გერმანის ეკონომიკური გაერთიანების (DWV) წევრ, საქართველოს ბანკსა და Bene Group-ს (ლოგისტიკური და სატრანსპორტო მომსახურება) შორის ახალი ლოგისტიკური პროექტის ფარგლებში თანამშრომლობის მემორანდუმი გაფორმდა.
პროექტის ჯამური ღირებულება $5.5 მილიონია, რაც სრულად არის დაფინანსებული საქართველოს ბანკის მიერ.
პროექტი ითვალისწინებს გარდაბანში, სოფელ გამარჯვებაში, 13,000 კვ.მ ფართობის თანამედროვე სასაწყობო კომპლექსის მშენებლობას.
DWV-ს წევრებობის შესახებ უფრო მეტი აქ.
The Legal 500-ის უახლესი რეიტინგების მიხედვით, გერმანიის ეკონომიკური გაერთიანების (DWV) წევრი BLC Law Office კვლავ აღიარეს საქართველოში, როგორც წამყვანი იურიდიული ფირმა ოთხივე შეფასებულ სფეროში: კომერციული და კორპორაციული, საბანკო და საფინანსო სამართალი, უძრავი ქონებისა და სამშენებლო სფერო და დავების გადაწყვეტა. გარდა ამისა, ექვსმა იურისტმა მიიღო ინდივიდუალური აღიარება შესაბამის სპეციალიზაციებში.
აღიარებული მიმართულებები და იურისტები შემდეგია:
კომერციული, კორპორაციული და M&A სამართალი
უძრავი ქონება და მშენებლობა (მათ შორის პროექტები)
საბანკო და საფინანსო სამართალი
დავების გადაწყვეტა
The Legal 500 ერთ-ერთ ყველაზე ავტორიტეტულ საერთაშორისო რეიტინგად ითვლება, რომელიც ბიზნესის იურიდიულ ფირმებს აფასებს.
DWV-ს წევრებობის შესახებ უფრო მეტი აქ.
პირველ კვარტალში საქართველოში საერთაშორისო ვიზიტორების 1.17 მილიონი ვიზიტი შედგა, იუწყება ტურიზმის ეროვნული ადმინისტრაცია. 2024 წლის ანალოგიურ პერიოდთან შედარებით ზრდა 1.3%-ია.
ყველაზე მეტი ვიზიტი თურქეთიდან შედგა – 225,577 (წლიური კლება – 11.5%). პირველ ხუთეულში ასევე შედის: რუსეთი – 219,264 (ზრდა – 1.8%); სომხეთი – 180,805 (კლება – 5.7%); ისრაელი – 80,896 (ზრდა – 72.9%) და აზერბაიჯანი – 64,818 (ზრდა – 25.9%).
შემდეგი მოდის: ირანი – 26,859 (კლება – 6.8%), ინდოეთი – 26,372 (ზრდა – 21.7%), უკრაინა – 24,192 (კლება – 1.4%), ყაზახეთი – 21,625 (კლება – 22.4%), ბელარუსი – 17,377 (ზრდა – 0.8%) და ა.შ.
აღსანიშნავია ჩინეთი (მე-11 ადგილზეა), საიდანაც ვიზიტების რაოდენობა 40.1%-ით გაიზრდა და 13,875 შეადგინა.
Liv Hospital Group, თურქეთის ერთ-ერთი წამყვანი ჯანდაცვის პროვაიდერი, და სადაზღვევო კომპანია არდი, საქართველოს სადაზღვევო ბაზრის გამორჩეულად სტაბილური ლიდერი, აცხადებენ სტრატეგიული პარტნიორობის დაწყებას. თანამშრომლობის მიზანია არდის დაზღვეულთათვის ჯანდაცვის სერვისების ხარისხის გაუმჯობესება და საერთაშორისო დონეზე, კერძოდ, თურქეთში, სამედიცინო სერვისებზე წვდომის გაფართოება.
