ორიენტ ლოჯიკის გუნდის მორიგი წარმატება. კომპანია არის wCIS-ის მასშტაბით ერთადერთი კომპანია, რომელმაც Dell Technologies 2021 წლის საპარტნიორო ფორუმზე ერთდროულად ორ ნომინაციაში გაიმარჯვა.
ღონისძიების ფარგლებში, Dell Technologies-მა კომპანია wCIS-ის მასშტაბით ახალი ბიზნესის განვითარების მიმართულებით ლიდერ კომპანიად დაასახელა, რაც კიდევ ერთხელ უსვამს ხაზს ჩვენი გუნდის როლს ქართულ ბაზარზე თანამედროვე, უახლესი ტექნოლოგიების დანერგვისა და განვითარების მიმართულებით. ახალი ბიზნესის განვითარების მიმართულებით დაწესებული ჯილდო გადაეცემა Dell Technologies-ის იმ პარტნიორებს, რომლებიც აქტიურად ზრუნავენ ტექნოლოგიური ინდუსტრიის განვითარებასა და გაფართოებაზე ახალი კომპანიებისა და ბაზრის ახალი მოთამაშეების აქტიური ტექნოლოგიური ინტეგრაციის საფუძველზე.
აღნიშნული ჯილდოს გარდა, Dell Technologies-მა ასევე პერსონალურად დააჯილდოვა გუნდის ინფრასტრუქტურული გადაწყვეტილებების გაყიდვების მენეჯერი – ალექს ზილინსკი, Dell Technologies მსხვილი და მასშტაბური პროექტების წარმატებით განხორციელებისთვის.
შეგახსენებთ, რომ ორიენტ ლოჯიკი Dell Technologies პლატინუმ პარტნიორია. ორიენტ ლოჯიკის გუნდი ყოველდღიურ რეჟიმში აქტიურად ახორციელებს ქართულ ბაზარზე Dell Technologies-ის უახლესი გადაწყვეტილებების დანერგვასა და მსხვილი ტექნოლოგიური პროექტების წარმატებით განხორციელებას.