March 2021

21 მარტი – დაუნის სინდრომის საერთაშორისო დღეა. “საქართველოს დაუნის სინდრომის ასოციაციის“ ყოველწლიურ კამპანიაში #წინდამინდა დიო ყოველ წელს სიამოვნებით ერთვება და მხარდასაჭერად მზადყოფნას მუდმივად გამოხატავს.

2021 წლის მსოფლიო დღის გზავნილი იყო: #ჩვენვაკავშირებთ.

დიომ ტრადიციულად, სპეციალურად ამ დღისთვის შექმნილი დაუნის სინდრომის მქონე ბავშვების ნახატების ესკიზებით გაფორმებული ულამაზესი წინდები შეიძინა, ფერადი ანაბეჭდებით კი სიმბოლურად საკუთარი მხარდაჭერა გამოხატა.

„ დღევანდელ, შეზღუდვებით და გამოწვევებით სავსე გარემოში, ერთმანეთზე ზრუნვა და დახმარების კულტურა ისეთი მნიშვნელოვანია, როგორც არასდროს. წლევანდელი გზავნილი განსაკუთრებით მნიშვნელოვანია, ვინაიდან ჩვენ  ცხოვრების ყველა ეტაპზე მართლაც ვაკავშირებთ ადამიანებს სადაც არ უნდა იყვნენ ისინი – ზრდისთვის, განვითარებისთვის, გაძლიერებისთვისა და წარმატებისთვის, ვვითარდებით მუდმივად და ნებისმიერი წინააღმდეგობის მიუხედავად ვაგრძელებთ წინსვლის უწყვეტ პროცესს!” – აცხადებენ კომპანიაში.

წაიკითხეთ ჩვენი წევრების სიახლეები 

საერთაშორისო ლოგისტიკურმა კომპანიამ გამოაქვეყნა ინფორმაცია გასული ფინანსური წლის განმავლობაში 1,77 მილიარდი ევროს ოდენობით წმინდა გაყიდვების შესახებ / ძირითადი მიღწევებიდან აღსანიშნავია პროცესების დიგიტალიზაცია, მდგრადი განვითარება და გლობალური ქსელის ზრდა.

ლაუტერახი, 16 მარტი, 2021. საერთაშორისო სატრანსპორტო და ლოგისტიკურმა კომპანიამ Gebrüder Weiss-მა გამოაქვეყნა ინფორმაცია 2020 ფინანსური წლის განმავლობაში 1,77 მილიარდი ევროს ოდენობით წმინდა გაყიდვების შესახებ. აღნიშნული მონაცემები ასახავს წლიურ ზრდას 3,7 პროცენტის ოდენობით (2019 წ.: 1,71 მილიარდი ევრო). ამგვარად, კომპანია კვლავ აგრძელებს წინა წლებში დაფიქსირებული ზრდის უზრუნველყოფას. „ჩვენი განვითარების დადებითი მაჩვენებლის საკვანძო მომენტს წარმოადგენს ის ფაქტი, რომ Covid-19-თან დაკავშირებული კრიზისის დროს ჩვენ დავრჩით მოქნილები და შევინარჩუნეთ სრულფასოვანი მუშაობის უნარი მსოფლიოს ყველა ლოკაციაზე. ჩვენ შევინარჩუნეთ მომხმარებლების  საჭიროებებზე მორგებული სატრანსპორტო გადაწყვეტებით უზრუნველყოფის უნარი, არაერთი „ლოქდაუნისა“ და გლობალურად სატვირთო სივრცეების დეფიციტის მიუხედავად. ჩვენმა თანამშრომლებმა შესანიშნავად იმუშავეს არსებულ რთულ პირობებში“, – ამბობს ვოლფრამ სენგერ-ვეისი, Gebrüder Weiss-ის მმართველი საბჭოს თავმჯდომარე.

