გერმანიის ეკონომიკური გაერთიანების წევრი საქართველოს ბანკი, საზღვარგარეთ მყოფი სტუდენტებისთვის საზაფხულო სტაჟირების პროგრამას აცხადებს.
სტუდენტებს, რომლებიც საქართველოს ფარგლებს გარეთ არსებულ უნივერსიტეტში სწავლობენ, სტაჟირების ფარგლებში შესაძლებლობა ექნებათ, პრაქტიკული გამოცდილება ქვეყნის წამყვან ფინანსურ კომპანიაში მიიღონ.
პროგრამა სტუდენტებს სთავაზობს შესაძლებლობას, განავითარონ პროფესიული უნარები ბანკის სხვადასხვა მიმართულებით. პროფესიონალი გუნდის მხარდაჭერით, სტაჟიორები კონკრეტულ დავალებებს შეასრულებენ და საკუთარი განვითარების შესახებ რეგულარულ უკუკავშირს მიიღებენ.
განაცხადების მიღება 2026 წლის 22 მაისამდე გაგრძელდება. ბანკი დაინტერესებულ პირებს ურჩევს, განაცხადი დროულად შეიტანონ, რადგან გასაუბრებები უკვე განაცხადების მიღების პროცესში ჩატარდება.
სტაჟირება ოთხიდან რვა კვირამდე გაგრძელდება და მიმართულების მიხედვით, სრულად ოფისში ან ჰიბრიდულ ფორმატში ჩატარდება.
სტაჟიორებს შესაძლებლობა ექნებათ, საქართველოში ზაფხულის გატარების პერიოდში მნიშვნელოვანი პროფესიული კონტაქტები დაამყარონ და საკუთარი კარიერული ინტერესები უკეთ განსაზღვრონ.
დეტალებს გაეცანით ამ ბმულზე.