ურთიერთთანამშრომლობის მემორანდუმს ხელი მოეწერა თბილისში, სასტუმრო „პულმანში“. აღნიშნული პარტნიორობა წარმოადგენს მნიშვნელოვან ეტაპს ორ ორგანიზაციას შორის და მიზნად ისახავს ჯანდაცვის მომსახურების ხარისხის ამაღლებასა და სადაზღვევო დაფარვის გაფართოებას არდის დაზღვეული მოქალაქეებისთვის.
პარტნიორობის ძირითადი პრიორიტეტები:
ექსკლუზიური პირობები არდის დაზღვეულებისთვის Liv Hospital Group-ის ეკოსტისტემაში:
ქ-ნი მერი ისტიროტი, ჯგუფის კოორდინატორი, Liv Hospital Group:
„Liv Hospital-ში მოხარულები ვართ არდისთან სტრატეგიული პარტნიორობის დაწყებით. ამ თანამშრომლობით შეგვიძლია ჩვენი ჯანდაცვის სერვისები კიდევ უფრო ხელმისაწვდომი გავხადოთ არდიში დაზღვეული ქართველი პაციენტებისთვის. ჩვენ მათ ვთავაზობთ ექსკლუზიურ ფასებს, უფასო მეორე სამედიცინო აზრის კონსულტაციებსა და განსაკუთრებული მნიშვნელობის პრევენციულ პაკეტებს.“
ბ-ნი მიხეილ ჯაფარიძე, აღმასრულებელი დირექტორი, სს „არდი დაზღვევა“:
„ეს პარტნიორობა Liv Hospital Group-თან არის მნიშვნელოვანი ნაბიჯი საქართველოს ჯანმრთელობის დაზღვევის სექტორის განვითარებისთვის. დაზღვევაში ჩვენი ძლიერი მხარეების Liv Hospital-ის მსოფლიო დონის სამედიცინო სერვისებთან შერწყმით, არდის დაზღვეულებს ვთავაზობთ უფრო მაღალი ხარისხის სამედიცინო მომსახურებასა და საიმედო სადაზღვევო დაფარვას.“
Liv Hospital Group-ს შესახებ:
Liv Hospital არის თურქეთის ერთ-ერთი წამყვანი ჯანდაცვის პროვაიდერი, რომელიც სთავაზობს მულტიდისციპლინურ სამედიცინო სერვისებს. ჰოსპიტალი ცნობილია ინოვაციური სამედიცინო ტექნოლოგიებით, საერთაშორისოდ აღიარებული სამედიცინო პერსონალით და პერსონალიზებული პაციენტზე ორიენტირებული მიდგომით. Liv Hospital-ის ქსელი აერთიანებს 6 ჰოსპიტალს თურქეთში და 4 წარმომადგენლობას საზღვარგარეთ (ბაქო, ბუდაპეშტი, ლონდონი, დუბაი). სახელწოდება “LIV” ნიშნავს: “Leading International Vision | წამყვან საერთაშორისო ხედვას“, რაც აისახება კიდეც ჰოსპიტალის ვალდებულებებში – შექმნას და დააწესოს ახალი სტანდარტები თურქეთსა და მსოფლიოში. უწყვეტი ინოვაციების ერთგული, Liv Hospital აერთიანებს უახლესი ტექნოლოგიების, მათ შორის რობოტული ქირურგიის, ხელოვნური ინტელექტის დახმარებით დიაგნოსტიკას, დამიზნებით ონკოლოგიას, რეგენერაციულ მედიცინასა და ღეროვანი უჯრედების თერაპიას. JCI-ის მიერ აკრედიტებული Excellence ცენტრებით, Liv Hospital ახორციელებს მსოფლიო დონის, პაციენტზე ორიენტირებულ სამედიცინო დახმარებას, ქმნის ახალ სტანდარტებს თანამედროვე ჯანდაცვის სფეროში როგორც თურქეთის, ასევე საერთაშორისო მასშტაბით.
