უფროსი HR ანა ინასარიძე და გაყიდვების უფროსი რეგინა ვინთერი მოგცემენ პრაქტიკულ რჩევებს და გაგაცნობენ საჭირო ხერხებს, თუ როგორ შეგიძლიათ საქართველოში დისტანციურად იმუშაოთ გერმანელ, ავსტრიელ ან შვეიცარიელ დამსაქმებლებთან. ვებინარის განმავლობაში შეგიძლიათ ექსპერტებს კითხვები დაუსვათ.
დამატებითი ინფორმაცია იხილეთ აქ.
საქართველოს მოქალაქეები, რომლებიც მიემგზავრებიან გერმანიაში ბიზნესის, განათლებისა და სამედიცინო მიზნებით, 15 ივნისიდან სავალდებული კარანტის აღარ გაივლიან.
ამ დრომდე გერმანია ღიაა ტურისტული მიზნებისთვის მხოლოდ ევროკავშირის ქვეყნებისთვის.
საქართველოს საგარეო საქმეთა მინისტრი, ბატონი დავით ზალკალიანი და გერმანიის ფედერალური რესპუბლიკის ელჩი საქართველოში, ბატონი ჰუბერტ ქნირში, იმედოვნებენ, რომ სრულად ფრენები ორ ქვეყანას შორის შეძლებისდაგვარად მალე აღდგება.
ამასთან დაკავშირებით საუბარი შედგა მინისტრ ზალკალიანსა და გერმანიის ფედერაციული რესპუბლიკის საგარეო საქმეთა მინისტრს, ბატონ ჰაიკო მაასს შორის, რა დროსაც ცნობილი გახდა, რომ გერმანია მუშაობს რეკომენდაციებზე საერთაშორისო მოგზაურობებისთვის, ასევე ევროკავშირის წევრ ქვეყნებთან განიხილავს საქართველოში ფრენების აღდგენის საკითხს.
ჰაიდელბერგცემენტ ჯორჯია იწვევს ტექნიკური მიმართულების სტუდენტებსა და კურსდამთავრებულებს ანაზღაურებად „თრეინი პროგრამაში“ მონაწილეობის მისაღებად.
„თრეინი პროგრამა” მოიცავს თეორიული და პრაქტიკული სწავლებების 12 თვიან პერიოდს სამომავლო თანამშრომლობის მიზნით ტექნიკური /საინჟინრო მიმართულებებით შემდეგ სპეციალობებში: ცემენტის წარმოება, ელექტრო და მექანიკური ინჟინერია; თრეინი პროგრამა მოიცავს ასევე საზღვარგარეთ სტაჟირებას;
გარდა ამისა, პროგრამა მოიცავს მენეჯმენტის სხვადასხვა მიმართულებებს: ფინანსურს, გაყიდვებს, მარკეტინგს, შესყიდვებსა და HR-ს;
„თრეინი პროგრამა” მონაწილეებს საშუალებას აძლევს, დაგეგმონ და განახორციელონ მათთვის საინტერესო პროექტი, რომელსაც განიხილავს მენეჯმენტის უმაღლესი რგოლი;
პროგრამაში მონაწილეობისთვის საჭიროა სააპლიკაციო ფორმის შევსება, რომელიც ხელმისაწვდომია ამ ბმულზე
ახალმა ქართულმა ავიაკომპანიამ “Easy Charter” ოპერირება დაიწყო, იუწყება საქართველოს სამოქალაქო ავიაციის სააგენტო. ავიაკომპანია ჩარტერულ სატვირთო გადაზიდვებს განახორციელებს.
სააგენტოს ცნობით, Easy Charter-ს უფლება ეძლევა განახორციელოს 5,700 კგ-ზე ზევით საფრენი მასის მქონე საჰაერო ხომალდის ექსპლოატაცია. ამ ეტაპზე ავიაკომპანია ფლობს ერთ Airbus 300B4-203-ს.
პანდემიის პირობებში მსოფლიოში სატვირთო ავიარეისებზე მოთხოვნა გაიზარდა, აღნიშნავს სააგენტო და მიუთითებს, რომ აღნიშნული ტიპის ოპერაციებში ასევე ჩართულია ქართული სატვირთო ავიაკომპანია Geo Sky.
