შეზღუდვების შემსუბუქება თებერვალში გრძელდება

დღევანდელ უწყებათაშორისი საბჭოს სხდომაზე გამოცხადდა თებერვლის თვეში შეზღუდვების შემსუბუქების მეორე ეტაპი, რაც ითვალისწინებს შემდეგს:

• იმ ქალაქებში, სადაც საზოგადოებრივი ტრანსპორტის მოძრაობა შეჩერებული იყო, 8 თებერვლიდან შეზღუდვა იხსნება;
• ასევე 8 თებერვლიდან გაიხსნება ბაზრობები;
• 15 თებერვლიდან საქართველოს მასშტაბით გაიხსნება სკოლები და სწავლა გაგრძელდება საკლასო ოთახებში;
• 15 თებერვლიდან კვების ობიექტებს და რესტორნებს საშუალება ექნებათ, გახსნან ღია სივრცეები და მიიღონ სტუმრები;

აღნიშნული შემსუბუქება არ ეხება შაბათ-კვირას. ასევე ძალაში რჩება გადაადგილების შეზღუდვა 21 საათიდან 5 საათამდე.
გარდა ამისა, სიახლეა ის, რომ

• ნიღბის ტარების წესის დარღვევის განმეორების შემთხვევაში, ჯარიმა ორმაგდება;
• სუბსიდირების პროგრამა რესტორნებთან ერთად შეეხება სპორტის ინდუსტრიას და კერძო საბავშვო ბაღებსაც;
• რეგულაციების მიზანმიმართული დარღვევის შემთხვევაში, ორგანიზაციები სახელმწიფოს მხრიდან სუბსიდირებას ვეღარ მიიღებენ.

შემდეგი შეზღუდვების მოხსნა განიხილება 15 თებერვლის შემდეგ.