სს „არდი დაზღვევა“-ს შესახებ:
სს არდი დაზღვევა არის საქართველოს ერთ-ერთი წამყვანი სადაზღვევო კომპანია, რომელიც უზრუნველყოფს სადაზღვევო მომსახურების სრულ სპექტრს – სიცოცხლის და არა-სიცოცხლის (ქონებრივი) დაზღვევების მიმართულებით. დაზღვეულზე ორიენტირებული მიდგომებითა და ინოვაციებისადმი ერთგულებით, არდი ცნობილია თავისი გამჭვირვალე მომსახურებით, სწრაფი ანაზღაურებებით, მომხმარებელთა ადვოკატირებით და კლიენტებთან გრძელვადიანი ურთიერთობების დამყარებით. სრულყოფილებისკენ მუდმივი განვითარების გზაზე არდი აქტიურად ახორციელებს ინვესტიციებს ციფრულ პლატფორმებში, ინოვაციურ გადაწყვეტილებებსა და სერვისის ახალ მოდელებში, რათა უზრუნველყოს უფრო მეტი ხელმისაწვდომობა, ეფექტურობა და მომხმარებელთა კმაყოფილება მის ყველა შეთავაზებაში.
გლობალური ღონისძიება Falling Walls Lab იწვევს სხვადასხვა სამეცნიერო მიმართულების სტუდენტებსა და ახალგაზრდა პროფესიონალებს საქართველოდან, რომლებსაც აქვთ ინოვაციური იდეები, კონკურსში მონაწილეობის მისაღებად.
Pitch Event-ში, რომელიც გაიმართება 2025 წლის 31 მაისს, მონაწილეობის მსურველებმა, 2025 წლის 25 აპრილის ჩათვლით განაცხადი უნდა გააკეთონ ამ ბმულზე.
საუკეთესო სამეცნიერო იდეა, რომელიც მოწვეული ჟიურის მიერ აღიარებული იქნება, როგორც დადებითი ზემოქმედების მქონე მეცნიერებასა და საზოგადოებაზე, მიიღებს 7 ნოემბერს ბერლინში Falling Walls Science Summit-ის გლობალურ ფინალში მონაწილეობის შესაძლებლობას.
ამ გლობალური ღონისძიების ადგილობრივი ორგანიზატორები და პარტნიორები არიან გერმანიის ფედერაციული რესპუბლიკის საგარეო საქმეთა სამინისტრო, DAAD საქართველო და გერმანიის ფედერაციული რესპუბლიკის საელჩო თბილისში.
ჟიურის წევრად მიწვეულია გერმანიის ეკონომიკური გაერთიანების (DWV) დირექტორი, ბ-ნი თომას კიმესვენგერი, რომელიც გადამწყვეტ როლს შეასრულებს პრეზენტაციების შეფასებასა და გამარჯვებულის არჩევაში.
DWV-ის წევრი კომპანია Gvinadze & Partners-ი საერთაშორისო იურიდიული რეიტინგის LEGAL500-ის მიერ წელსაც დაჯილდოვებული იქნა მრავალ კატეგორიაში.
მმართველი პარტნიორი ნიკა ღვინაძე კიდევ ერთხელ მოხვდა „Hall of Fame“-ის პრესტიჟულ სიაში.
კომპანიაში დასაქმებულმა სხვა წევრებმაც მოიპოვეს გამორჩეული აღიარება, მათ შორის – როგორც „Leading Partner“, „Next Generation Partner“ და „Leading Associate“.
განსაკუთრებით გამოიკვეთა კომპანიის წარმატება დავების გადაწყვეტის მიმართულებით, სადაც კომპანიამ უმაღლესი შეფასება – Top Tier – დაიმსახურა. გარდა ამისა, Gvinadze & Partners-ს აღიარეს სხვა პრაქტიკულ სფეროებშიც პროფესიონალიზმისა და მაღალი ხარისხის მომსახურებისათვის.
