| საქართველოს წამყვანი მუსიკალური ბიზნესკომპანია “ბრავო რექორდსის” ინიციატივით და გერმანიის საელჩოსა და DWV-ს წევრების Knauf-სა და ProCredit Bank-ის მხარდაჭერით, ცნობილი გერმანელი ორღანისტი, კლავესინისტი და დირიჟორი, ბ-ნი იორგ ჰალუბეკი, მსმენელს იოჰან სებასტიან ბახის საორღანო მუსიკის სამყაროში ამოგზაურებს.
ბ-ნი იორგ ჰალუბეკი ლინცის და შტუტგარტის სახელმწიფო მუსიკალური უნივერსიტეტების პროფესორია, იგი ასევე ითვლება შუა საუკუნეების ინსტრუმენტებზე – ორღანსა და კლავესინზე, მსოფლიოში ერთერთ საუკეთესო შემსრულებლად. ღონისძიება გაიმართება 8 ოქტომბერს, 20:00 საათზე თბილისის სახელმწიფო კონსერვატორიის დიდ საკონცერტო დარბაზში. ბილეთების შესაძენად ეწვიეთ ამ ბმულს. |
