fbpx
Startseite » news_ge » საერთაშორისო პარტნიორები საქართველოს მწვანე ენერგეტიკის მიმართულებით რეფორმების განხორციელებაში დაეხმარებიან

საერთაშორისო პარტნიორები საქართველოს მწვანე ენერგეტიკის მიმართულებით რეფორმების განხორციელებაში დაეხმარებიან

by Salome Mumladze

საქართველოს მწვანე მიმართულებით დაგეგმილ რეფორმებში დახმარებას გერმანიის რეკონსტრუქციის საკრედიტო ბანკი (KfW), საფრანგეთის განვითარების სააგენტო (AFD) და საქართველოში ევროკავშირის დელეგაცია გაუწევენ.

მხარეთა შორის განზრახულობათა დეკლარაციის ცვლილებას (საქართველოს ენერგეტიკის სექტორის რეფორმის მხარდაჭერა) ხელი თბილისში, 24 ნოემბერს მოეწერა.

ცვლილებები, მათ შორის, ითვალისწინებს განახლებადი ენერგიის სექტორის მხარდაჭერას, მწვანე წყალბადის გამოყენების დაწყებას, გარდამავალ პერიოდში სოციალურად მოწყვლადი მოსახლეობის მხარდაჭერას, კლიმატის მიმართ მდგრადობის, ჰაერის ხარისხის უზრუნველყოფას, ნარჩენების მართვას და სხვა, იუწყება ფინანსთა სამინისტრო.

როგორც უწყება აღნიშნავს, „პარტნიორების მხრიდან მიღებული ეს გადაწყვეტილება, მნიშვნელოვანი ნაბიჯი იქნება საქართველოს ევროკავშირში გაწევრიანებისკენ მიმავალ გზაზე“.

You may also like

Diese Website verwendet Cookies. Wenn Sie auf dieser Website surfen, stimmen Sie der Verwendung von Cookies zu. Akzeptieren Weitere Informationen erhalten Sie hier.

X