საუკეთესო ორივე სამყაროდან: ციფრული სტრატეგია თავის ღირებულებას ადასტურებს
კომპანიამ მიმდინარე დიგიტალიზაციის მიმართულებით ისტორიული მნიშვნელობის ნაბიჯი გადადგა, როდესაც 2020 წელს მომხმარებლებისთვის ახალი პორტალი myGW დანერგა.  ონლაინ-პლატფორმა მომხმარებელს სთავაზობს  სწრაფ, პირდაპირ და მარტივ წვდომას Gebrüder Weiss-ის ყველა მომსახურებაზე და ასევე უზრუნველყოფს რეალური დროის რეჟიმში ინფორმაციას შეკვეთის სტატუსის შესახებ. „ჩვენმა ციფრულმა სტრატეგიამ „საუკეთესო ორივე სამყაროდან“, რომელშიც მატერიალური და ციფრული კომპეტენციის ერთობლიობას ვგულისხმობთ, სწორედ ამ კრიზისის დროს გაამართლა ყველაზე მეტად. ჩვენ შევძელით ჩვენი, როგორც საიმედო და ინოვაციური ლოგისტიკური პარტნიორის რეპუტაციის გამყარება. მომხმარებლების დადებითმა გამოხმაურებამ კიდევ ერთხელ დაადასტურა ჩვენი სტრატეგიული მიმართულების სისწორე“, – ამბობს ვოლფრამ სენგერ-ვეისი. მომხმარებელთა პორტალი ამჟამად დანერგილია ავსტრიაში, გერმანიაში, შვეიცარიაში, უნგრეთში, სლოვაკეთსა და ჩეხეთის რესპუბლიკაში. მიმდინარე წელს დაგეგმილია სხვა ქვეყნებში დანერგვა.

გაფართოვდა მსოფლიო ქსელი
2020 წელს კომპანია Gebrüder Weiss-მა ასევე მიაღწია ახალ პროგრესს გლობალური მასშტაბით სტრატეგიულ გაფართოებაში: საჰაერო და საზღვაო გადაზიდვების მიმართულებით, კომპანია Gebrüder Weiss-მა დაამატა ლოკაციები გერმანიაში და გავიდა პოლონეთის, სამხრეთ კორეის, მალაიზიის, ავსტრალიისა და ახალი ზელანდიის ბაზრებზე. „მოგზაურობების შეზღუდვების გათვალისწინებით, აღნიშნული გაფართოებები დამუშავდა და განხორციელდა დისტანციურ სამუშაო რეჟიმში. ამან სხვადასხვა გუნდის წინაშე რთული ამოცანები დააყენა, რომლებსაც ისინი წარმატებით გაუმკლავდნენ კომუნიკაციის ციფრული საშუალებების დახმარებით“ – ამბობს ბატონი სენგერ-ვაისი. ამჟამად საერთაშორისო ქსელში დასაქმებულია 7 400 თანამშრომელი (სრული განაკვეთით მომუშავე თანამშრომლები) 35 ქვეყნის 170 ლოკაციაზე. მთლიანობაში, ლოგისტიკურმა კომპანიამ 70 მილიონ ევროზე მეტი ინვესტიცია მოახდინა თავისი ტერმინალების ქსელის გაფართოებაში, IT ინფრასტრუქტურაში და აგრეთვე სხვა აქტივების შესყიდვაში. აქტივებში საკუთარი კაპიტალის კოეფიციენტმა კვლავ გადააჭარბა 60 პროცენტს, რაც ადასტურებს კომპანიის სიძლიერესა და განვითარების შესაძლებლობას, არახელსაყრელი პირობების მიუხედავად.

