393
პანდემიის გამო ბავშვთა და ზრდასრულთა სხვადასხვა ღონისძიებებზე ახალი რეკომენდაციები გაიცა.
როგორც შრომის ინსპექტირების დეპარტამენტის უფროსი, ბექა ფერაძე აღნიშნავს, ჩამოთვლილი ღონისძიებების ხანგრძლივობა არ უნდა აღემატებოდეს 2 საათს. ამასთანავე, დახურულ სივრცეებში სავალდებულოა ბუნებრივი ვენტილაცია, ასევე ყველა სახის ინსტრუმენტისა და აღჭურვილობის რეგულარული დეზინფექცია.
საგანმანათლებლო და სააღმზრდელო დაწესებულებებისგან განსხვავებით, შემოქმედებითი საქმიანობისთვის გასატარებელი რეკომენდაციების თანახმად, საიზოლაციო ოთახი არ იქნება აუცილებელი.
გარდა ამისა, რეკომენდაციაა, რომ მაქსიმუმ 10 ადამიანის სარეპეტიციო საქმიანობა დაიშვას ერთ სივრცეში. რეკომენდებულია 10-ზე მეტი პირის შემთხვევაში სარეპეტიციო სივრცეში 5 კვ.მ ზე ერთი პირი განთავსდეს.