საინფორმაციო სააგენტო სარკე, 16.06.2020
ორი დღის განმავლობაში შემოწმებული 26 რესტორნიდან ჯანდაცვის სამინისტროს მიერ დაწესებული რეკომენდაციების შეუსრულებლობის გამო 16 რესტორანი ჯამში 160 000 ლარით დაჯარიმდა. ამის შესახებ 15 ივნისს განაცხადა ჯანდაცვის სამინისტროს შრომის ინსპექტირების დეპარტამენტის ხელმძღვანელმა, ბექა ფერაძემ. მისი განმარტებით, აღნიშნული შემოწმებების მიზანი არ არის კომპანიების დაჯარიმება, არამედ შეზღუდვების შესრულების კონტროლი.
რაც შეეხება სასტუმროებს, ინსპექტირების დეპარტამენტის ხელმძღვანელის განმარტებით, შესამოწმებლად დარეგისტრირდა 939 სასტუმრო, საიდანაც საქმინობის განახლების უფლება მიეცა 150-ს. 175-მა სასტუმრომ ვერ შეძლო ნორმების დაკმაყოფილება და ისინი დამატებით კონტროლს დაექვემდებარა.
ბექა ფერაძემ ასევე მოუწოდა სასტუმროებს, დროულად დარეგისტრირდნენ შესამოწმებლად და რეკომენდაციების შესასრულებლად მათთვის მიცემული დრო გონივრულად გამოიყენონ.
Nexia TA-მ თავისი სერვისების პორტფოლიოს ახალი სერვისი: “ბიზნეს პროცესების ოპტიმიზაცია და ტრანსფორმაცია“ დაამატა.
კომპანიაში აღნიშნავენ, რომ ბიზნესის განვითარების ნებისმიერ ეტაპზე, გამართული და ოპტიმიზირებული პროცესები საქმიანობის ეფექტურობას აუმჯობესებს. სტრატეგიული ბიზნეს მოდელის შერჩევისას კი იზრდება კომპანიის პროდუქტიულობა, მცირდება ხარჯები და დანაკარგები, მიიღწევა მეტი მომგებიანობა.
სწორედ აღნიშნული მიზნების მიღწევას ემსახურება Nexia TA-ს ახალი სერვისი, რომლის შესახებ დამატებითი ინფორმაციის მიღება შესაძლებელია ონლაინ პრეზენტაციის საშუალებით, რომელიც გაიმართება 19 ივნისს 16:00 საათზე.
პრეზენტაციაზე დასასწრებად საჭიროა რეგისტრაცია
მთავრობის დადგენილების მიხედვით, პირბადის ტარება სავალდებულო იქნება
დარღვევის შემთხვევაში ფიზიკურ და იურიდიულ პირებს კანონით გათვალისწინებული ჯარიმები დაეკისრებათ.
პირბადის ტარების ვალდებულება არ გავრცელდება 6 წლამდე ასაკის ბავშვებზე, ასევე, იმ ადამიანებზე, რომლებსაც აქვთ სასუნთქი სისტემის პრობლემა.
საინფორმაციო სააგენტო სარკე, 16.06.2020
ბათუმში მდებარე სასტუმრო “ჰილტონი” ავრცელებს შეთავაზებას „Dream Away offer“, რომელიც გულისხმობს 20%-იან ფასდაკლებას აივნიან ნომრებზე საუზმისა და Grab & Go კონცეფციის ჩათვლით.
დამატებითი ინფორმაციისთვის მიმართეთ სასტუმროს ელ-ფოსტაზე batumi.info@hilton.com
სტარტაპ-დეკრეტის ფარგლებში, თიბისის თანამშრომლები შეძლებენ, ისარგებლონ 6 თვიანი სრულად ანაზღაურებადი დეკრეტით და საკუთარი ბიზნესიდეა რეალობად აქციონ. გარდა ამისა, თიბისელები ავტომატურად ჩაერთვებიან პროგრამა „სტარტაპერში“ და არაფინანსური და ფინანსური სერვისებით სარგებლობას განსაკუთრებული პირობებითა და შეღავათებით შეძლებენ.
ინოვაციური პროექტის ფარგლებში, თიბისელები საკუთარ ბიზნესიდეებს სპეციალურად პროექტისთვის შერჩეულ ჟიურის წევრებს წარუდგენენ, რის შემდეგაც ჟიური საუკეთესო იდეების ავტორებს გამოავლენს. პროექტში მონაწილეობისთვის, წარდგენილი ბიზნესიდეა უნდა იყოს ტექნოლოგიური/ინოვაციური.