ფოკუსირება ეკოლოგიურ საკითხებზე: CO₂ ნეიტრალურობის მიღწევა 2030 წლისთვის
მკაფიოდ განსაზღვრული მიზნები ასევე წარმოადგენს Gebrüder Weiss-ის ეკოლოგიური რაციონალობის სტრატეგიის საავტორო ნიშანს: ყოველწლიურად ათი პროცენტით CO₂-ის გამოყოფის შემცირების გზით, კომპანიის მიზანია 2030 წლისთვის გახდეს CO₂ ნეიტრალური კომპანია. გატარებული ღონისძიებები მოიცავს ფოტოელექტრული (მზის პანელების) სისტემების ეტაპობრივ დამონტაჟებას საკუთარ ლოგისტიკურ ტერმინალებზე, ასევე სატვირთო მანქანებში ისეთი მოწინავე ალტერნატიული ტექნოლოგიების გამოყენების გაფართოებას, როგორიცაა ელექტროენერგია, გაზი და წყალბადი. გასული წლიდან, კომპანია Gebrüder Weiss ასევე სთავაზობს მომხმარებლებს ნახშირბადის გამოყოფის დაბალანსების შესაძლებლობას გარემოს დაცვითი სერტიფიცირებული პროექტების მხარდაჭერის გზით.

კომპანიის ცალკეული დანაყოფების განსხვავებული განვითარება გასული წლის ეკონომიკური ცვალებადობის შედეგს ასახავს. სხვადასხვა შეზღუდვებისა და ზოგიერთი კლიენტის ქარხნების დახურვის გამო, განსაკუთრებით 2020 წლის მეორე კვარტალში, სახმელეთო ტრანსპორტისა და ლოგისტიკის მიმართულებების გაყიდვების მოცულობა 4,3 პროცენტით შემცირდა და 1,10 მილიარდი ევრო შეადგინა (2019 წ.: 1,15 მილიარდი ევრო). საცალო ონლაინ-გაყიდვებზე გაზრდილმა მოთხოვნამ პროდუქციის სახლში მიწოდების სერვისის 29 პროცენტით ზრდა გამოიწვია (1,37 მილიონი მიწოდება 2020 წელს). ამ სფეროში Gebrüder Weiss გახდა ბაზრის ლიდერი ავსტრიასა და აღმოსავლეთ ევროპის რამდენიმე ქვეყანაში. საჰაერო და საზღვაო გადაზიდვების მოცულობა გაიზარდა 23,7 პროცენტით (2019 წ.: 380 მილიონი ევრო) და შედგინა 470 მილიონი ევრო. ბიზნესის მაღალეფექტურ მაჩვენებლებთან ერთად, განსაკუთრებით საჰაერო გადაზიდვების სექტორში, Ipsen Logistics-ის შეძენამ დადებითი გავლენა იქონია. სერიოზული პრობლემების ფონზე, DPD ავსტრიამ, რომელიც ნაწილობრივ Gebrüder Weiss-ის ამანათების სერვისის მფლობელობაშია, 57 მილიონზე მეტი ამანათი მიიტანა მომხმარებლებთან. კორონავირუსით გამოწვეული კრიზისის მიუხედავად, კომპანიამ წარმატებით მოახერხა ამ სერვისის მოცულობის ათი პროცენტზე მეტი ზრდის წარმატებით გამკლავება.

გერმანიის ეკონომიკური გაერთიანების წევრი კომპანია Nexia TA საქართველოს ბანკთან თანამშრომლობით, სოლოს მომხმარებლებს სთავაზობს ფიზიკური პირის წლიური საშემოსავლო დეკლარაციების მომზადებასა და წარდგენას სპეციალურ ფასად.

დეტალებისთვის მიჰყევით ბმულს  

Nexia TA საერთაშორისო მასშტაბის პროფესიონალთა ერთიანი გუნდია, რომელიც საკუთარ მომხმარებლებს ეხმარება მიიღონ მნიშვნელოვანი და შედეგიანი გადაწყვეტილებები ისეთი მიმართულებებით, როგორებიცაა: აუდიტი, გადასახადები, ბუღალტერია, კონსალტინგი, იურიდიული მომსახურება და სხვა.