ამ მიღწევებით კომპანია აგრძელებს თავის 30-წლიან წარმატებულ საქმიანობას საქართველოში ბიზნესისა და ინვესტიციების იურიდიული მხარდაჭერის სფეროში.
გერმანიის ეკონომიკური გაერთიანების (DWV) წევრი, „საქართველოს ბანკი“ საუკეთესო ბანკის სტატუსს 2025 წელსაც ინარჩუნებს. საერთაშორისო გამოცემა Global Finance-მა „საქართველოს ბანკი“ უკვე მეორედ, 2025 წელსაც წლის საუკეთესო ბანკად დაასახელა საქართველოში.
“საერთაშორისო საბანკო სისტემა მუდმივად ვითარდება და ადაპტირდება არსებულ გამოწვევებთან, ამისათვის კი ინოვაციასა და განსხვავებულ მიდგომებს იყენებს. ხელოვნურმა ინტელექტმა საბანკო სექტორის ცვლილება დააჩქარა და ნათლად დაგვანახა, რომ მისი სწრაფი ზრდა ფინანსური სექტორის სწრაფ ტრანსფორმაციას გამოიწვევს. Global Finance-ის საუკეთესო ბანკის ჯილდო კი სწორედ იმ ფინანსური ინსტიტუტების გამოვლენას ემსახურება, რომლებიც მუდმივად ცვალებად გარემოში მომხმარებლებს გამორჩეულ სერვისებს, პროდუქტებს, გრძელვადიან სტაბილურობასა და ტექნოლოგიურ ინოვაციებს სთავაზობენ“, – აღნიშნულია Global Finance-ის განცხადებაში.
ჯილდოს გამოსავლენად ყურადღება ექცევა თვისობრივ და რაოდენობრივ კვლევას. და ისეთ კრიტერიუმებს, როგორებიცაა: აქტივების ზრდა, გეოგრაფიულ მოცვა, სტრატეგიული ურთიერთობები, ახალი ბიზნესის ხელშეწყობა და პროდუქტის ინოვაციურობა.
DWV-ს წევრებობის შესახებ უფრო მეტი აქ.
გერმანიის ეკონომიკური გაერთიანების (DWV) წევრმა კომპანია ნექსიამ, ბოლო პერიოდში მნიშვნელოვანი სიახლეების პარალელურად, კიდევ ერთ მნიშვნელოვან წარმატებას მიაღწია. ნექსია აკადემია, ბუღალტრული აღრიცხვისა, ანგარიშგებისა და აუდიტის სამსახურმა AML მიმართულებით განგრძობითი განათლების მომსახურების მიმწოდებლად აღიარა, რაც ნიშნავს იმას, რომ SARAS-ის ზედამხედველობას დაქვემდებარებული ანგარიშვალდებულ პირებს ტრენინგის გავლა და მისი დადასტურება ახლა უკვე ნექსია აკადემიაშიც შეუძლიათ.
ანგარიშვალდებულ პირებს შესაძლებლობა ექნებათ, ნექსიაში ტრენინგის გავლით შესაბამის რეესტრში დაადასტურონ განგრძობითი განათლების მიღება და ზედამხედველობის სამსახურის მოთხოვნა შესრულებულად ჩაეთვალოთ.
ტრენინგი განკუთვნილია საბუღალტრო ფირმებისა და პროფესიული მომსახურების გამწევი ბუღალტრებისთვის, რომლებიც დამოუკიდებლად ახორციელებენ პროფესიულ მომსახურებას.
ტრენინგზე რეგისტრაციის გავლა შესაძლებელია ამ ბმულზე.
