fbpx
Startseite » news_ge » ბათუმის წყალმომარაგების გასაუმჯობესებლად გერმანია საქართველოს 55 მლნ ევროს გამოუყოფს

ბათუმის წყალმომარაგების გასაუმჯობესებლად გერმანია საქართველოს 55 მლნ ევროს გამოუყოფს

by Salome Mumladze

გერმანიის მთავრობა საქართველოს 55 მილიონ ევროს გამოუყოფს ბათუმის მუნიციპალური ინფრასტრუქტურის პროექტის მეხუთე ფაზისათვის.

ამ თანხიდან 53 მილიონი ევრო სესხია, ხოლო 2 მილიონი ევრო – გრანტი ბათუმის წყალის (მუნიციპალური წყალმომარაგების კომპანია) ხელშეწყობის მიზნით.

დაფინანსების შეთანხმებას საქართველოს ფინანსთა სამინისტროსა და გერმანიის რეკონსტრუქციის საკრედიტო ბანკს (KfW) შორის ხელი მიმდინარე 7 დეკემბერს მოეწერება, იუწყება საქართველოში გერმანიის საელჩო.

შეთანხმების შედეგად უზრუნველყოფილი უნდა იყოს ბათუმის მზარდი მოსახლეობის სასმელი წყლით გაუმჯობესებული მომარაგება.

KfW-ის მეშვეობით ბათუმის წყლის ინფრასტრუქტურისთვის დღემდე დაახლოებით 138 მილიონი ევროა გამოყოფილი.

შედეგად 200,000-ზე მეტ ადამიანს, რომლებსაც ადრე დღეში მხოლოდ რამდენიმე საათის განმავლობაში ჰქონდათ წვდომა სასმელ წყალზე, ახლა წყალი უწყვეტად მიეწოდება, აღნიშნავს საელჩო.

You may also like

Diese Website verwendet Cookies. Wenn Sie auf dieser Website surfen, stimmen Sie der Verwendung von Cookies zu. Akzeptieren Weitere Informationen erhalten Sie hier.

X