გერმანიის ეკონომიკური გაერთიანების (DWV) წევრი, ProCredit Bank Georgia, ევროპის რეკონსტრუქციისა და განვითარების ბანკთან (EBRD) ერთად ახორციელებს პროგრამას Women in Business.
პროგრამა მხარს უჭერს მეწარმე ქალებს ბიზნესის განვითარებაში და ფინანსურ რესურსებთან ერთად სთავაზობს არაფინანსურ მხარდაჭერასაც, მათ შორის ტრენინგებს, საკონსულტაციო პროექტებსა და განვითარების შესაძლებლობებს. მისი მიზანია ქალების გაძლიერება ბიზნესის მართვაში და მდგრადი ზრდის ხელშეწყობა.
პროგრამის ფარგლებში განხორციელდა ექვსთვიანი საკონსულტაციო პროექტი ფინანსური მართვის თემაზე, რომელშიც სხვადასხვა სფეროში მოღვაწე ოთხი მეწარმე ქალი მონაწილეობდა. მთავარი აქცენტი გაკეთდა ფინანსურ დაგეგმვაზე, მონაცემებზე დაფუძნებულ გადაწყვეტილებებსა და ბიზნესის მდგრად განვითარებაზე.
Women in Business პროგრამა EBRD-სა და ProCredit Bank-თან პარტნიორობით უკვე მესამე წელია ხორციელდება. პროექტი ფინანსდება ევროკავშირის მიერ, აღმოსავლეთ პარტნიორობის ქვეყნებში რეგიონული Women in Business პროგრამის ფარგლებში.