მიმდინარე წლის 10-12 მაისს საქართველოში გერმანიის რეკონსტრუქციის საკრედიტო ბანკის (KfW) დელეგაციის ვიზიტი იმართება.
ვიზიტის მიზანია იმ პროექტების დათვალიერება, რომლებსაც საქართველოში, გერმანიის მთავრობის ფინანსური ხელშეწყობით, KfW ახორციელებს ისევე, როგორც ინფორმაციული ხასიათის შეხვედრები ქართველ პარტნიორებთან, იუწყება საქართველოში გერმანიის საელჩო.
კერძოდ, ვიზიტის ფარგლებში დაგეგმილია შეხვედრები საქართველოს სახელმწიფო ელექტროსისტემაში, გარემოს დაცვისა და სოფლის მეურნეობის სამინისტროში, დაცული ტერიტორიების სააგენტოში, თბილისის მერიაში და სხვა.