აქტუალურად ნექსიაში დასაქმებულია 250 თანამშრომელი. ახალ ოფისში, ნექსიას აკადემიის სივრცე აღჭურვილია ულტრათანამედროვე ტექნიკით, რაც ინტერაქტიული სემინარებისა და ტრენინგების ჩატარების შესაძლებლობასა და ზოგადად, სამუშაო პროცესის თანამედროვე ტექნოლოგიების გამოყენებით წარმართვას უზრუნველყოფს. კომპანიამ 2024 წელს, 10 წლის იუბილე აღნიშნა და საუბილეო ღონისძიებათა სერია მნიშვნელოვანი სიახლით, აუდიტორული კომპანიების რეიტინგში მეხუთე ადგილზე გადასვლით დახურა.
DWV-ს წევრებობის შესახებ უფრო მეტი აქ.
2025 წლის 29 მარტს სასტუროში Pullman Tbilisi Axis Towers გერმანიის ეკონომიკური გაერთიანების (DWV) მხარდაჭერით, ექსკლუზიური შეთავაზებების სექტორის მთავარი ღონისძიება 𝐏𝐑𝐎𝐏𝐄𝐑𝐓𝐘 𝐄𝐗𝐂𝐋𝐔𝐒𝐈𝐕𝐄 𝟐𝟎𝟐𝟓 ჩატარდა. ღონისძიების ორგანიზატორი გახლდათ უძრავი ქონების ჰაბი, 𝐏𝐫𝐨𝐩𝐞𝐫𝐭𝐲 𝐆𝐞𝐨𝐫𝐠𝐢𝐚, მთავარი პარტნიორი-FIABCI-Georgia, გენერალური სპონსორი-,,ალიანს ჯგუფი.“
𝐏𝐑𝐎𝐏𝐄𝐑𝐓𝐘 𝐄𝐗𝐂𝐋𝐔𝐒𝐈𝐕𝐄 𝟐𝟎𝟐𝟓 გაიხსნა უძრავი ქონების თემატური საუბრებით 𝐏𝐫𝐨𝐩𝐞𝐫𝐭𝐲 𝐓𝐚𝐥𝐤𝐬. განხილული იქნა სექტორის მთავარი სიახლეები და ტენდენციები. პანელური დისკუსიის ფარგლებში უძრავი ქონების ექსპერტები მიმოიხილავდნენ მიმდინარე წელს და ისაუბრეს 2026-ის მოლოდინებზე. Property Talks-ს დაესწრნენ პარტნიორი და მხარდამჭერი კომპანიები და ორგანიზაციები, FIABCI-Georgia-ს წევრი და არაწევრი უძრავი ქონების კომპანიები. საპატიო დამსწრეებად ღონისძიებაზე მოწვეულნი იყვნენ დიპლომატიური კორპუსის წარმომადგენლები. Property Talks-ის დასრულების შემდეგ FIABCI-Georgia-ს წევრი კომპანიების მხრიდან მოხდა ახალი პროექტების წარდგენა.
𝐏𝐑𝐎𝐏𝐄𝐑𝐓𝐘 𝐄𝐗𝐂𝐋𝐔𝐒𝐈𝐕𝐄 𝟐𝟎𝟐𝟓-ის დამსწრეები ექსკლუზიურად ერთ სივრცეში გაეცნენ უძრავი ქონების და სექტორთან დაკავშირებული კომპანიების წინასააღდგომო, საგაზაფხულო სპეც. შეთავაზებებს. ასევე გაიმართა B2B/B2C შეხვედრები. დღის მანძილზე პარტნიორმა კომპანიებმა გაათამაშეს სხვადასხვა პრიზები.
𝐏𝐑𝐎𝐏𝐄𝐑𝐓𝐘 𝐄𝐗𝐂𝐋𝐔𝐒𝐈𝐕𝐄 𝟐𝟎𝟐𝟓 გაზიარდა 𝐅𝐈𝐀𝐁𝐂𝐈-𝐆𝐞𝐨𝐫𝐠𝐢𝐚-ს სოც. ქსელებში, რაც მოიცავს 𝐅𝐈𝐀𝐁𝐂𝐈-ის აუდიტორიას მსოფლიოს 𝟕𝟎-ზე მეტ ქვეყანაში!