საქართველოს ბანკის მხარდაჭერით ონში ჭიორა ჰესი შენდება

ონის მუნიციპალიტეტში (რაჭა) 17 მვტ სიმძლავრის ჭიორა ჰესი შენდება, სამუშაოები 2020 წელს დაიწყო. პროექტის ჯამური ღირებულება $26 მილიონია, საიდანაც $20.1 მილიონი საქართველოს ბანკმა გამოყო.

ჰესის მიერ გამომუშავებულ ელექტროენერგიას 10 წლის განმავლობაში სახელმწიფო შეისყიდის და წლის ჭრილში 8 თვის განმავლობაში მოიხმარს, ხოლო 4 თვე ელექტროენერგიის რეალიზაცია თავისუფალ ბაზარზე მოხდება.