გერმანიის ეკონომიკური გაერთიანების წევრმა კომპანიამ – MyTalent.io, რომელიც 2017 წლიდან ასაქმებს ვირტუალურ ასისტენტებს საერთაშორისო კომპანიებსა და მეწარმეებთან გერმანულენოვან რეგიონებში სხვადასხვა ონლაინ სამუშაოზე, 2021 წელს აქტიურად დაიწყო ISO 10667-2:2020 სტანდარტის დანერგვის პროცესი.
ISO 10667-2:2020 სტანდარტი გულისხმობს HR მომსახურების კომპანიების შიდა და გარე პროცესების ოპტიმირებას, შეფასების ინსტრუმენტების ეფექტურობის გაუმჯობესებასა და კლიენტისა და კანდიდატის მუდმივი განვითარების ხელშეწყობას.
აღნიშნული სტანდარტის დანერგვის პროცესი განხორციელდა Towering Certification Intl. საერთაშორისო მასერტიფიცირებელი ორგანოსა და კომპანია EVA-ს (Towering Certification Intl. ის ოფიციალური პარტნიორი საქართველოში და გერმანიის ეკონომიკური გაერთიანების წევრი კომპანია) მხარდაჭერით.
MyTalent.io საქართველოში პირველი ISO 10667-2:2020 სერტიფიცირებული დასაქმების კომპანიაა და ის აგრძელებს EVA-სთან აქტიურ თანამშრომლობას პროცესების მუდმივი გაუმჯობესების მიზნით. EVA ეხმარება ინდივიდუალურ პირებსა და ორგანიზაციებს მდგრად განვითარებასა და გაუმჯობესებაში.