საქართველოს ბანკი, როგორც ფინანსური ინსტიტუტი, რომელიც ქალი მეწარმეების მხარდასაჭერად არაერთ პროექტს ახორციელებს, მათ კიდევ ერთ სიახლეს სთავაზობს.  პანდემიის შედეგად საგრძნობლად გაზრდილი ონლაინ გაყიდვების ფონზე, ბანკი ქალ მეწარმეებს, Visa-სთან პარტნიორობით, ციფრული ადაპტაციის უფასო პროგრამას სთავაზობს.

პროექტის ფარგლებში 100 შერჩეული ქალი მეწარმე, რომელიც საქართველოს ბანკის მომხმარებელია, ავტომატურად ჩაერთვება ციფრული ადაპტაციის პროგრამა „Adapter“-ში, რომელიც ბიზნესს ისეთ მნიშვნელოვან საკითხებში უწევს დახმარებას, როგორიცაა: დისტანციური გაყიდვები, გაყიდვების და მარაგების მართვა, საბანკო სერვისები, დისტრიბუცია და ლოგისტიკა.

გარდა ამისა, ბანკი ბიზნესების წახალისების მიზნით, იზრუნებს მეწარმეების პროდუქციის სოციალური ქსელებით უკეთ წარმოჩენასა და ცნობადობის ზრდაზე.

დამატებითი ინფორმაციის მიღება შესაძლებელია ამ ბმულზე.

გერმანიის ეკონომიკური გაერთიანების წევრი,  საერთაშორისო აუდიტორული და ბიზნეს საკონსულტაციო კომპანია გრანთ თორნთონი საქართველოს ბანკთან თანამშრომლობით, სოლოს მომხმარებლებს სთავაზობს ფიზიკური პირის წლიური საშემოსავლო დეკლარაციების მომზადებასა და წარდგენას სპეციალურ ფასად.

შეთავაზება ძალაშია 31 მარტამდე.

დეტალებისთვის მიჰყევით ბმულს  

გრანთ თორნთონი მსოფლიოს ერთ-ერთი წამყვანი დამოუკიდებელი აუდიტორული და ბიზნესსაკონსულტაციო კომპანიების საერთაშორისო ქსელია, რომელიც სტაბილურადაა წარმოდგენილი აუდიტორული კომპანიების ყოველწლიური რეიტინგების ტოპათეულში. მისი გუნდის წევრები ეცნობიან საჯარო თუ კერძო კომპანიების წინაშე მდგარ გამოწვევებს და ეხმარებიან მათ პრობლემების გადაწყვეტაში.

DWV-ს წევრობა

გერმანიის ეკონომიკური გაერთიანების წევრი იურიდიული ფირმა BLC law Office აცხადებს კონკურსს იურიდიული ფაკულტეტის სტუდენტებისთვის სტიპენდიის მოსაპოვებლად. სტიპენდია გამიზნულია იმ სტუდენტთა წასახალისებლად, რომლებიც გამოირჩევიან მაღალი აკადემიური მაჩვენებლებით და აქტიურად მონაწილეობენ უნივერსიტეტის სამეცნიერო და საზოგადოებრივ საქმიანობაში.

უმაღლესი სასწავლებლების წარმატებულ სტუდენტებს საშუალება ექნებათ მოიპოვონ სასწავლო სტიპენდია, რომელიც გაიცემა აკადემიური სასწავლო წლის გაზაფხულის სემესტრში. შესარჩევ კანდიდატთა შეფასება განხორციელდება აკადემიური მოსწრებით და ქვემოთ მოცემული დამატებითი კრიტერიუმებით.

• სტიპენდიის მოპოვებას შეძლებს კონკურსში მონაწილე 2 კანდიდატი;
• სტიპენდიის ოდენობა: 1500 ლარი;
• დოკუმენტების გამოგზავნა შესაძლებელია 2021 წლის 10 მარტიდან 31 მარტის ჩათვლით.

დამატებითი ინფორმაციისთვის გადადით ამ ბმულზე.