პროექტში მონაწილეობის მსურველებისთვის რეგისტრაცია უკვე დაიწყო. სტარტაპ-დეკრეტის მომდევნო გამარჯვებულებს თიბისი სექტემბერში გამოავლენს.
სტარტაპ-დეკრეტი თიბისის ინიციატივით 2019 წელს შეიქმნა და მას ანალოგი არ აქვს ქვეყანაში.
აჭარა ჯგუფმა თანამშრომლების კეთილდღეობის უზრუნველსაყოფად, რომლებიც პანდემიამდე ჯგუფის რესტორნებსა და სასტუმროებში მუშაობდნენ, შეიმუშავა დასაქმების ალტერნატიული პროგრამა აჭარა ჯგუფის უმსხვილესი სოფლის მეურნეობის განვითარების პროექტ “უდაბნოს” ფარგლებში.
აღნიშნული ინიციატივა კომპანიის თანამშრომლებს საშუალებას აძლევს, ჩაერთონ აგროსამეწარმეო საქმიანობასა და მეცხოველეობის განვითარებაში.
პროექტი “უდაბნო” 5000 ჰექტარ მიწას ამუშავებს კახეთში, კერძოდ საგარეჯოში. ამ ეტაპზე, უკვე 2000 ჰექტარზე გაშენებულია ნუშის ბაღები, კენკროვანი სხვა და სხვა ჯიშები და ყურძნის უნიკალური სახეობები. ხოლო, მეცხოველეობის გასავითარებლად ჩამოყვანილი იქნა ხმელთაშუაზღვის კამეჩები, ალპური თხები და ქათმები.
ახალი კორონავირუსის პანდემიით გამოწვეული ვითარებიდან გამომდინარე, ეკონომიკისა და მდგრადი განვითარების სამინისტროს სააგენტო „აწარმოე საქართველოში“ პროგრამას „თანადაფინანსების მექანიზმი საოჯახო, მცირე და საშუალო სასტუმრო ინდუსტრიის ხელშეწყობისთვის“ განახორციელებს.
პროგრამის მიზანია ხელი შეუწყოს საქართველოში საოჯახო, მცირე და საშუალო ტიპის სასტუმროებს კომერციული ბანკების წინაშე ფინანსური ტვირთის შემსუბუქებას და მათ ბაზარზე ოპერირების გაგრძელებას. კერძოდ, აღნიშნულ ინდუსტრიაში მოქმედი იმ მეწარმე სუბიექტებისთვის დახმარება, რომელთაც ახალი კორონავირუსის (COVID-19) პანდემიით გამოწვეული ვითარებიდან გამომდინარე არ აქვთ შესაძლებლობა, უზრუნველყონ კომერციულ ბანკში აღებული სესხის დარიცხული საპროცენტო სარგებლის გადახდა.
პროგრამის პირობები:
აღნიშნული მექანიზმის ფარგლებში, სააგენტო „აწარმოე საქართველოში“ განახორციელებს, 2020 წლის 1-ლი მარტიდან მომდევნო 6 თვის განმავლობაში მეწარმე სუბიექტებისთვის სესხზე დარიცხული წლიური სარგებლის თანადაფინანსებას, როგორც აღნიშნული სესხისთვის 2020 წლის 1 მარტამდე წარმოშობილი დარიცხული საპროცენტო სარგებლის დასაფარად ასევე 2020 წლის 1 მარტის შემდეგ წარმოშობილი სასესხო ვალდებულებების დასაფარად.
განაცხადების მიღება გაგრძელდება 1 ივლისამდე!
დამატებითი კითხვების შემთხვევაში, გთხოვთ, დაუკავშირდეთ სააგენტოს მომსახურების ცენტრს ნომერზე: 1525.
წყარო: აწარმოე საქართველოში
საქსტატის მონაცემებით, პირველ კვარტალში ბიზნეს სექტორის ბრუნვის მოცულობამ 26 მილიარდი ლარი შეადგინა. წინა წლის ანალოგიურ პერიოდთან შედარებით ზრდა 13.5%-ია.
იანვარ-მარტში მთლიანი ბრუნვის 60% (ნაცვლად 54.5%-სა 2019 წლის პირველ კვარტალში) მოდის მსხვილ ბიზნესზე, 16.6% (ნაცვლად 17.4%-სა) – საშუალოზე, ხოლო 23.4% (28.1%-სა) – მცირე ბიზნესზე ნაწილდება.
