May 2020

ჰაიდელბერგცემენტი აქტიურად არის ჩართული CoVid – 19-თან ბრძოლაში. კომპანიამ რუსთავისა და კასპის 200-ზე მეტ ოჯახს პირველადი მოხმარების საჭირო სასურსათო პროდუქტები გადასცა. სასურსათო პაკეტები დაურიგდათ ყველაზე მოწყვლად ჯგუფებს, მათ შორის – მრავალშვილიან ოჯახებს.

შეგახსენებთ, რომ სოციალური პასუხისმგებლობის ფარგლებში, გერმანიაში შეძენილი 15 000 PCR ტესტი ჰაიდელბერგცემენტმა დაავადებათა კონტროლის ცენტრს გადასცა.

თეგეტა მოტორსი აგრძელებს კამპანიას, “თეგეტა ექიმებთან ერთად”, რომლის ფარგლებშიც COVID-19 ვირუსის წინააღმდეგ მებრძოლ „პირველი საუნივერსიტეტო კლინიკის“ ექიმებს, უსასყიდლოდ გადავეცით 500 ცალი სამედიცინო დანიშნულების სპეციალური კომბინიზონი და სამშრიანი პირბადეები.

გარდა ამისა, თეგეტა მოტორსი საგანგებო მდგომარეობის გამოცხადების დღიდან უზრუნველყოფს „რიჩარდ ლუგარის სახელობის საზოგადოებრივი ჯანდაცვის კვლევითი ცენტრის“, „თბილისის ინფექციური საავადმყოფოს“ და „აკადემიკოს ნიკოლოზ ყიფშიძის სახელობის ცენტრალური საუნივერსიტეტო კლინიკის“ იმუნოლოგების, ექიმების, ექთნებისა და სანიტრების უსაფრთხო ტრანსპორტირებას.

„ჩვენი მიზანია, მაქსიმალურად შევუწყოთ ხელი ექიმებს და რთულ პერიოდში გავამხნევოთ, რადგან მათი როლი ქვეყნის ცხოვრებაში დღეს განსაკუთრებით მნიშვნელოვანია.“ – აცხადებენ კომპანიაში.

თიბისის და ვიზას მომხმარებლებისთვის პირველი ციფრული ბარათი უკვე ხელმისაწვდომია.  ციფრული ბარათი პლასტიკური ბარათის ციფრული ანალოგია და ყველა ის ფუნქცია აქვს, რაც სადებეტო ბარათს. მისი მთავარი უპირატესობა არის ის, რომ მომხმარებელს არ უწევს ფიზიკური პლასტიკური ბარათის ტარება; მისი გამოყენებით შესაძლებელია თანხის გადახდა სავაჭრო ობიექტებში, პოს-ტერმინალების გამოყენებით, ასევე ბანკომატიდან თანხის განაღდება. ბარათის დამატება შესაძლებელია ციფრულ საფულეში Apple Pay ან tbc Wallet.

უახლოეს მომავალში ბარათს ონლაინ გადახდის სერვისიც დაემატება.

ციფრული ბარათის შეკვეთა შესაძლებელია მარტივად, მობაილ ან ინტერნეტბანკიდან.

სილქ როუდ ჯგუფმა დანიის საინვესტიციო ფონდთან (IFU) საინვესტიციო ხელშეკრულება გააფორმა 15 მილიონი ევროს დაფინანსების თაობაზე. შედეგად მოხდება რუსთაველის გამზირზე მდებარე, 70-იანი წლების ტელეგფრაფის შენობის რეკონსტრუქცია, რომელიც „მწვანე არქიტექტურის“ ეკოლოგიური ოქროს სტანდარტის (LEED Gold standard) დაცვით განხორციელდება. შენობაში მოეწყობა 220-ნომრიანი სასტუმრო, რაც 350 სამუშაო ადგილს შექმნის.

სილქ როუდ ჯგუფში დასაქმებულია 5000-ზე მეტი ადამიანი უძრავი ქონების, სატელეკომუნიკაციო, ენერგეტიკისა და ტრანსპორტის სექტორებში.

საინფორმაციო სააგენტო სარკე, 11.05.2020

Nexia TA, როგორც Microsoft-ის ოფიცილაური პარტნიორი, პანდემიის პირობებში ბიზნესებს Microsoft Office 365 E1 პაკეტს 6 თვის განმავლობაში სრულიად უფასოდ სთავაზობს. ამ ინიციატივის ფარგლებში კომპანია მართავს ონლაინ პრეზენტაციას “Microsoft Office 365 უფასო პაკეტი და მისი ბენეფიტები” 14 მაისს, 15 საათზე, რა დროსაც Nexia TA-ს სპეციალისტები მსურველებს მიაწვდიან ინფორმაციას იმ უპირატესობებზე რომელსაც რომელსაც ბიზნესები აღნიშნული პაკეტის გააქტიურებით მიიღებენ:

ონლაინ პრეზენტაცია დასასწრებად საჭიროა, გაიაროთ რეგისტრაცია ამ ბმულზე: 

მიკროსაფინანსო ორგანიზაცია კრისტალმა საერთაშორისო საფინანსო ორგანიზაცია BlueOrchard Finance-სგან $5 მილიონის ინვესტიცია მოიზიდა, იუწყება გაზეთი. თანხა საქართველოს მასშტაბით მიკრომეწარმეებისა და ფერმერების ინოვაციური ფინანსური პროდუქტებით მხარდაჭერას მოხმარდება.

კრისტალი და BlueOrchard 2014 წლიდან თანამშრომლობენ. BlueOrchard-მა დღემდე 80 ქვეყანაში 6 მილიარდ დოლარზე მეტის ინვესტირება მოახდინა.

საინფორმაციო სააგენტო სარკე, 08.05.2020

DWV-ს წევრი კომპანია მეიჯერელი ახალ საქველმოქმედო პროექტს იწყებს.

„კორონავირუსი დღემდე აქტიურ პრობლემად რჩება ქვეყანაში და ჩვენ, როგორც მაღალი სოციალური პასუხისმგებლობის მქონე კომპანიას, გვსურს, ჩვენი წვლილი შევიტანოთ იმ ადამიანების დახმარებაში, ვისაც დღეს თანადგომა ყველაზე მეტად სჭირდება. სწორედ ამ მიზნით კომპანიამ თანამშრომლებთან ერთად ახალი პროექტი დანერგა.

პროექტისთვის შეიქმნა სპეციალური ფონდი, სადაც თითოეულ თანამშრომელს შესაძლებლობა აქვს გადარიცხოს სასურველი თანხა, რომელიც შემდგომ მეიჯრელ საქართველოს მიერ გაორმაგდება და ბენეფიციარებისთვის პირველადი საჭიროების ნივთებისა და პროდუქტების შეძენას მოხმარდება.“- ნათქვამია კომპანის განცხადებაში.

ორიენტ ლოჯიკი თავის ფეისბუქის გვერდზე ლაივ საღამოების ციკლს მასპინძლობს.

დაინტერესებულ პირებს, ყოველ საღამოს, 20:00 საათზე შესაძლებლობა აქვთ, მიიღონ ტექნოლოგიური რჩევები პროფესიონალებისგან და გაეცნონ ინდუსტრიაში არსებულ თანამედროვე ტენდენციებს.

Live-საღამოების სანახავად მიჰყევით ბმულს.

საქართველოს ბანკის შვილობილი კომპანია Galt & Taggart აქვეყნებს თბილისის უძრავი ქონების ბაზრის 2020 წლის პირველი კვარტლის მიმოხილვას.

მიმოხილვის სანახავად გადადით ბმულზე.