გადაწყვეტილების მიზანია ახალი კორონავირუსის გავრცელების თავიდან აცილება
ახალი კორონავირუსის გავრცელების თავიდან ასაცილებლად, საქართველომ 18 მარტის 00:00 საათიდან, სახელმწიფო საზღვარზე უცხო ქვეყნის მოქალაქეების შემოსვლა აკრძალა. გადაწყვეტილება ძალაშია 1-ელ აპრილამდე.
როგორც მთავრობის ადმინისტრაციაში გამართულ ბრიფინგზე პრემიერის პრესსპიკერმა, ირაკლი ჩიქოვანმა განაცხადა, საქართველოს მოქალაქეებს, რომლებიც სამშობლოში დაბრუნების სურვილს გამოთქვამენ, მიეცემათ შესაძლებლობა, ისარგებლონ საქართველოს ავიახაზების პირდაპირი ფრენებით.