ბიზნეს სექტორის პროდუქციის მთლიანი გამოშვების მაჩვენებელი კი 8.4%-ით აღემატება გასული წლის შესაბამის პერიოდის მაჩვენებელს და 10.3 მილიარდ ლარს შეადგენს.
პროდუქციის გამოშვების შემთხვევაში: მსხვილ ბიზნესზე – 44.3% (ნაცვლად 41.3%-სა), საშუალოზე – 24.4% (ნაცვლად 24.8%-სა), ხოლო მცირე ბიზნესზე – 31.3% (ნაცვლად 33.9%-სა) მოდის.
ბიზნეს სექტორის ბრუნვის (26 მილიარდი ლარი) სტრუქტურაში ყველაზე მაღალი წილი – 37.6%, რამაც 9.77 მილიარდი ლარი შეადგინა, მოდის ვაჭრობის დარგზე (ავტომობილების და მოტოციკლების რემონტის ჩათვლით). ამ დარგის ბრუნვა გასული წლის ანალოგიურ პერიოდთან შედარებით 7.1%-ით არის გაზრდილი.
მას მოსდევს: ხელოვნება, გართობა და დასვენება 27.8%-იანი წლით, ანუ 7.2 მილიარდი ლარით (ზრდა – 27.2%); დამამუშავებელი მრეწველობა – 8.9%, ანუ 2.3 მილიარდი ლარი (ზრდა – 11.5%), მშენებლობა – 5.8%, ანუ 1.5 მილიარდი ლარი (ზრდა – 14.9%), ტრანსპორტი და დასაწყობება – 5.4%, ანუ 1.4 მილიარდი ლარი (ზრდა – 74%).
საქსტატის მონაცემების თანახმად, პირველ კვარტალში ყველა სხვა დანარჩენ დარგებშიც ბრუნვა გაიზარდა, პროფესიული, სამეცნიერო და ტექნიკური საქმიანობის გარდა. ამ დარგის ბრუნვამ 330 მილიონი ლარი შეადგინა (წლიური შემცირება – 15%).
დასაქმებულთა საშუალო რაოდენობა 684,400 კაცით განისაზღვრა, რაც გასული წლის შესაბამისი პერიოდის მაჩვენებელს 3.1%-ით აღემატება. დასაქმებულთა მთლიანი რაოდენობიდან 41.8% ქალია.
დასაქმებულთა მთლიანი რაოდენობის 39.9% (ნაცვლად 36.9%-სა) – მსხვილ ბიზნესზე, 20.7% (ნაცვლად 20.6%-სა) – საშუალოზე, ხოლო დარჩენილი 39.4% (ნაცვლად 42.5%-სა) – მცირე ბიზნესზე მოდის.
საწარმოთა მთლიანი დანახარჯები პერსონალზე 2.4 მილიარდი ლარით განისაზღვრა (ზრდა – 10.3%). საშუალო თვიური ხელფასი ბიზნეს სექტორში 1,227 ლარს გაუტოლდა (ზრდა – 6.5%-ით, ანუ 75.2 ლარით).
საინფორმაციო სააგენტო სარკე, 08.06.2020
საქართველოს ბანკი ადგილობრივი მეწარმეებისა და ფერმერების მხარდაჭერას განაგრძობს და ამ მიზნით Visa-სთან, soplidan.ge-სთან და ფერმერთა ასოციაციასთან ერთად კამპანიას იწყებს. კამპანიის მიზანია ფერმერთა მხარდაჭერა და მათთვის საკუთარი პროდუქციის რეალიზაციაში კიდევ უფრო მეტი ხელშეწყობა. ასევე, კამპანიის მიზანია მომხმარებლისთვის სოფლის ნატურალური პროდუქტების შეღავათიან ფასში შეძენის შესაძლებლობის მიცემა.
კამპანიის ფარგლებში, ის ვინც დღეიდან 1 ივლისის ჩათვლით საქართველოს ბანკის ვიზა ბარათით განხორციელებს გადახდებს, შენაძენზე 20%-იანი ფასდაკლებით ისარგებლებს. SOLO-ებზე კი 25%-იანი ფასდაკლება იმოქმედებს. ასევე, კამპანიის პერიოდში საქართველოს ბანკის ვიზა ბარათით განხორციელებულ შენაძენზე მომხმარებელს გაორმაგებული PLUS ქულები დაერიცხება.
ავტორები იმედოვნებენ, რომ კამპანია წაახალისებს ადგილობრივი მაღალი ხარისხის პროდუქტის პოპულარიაზაციას და გაყიდვებს.
