ გავამახვილოთ გერმანიის ეკონომიკური გაერთიანების წევრების ყურადღება და დავაფიქსიროთ, რომ ჩვენი ორგანიზაცია, ჩვეული სამუშაო საათებით, აგრძელებს მუშაობას. ჩვენთან დაკავშირება შესაძლებელია ელ. ფოსტის საშუალებით. ყველა, თქვენს მიერ გამოგზავნილ, აქტუალურ საკითხსა თუ პრობლემაზე ვეცდებით, აღმოგიჩინოთ მაქსიმალური მხარდაჭერა.

ჰაიდელბერგცემენტ ჯორჯიამ სოციალური პასუხისმგებლობის ფარგლებში, COVID 19-ის ვირუსთან ეფექტური ბრძოლისათვის საჭირო 110 000 ლარზე მეტი ღირებულების 15 000 PCR-ტესტი შეიძინა.

​​​​ტესტების პირველი ნაწილის ჩამოტანა, საქართველოს საგარეო საქმეთა სამინისტროს დახმარებით, 27 აპრილს გახდა შესაძლებელი და დაავადებათა კონტროლისა და საზოგადოებრივი ჯანმრთელობის ეროვნულ ცენტრს გადაეცა. მეორე ნაწილი კი, შემდეგი ორი კვირის შუალედში იქნება მოწოდებული მწარმოებლის მიერ.

საქართველოს ბაზარზე არსებული კომპანიებისა და სახელმწიფო სტრუქტურების მხარდასაჭერად ახალი ტექნოლოგიური პლატფორმა – “SupportIT.ge“ შეიქმნა. სერვისის მიღება კომპანიებს და სახელმწიფო სტრუქტურებს სრულიად უსასყიდლოდ შეუძლიათ.

www.SupportIT.ge ორგანიზაციებს შესაძლებლობას მისცემს, ადვილად და სწრაფად მოახდინონ ტექნოლოგიური ტრანსფორმაცია, რაც დისტანციური სამუშაო რეჟიმის პერიოდში განსაკუთრებით მნიშვნელოვანი და აქტუალურია.

ახალი პლატფორმა დაინტერესებულ კომპანიებსა და სახელმწიფო სტრუქტურებს ორი მიმართულებით სთავაზობს უფასო სერვისს.

პირველი მიმართულება მოიცავს საშეღავათო 3-6 თვიან უფასო ლიცენზიებსა და პროგრამებს პარტნიორი საერთაშორისო ორგანიზაციებისგან. აღნიშნული ლიცენზიები და პროგრამები მიეკუთვნება ისეთი წამყვანი ტექნოლოგიური ბრენდების პორტფელს, როგორებიცაა CISCO, IBM, HPE, Barracuda, Palo Alto, Fudo Security, Citrix და Rapid7.

მეორე მიმართულება კი გულისხმობს IT პროფესიონალებისგან საკონსულტაციო მომსახურების მიღებას 5 სხვადასხვა ტექნოლოგიური მიმართულებით, ესენია: IT ინფრასტრუქტურული გადაწყვეტილებები, ქსელური გადაწყვეტილებები, პერსონალური სისტემები, პროგრამული უზრუნველყოფა და ინფორმაციული უსაფრთხოების გადაწყვეტილებები.

„SupportIT.ge” კომპანია „ორიენტ ლოჯიკის“ სოციალური პასუხისმგებლობის ფარგლებში განხორციელებული პროექტია და ხარჯებს სრულად კომპანია აფინანსებს.

ორიენტ ლოჯიკი საქართველოში Ruckus-ის ყველაზე პრივილეგირებული სტატუსის, Top Elite Solution Provider-ის მფლობელი გახდა. გარდა Ruckus-ის უმაღლესი ხარისხის ტექნიკური მხარდაჭერით სარგებლობების შესაძლებლობისა, ორიენტ ლოჯიკისთვის გამოიყოფა საჭირო რესურსები მარკეტინგული აქტივობების წარმოებისათვის. კომპანია შეძლებს ყველაზე კონკურენტუნარიანი ფასების ფარგლებში განახორციელოს პროექტები პრემიუმ კლასის საერთაშორისო სასტუმროების სეგმენტში. Ruckus-ი ამ კუთხით მიმდინარე ორგანიზაციულ პროცესებში მაქსიმალურად ჩაერთვება.

კომპანია Ruckus-ი სატელეკომუნიკაციო აპარატურის მწარმოებელი გიგანტის, Commscope-ის ნაწილია. დღესდღეობით კომპანია Ruckus მოწინავე Wi-Fi გადაწყვეტილებებს აწარმოებს. აღსანიშნავია, რომ 2012 წელს ორიენტ ლოჯიკი პირველი იყო ქართულ ბაზარზე, რომელმაც Ruckus-ის პროდუქციის ინტეგრაცია მოახდინა.

სადაზღვევო კომპანია „არდიმ“, განსაკუთრებული საჭიროების მქონე მუნიციპალური მუზეუმების, მოსწავლე ახალგაზრდობის ეროვნული სასახლის, ბიბლიოთეკებისა და ხელოვნების სკოლების 100  ასაკოვან თანამშრომელს,  რომლებიც ვირუსის გავრცელების მაღალ რისკ ჯგუფში იმყოფებიან, კარანტინის პერიოდისთვის საჭირო სურსათი გადასცა.

არამალფუჭებადი პროდუქტისგან შემდგარი ნობათის დარიგებაში მოხალისეებად მონაწილეობდნენ არდის თანამშრომლები, მათ შორის აღმასრულებელი დირექტორი – მიხეილ ჯაფარიძე, დედაქალაქის მერის მოადგილე სოფიო ხუნწარია და კულტურის სფეროს წარმომადგენლები.

პროექტი განხორციელდა თბილისის მერიის მხარდაჭერით.