January 2021

კომპანია „დიო“-მ ახალი პროექტი #საიმედორეკომენდაციები დაიწყო.

პანდემიიდან გამომდინარე დიოს შოუ რუმები დროებით დახურულია და კომპანია მხოლოდ დისტანციურ შეკვეთებს იღებს. აღნიშნული პროექტი დიოს საშუალებას აძლევს, ვირტუალურად უმასპინძლოს მომხმარებელს და გაუადვილოს შერჩევის პროცესი.

დისტანციური კონსულტაციის სერია მომხმარებელს პროდუქციის ონლაინ შერჩევისას  გადაწყვეტილების მიღებას უადვილებს; ამასთანავე საჭირო ინფორმაციას აწვდის თუ კონკრეტულ პროდუქტთან დაკავშირებით რას უნდა მიაქციოს ყურადღება. პროექტი  ვლოგის სახით ვიდეო რგოლების სერიას მოიცავს, რომელიც კვირაში ერთხელ  „დიო“-ს დიჯითალ არხებში თავსდება. კომპანიის გამოცდილი და კომპეტენტური თანამშრომლები კი მომხმარებელს საინტერესო რჩევებსა და რეკომენდაციებს უზიარებენ, დაწვრილებით საუბრობენ ინტერიერისა და ექტერიერის პროდუქტების შერჩევისას კონკრეტულად რა საკითხებსა და დეტალებზე უნდა გავამახვილოთ ყურადღება.

ვლოგები ხელმისაწვდომია დიოს იუთუბის არხზე

კომპანია ჰაიდელბერგცემენტი, კასპის გამგეობასთან თანამშრომლობით, კასპში მდებარე მოედნის განახლებას გეგმავს და მისი წინასწარი დიზაინის კონცეფციის შესაქმნელად პროექტების კონკურსს აცხადებს.

კონკურსში მონაწილეობის მიღება შეუძლია, როგოც ფიზიკურ პირს, ასევე კომპანიას. პროექტი განხორციელებადი უნდა იყოს საქართველოში მოპოვებადი მასალებით და პროექტის ავტორს უნდა ჰქონდეს წარმოდგენა, თუ როგორ იქნება შესაძლებელი მისი განხორციელება;

პროექტებს განიხილავს ჰაიდელბერგცემენტის გუნდისა და კასპის გამგეობისგან დაკომპლექტებული ჟიური და გამოავლენს გამარჯვებულს, რომელსაც გადაეცემა 2500 ლარი.

განაცხადების მიღება გრძელდება 31 იანვრამდე.

დამატებითი ინფორმაციისთვის ეწვიეთ ბმულს

პროკრედიტ ბანკს ეკო-მობილობის მიმართულებით არა ერთი მნიშვნელოავნი პროექტი აქვს განხორციელბულ, მათ შორის ერთ-ერთი პირველი ორგანიზაციაა საქართველოში, რომელიც საკუთარ სატრანსპორტო საშუალებად მხოლოდ ჰიბრიდული და ელექტრო მანქანების მოიხმარს და ყოველწლიურად ზრდის ელექტრომობილების წილს მთლიან ავტოპარკში.

გარემოსადმი მეგობრული სატრანსპორტო საშუალებების გამოყენებითა და შესაბამისი ინფრასტრუქტურის განვითარებით, პროკრედიტ ბანკი ხელს უწყობს მწვანე მიმართულების პოპილარიზებას როგორც ბიზნესებში, ასევე ფიზიკურ პირებში.

ამჯერად პროკრედიტ ბანკი ჰიუნდაისთან თანამშრომლობით მომხმარებლებს ელექტრომობილის შესყიდვის და დაფინანსების განსაკუთრებულ პირობებს სთავაზობს. შეთავაზება ითვალისწინებს შემდეგს: გაცემის საკომისიო: 0%, სესხის ვადა: 7 წლამდე და შეღავათიანი საპროცენტო განაკვეთი. გარდა ამისა, მომხმარებელები ჰიუნდაისგან მიიღებან 10000ლარიან ფასდაკლებას, საჩუქრად 7კვტ დამტენ სადგურსა და 1 წლიანი უფასო დაზღვევას.

წარმოდგენილი შეთავაზება მიზნად ისახავს წაახალისოს მომხმარებლები, წიაღისეულ საწვავზე მომუშავე ავტომანქანები ჩაანაცვლონ ელექტრო სატრანსპორტო საშუალებებით, რაც გარემოზე ნეგატიური ზემოქმედების შემცირებას შეუწყობს ხელს.

დამატებით ინფორმაციისთვის ეწვიეთ შეთავაზების გვერდს

თბილისში მდებარე პროკრედიტ ბანკის სათავო ოფისი მსოფლიოს მწვანე შენობების სიაში შევიდა. ნაგებობა საქართველოში პირველია, რომელსაც ენერგო და რესურს ეფეტურობა Edge საერთაშორისო სერტიფიკატით დაუდასტურდა. საერთაშორისო აუდიტორებმა შეაფასეს ბანკის თანამედროვე არქიტექტურული დიზაინისა და ენერგიის, წყლის და მასალების ეფექტურობის ერთობლიობა, რაც წლებია პროკრედიტ ჯგუფის ეკოლოგიაზე ორიენტირებული სტრატეგიის ნაწილია.

ფართოდ შემინული ფასადი და ატრიუმი ბუნებრივ დღის სინათლეს უზრუნველყოფს შენობაში, ამასთანავე დაბალემისიური მინები და თბოიზოლირებული საფარი მინიმუმამდე ამცირებს თბოდანაკარგს. მთელი ნაგებობა  აღჭურვილია LED განათებით, რომელსაც დატვირთვის სენსორები და განათების კონტროლის ფუნქციები აქვს. გათბობა-გაგრილების და ვენტილაციის მაღალ-ეფექტური მოწყობილობა კომფორტულ ატმოსფერულ ჰაერს აწვდის შენობას და, ამავე დროს, ზოგავს ენერგიას.

მნიშვნელოვანია არა მხოლოდ თავად შენობა, არამედ ასევე რესურსების ეფექტური მოხმარება, რისთვისაც პროკრედიტ ბანკი საქართველომ სათაო ოფისში დაამონტაჟა წვიმის წყლის შემგროვებელი ერთ-ერთი პირველი სისტემა ქვეყანაში. გარდა ამისა, ერთადერთი ბანკია, რომელსაც საკუთარი მზის ელექტრო სადგური აქვს, სისტემა გამოიმუშავებს ელექტროენერგიას ბანკის საკუთარი მოხმარებისა და ელექტრომობილების დასამუხტად.

პროკრედიტ ბანკი საქართველო ეტაპობრივად გეგმავს სათავო ოფისისთვის EDGE სერტიფიკაციის შემდგომი ეტაპების გავლასაც. კომპანიის საბოლოო მიზანია ნახშიროჟანგის ნულოვანი გაფრქვევის დონის მიღწევა, რომლის შედეგადაც პროკრედიტ ბანკი საქართველოს სათავო ოფისი 100% ნახშიროჟანგ-ნეიტრალური ზონა გახდება. 

„ნახშიროჟანგის ნულოვანი გაფრქვევის” პირველი დონის მოთხოვნის დაკმაყოფილების შემდეგ, პროკრედიტ ბანკი საქართველო იმედოვნებს, რომ სხვა კომპანიებისთვის მაგალითი გახდება და მათ მსგავსი გარემოსდაცვითი ინიციატივების განხორციელებისკენ უბიძგებს, გარემოზე უარყოფითი ზემოქმედების შემცირების მიზნით.