საქართველოს ბანკის შვილობილი კომპანია Galt & Taggart ახალ კვლევაში მიმოიხილავს რეგიონის ობლიგაციების ბაზარს.
კვლევის მიხედვით, ობლიგაციების მაჩვენებელი მაისში გაუმჯობესდა.
დოკუმენტის სრულად სანახავად მიჰყევით ბმულს
ეკონომიკისა და მდგრადი განვითარების მინისტრის ნათია თურნავას თქმით, სახელმწიფო პროგრამა „აწარმოე საქართველოში“ ფარგლებში იზრდება სესხის ოდენობა და არეალი. კერძოდ, თუ აქამდე პროგრამაში 100-მდე დარგი იყო, ახლა მათი რიცხვი ორმაგდება.
დამატებით გათვალისწინებულ დარგებს შორის თურნავამ საშენ მასალათა, პლასტმასის და სხვა მსგავსი წარმოებები დაასახელა და განაცხადა: „ჩვენ აქ ვხედავთ პოტენციალს, რომ, საკუთარ რესურსზე დაყრდნობით ბიზნესმა შეძლოს იმპორტზე დამოკიდებულების შემცირება და კონკურენტუნარიანი პროდუქცია მოაწოდოს ბაზარს და გაიტანოს ექსპორტზე“.
გარდა ამისა, მხოლოდ სოფლის მეურნეობის გადამამუშავებელი ინდუსტრიისთვის და კვების მრეწველობისთვის სახელმწიფო დაუშვებს, რომ ბიზნესმა ერთდროულად ორი პროგრამის დახმარებით ისარგებლოს, განაცხადა მინისტრმა. ამ დარგების ბიზნესი შეძლებს როგორც სოფლის მეურნეობის სამინისტროს პროგრამის ფარგლებში სესხის პროცენტის სუბსიდირებით, ასევე ეკონომიკის სამინისტროს ფარგლებში საკრედიტო-საგარანტიო სქემით ისარგებლოს, განმარტა მან.
რაც შეეხება სესხის პროცენტის სუბსიდირებას, თურნავას ინფორმაციით, ამით სარგებლობას შეძლებს 50,000 ლარიდან სესხის მქონე კომპანია, მაშინ როდესაც ადრე მინიმალური ზღვარი 150,000 ლარი იყო. ხოლო ზედა ზღვარი 5-დან 10 მილიონამდე იზრდება, განაცხადა მან და აღნიშნა, რომ თანადაფინანსების ხანგრძლივობა 24-დან 36 თვემდე იზრდება.
საინფორმაციო სააგენტო სარკე, 05.06.2020
PwC საქართველომ ინვესტორთა საბჭოსთან ერთად 16-27 აპრილს ონლაინ გამოკითხვის გზით კვლევა ჩაატარა, რომლის მიზანი იყო, კორონა ვირუსით გამოწვეული კრიზისის ნეგატიური ეფექტების გამოვლენა სხვადასხვა სექტორში.
კვლევის სანახავად მიჰყევით ბმულს.
გერმანულმა AE Solar-მა ქუთაისის თავისუფალ ინდუსტრიულ ზონაში მდებარე ქარხნიდან პროდუქციის (მზის ენერგიის მოდულები) პირველი პარტია აშშ-ში გააგზავნა. კომპანია აქამდე ექსპორტს ევროპასა და რეგიონის ქვეყნებში ახორციელებდა.
30 მაისს კომპანიის საქმიანობას ეკონომიკის მინისტრი ნათია თურნავა გაეცნო. „ქარხანა, პრაქტიკულად, საწარმოო სიმძლავრის გაორმაგებას გეგმავს, რაც მეტი ადამიანის დასაქმებას ნიშნავს“, განაცხადა მან.
სამინისტროს ინფორმაციით, კომპანიამ საქართველოში $10 მილიონზე მეტი ინვესტიცია განახორციელა, ამ ეტაპზე დასაქმებულია 140 ადამიანი.
საინფორმაციო სააგენტო სარკე, 02.06.2020
გერმანია მხარს უჭერს საქართველოს 90 მლნ. ევროს ოდენობის კრედიტით. ამის შესახებ საქართველოს ფინანსთა მინისტრის, ივანე მაჭავარიანისა და რეკონსტრუქციის საკრედიტო ბანკის სამხრეთ კავკასიის ოფისის ხელმძღვანელის, კლაუს ფაიგელის მიერ ხელი მოეწერა სასესხო შეთანხმებას გერმანიის რეკონსტრუქციის საკრედიტო ბანკთან (KfW).
