2021 წლის მაისში საქართველო აზიის განვითარების ბანკის (ADB) ყოველწლიურ შეხვედრას უმასპინძლებს

აზიის განვითარების ბანკის (ADB) ცნობით, 2021 წლის 2-5 მაისს საქართველოში ADB-ის ყოველწლიურ შეხვედრა გაიმართება.

ღონისძიებაში 5,000-მდე მაღალი რანგის სტუმარი მიიღებს მონაწილეობას, იუწყება საქართველოს ფინანსთა სამინისტრო.

აღსანიშნავია, რომ მიმდინარე წლის 17-18 სექტემბერს, ვირტუალურ ფორმატში ჩატარებული ADB-ის ყოველწლიური შეხვედრის ფარგლებში, საქართველოს ფინანსთა მინისტრი ივანე მაჭავარიანი ერთი წლის ვადით ADB-ის მმართველთა საბჭოს თავმჯდომარედ აირჩიეს.

ცნობისთვის, ADB-ის სექტემბრის შეფასებით, 2020 წელს საქართველოს ეკონომიკა 5%-ით შემცირდება (ივნისის პროგნოზი იყო -5%, აპრილის – 0%), ხოლო 2021 წელს პროგნოზირებულია 4.5%-იანი ზრდა (ივნისის პროგნოზი იყო 5%, აპრილის – 4.5%).