19 ნოემბერს TBC უმასპინძლებს ონლაინ ბიზნესფორუმს. მთავარი სპიკერი საკომუნიკაციო და სარეკლამო კომპანიების VaynerX და VaynerMedia დამფუძნებელი, ბელარუსული წარმომავლობის ამერიკელი გარი ვაინერჩუკი იქნება.
ვაინერჩუკის კომპანიების სათაო ოფისები მდებარეობს ნიუ-იორკში და ემსახურება Fortune 100-ის სიაში მყოფ ბიზნესებს თავიანთი 4 ლოკაციიდან, რომლებიც მსოფლიოს სხვადასხვა ქვეყანაში მდებარეობს.
ბიზნესფორუმზე დამსწრეებს შეეძლებათ სხვადასხვა სფეროში მომუშავე საინტერესო სპიკერების მოსმენა.
სპიკერები ისაუბრებრენ ისეთ თემებზე როგორიცაა: თანამედროვე ბიზნესის გამოწვევები, ციფრული ტრანსფორმაციის მნიშვნელობა ბიზნესის განვითარებაში, დიჯიტალიზაცია და ბიზნესი, ციფრული კომუნიკაცია და მარკეტინგი, მომხმარებლებზე ორიენტირებული (customer-centric) ბიზნესი, მომხმარებელთან უკუკავშირის მნიშვნელობა და ა.შ.