შეთანხმება ეხება ენერგოსექტორის რეფორმის მხარდაჭერის მესამე ფაზას, რომელიც ხორციელდება საფრანგეთის განვითარების ბანკსა (AfD) და ევროკავშირის დელეგაციასთან თანამშრომლობით.
გერმანიის საელჩო თბილისი, 30.05.2020
მსოფლიოში შექმნილი ვითარებიდან გამომდინარე ბიზნეს სუბიექტებს ოპერირება განსაკუთრებულ რეჟიმში მოუწია.
კომპანია „დიო“-მ მენეჯმენტის ოპერატიული გადაწყვეტილებებით (შეიქმნა ოპერატიული შტაბი აღმასრულებელი დირექტორის თამაზ დაუშვილის ხელმძღვანელობით) შეძლო გამკლავებოდა სირთულეს , და უფრო მეტიც მომხმარებელს ახალი პროდუქტებიც შესთავაზა, (ინიციატორი და იდეის ავტორი გენერალური დირექტორი-ირმა დაუშვილია) როგორებიცაა: ავტომობილების სალონში სივრცის გამყოფი გამჭვირვალე ტიხარი, ულტრაგამჭვირვალე ფირის ტიხარი – ოფისებისა და სხვადასხვა დაწესებულებებისათვის, ორგმინის ტიხარი და მინის ტიხარი, რომლებიც მნიშვნელოვნად აუცილებელია ყველა ტიპის სამუშაო სივრცეში იქნება ეს ბანკები, აფთიაქები, სალაროები თუ ოფისები, რათა ინფიცირების რისკი შემცირდეს.
დიო-ს ოპერატიულმა შტაბმა მყისიერად მოახდინა რეაგირება საგანგებო რეგულაციებზე, ჩატარდა შიდა შეხვედრები, გადანაწილდა მოვალეობები და სათანადო სამოქმედო გეგმა განისაზღვრა. კომპანიის პერსონალს ჩაუტარდა საჭირო ინსტრუქტაჟი. რეგულარულად ტარდება საოფისე, საწარმოო, სასაწყობო სივრცეებისა და კუთვნილი ავტო-ტრანსპორტის დეზინფექცია. შენობის შიდა სივრცეში განთავსდა საინფორმაციო შინაარსის პოსტერები, სადეზინფექციო დოზატორები, ხსნარები. ვირუსის თავიდან ასაცილებლად ყველა აუცილებელი მოთხოვნა მკაცრად იქნა შემუშავებული და დაცული. სრულ ტერიტორიაზე განისაზღვრა 2 მეტრიანი სოციალური დისტანციის სავალდებულო დაცვა. თანამშრომელთა გარკვეული ნაწილი დისტანციურ სამუშაო რეჟიმზე გადავიდა. ამზომველი სპეციალისტები და სამონტაჟო ჯგუფის წევრები მომხმარებლებს სპეციალური ეკიპირებითა და უსაფრთხოების უკლებლივ ყველა ნორმის გათვალისწინებით ემსახურებიან. კომპანიაში ფუნქციონირებს ქმედითი მონიტორინგის სისტემა ზემოთ აღნიშნული პროცესების მუდმივი კონტროლის წარმოებისთვის.
„უსაფრთხო სამუშაო გარემო, თანამშრომლის ჯანმრთელობაზე ზრუნვა, მომხმარებლისათვის საიმედო და უსაფრთხო მომსახურება, ეს არის ჩვენი პრიორიტეტი, იმისათვის, რომ კომპანიამ შეძლოს გამართული, კვალიფიციური და წარმატებული საქმიანობა! „ – აღნიშნავს კომპანია „დიო-ს მენეჯმენტი.
„დიო“ მრავალწლიანი გამოცდილების მქონე უპირობოდ ლიდერი კომპანიაა, უმაღლესი ხარისხი და მუდმივად მომხმარებლებზე ზრუნვა – ეს არის კომპანიის განაცხადი, ბაზარზე კი ერთ-ერთ წამყვან პოზიციას ინარჩუნებს. ამავდროულად კომპანიას მაღალი სოციალური პასუხისმგებლობა გააჩნია, რაზეც ბევრი ფაქტორი მიუთითებს.